ສະບາຍດີປີ 2012

1.641 29 ທ.ວ. 2011 ນານາສາລະ

<p style="text-align: justify;"> ວັນ​ເວ­ລາ​ໝູ­ນວຽນ​ປ່ຽນ​ໄປ ແລະ ແລ້ວ​ປີ 2011 ກໍ​ຈາກ​ໄປ ປີ 2012 ເຂົ້າ​ມາ​ແທນ​ທີ່ ... ຄົນ​ເຮົາ​ກໍ​ເພີ່ມ​ອາ­ຍຸ​ຂຶ້ນ​ອີກ 1 ປີ.</p> <p style="text-align: justify;"> ໃນ​ໂອ­ກາດ​ນີ້ ຫຼາຍ​ຄົນ​ຕັ້ງ​ບັນ­ຫາ​ວ່າ ຢາກ​ໃຫ້​ທົບ​ທວນ​ເບິ່ງ​ວ່າ ໃນ​ປີ­ຜ່ານ­ມາ​ເຮົາ​ເຮັດ​ຫຍັງ​ແດ່ ມີ​ຫຍັງ​ທີ່​ເຮັດ​ບໍ່​ຫຼ້ອນ ... ມີ​ຫຍັງ​ທີ່​ຄວນ​ຖອດ​ຖອນ​ເປັນ​ບົດ­ຮຽນ ... ຫາ​ກວ່າ​ເຮົາ​ສາ­ມາດ​ກຳ­ນົດ​ແຜນ​ງານ​ໃຫ້​ຕົນ​ເອງ​ໃນ​ປີ 2012 ກໍ​ຖື​ວ່າ​ເຮົາ​ສາ­ມາດ​ກຳ­ນົດ​ແບບ­ແຜນ​ການ​ດຳ­ເນີນ​ຊີ­ວິດ​ຂອງ​ເຮົາ​ໄດ້ ... ຫາກ​ບໍ່​ແມ່ນ​ປ່ອຍ­ປະ​ຊີ­ວິດ​ໃຫ້​ມັນ​ເປັນ​ໄປ​ຕາມ​ມີ​ຕາມ​ເກີດ​ນໍ ?.</p> <p style="text-align: justify;"> ການ​ຫວນ​ຄືນ​ເບິ່ງ​ວຽກ​ງານ​ໃນ​ປີ­ຜ່ານ­ມາ​ນັ້ນ ສຳ­ຄັນ​ຫຼາຍ ! ທຸກ​ຊັ້ນ​ຄົນ ... ທຸກ​ວິ­ຊາ​ຊີບ​ສາ­ມາດ​ແນມ​ຄືນ​ຫຼັງ ເບິ່ງ​ການ­ເຄື່ອນ­ໄຫວ​ຂອງ​ຊີ­ວິດ​ຕົນ​ເອງ​ໄດ້ ບໍ່​ແມ່ນ​ແຕ່​ຜູ້​ເປັນ​ພະ­ນັກ­ງານ ຜູ້​ເປັນ​ລູກ­ຈ້າງ​ກິນ​ເງິນ­ເດືອນ​ທໍ່​ນັ້ນ​ເນີ ! ພວກ​ແມ່​ຄ້າ​ຊາວ​ຂາຍ ນັກ­ທຸ­ລະ­ກິດ​ແຮ່ງ​ສຳ­ຄັນ ເພາະ​ຕ້ອງ​ໄດ້​ເບິ່ງ​ວ່າ ການ​ຄ້າ­ຂາຍ​ໃນ​ປີ​ຕໍ່​ໄປ​ຈະ​ເຮັດ​ຫຍັງ ? ຄວນ​ລົງ­ທຶນ​ທໍ່​ໃດ ... ກຳ­ໄລ​ວາງ​ໄວ້​ຊ່ຳ​ໃດ ! ... ອັນ​ນັ້ນ​ແມ່ນ​ເວົ້າ​ກ້ວ​າງ​ນໍ ?.</p> <p style="text-align: justify;"> ສຳ­ລັບ <strong>ແນວ​ລາວ </strong>ຢາກ​ສົນ­ທະ­ນາ​ເລື່ອງ​ສຸ­ຂະ­ພາບ​ຮ່າງ­ກາຍ ເຊັ່ນ​ວ່າ: ໃນ​ປີ­ຜ່ານ­ມາ​ສຸ­ຂະ­ພາບ​ເຮົາ​ເປັນ​ແນວ­ໃດ ? ພະ­ຍາດ​ຊ້ຳ​ເຮື້ອ​ແມ່ນ​ຫຍັງ ? ນອກ​ນັ້ນ ມີ​ພະ­ຍາດ​ຫຍັງ​ແດ່​ທີ່​ຕ້ອງ​ລະ­ວັງ ເຊັ່ນ​ວ່າ: ຄວາມ­ດັນ­ເລືອດ­ສູງ ໄຂ­ມັນ ປະ­ດົງ ຕັບ ໝາກ​ໄຂ່­ຫຼັງ ເບົາ­ຫວານ ອັນ​ນີ້​ສະ­ເພາະ​ຜູ້​ມີ​ອາ­ຍຸ​ເລີຍ​ເລກ 5 ໄປ ຕ້ອງ​ໄດ້​ເອົາ­ໃຈ­ໃສ່​ແທ້​ເນີ ! ເວົ້າ​ເລື່ອງ​ສຸ­ຂະ­ພາບ​ຮ່າງ­ກາຍ​ນີ້ ສຳ­ຄັນ​ແທ້​ໃດ໋ ! ເຫັນ​ບໍ​ເຖົ້າ​ແກ່​ບູ­ຮານ​ເພິ່ນ​ວ່າ: <strong>ມີ​ເງິນ​ແສນ​ເງິນ​ລ້ານ ກໍ​ບໍ່​ມີ​ຄວາມ​ໝາຍ ເມື່ອ​ຮ່າງ­ກາຍ​ບໍ່​ແຂງ­ແຮງ ...