ຂ່າວຫຼ້າສຸດ

ລະເບີດບໍ່ທັນແຕກ ຍັງກົດໜ່ວງການແກ້ໄຂຄວາມທຸກຍາກ

10.701 14 ທ.ວ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ບັນ­ຫາ​ລູກ​ລະ­ເບີດ​ບໍ່​ທັນ​ແຕກ ທີ່​ຕົກ​ຄ້າງ​ໃນ​ສະ­ໄໝ​ສົງ­ຄາມ​ເມື່ອ​ກ່ອນ ຖື​ວ່າ​ເປັນ​ບັນ­ຫາ​ໜຶ່ງ​ທີ່​ກົດ​ໜ່ວງ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ປະ­ເທດ​ຊາດ ເວົ້າ​ລວມ ເວົ້າ​ສະ­ເພາະ ແມ່ນ​ການ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ​ບັນ­ດາ­ເຜົ່າ ພັກ ແລະ ລັດ­ຖະ­ບານ ແຫ່ງ ສປປ ລາວ ໄດ້​ມີ​ຄວາມ​ພະ­ຍາ­ຍາມ​ຢ່າງ​ສຸດ​ຂີດ ເພື່ອ​ປະ­ຕິ­ບັດ​ເປົ້າ​ໝາຍ​ສະ­ຫັດ​ສະ​ວັດ ດ້ານ​ການ​ພັດ­ທະ­ນາ​ຂອງ​ອົງ­ການ​ສະ­ຫະ​ປະ­ຊາ​ຊາດ ໃຫ້​ປະ­ກົດ​ເປັນ​ຈິງ ໃນ​ປີ 2015.</p> <p style="text-align: justify;"> ໃນ​ລະ­ຫວ່າງ​ປີ 1964 ຫາ 1973 ພວກ​ຈັກ­ກະ­ພັດ​ລ່າ​ເມືອງ​ຂຶ້ນ​ແບບ​ໃໝ່ ຜູ້​ຮຸກ​ຮານ​ໄດ້​ຖິ້ມ​ລະ­ເບີດ​ຊະ­ນິດ​ຕ່າງໆ​ປະ­ມານ 2 ລ້ານ​ກ່ວ​າ​ໂຕນ ລົງ​ໃສ່​ຜືນ​ແຜ່ນ­ດິນ​ຂອງ ສປປ ລາວ ຢ່າງ​ກະ​ແຈກ​ກະ­ຈາຍ ຊຶ່ງ​ໄດ້​ກວມ​ເອົາ​ເນື້ອ­ທີ່​ທັງ​ໝົດ 87.000 ຕາ­ຕະ­ລາງ​ກິ­ໂລ­ແມັດ ມີ 14 ແຂວງ ໃນ​ຈຳ­ນວນ 17 ແຂວງ​ທົ່ວ​ປະ­ເທດ ແລະ ກວມ​ເອົາ 41 ເມືອງ​ທີ່​ນອນ​ຢູ່​ໃນ 46 ເມືອງ​ທຸກ​ຍາກ​ຂອງ ສປປ ລາວ ແຂວງ​ທີ່​ໄດ້​ຮັບ​ຜົນ​ກະ­ທົບ​ຮ້າຍ​ແຮງ​ກ່ວ​າ​ໝູ່​ແມ່ນ​ແຂວງ​ຊຽງ​ຂວາງ ຊຶ່ງ​ທົ່ວ​ແຂວງ​ມີ​ເນື້ອ­ທີ່​ທັງ​ໝົດ 1,6 ລ້ານ​ເຮັກ­ຕາ ລ້ວນ​ແຕ່​ມີ​ລູກ​ລະ­ເບີດ​ຕົກ​ຄ້າງ​ທີ່​ບໍ່​ທັນ​ແຕກ​ຢັ່ງ­ຢາຍ​ຢູ່​ທຸກ​ເມືອງ.