ຄຳຝາກຈາກອ້າຍນ້ອງຈະລາຈອນ

9.772 10 ພ.ຈ. 2011 ພັດທະນານະຄອນຫຼວງ
ຄຳຝາກຈາກອ້າຍນ້ອງຈະລາຈອນ

<p style="text-align: justify;"> ທ່ານ ພັນ​ຕີ ບຸນ​ມາກ ສູນ​ດາ​ໄລ ຫົວ­ໜ້າ​ກອງ​ໂຄ­ສະ­ນາ ພະ​ແນກ​ຈະ­ລາ­ຈອນ ນະ­ຄອນ­ຫຼວງ​ວຽງ​ຈັນ ໃຫ້​ສຳ­ພາດ​ວ່າ: ເພື່ອ​ຫ້າງ​ຫາ​ກະ­ກຽມ​ໃສ່​ງານ​ຕະ­ຫຼາດ­ນັດ ແລະ ບຸນ​ນະ­ມັດ­ສະ­ການ​ພຣະ​ທາດ­ຫຼວງ 2011 ທາງ​ພະ​ແນກ​ຈະ­ລາ­ຈອນ​ນະ­ຄອນ­ຫຼວງ ໄດ້​ມີ​ການ​ວາງ​ກຳ­ລັງ ເພື່ອ​ຳ​ນວຍ​ຄວາມ​ສະ­ດວກ​ໃນ​ການ​ສັນ­ຈອນ​ໄປ​ມາ​ຕາມ​ທ້ອງ​ຖະ­ໜົນ ແລະ ຕາມ​ເສັ້ນ­ທາງ​ຫຼັກ​ສຳ­ຄັນ​ຕ່າງໆ ລວມ​ທັງ​ໝົດ 98 ຈຸດ ແລະ 8 ຈຸດ​ຄອຍ​ເຫດ ປະ­ຈຳ­ການ​ຕະ­ຫຼອດ 24 ຊົ່ວ­ໂມງ ເພື່ອ​ຄອຍ​ຮັບ​ການ​ແຈ້ງ​ເຫດ ໃນ​ກໍ­ລະ­ນີ​ມີ​ເຫດ­ການ​ດ່ວນ.</p> <p style="text-align: justify;"> ເນື່ອງ​ໃນ​ໂອ­ກາດ​ບຸນ​ນະ­ມັດ­ສະ­ການ​ພຣະ​ທາດ­ຫຼວງ​ປີ​ນີ້ ກໍ​ຂໍ​ຮຽກ­ຮ້ອງ​ມາ​ຍັງ​ພໍ່​ແມ່​ປະ­ຊາ­ຊົນ​ທຸກ​ທົ່ວ​ໜ້າ ຈົ່ງ​ພ້ອມ​ກັນ​ເອົາ­ໃຈ­ໃສ່​ປະ­ຕິ­ບັດ​ຕາມ​ພະ​ແນກ​ຈະ­ລາ­ຈອນ​ນະ­ຄອນ­ຫຼວງ​ຢ່າງ​ເຄັ່ງ​ຄັດ ໃຫ້­ການ​ຮ່ວມ​ມື​ກັບ​ເຈົ້າ​ໜ້າ­ທີ່​ໃນ​ການ​ປະ­ຕິ­ບັດ​ງານ ບັນ­ດາ​ລົດ​ໃຫຍ່ ບັນ­ທຸກ​ຕ່າງໆ ກໍ​ຄວນ​ຫຼີກ​ລ້ຽງ​ບັນ­ດາ​ເສັ້ນ­ທາງ​ຫຼັກ​ທີ່​ກ່ຽວ­ຂ້ອງ ກັບ​ເສັ້ນ­ທາງ​ທີ່​ຈະ​ມາ​ຫາ​ເດີ່ນ​ພຣະ​ທາດ­ຫຼວງ ແລະ ສູນ​ການ​ຄ້າ​ລາວ-ໄອ​ເຕັກ ສ່ວນ​ຜູ້​ປະ­ກອບ​ການ​ຫ້າງ​ຮ້ານ ບໍ­ລິ­ການ​ຮັບ​ຝາກ​ລົດ​ຕ່າງໆ ກໍ​ບໍ່​ຄວນ​ກິນ​ເນື້ອ­ທີ່​ໃນ​ການ​ສັນ­ຈອນ​ຕາມ​ທ້ອງ​ຖະ­ໜົນ ເພາະ​ຈະ​ເຮັດ​ໃຫ້​ເກີດ​ລົດ​ຕິດ ການ​ສັນ­ຈອນ​ໄປ​ມາ​ຈະ​ພົບ​ຄວາມ​ຫຍຸ້ງ­ຍາກ ພິ­ເສດ​ບັນ­ດາ​ຜູ້​ຂັບ​ຂີ່​ທັງ­ຫຼາຍ ກໍ​ຄວນ​ລະ­ວັງ ເວ­ລາ​ດື່ມ​ສິ່ງ​ມຶນ­ເມົາ​ແລ້ວ ກໍ​ບໍ່​ຕ້ອງ​ຂັບ​ລົດ ເພື່ອ​ຫຼີກ​ລ້ຽງ​ການ​ເກີດ​ອຸ­ປະ­ຕິ­ເຫດ ພິ­ເສດ​ສຸດ​ກໍ​ຮ່ວມ​ໃຈ​ກັນ​ປະ­ຕິ­ບັດ 6 ສ ຂອງ​ນະ­ຄອນ­ຫຼວງ​ຢ່າງ​ເຄັ່ງ​ຄັດ.</p> <p style="text-align: justify;"> ຊົມ­ເຊີຍ​ອ້າຍ​ເອື້ອຍ​ນ້ອງ​ຈະ­ລາ­ຈອນ ຄອຍ​ໃຫ້­ການ​ບໍ­ລິ­ການ​ລະ­ບາຍ​ລົດ ແກ້​ໄຂ​ບັນ­ຫາ​ລົດ​ຕິດ­ຕາມ​ຈຸດ​ໃຫຍ່​ຕ່າງໆ ໃນ​ນະ­ຄອນ­ຫຼວງ​ນີ້​ແມ່ນ​ຢູ່ 4 ແຍກ​ທາດ​ຂາວ.</p> <p style="text-align: justify;"> ພາບ​ນີ້​ແມ່ນ​ຢູ່ 4 ແຍກ​ໄຟ​ແດງ​ໃກ້​ທະ­ນາ­ຄານ​ລາວ-ຫວຽດ (ຕາມ​ເສັ້ນ­ທາງ​ຖະ­ໜົນ​ລ້ານ​ຊ້າງ).</p> <p style="text-align: justify;"> ນີ້​ແມ່ນ​ອີກ​ຈຸດ​ໜຶ່ງ​ສຳ­ຄັນ​ບັນ­ດາ​ອ້າຍ​ນ້ອງ​ຈະ­ລາ­ຈອນ ກຳ­ລັງ​ປະ­ຕິ­ບັດ​ໜ້າ­ທີ່​ຂອງ​ຕົນ​ດ້ວຍ​ຄວາມ​ຫ້າວ­ຫັນ ຢູ່​ເສັ້ນ­ທາງ​ໄກ­ສອນ ພົມ­ວິ­ຫານ 3 ແຍກ​ໄຟ​ແດງ​ໂພນ​ເຄັງ ແລະ ທາງ​ຕັດ​ໃສ່​ຖະ­ໜົນ​ກຳ­ແພງ​ເມືອງ.</p> <p style="text-align: justify;"> ຂໍ​ຊົມ­ເຊີຍ​ເດີ ! ເຮັດ​ໃຫ້­ການ​ລະ­ບາຍ​ລົດ​ໄປ​ມາ​ສະ­ດວກ​ຂຶ້ນ.</p> <p style="text-align: justify;"> <strong>ໂດຍ: ລູກ​ຊາຍ​ດຽວ</strong></p>

ຂ່າວທີ່ກ່ຽວຂ້ອງ