ຄວາມພະຍາຍາມຄືຫົນທາງກ້າວສູ່ຄວາມສຳເລັດ

1.712 14 ພ.ຈ. 2011 ສຶກສາ
ຄວາມພະຍາຍາມຄືຫົນທາງກ້າວສູ່ຄວາມສຳເລັດ

<p style="text-align: justify;"> ເມື່ອ​ຄົນ​ເຮົາ​ຫາກ​ມີ​ຄວາມ​ຕັ້ງ­ໃຈ ສູ້​ຊົນ ພະ­ຍາ­ຍາມ​ບຸກ​ບືນ​ຜ່ານ​ຜ່າ​ອຸ­ປະ­ສັກ​ນາໆ​ປະ­ການ ເພື່ອ​ຈຸດ­ປະ­ສົງ​ເປົ້າ​ໝາຍ​ໃດ​ໜຶ່ງ ແນ່­ນອນ​ວ່າ ເຖິງ​ຈະ​ບໍ່​ໄປ​ເຖິງ​ເປົ້າ​ໝາຍ​ທີ່​ວາງ​ໄວ້​ໃນ​ເວ­ລາ​ອັນ​ໃກ້ ແຕ່​ໃນ​ບໍ່​ຊ້າ​ກໍ​ອາດ​ຈະ​ໄປ​ເຖິງ​ອຸ­ດົມ​ການ​ອັນ​ສູງ​ສົ່ງ​ໄດ້.</p> <p style="text-align: justify;"> ນາງ ລັດ­ສະ­ໝີ ລັດ­ຕະ­ນະ​ວົງ ນັກ­ຮຽນ​ຫ້ອງ ມ.5/3 ຂອງ​ໂຮງ­ຮຽນ​ມັດ­ທະ­ຍົມ​ສຶກ​ສາ​ສົມ­ບູນ​ວຽງ​ຈັນ ໄດ້​ກ່າວ​ວ່າ: ນັບ​ແຕ່​ຈຳ​ຄວາມ​ໄດ້ ຕົນ​ເອງ​ເປັນ​ຄົນ​ທີ່​ມີ​ຄວາມ​ຕັ້ງ­ໃຈ​ຫຼາຍ ໂດຍ​ສະ­ເພາະ​ຕໍ່​ການ​ສຶກ​ສາ​ຄົ້ນ​ຄ້ວ​າ​ຮ່ຳ­ຮຽນ ມັກ​ຈະ​ຕັ້ງ​ເປົ້າ​ໝາຍ​ເອົາ​ໄວ້​ສະ­ເໝີ ໂດຍ​ມີ​ພໍ່​ແມ່​ເປັນ​ກຳ­ລັງ​ຊຸກ­ຍູ້​ທາງ​ດ້ານ​ທຶນ­ຮອນ ແລະ ກຳ­ລັງ​ໃຈ​ມາ​ໂດຍ​ຕະ­ຫຼອດ ໃນ​ນັ້ນ​ກໍ​ມີ​ຄູ-ອາ­ຈານ​ທຸກໆ​ທ່ານ ທຸກ​ຊັ້ນ​ຮຽນ ຄອຍ​ໃຫ້­ການ​ແນະ­ນຳ​ຊ່ວຍ­ເຫຼືອ ສິດ­ສອນ​ໃຫ້​ວິ­ຊາ​ຄວາມ​ຮູ້ ວິ­ຊາ​ໃດ​ທີ່​ບໍ່​ທັນ​ເຂົ້າ­ໃຈ ຫຼື​ຮຽນ​ບໍ່​ທັນ​ໄດ້​ດີ​ເທົ່າ​ທີ່​ຄວນ ກໍ​ໄດ້​ມີ​ການ​ຮຽນ​ເພີ່ມ ຄູ-ອາ­ຈານ ​ກໍ​ໃຫ້­ການ​ແນະ­ນຳ​ໃກ້­ຊິດ­ຕິດ­ແທດ ບວກ​ກັບ​ການ​ຄົ້ນ​ຄ້ວ​າ​ແລກ­ປ່ຽນ​ບົດ­ຮຽນ​ກັບ​ໝູ່​ເພື່ອນ​ພາຍ​ໃນ​ຫ້ອງ​ຮຽນ ຈົນ​ສາ­ມາດ​ເຮັດ​ໃຫ້​ຜົນ​ການ​ຮຽນ​ໃນ​ແຕ່​ລະ​ປີ ມີ​ຄະ­ແນນ​ດີ​ຂຶ້ນ​ຕາມ​ລຳ­ດັບ.