ຂ່າວຫຼ້າສຸດ

ໃຫ້ໂອກາດຄົນພິການພັດທະນາອາຊີບ

1.579 22 ພ.ຈ. 2011 ສຶກສາ
ໃຫ້ໂອກາດຄົນພິການພັດທະນາອາຊີບ

<p style="text-align: justify;"> ຄົນ​ເຮົາ​ເກີດ​ມາ​ບໍ່​ສາ­ມາດ​ເລືອກ​ເກີດ​ເອງ​ໄດ້ ແຕ່​ກໍ​ສາ­ມາດ​ເລືອກ​ທີ່​ຈະ​ເດີນ​ຕາມ​ວິ­ຊາ​ອາ­ຊີບ​ທີ່​ຕົນ​ເອງ​ມັກ ສ້າງ​ຕົນ​ເອງ​ໃຫ້​ເປັນ​ປະ­ໂຫຍດ​ແກ່​ສັງ­ຄົມ ເຊິ່ງ​ເປັນ​ໂອ­ກາດ​ອັນ​ດີ​ທີ່​ທາງ​ອົງ­ການ​ຄົນ​ພິ­ການ​ອາ­ຊີ ເພື່ອ​ການ​ພັດ­ທະ­ນາ <strong>ADDP </strong>ໄດ້​ໃຫ້​ໂອ­ກາດ​ແກ່​ຜູ້​ພິ­ການ​ລາວ​ໃນ​ການ​ພັດ­ທະ­ນາ​ອາ­ຊີບ.</p> <p style="text-align: justify;"> ອົງ­ການ​ຄົນ​ພິ­ການ​ອາ­ຊີ​ເພື່ອ​ການ​ພັດ­ທະ­ນາ ມີ​ຈຸດ­ປະ­ສົງ​ເປົ້າ​ໝາຍ​ໃນ​ການ​ພັດ­ທະ­ນາ​ວິ­ຊາ​ອາ­ຊີບ​ໃຫ້​ແກ່​ຄົນ​ພິ­ການ​ລາວ ໃນ​ບັນ­ດາ​ກິດ­ຈະ­ກຳ​ຕົ້ນ­ຕໍ ເພື່ອ​ສ້າງ­ຕັ້ງ​ຮ້ານ​ສະ­ໜັບ­ສະ­ໜູນ​ການ​ມີ​ວຽກ​ເຮັດ​ງານ​ທຳ​ໃຫ້​ແກ່​ຄົນ​ພິ­ການ ໃນ​ນະ­ຄອນ­ຫຼວງ​ວຽງ​ຈັນ ກໍ​ຄື​ແຂວງ​ອື່ນໆ​ໃນ​ທົ່ວ​ປະ­ເທດ.</p> <p style="text-align: justify;"> ສົ່ງ­ເສີມ​ໂອ­ກາດ​ການ​ປະ­ກອບ​ອາ­ຊີບ​ຂະ­ໜາດ​ນ້ອຍ​ດ້ວຍ​ຕົນ​ເອງ ໃຫ້​ແກ່​ຄົນ​ພິ­ການ​ໃນ​ຂັ້ນ​ຮາກ​ຖານ​ຊຸມ​ຊົນ​ໃຫ້​ໂອ­ກາດ​ຄົນ​ພິ­ການ​ຜູ້​ໜຸ່ມ​ນ້ອຍ ໄດ້​ຮັບ​ການ​ເຝິກ­ອົບ­ຮົມ​ດ້ານ​ວິ­ຊາ​ຊີບ ຄວາມ​ຊຳ­ນິ​ຊຳ­ນານ​ໃນ​ການ​ບໍ­ລິ­ຫານ​ຄຸ້ມ​ຄອງ​ທຸ­ລະ​ກິດ ໂດຍ​ແນ­ໃສ່​ຄວາມ​ເປັນ​ເອ­ກະ­ລາດ​ທາງ​ດ້ານ​ການ​ເງິນ ການ​ມີ​ສ່ວນ​ຮ່ວມ​ໃນ​ສັງ­ຄົມ​ຢ່າງ​ເຕັມ​ສ່ວນ ສ້າງ­ຕັ້ງ​ດຳ­ເນີນ​ທຸ­ລະ​ກິດ​ແບບ­ຢ່າງ (ທົດ​ລອງ) ໃຫ້​ແກ່​ຄົນ​ພິ­ການ ເປັນ​ການ​ສົ່ງ­ເສີມ​ການ​ຂາຍ​ຜະ­ລິດ​ຕະ​ພັນ​ຕ່າງໆ ທີ່​ຄົນ​ພິ­ການ​ຜະ­ລິດ​ອອກ​ມາ ໂດຍ​ການ​ສະ­ໜັບ­ສະ­ໜູນ​ຊ່ວຍ­ເຫຼືອ​ຈາກ​ບັນ­ດາ​ຊ່ຽວ­ຊານ​ທາງ​ທຸ­ລະ​ກິດ.