</strong></p> <p style="text-align: justify;"> ຄວາມ​ຈິງ​ໃນ​ສັງ­ຄົມ​ມັນ​ກໍ​ຫາກ​ເປັນ​ແນວ​ນັ້ນ ! ຂໍ​ໂທດ​ເນີ ບາງ​ຄົນ​ຫາ​ເງິນ​ໄວ້​ແຕ່​ບໍ່​ທັນ​ໄດ້​ໃຊ້ ... ພັດ​ມີ​ແນວ​ເປັນ​ໄປ ! ເວ­ລາ​ທຸກ​ຍາກ​ພັດ​ບໍ່​ຄ່ອຍ​ເປັນ​ຫຍັງ ? ບາດ​ພໍ​ມີ​ຢູ່​ມີ​ກິນ ຫຼື ມີ​ເງິນ​ເຫຼືອ​ຖົງ ພັດ​ກິນ​ຫຍັງ​ບໍ່​ໄດ້ ! ມີ​ແຕ່​ພະ­ຍາດ​ມາ​ບຽດ­ບຽນ.</p> <p style="text-align: justify;"> ກ້ຽວ​ມາ​ໃສ່​ຄໍ​ລຳ​ເຮົາ​ໜຶ່ງ​ປີ​ຜ່ານ​ໄປ ທີ່​ຮັບ​ໃຊ້​ເພື່ອນ​ຜູ້​ອ່ານ ແນ່­ນອນ​ວ່າ ນອກ­ຈາກ​ບົດ​ທີ່ <strong>ແນວ​ລາວ </strong>ຂຽນ​ເອງ​ກໍ​ຍັງ​ມີ ຈ.ມ ຈາກ​ເພື່ອ​ຜູ້​ອ່ານ ບົດ​ຂຽນ​ຈາກ​ເພື່ອນ​ຮ່ວມ​ງານ ເຊິ່ງ ປະ­ຕິ­ເສດ​ບໍ່​ໄດ້​ວ່າ ມີ​ບາງ​ບົດ​ອາດ​ຈະ​ຕຳ​ພຸ້ນ​ແຕະ​ພີ້ ບາງ​ທ່ານ ກໍ​ພໍ­ໃຈ ສະ​ໝັບ​ສະ​ໝູນ​ຢາກ​ລ້ຽງ​ເຂົ້າ​ລ້ຽງ​ປາ ... ບາງ​ທ່ານ ກໍ​ບໍ່​ຄ່ອຍ​ດີ­ໃຈ​ປານ­ໃດ ເພາະ​ຂໍ້​ມູນ​ບາງ​ອັນ​ບໍ່​ຊັດ​ເຈນ ... ອັນ​ນີ້​ກໍ​ຂໍ​ອະ­ໄພ​ນຳ​ນໍ ?.</p> <p style="text-align: justify;"> ປີ​ເກົ່າ​ຜ່ານ​ໄປ ອັນ​ໃດ​ບໍ່​ຈົບ​ບໍ່​ງາມ ອັນ​ໃດ​ແຕະ​ພຸ້ນ​ຕຳ​ພີ້ ຫຼື ບາງ​ຄຳ​ເວົ້າ​ທີ່​ບໍ່​ມ່ວນ​ຫູ ກໍ​ຂໍ​ໃຫ້​ມັນ​ລ່ອງ​ໄຫຼ​ໄປ​ນຳ​ປີ​ເກົ່າ ອະ​ໂຫ​ສີ​ກຳ​ໃຫ້​ຄໍ​ລຳ​ພວກ​ເຮົາ.</p> <p style="text-align: justify;"> ປີ​ໃໝ່ ຂໍ​ໃຫ້​ໂຊກ​ໃຫຍ່ ມີ​ສຸ­ຂະ­ພາບ​ເຂັ້ມ­ແຂງ ຜູ້​ຂ້າ​ຂາຍ​ກໍ​ຂໍ​ໃຫ້​ຮັ່ງ­ມີ ຜູ້​ເປັນ​ພະ­ນັກ­ງານ​ກໍ​ຂໍ​ໃຫ້​ເລື່ອນ​ຊັ້ນ ເລື່ອນ​ຂັ້ນ ເປັນ​ເຈົ້າ​ຄົນ ນາຍ​ຄົນ ພໍ່​ແມ່​ປະ­ຊາ­ຊົນ ຂໍ​ໃຫ້​ມີ​ຄວາມ­ສຸກ ຄວາມ​ຈະ­ເລີນ ຕະ­ຫຼອດ​ປີ​ໃໝ່​ເທີ້ນ.</p>

ຂ່າວທີ່ກ່ຽວຂ້ອງ