</p> <p style="text-align: justify;"> ທ່ານ ບຸນ​ເຮືອງ ດວງ​ພະ­ຈັນ ລັດ­ຖະ­ມົນ­ຕີ​ປະ­ຈຳ​ຫ້ອງ​ວ່າ­ການ​ລັດ­ຖະ­ບານ ປະ­ທານ​ຄະ­ນະ​ກຳ­ມະ­ການ​ຄວບ​ຄຸມ​ແຫ່ງ​ຊາດ ເພື່ອ​ແກ້​ໄຂ​ບັນ­ຫາ​ລະ­ເບີດ​ບໍ່​ທັນ​ແຕກ​ທີ່​ຕົກ​ຢູ່ ສປປ ລາວ (ຄຊກລ) ໄດ້​ກ່າວ​ໃນ​ໂອ­ກາດ​ທີ່​ທ່ານ ພ້ອມ​ດ້ວຍ​ຄະ­ນະ​ລົງ​ເຄື່ອນ​ໄຫວ​ຊຸກ­ຍູ້ ວຽກ​ງານ​ເກັບ​ກູ້​ລະ­ເບີດ​ຢູ່​ແຂວງ​ຊຽງ​ຂວາງ ເມື່ອ​ບໍ່​ດົນ​ຜ່ານ​ມາ​ວ່າ: ໃນ​ໄລ­ຍະ​ຜ່ານ​ມາ ບັນ­ຫາ​ລະ­ເບີດ​ບໍ່​ທັນ​ແຕກ​ຢູ່​ປະ­ເທດ​ເຮົາ​ເປັນ​ບັນ­ຫາ​ໃຫຍ່ ຊຶ່ງ​ມັນ​ພົວ­ພັນ​ໄປ​ເຖິງ​ການ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ​ບັນ­ດາ­ເຜົ່າ ເພື່ອ​ຢາກ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ​ໄດ້​ນັ້ນ ກ່ອນ​ອື່ນ​ໝົດ ຕ້ອງ​ເກັບ​ກູ້​ລະ­ເບີດ​ທີ່​ຍັງ​ຕົກ​ຄ້າງ​ໃຫ້​ໄດ້​ກ່ອນ ຈຶ່ງ​ສາ­ມາດ​ໃຫ້​ປະ­ຊາ­ຊົນ​ເຮັດ​ການ​ຜະ­ລິດ​ກະ­ສິ­ກຳ​ປູກ­ຝັງ-ລ້ຽງ­ສັດ ເພື່ອ​ແກ້​ໄຂ​ຊີ­ວິດ​ການ​ເປັນ​ຢູ່​ໃຫ້​ຫຼຸດ​ພົ້ນ​ອອກ​ຈາກ​ຄວາມ­ທຸກ​ຍາກ​ໄດ້.</p> <p style="text-align: justify;"> ການ​ເກັບ​ກູ້​ລະ­ເບີດ​ບໍ່​ທັນ​ແຕກ ອອກ​ຈາກ​ພື້ນ​ທີ່​ການ​ຜະ­ລິດ​ກະ­ສິ­ກຳ ດິນ​ປຸກ​ສ້າງ ແລະ ເນື້ອ­ທີ່​ພັດ­ທະ­ນາ​ອື່ນໆ​ຢູ່​ແຂວງ​ຊຽງ​ຂວາງ ໄດ້​ເລີ່ມ​ປະ­ຕິ­ບັດ​ໃນ​ປີ 1994 ມາ​ຮອດ​ປັດ­ຈຸ­ບັນ ສາ­ມາດ​ເກັບ​ກູ້​ໄດ້​ໃນ​ເນື້ອ­ທີ່ 4.648 ກ່ວ​າ​ເຮັກ­ຕາ ສາ­ມາດ​ເກັບ​ກູ້ ແລະ ທຳ­ລາຍ​ລະ­ເບີດ​ໄດ້ 2 ແສນ​ກ່ວ​າ​ໜ່ວຍ ໃນ​ນັ້ນ 60% ເປັນ​ລະ­ເບີດ​ບົມ​ບີ່ ໃນ 16 ປີ­ຜ່ານ­ມາ ສາ­ມາດ​ເກັບ​ກູ້​ລະ­ເບີດ​ມີ​ເນື້ອ­ທີ່ 30.000 ກ່ວ​າ​ເຮັກ­ຕາ ແຕ່​ຖ້າ​ທຽບ­ໃສ່​ຄວາມ​ຮຽກ­ຮ້ອງ​ຕ້ອງ­ການ​ຂອງ​ປະ­ຊາ­ຊົນ​ບັນ­ດາ­ເຜົ່າ ແລະ ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ຂອງ​ປະ­ເທດ​ເຮົາ​ເຫັນ​ວ່າ ເນື້ອ­ທີ່ ທີ່​ໄດ້​ເກັບ​ກູ້​ລະ­ເບີດ​ຍັງ​ມີ​ໜ້ອຍ​ຫຼາຍ.</p> <p style="text-align: justify;"> ທ່ານ​ປະ­ທານ​ຄະ­ນະ​ກຳ­ມະ­ການ ຄຊກລ ຍັງ​ກ່າວ​ຕື່ມ​ວ່າ: ຍ້ອນ​ລັດ­ຖະ­ບານ​ເຫັນ​ໄດ້​ຄວາມ​ຈຳ­ເປັນ​ຕໍ່​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ​ຊາດ​ໄລ­ຍະ​ຍາວ ມາ​ຮອດ​ທ້າຍ​ປີ 2002 ຄະ­ນະ​ກຳ­ມະ­ການ ຄຊກລ ໄດ້​ລິ​ເລີ່ມ​ການ​ວາງ​ແຜນ​ຍຸດ​ທະ​ສາດ ໂດຍ​ມີ​ການ​ປຶກ­ສາ​ຫາ­ລື​ກັບ​ບັນ­ດາ​ກະ­ຊວງ​ຕ່າງໆ​ທີ່​ກ່ຽວ­ຂ້ອງ ມີ​ສ່ວນ​ຮ່ວມ​ກັບ​ບັນ­ດາ​ອົງ­ການ​ຂອງ​ລັດ­ຖະ­ບານ ສປຊ ອົງ​ການ­ຈັດ­ຕັ້ງ​ສາ­ກົນ ອົງ­ການ​ປະ­ຕິ­ບັດ​ງານ​ແກ້​ໄຂ​ບັນ­ຫາ​ລະ­ເບີດ​ບໍ່​ທັນ​ແຕກ ແລະ ບັນ­ດາ​ປະ­ເທດ​ຜູ້​ໃຫ້​ທຶນ ພ້ອມ​ດຽວ​ກັນ​ນີ້ ພັກ ແລະ ລັດ­ຖະ­ບານ ຍັງ​ໄດ້​ຕົກ­ລົງ​ໃຫ້​ຫ້ອງ­ການ ຄຊກລ ສົມ­ທົບ​ກັບ​ອົງ­ການ​ປະ­ຕິ­ບັດ​ງານ ແລະ ປະ­ເທດ ຫຼື ບັນ­ດາ​ບໍ­ລິ­ສັດ​ຜູ້​ໃຫ້​ທຶນ ຈົ່ງ​ພັດ­ທະ­ນາ​ດ້ານ​ເຕັກ­ນິກ​ວິ­ຊາ​ການ ເພື່ອ​ເພີ່ມ​ເນື້ອ­ທີ່​ກວດ​ກູ້​ລະ­ເບີດ​ໃຫ້​ຫຼາຍ​ກ່ວ​າ​ເກົ່າ.</p> <p style="text-align: justify;"> <strong>ຄົນ​ເມືອງ​ໃຕ້:ນຳ​ສະ­ເໜີ</strong></p>

ຂ່າວທີ່ກ່ຽວຂ້ອງ