</p> <p style="text-align: justify;"> ນອກ­ຈາກ​ນີ້ ຍັງ​ເປັນ​ການ​ຍົກ​ລະ­ດັບ​ຄວາມ​ຮູ້ ຄວາມ​ຊຳ­ນິ​ຊຳ­ນານ​ທາງ​ດ້ານ​ທຸ­ລະ​ກິດ​ການ​ຕະ­ຫຼາດ ໂດຍ​ໃຫ້­ການ​ສະ­ໜັບ­ສະ­ໜູນ​ຊ່ວຍ­ເຫຼືອ ຈາກ​ບັນ­ດາ​ຊ່ຽວ­ຊານ​ທາງ​ທຸ­ລະ​ກິດ ເພື່ອ​ສະ­ໜັບ­ສະ­ໜູນ​ການ​ມີ​ວຽກ​ເຮັດ​ງານ​ທຳ ເຝິກ­ອົບ­ຮົມ​ບຸກ​ຄະ­ລາ​ກອນ ບັນ­ດາ​ຄູ​ເຝິກ ກ່ຽວ​ກັບ​ວິ­ຊາ​ຊີບ ທັງ​ເປັນ​ການ​ຊ່ວຍ­ເຫຼືອ​ຄົນ​ພິ­ການ ໄດ້​ມີ​ໂອ­ກາດ​ໃນ​ການ​ສ້າງ­ຕັ້ງ​ທຸ­ລະ​ກິດ​ດ້ວຍ​ຕົນ​ເອງ ໂດຍ​ໄດ້​ຮັບ​ຄຳ​ປຶກ­ສາ​ຈາກ​ຊ່ຽວ­ຊານ ຜ່ານ​ລະ­ບົບ​ສິນ​ເຊື່ອ​ຂະ­ໜາດ​ນ້ອຍ ພາຍ​ໃຕ້​ການ​ຮ່ວມ​ມື​ຢ່າງ​ໃກ້­ຊິດ​ກັບ​ສະ­ມາ­ຄົມ​ຄົນ​ພິ­ການ​ລາວ ໂຄງ­ການ​ນີ້​ມີ​ໄລ­ຍະ 3 ປີ ຈະ​ສຸມ​ໃສ່​ວຽກ​ງານ​ການ​ເຝິກ­ອົບ­ຮົມ​ວິ­ຊາ​ຊີບ ເລີ່ມ​ສ້າງ​ຄວາມ​ຊຳ­ນິ​ຊຳ­ນານ​ທາງ​ທຸ­ລະ​ກິດ​ຂະ­ໜາດ​ນ້ອຍ​ໃຫ້​ແກ່​ຄົນ​ພິ­ການ.</p> <p style="text-align: justify;"> ໂຄງ­ການ​ນີ້​ແມ່ນ​ໄດ້​ຮັບ​ທຶນ​ຊ່ວຍ­ເຫຼືອ​ຈາກ​ລັດ­ຖະ­ບານ​ຍີ່­ປຸ່ນ ພາຍ​ໃຕ້​ກອງ​ທຶນ​ຊ່ວຍ­ເຫຼືອ ໂຄງ­ການ​ອົງ​ການ­ຈັດ­ຕັ້ງ​ທີ່​ບໍ່​ສັງ­ກັດ​ລັດ­ຖະ­ບານ ແລະ ອົງ­ການ ADDP ໃນ​ວົງ​ເງິນ 1.877 ລ້ານ​ກ່ວ​າ​ກີບ ປະ­ມານ 235.060 ໂດ​ລາ​ສະ­ຫະ­ລັດ ເຊິ່ງ​ຈະ​ເລີ່ມ​ໂຄງ­ການ​ແຕ່​ເດືອນ​ມິ­ຖຸ­ນາ 2011 ຫາ​ເດືອນ​ພຶດ­ສະ­ພາ 2014 ສະ­ຖານ­ທີ່​ຈັດ​ຕັ້ງ​ປະ­ຕິ­ບັດ​ໂຄງ­ການ ແມ່ນ​ສູນ​ເຝິກ­ອົບ­ຮົມ​ວິ­ຊາ​ຊີບ​ຄົນ​ພິ­ການ ຖະ­ໜົນ​ສາມ​ແສນ​ໄທ ບ້ານ​ຂົວ​ຫຼວງ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ.</p> <p style="text-align: justify;"> ໂຄງ­ການ​ດັ່ງ­ກ່າວ ແມ່ນ​ພາຍ​ໃຕ້​ການ​ຮ່ວມ​ມື​ຂອງ​ສະ­ມາ­ຄົມ​ຄົນ​ພິ­ການ​ແຫ່ງ​ຊາດ ໂດຍ​ແນ­ໃສ່​ການ​ສົ່ງ­ເສີມ​ອາ­ຊີບ ສະ­ໜອງ​ການ​ເຝິກ­ອົບ­ຮົມ​ໃນ​ຂະ­ແໜງ­ການ​ຕ່າງໆ ເຊັ່ນ: ການ​ຜະ­ລິດ​ລໍ້​ເລື່ອນ ເຮັດ​ເຂົ້າ­ໜົມ​ປັງ ເສີມ​ສວຍ ຄອມ​ພິວ​ເຕີ ແລະ ການ​ປະ­ກອບ​ການ​ທຸ­ລະ​ກິດ​ຂະ­ໜາດ​ນ້ອຍ ແລະ ຄວາມ​ຊຳ­ນິ​ຊຳ­ນານ​ດ້ານ​ການ​ຕະ­ຫຼາດ ຄາດ​ວ່າ​ຈະ​ສາ­ມາດ​ເຝິກ­ອົບ­ຮົມ​ຜູ້​ພິ­ການ​ໄດ້​ປະ­ມານ 100 ຄົນ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