</p> <p style="text-align: justify;"> ໃນ​ສົກ­ຮຽນ​ປີ­ຜ່ານ­ມາ ຜົນ​ການ​ສອບ­ເສັງ​ຈົບ​ຊັ້ນ ມ.4 ກໍ​ສາ­ມາດ​ຍາດ​ໄດ້​ໃບ​ປະ­ກາດ​ແດງ ດ້ວຍ​ຄະ­ແນນ​ຮຽນ​ແຕ່​ລະ­ວິ​ຊາ​ບໍ່​ຫຼຸດ 9 ຄະ­ແນນ ແລະ ຍັງ​ໄດ້​ເປັນ​ຕົວ​ແທນ​ໃຫ້​ແກ່​ໂຮງ­ຮຽນ ໃນ​ການ​ສອບ­ເສັງ​ນັກ­ຮຽນ​ເກັ່ງ ວິ­ຊາ​ພາ­ສາ​ລາວ-ວັນ­ນະ­ຄະ­ດີ​ນຳ​ອີກ ເຊິ່ງ​ນອກ­ຈາກ​ຈະ​ເປັນ­ຄວາມ​ພູມ­ໃຈ​ຂອງ​ຕົນ​ເອງ​ແລ້ວ ຍັງ​ເປັນ­ຄວາມ​ພາກ­ພູມ​ໃຈ​ຂອງ​ພໍ່​ແມ່ ຄູ-ອາ­ຈານ ລວມ​ທັງ​ເພື່ອນ​ມິດ​ສະ­ຫາຍ​ນຳ​ອີກ.</p> <p style="text-align: justify;"> ຜົນ­ສຳ­ເລັດ​ເບື້ອງ​ຕົ້ນ​ທີ່​ຍາດ​ມາ​ໄດ້​ໃນ​ຄັ້ງ​ນີ້ ຖື​ວ່າ​ໄດ້​ມາ​ຍ້ອນ​ຄວາມ​ພະ­ຍາ­ຍາມ ພາກ​ພຽນ ແລະ ອົດ­ທົນ​ຂອງ​ຕົນ​ເອງ ບວກ​ກັບ​ແຮງ​ຊຸກ­ຍູ້​ສົ່ງ­ເສີມ​ຂອງ​ຜູ້​ປົກ­ຄອງ ຄູ-ອາ­ຈານ​ທຸກ​ທ່ານ.</p> <p style="text-align: justify;"> ດ້ວຍ​ຄວາມ​ຮູ້​ບຸນ­ຄຸນ ແລະ ຄວາມ​ຕັ້ງ­ໃຈ​ຂອງ​ຕົນ​ເອງ ໃນ​ໂອ­ກາດ​ຕໍ່​ໄປ ສຳ­ລັບ​ການ​ສຶກ​ສາ​ຮ່ຳ­ຮຽນ ຈະ​ບໍ່​ຢຸດ​ເຊົາ​ພຽງ​ເທົ່າ​ນີ້ ເຫັນ​ວ່າ​ຍັງ​ມີ​ຫຼາຍ​ສິ່ງ​ຫຼາຍ​ຢ່າງ​ທີ່​ທ້າ​ທາຍ​ຢູ່​ຂ້າງ​ໜ້າ ໂດຍ​ສະ­ເພາະ​ຕໍ່​ສະ­ພາບ​ຂອງ​ການ​ປັບ​ຕົວ ໃຫ້​ເຂົ້າ​ກັບ​ສະ­ພາບ​ແວດ​ລ້ອມ​ອັນ​ໃໝ່ ເຊັ່ນ: ສະ­ຖານ­ທີ່​ຮຽນ​ໝູ່​ເພື່ອນ ແລະ ວິ­ຊາ​ຮຽນ​ທີ່​ຈະ​ຕ້ອງ​ໃຊ້​ຄວາມ​ພະ­ຍາ­ຍາມ​ໃຫ້​ຫຼາຍ​ຂຶ້ນ ໃນ​ການ​ສຶກ​ສາ​ປັບ­ປຸງ​ແກ້​ໄຂ​ບາງ​ຈຸດ​ທີ່​ຄ້າງ​ຄາ ເພື່ອ​ເຮັດ​ໃຫ້​ຕົວ​ເອງ​ສາ­ມາດ​ປັບ​ຕົວ​ເຂົ້າ​ກັບ​ສະ­ພາບ​ແວດ​ລ້ອມ​ອັນ​ໃໝ່.</p> <p style="text-align: justify;"> ເຖິງ​ຢ່າງ­ໃດ​ກໍ​ດີ ເຊື່ອ​ແນ່​ວ່າ​ຈາກ​ພື້ນ­ຖານ​ວິ­ຊາ​ຄວາມ​ຮູ້​ທີ່​ມີ ປະ­ສົມ​ປະ­ສານ​ກັບ​ກຳ­ລັງ​ການ​ຊຸກ­ຍູ້​ສົ່ງ­ເສີມ​ຂອງ​ພໍ່​ແມ່ ຄູ-ອາ­ຈານ ຄົງ​ຈະ​ເຮັດ​ໃຫ້­ການ​ຮຽນ​ດີ​ຂຶ້ນ ສາ­ມາດ​ຜ່ານ​ຜ່າ​ອຸ­ປະ­ສັກ​ໃນ​ຄັ້ງ​ນີ້​ໄດ້​ຢ່າງ​ແນ່­ນອນ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