ຊີວິດການແຕ່ງງານ ບໍ່ແມ່ນອຸປະສັກຂອງການສຶກສາ

<p>  </p> <p style="text-align: justify; "> ມີ​ຜູ້​ຄົນ​ຈຳ­ນວນ​ຫຼວງ­ຫຼາຍ ໂດຍ​ສະ­ເພາະ​ແມ່ນ​ເອື້ອຍ​ນ້ອງ​ເພດ​ຍິງ ເມື່ອ​ກ່ອນ​ມັກ​ຈະ​ເວົ້າ​ວ່າ: <strong>ແຕ່ງ­ງານ​ມີ​ຄອບ­ຄົວ ມີ​ລູກ​ແລ້ວ ຫາ​ໂອ­ກາດ​ສຶກ​ສາ​ຮ່ຳ­ຮຽນ​ຕໍ່​ຍາກ​ຫຼາຍ </strong>ເຊິ່ງ​ມາ​ຮອດ​ປັດ­ຈຸ­ບັນ ການ​ມີ​ຄອບ­ຄົວ​ບໍ່​ໄດ້​ເປັນ​ອຸ­ປະ­ສັກ​ຕໍ່​ການ​ຮຽນ​ແຕ່​ຢ່າງ­ໃດ ກົງ­ກັນ­ຂ້າມ ພັດ​ກາຍ­ເປັນ​ແຮງ​ຊຸກ­ຍູ້​ສົ່ງ­ເສີມ​ໃຫ້​ມີ​ໂອ­ກາດ​ໄດ້​ສຶກ​ສາ​ຮ່ຳ­ຮຽນ​ໃນ​ລະ­ດັບ​ສູງ ແລະ ດີ​ກ່ວ​າ​ເກົ່າ ຈົນ​ບາງ​ຄົນ​ກໍ​ສາ­ມາດ​ຍາດ​ໄດ້​ອັນ​ດັບ​ໜຶ່ງ​ຂອງ​ການ​ຮຽນ.</p> <p style="text-align: justify; "> ທ່ານ​ນາງ ຄຳ​ຟອງ ວິ­ໄລ​ຈັນ ນັກ​ສຶກ​ສາ ຄະ­ນະ​ເຕັກ­ນິກ​ການ​ແພດ ພາກ​ວິ­ຊາ​ວິ­ເຄາະ​ການ​ແພດ ຂອງ​ມະ­ຫາ­ວິ­ທະ­ຍາ­ໄລ ວິ­ທະ­ຍາ­ສາດ​ສຸ­ຂະ­ພາບ (ມວ​ສ) ທີ່​ຫາ​ກໍ​ກາຍ­ເປັນ​ບັນ­ດິດ​ການ​ແພດ ໄດ້​ຮັບ​ໃບ​ປະ­ກາດ​ແດງ ຍ້ອນ​ມີ​ຜົນ​ການ​ຮຽນ​ດີ­ເລີດ ປະ­ຈຳ​ສົກ​ສຶກ​ສາ 2010Œ2011 ໄດ້​ກ່າວ​ວ່າ: ພາຍ­ຫຼັງ​ທີ່​ຈົບ​ແພດ​ຊັ້ນ​ກາງ​ໃນ​ປີ 1999 ກໍ​ໄດ້​ອອກ​ຮັບ​ໃຊ້​ວຽກ​ງານ​ຢູ່​ບ້ານ​ເກີດ​ເມືອງ​ນອນ​ຂອງ​ຕົນ​ຄື ແຂວງ​ຊຽງ​ຂວາງ ດິນ­ແດນ​ແຫ່ງ​ວິ­ລະ​ຊົນ ປັດ­ຈຸ­ບັນ​ສະ­ຖາ­ນະ​ຄອບ­ຄົວ​ແມ່ນ​ແຕ່ງ­ງານ​ແລ້ວ ມີ​ລູກ 1 ຄົນ ເປັນ​ຄອບ­ຄົວ​ພະ­ນັກ­ງານ​ແພດ ຍ້ອນ​ພັກŒລັດ​ໄດ້​ເປີດ​ກ້ວ​າງ​ໃຫ້​ມີ​ໂອ­ກາດ​ໄດ້​ເຂົ້າ​ມາ​ສຶກ​ສາ​ຄົ້ນ​ຄ້ວ​າ ເຊື່ອມ​ຕໍ່​ຢູ່​ນະ­ຄອນ­ຫຼວງ​ວຽງ​ຈັນ ເຊິ່ງ​ໃນ​ເບື້ອງ​ຕົ້ນ ກໍ​ຍັງ​ຄິດ​ລັ່ງ­ເລ​ໃຈ​ຢູ່​ວ່າ​ຈະ​ຮຽນ​ຕໍ່​ດີ​ບໍ່ ແຕ່​ຍ້ອນ​ໜ້າ­ທີ່​ວຽກ​ງານ​ຮຽກ­ຮ້ອງ​ຕ້ອງ­ການ ບວກ​ກັບ​ກຳ­ລັງ​ໃຈ​ຂອງ​ຄອບ­ຄົວ​ໃຫ້­ການ​ສະ­ໜັບ­ສະ­ໜູນ​ເຕັມ­ທີ່ ກໍ​ເລີຍ​ຕັດ­ສິນ​ໃຈ​ກັບ­ເຂົ້າ​ມາ​ສຶກ​ສາ​ຄົ້ນ​ຄ້ວ​າ​ຕໍ່​ທີ່ ມວ​ສ ໃນ​ປີ 2009.</p> <p style="text-align: justify; "> ພາຍ­ຫຼັງ​ທີ່​ໄດ້​ກ້າວ​ເຂົ້າ​ສູ່​ການ​ສຶກ​ສາ​ຮ່ຳ­ຮຽນ​ອີກ​ຄັ້ງ ຄວາມ​ມຸ່ງ​ຫວັງ​ທີ່​ຕັ້ງ­ໃຈ ກໍ​ຄື​ການ​ໃຫ້​ໂອ­ກາດ​ຕົນ​ເອງ​ໄດ້​ສຶກ​ສາ​ຄົ້ນ​ຄ້ວ​າ​ເຕັມ­ທີ ອີງ­ໃສ່​ຄວາມ​ຈຳ­ເປັນ ເພາະ​ເປັນ​ວິ­ຊາ​ທີ່­ຢູ່​ເບື້ອງ​ຫຼັງ​ແຫ່ງ​ຜົນ­ສຳ­ເລັດ​ຂອງ​ບັນ­ດາ​ແພດ​ໝໍ ຜູ້​ປິ່ນ­ປົວ​ຮັກ­ສາ​ຄົນ​ເຈັບ​ທີ່​ເຂົ້າ​ຮັກ­ສາ​ຕົວ​ຢູ່​ຕາມ​ໂຮງ­ໝໍ ແລະ ສຸກ­ສາ­ລາ​ແຫ່ງ​ຕ່າງໆ ຍ້ອນ​ເຫັນ​ໄດ້​ຄວາມ​ສຳ­ຄັນ​ຕໍ່​ພາ­ລະ​ໜ້າ­ທີ່​ຕົນ​ເອງ​ຄື​ແນວ​ນັ້ນ ຈຶ່ງ​ໄດ້​ບຸກ​ໜ້າ​ບືນ​ຕົວ​ຄົ້ນ​ຄ້ວ​າ​ຮ່ຳ­ຮຽນ ຈົນ​ສຸດ​ຄວາມ​ສາ­ມາດ​ທີ່​ມີ ໂດຍ​ໄດ້​ແຮງ​ສະ­ໜັບ­ສະ­ໜູນ​ຈາກ​ຄອບ­ຄົວ ຄູŒອາ­ຈານ​ທຸກ​ທ່ານ ທຸ້ມ­ເທ​ຄວາມ​ຮູ້​ຄວາມ​ສາ­ມາດ​ສິດ­ສອນ​ໃກ້­ຊິດ­ຕິດ­ແທດ ແນະ­ນຳ​ລົງ​ປະ­ຕິ­ບັດ​ຕົວ​ຈິງ ເຮັດ​ໃຫ້­ການ​ສຶກ​ສາ​ໃນ​ຄັ້ງ​ນີ້ ປະ­ສົບ​ຜົນ­ສຳ­ເລັດ​ເປັນ​ທີ່​ເພິ່ງ​ພໍ­ໃຈ.</p> <p style="text-align: justify; "> ພາຍ­ຫຼັງ​ທີ່​ຮຽນ​ຈົບ​ແລ້ວ ກໍ​ຈະ​ໄດ້​ກັບ​ຄືນ​ຮັບ​ໃຊ້​ໜ້າ­ທີ່​ວຽກ​ຢູ່​ແຂວງ​ຊຽງ​ຂວາງ ບ້ານ​ເກີດ​ເມືອງ​ນອນ​ຂອງ​ຕົນ ເພາະ​ພາ­ລະ​ໜ້າ­ທີ່​ຄອບ­ຄົວ ໂດຍ​ສະ­ເພາະ ຜູ້​ປ່ວຍ­ໄຂ້​ທີ່​ກຳ­ລັງ​ລໍ­ຖ້າ​ແພດ​ໝໍ​ເພື່ອ​ໄປ​ປິ່ນ­ປົວ ລາວ​ຍັງ​ກ່າວ​ມ້ວນ­ທ້າຍ​ວ່າ: ຖ້າ​ມີ​ໂອ­ກາດ​ຈະ​ບໍ່​ຢຸດ​ຢູ່​ພຽງ​ເທົ່າ​ນີ້ ເມື່ອ​ໃດ​ທາງ​ການ­ຈັດ­ຕັ້ງ​ໃຫ້​ໂອ­ກາດ ກໍ​ຈະ​ສືບ­ຕໍ່​ສຶກ​ສາ​ຄົ້ນ​ຄ້ວ​າ​ໃນ​ລະ­ດັບ​ທີ່​ສູງ​ຂຶ້ນ​ກ່ວ​າ​ເກົ່າ.</p> <p style="text-align: justify; "> <strong>ໂດຍ: ແວ່ນ​ຂາວ</strong></p>