ຂ່າວຫຼ້າສຸດ

ເຂົ້າໜົມຫວານຮູບແບບຢາສູບ ບັນຫາສັງຄົມຕ້ອງເບິ່ງໃໝ່

9.594 14 ພ.ຈ. 2011 ພັດທະນານະຄອນຫຼວງ

<p style="text-align: justify;"> ຖ້າ​ເວົ້າ​ເລື່ອງ​ອາ­ຫານ​ການ​ກິນ ໃນ​ປະ­ເທດ​ເຮົາ​ປັດ­ຈຸ­ບັນ ແມ່ນ​ມີ​ຄວາມ​ອຸ­ດົມ­ສົມ­ບູນ​ສົມ­ຄວນ ເນື່ອງ​ຈາກ ສປປ ລາວ ເຮົາ​ມີ​ຊາຍ​ແດນ​ຕິດ​ກັບ​ຫຼາຍໆ​ປະ­ເທດ ອັນ​ໄດ້​ສ້າງ​ເງື່ອນ­ໄຂ​ອັນ​ດີ ໃນ​ການ​ນຳ​ເຂົ້າ​ອາ­ຫານ​ການ​ກິນ ລວມ​ໄປ​ເຖິງ​ວັດ­ຖຸ​ດິບ​ເພື່ອ​ມາ​ປຸງ​ແຕ່ງ ຊຶ່ງ​ສອດ­ຄ່ອງ​ກັບ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະ ຖື​ວ່າ​ເປັນ​ເລື່ອງ​ດີ​ສຳ­ລັບ​ປະ­ເທດ​ທີ່​ກຳ­ລັງ​ພັດ­ທະ­ນາ.</p> <p style="text-align: justify;"> ແຕ່​ມາ​ເບິ່ງ​ໃຫ້​ທີ່​ຖ້ວນ​ແລ້ວ ການ​ນຳ​ເຂົ້າ​ອາ­ຫານ​ປະ­ເພດ​ຕ່າງໆ ຍັງ​ມີ​ການ​ຫຼັກ​ລອບ​ຢ່າງ​ຫຼວງ­ຫຼາຍ ແລະ ກວດ​ພົບ​ເຫັນ​ພຽງ​ສ່ວນ​ໃດ​ສ່ວນ​ໜຶ່ງ​ເທົ່າ​ນັ້ນ ເນື່ອງ​ຈາກ​ອາ­ຫານ​ຫຼາຍ​ປະ­ເພດ ເຊັ່ນ ເຂົ້າ­ໜົມ ຍັງ​ບໍ່​ທັນ​ໄດ້​ເອົາ­ໃຈ­ໃສ່​ຢ່າງ​ຈິງ​ຈັງ ເຮັດ​ໃຫ້​ເຂົ້າ­ໜົມ​ຊະ­ນິດ​ຕ່າງໆ​ທີ່​ບໍ່​ເໝາະ​ສົມ​ມີ​ຫຼາຍ​ແຫ່ງ ຈະ​ເປັນ​ທາງ​ດ້ານ​ໂພ­ຊະ​ນາ​ການ ກໍ​ບໍ່​ຮູ້​ວ່າ​ໄດ້​ຜ່ານ​ພາກ­ສ່ວນ​ກ່ຽວ­ຂ້ອງ​ຫຼື​ບໍ່ ທາງ​ດ້ານ​ຮູບ­ຊົງ​ກໍ​ຍັງ​ມີ​ຫຼາຍ​ຊະ­ນິດ​ທີ່​ເຫັນ​ແລ້ວ​ບໍ່​ເໝາະ​ສົມ ໂດຍ​ສະ­ເພາະ​ແມ່ນ​ເຂົ້າ­ໜົມ​ສຳ­ລັບ​ເດັກ­ນ້ອຍ ທີ່​ຂາຍ​ຕາມ​ຮ້ານ​ຄ້າ​ໃກ້​ກັບ​ໂຮງ­ຮຽນ​ແຫ່ງ​ຕ່າງໆ.</p> <p style="text-align: justify;"> ເຂົ້າ­ໜົມ​ຫວານ ໃນ​ຮູບ­ຊົງ​ຂອງ​ຊອງ­ຢາ​ສູບ ໃນ​ເຄື່ອງ­ໝາຍ​ການ​ຄ້າ​ຕ່າງໆ ທີ່​ໄດ້​ນຳ​ເຂົ້າ​ມາ​ຈາກ​ປະ­ເທດ​ໃກ້​ຄຽງ ຊຶ່ງ​ໄດ້​ສ້າງ​ຄວາມ​ດຶງ​ດູດ​ໃຫ້​ເດັກ­ນ້ອຍ​ນັກ­ຮຽນ​ອະ­ນຸ­ບານ ປະ­ຖົມ ແລະ ອື່ນໆ ບັນ­ດາ​ຜູ້​ປົກ­ຄອງ​ອາດ​ຍັງ​ຄິດ​ບໍ່​ເຖິງ ເນື່ອງ​ຈາ​ກວ່າ​ເຂົ້າ­ໜົມ​ຫວານ ກໍ​ເປັນ​ໄດ້​ພຽງ​ເຂົ້າ­ໜົມ​ຫວານ ແຕ່​ຖ້າ​ສັງ­ເກດ​ໃຫ້​ດີ​ແລ້ວ ເຂົ້າ­ໜົມ​ໃນ​ຮູບ​ແບບ​ດັ່ງ­ກ່າວ​ນັ້ນ ອາດ​ສົ່ງ​ຜົນ​ກະ­ທົບ​ຕໍ່​ກັບ​ເດັກ​ໃນ​ອະ­ນາ­ຄົດ ເນື່ອງ​ຈາກ​ຮູບ​ຮ່າງ​ທີ່​ລໍ້​ຕາ​ລໍ້​ໃຈ ເປັນ​ຄ້າຍ­ຄື​ຊອງ­ຢາ​ສູບ ອາດ​ມີ​ຈັກ​ມື້​ທີ່​ເດັກ​ອາດ​ຈະ​ເຂົ້າ­ໃຈ​ພິດ​ວ່າ ອັນ​ໃດ​ເປັນ​ຂອງ​ແທ້ ອັນ​ໃດ້​ເປັນ​ຂອງ​ປອມ ຄຶດ​ຢາກ​ລອງ​ຈາກ​ຊອງ​ນ້ອຍ​ທີ່​ເປັນ​ເຂົ້າ­ໜົມ​ຫວານ ກາຍ​ມາ​ເປັນ​ຊອງ​ໃຫຍ່​ທີ່​ຕ້ອງ​ຈູດ​ໄຟ ຕໍ່​ກັບ​ບັນ­ຫາ​ດັ່ງ­ກ່າວ ອາດ​ເວົ້າ​ໄດ້​ວ່າ ມີ​ສ່ວນ​ໃນ​ການ​ປູກ​ຈິດ​ສຳ­ນຶກ​ໃຫ້​ກັບ​ເດັກ­ນ້ອຍ ຫ່າງ​ໄກ​ກັບ​ສູບ­ຢາ.</p> <p style="text-align: justify;"> ບັນ­ຫາ​ເຂົ້າ­ໜົມ​ຫວານ​ໃນ​ຮູບ​ແບບ​ຢາ­ສູບ ໄດ້​ກາຍ­ເປັນ​ສິ່ງ​ທ້າ​ທາຍ ສຳ­ລັບ​ຄະ­ນະ​ກຳ­ມະ­ການ​ຄວບ​ຄຸມ​ຢາ­ສູບ ເນື່ອງ​ຈາ​ກວ່າ ເປັນ​ການ​ໂຄ­ສະ­ນາ​ໃນ​ອີກ​ຮູບ​ແບບ ຂອງ​ບັນ­ດາ​ນັກ​ລົງ­ທຶນ ທັງໆ​ທີ່​ວ່າ ໃນ​ປະ­ເທດ​ເຮົາ​ສັ່ງ​ຫ້າມ​ໂຄ­ສະ­ນາ​ສິນ­ຄ້າ​ປະ­ເພດ​ຢາ­ສູບ​ທຸກ​ຊະ­ນິດ ບໍ່​ວ່າ​ຈະ​ເປັນ​ທາງ​ກົງ ຫຼື ທາງ​ອ້ອມ ເພາະ​ກຳ­ລັງ​ປຸກ­ລະ­ດົມ​ໃຫ້​ບັນ­ດາ​ກະ­ຊວງ ອົງ­ການ ສະ­ຖານ­ທີ່​ສາ­ທາ­ລະ­ນະ ແລະ ອື່ນໆ ໃຫ້​ກາຍ­ເປັນ​ເຂດ​ປອດ​ຄັວນ​ຢາ­ສູບ ແນ­ໃສ່​ການ​ປົກ​ປ້ອງ​ພົນ­ລະ­ເມືອງ​ຈາກ​ຜົນ​ຮ້າຍ​ຂອງ​ຢາ­ສູບ ແນ­ໃສ່​ຫຼຸດ­ຜ່ອນ​ການ​ຊົມ­ໃຊ້ ແລະ ຄ່າ​ໃຊ້​ຈ່າຍ​ທີ່​ບໍ່​ຈຳ­ເປັນ ປົກ​ປັກ​ຮັກ­ສາ​ສິ່ງ­ແວ­ດລ້ອມ ປະ­ກອບ­ສ່ວນ​ເຂົ້າ​ໃນ​ການ​ປົກ​ປັກ​ຮັກ­ສາ ແລະ ພັດ­ທະ­ນາ​ປະ­ເທດ​ຊາດ.</p> <p style="text-align: justify;"> ເມື່ອ​ເປັນ​ແນວ​ນັ້ນ ຈະ​ປ່ອຍ​ໃຫ້​ບັນ­ຫາ​ດັ່ງ­ກ່າວ​ໄດ້​ເຊື່ອມ​ຊຶມ​ເຂົ້າ​ໃນ​ເດັກ­ນ້ອຍ ກໍ​ຄົງ​ເປັນ​ເລື່ອງ​ທີ່​ບໍ່​ເໝາະ​ສົມ​ແນ່­ນອນ ເພາະ​ບໍ່​ມີ​ໃຜ​ທີ່​ຢາກ​ເຫັນ​ລູກ​ຫຼານ​ຂອງ​ຕົນ​ເຂົ້າ​ມາ​ເປັນ​ເຍື່ອ​ຂອງ​ຢາ­ສູບ ທັງໆ​ທີ່​ວ່າ​ຕົນ​ເອງ​ກໍ​ເຄີຍ​ມີ​ບົດ­ຮຽນ ປະ­ສົບ​ການ​ທີ່​ໄດ້​ມາ​ຈາກ​ຕົນ​ເອງ ຫຼື ຄົນ​ອ້ອມ​ຂ້າງ ດັ່ງ­ນັ້ນ ເພື່ອ​ບໍ່​ໃຫ້​ເດັກ­ນ້ອຍ​ກ່ຽວ­ຂ້ອງ​ກ່ຽວ​ກັບ​ຢາ­ສູບ ຄອບ­ຄົວ​ຕ້ອງ​ເປັນ​ຫຼັກ ໃນ​ການ​ສຶກ​ສາ​ອົບ­ຮົມ​ຜົນ​ຮ້າຍ​ຂອງ​ຢາ­ສູບ​ໃຫ້​ແກ່​ເຂົາ­ເຈົ້າ ຜູ້​ປະ­ກອບ​ການ ຮ້ານ​ຄ້າ ກໍ​ຕ້ອງ​ໄດ້​ເລືອກ­ເຟັ້ນ ຮູບ​ແບບ​ເຂົ້າ­ໜົມ​ຫວານ​ເພື່ອ​ມາ​ຈຳ­ໜ່າຍ ແລະ ສັງ­ຄົມ​ເອງ ກໍ​ຕ້ອງ​ມີ​ສ່ວນ​ຮ່ວມ​ເຊັ່ນ​ກັນ.</p> <p style="text-align: justify;"> <strong>ໂດຍ: ສ.ແສງ​ງາມ</strong></p>

ຂ່າວທີ່ກ່ຽວຂ້ອງ