ຂ່າວຫຼ້າສຸດ

15 ປີ ມະຫາວິທະຍາໄລແຫ່ງຊາດ ໄດ້ສ້າງບຸກຄະລາກອນໄດ້ 54.388 ຄົນ

2.204 07 ພ.ຈ. 2011 ສຶກສາ

<p style="text-align: justify;"> ໂດຍ​ປະ­ຕິ­ບັດ​ຕາມ​ດຳ­ລັດ​ຂອງ​ນາ­ຍົກ­ລັດ­ຖະ­ມົນ­ຕີ​ແຫ່ງ ສປປ ລາວ ສະ­ບັບ​ເລກ​ທີ 50/ນຍ ລົງ​ວັນ​ທີ 9 ມິ­ຖຸ­ນາ 1995 ວ່າ​ດ້ວຍ​ການ​ສ້າງ­ຕັ້ງ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ໂດຍ​ການ​ເຕົ້າ­ໂຮມ​ເອົາ​ບັນ­ດາ​ສະ​ຖາ​ບັນ​ການ​ສຶກ​ສາ​ຊັ້ນ​ສູງ ທີ່​ຂຶ້ນ​ກັບ​ກະ­ຊວງ​ຕ່າງໆ​ໃນ​ເມື່ອ​ກ່ອນ ປະ­ກອບ​ເຂົ້າ​ເປັນ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ໂດຍ​ຂຶ້ນ​ກັບ​ການ​ຊີ້​ນຳ​ໂດຍ​ກົງ​ຂອງ​ກະ­ຊວງ​ສຶກ​ສາ​ທິ​ການ ບັນ­ດາ​ສະ​ຖາ​ບັນ​ຕ່າງໆ​ທີ່​ປະ­ກອບ​ເຂົ້າ​ເປັນ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ​ນັ້ນ ລວມ​ມີ 10 ສະ​ຖາ​ບັນ​ຄື: ມະ­ຫາ­ວິ­ທະ­ຍາ­ໄລ​ສ້າງ​ຄູ​ວຽງ​ຈັນ ມະ­ຫາ­ວິ­ທະ­ຍາ­ໄລ​ສັບ­ພະ​ວິ­ຊາ 2 ທັນ­ວາ ມະ­ຫາ­ວິ­ທະ­ຍາ­ໄລ​ແພດ­ສາດ ສູນ​ກຽມ​ສ້າງ­ຕັ້ງ​ມະ­ຫາ­ວິ­ທະ­ຍາ­ໄລ ກະ­ສິ­ກຳŒປ່າ­ໄມ້​ເວີນ​ຄຳ ໂຮງ­ຮຽນ​ກະ­ເສດ​ຊັ້ນ​ສູງ​ນາ​ບົງ ໂຮງ­ຮຽນ​ປ່າ­ໄມ້​ຊັ້ນ​ສູງ​ດົງ​ໂດກ ໂຮງ­ຮຽນ​ຊົນ­ລະ­ປະ­ທານ​ຊັ້ນ​ສູງ​ຕາດ​ທອງ ໂຮງ­ຮຽນ​ກໍ່­ສ້າງ​ເຄ­ຫາ​ສະ­ຖານ ໂຮງ­ຮຽນ​ຄົມ­ມະ­ນາ­ຄົມ​ຂົນ­ສົ່ງ​ຊັ້ນ​ສູງ ແລະ ໂຮງ­ຮຽນ​ການ​ຊ່າງ​ຊັ້ນ​ສູງ​ໄຟ­ຟ້າ​ເອ​ເລັກ​ໂຕຼ​ນິກ.</p> <p style="text-align: justify;"> ທ່ານ ສຈ.ດຣ. ສຸກ​ກົງ​ແສງ ໄຊ​ຍະ​ເລີດ ອະ­ທິ­ການ​ບໍ­ດີ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ໄດ້​ກ່າວ​ວ່າ: ພາຍ­ຫຼັງ​ການ​ກະ­ກຽມ​ການ​ສ້າງ­ຕັ້ງ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ​ສຳ­ເລັດ​ໂດຍ​ພື້ນ­ຖານ​ແລ້ວ ມາ​ຮອດ​ວັນ​ທີ 5 ພະ­ຈິກ 1996 ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ກໍ​ໄດ້​ໄຂ​ສົກ­ຮຽນ​ຄັ້ງ​ປະ­ຖົມ​ມະ­ລຶກ​ຂຶ້ນ​ຢ່າງ​ເປັນ​ທາງ​ການ ເຊິ່ງ​ນັບ​ແຕ່​ນັ້ນ​ເປັນ­ຕົ້ນ​ມາ ຄະ­ນະ​ຜູ້​ບໍ­ລິ­ຫານ​ຂັ້ນ​ຕ່າງໆ ພ້ອມ​ດ້ວຍ​ພະ­ນັກ­ງານ​ຄູ-ອາ­ຈານ ພາຍ​ໃນ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ໄດ້​ພ້ອມ​ກັນ​ຕັ້ງ­ໜ້າ ແລະ ສຸມ​ສະ­ຕິ​ປັນ­ຍາ​ປະ­ຕິ­ບັດ​ແຜນ​ພັດ­ທະ­ນາ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ​ໃນ​ແຕ່​ລະ​ໄລ­ຍະ ເປັນ­ຕົ້ນ​ແມ່ນ​ການ​ປັບ­ປຸງ​ກົງ­ຈັກ​ການ­ຈັດ­ຕັ້ງ ຈັດ​ຕັ້ງ​ການ​ຮຽນ-ການ​ສອນ ຄົ້ນ​ຄ້ວ​າ​ວິ­ທະ­ຍາ­ສາດ ແລະ ການ​ບໍ­ລິ­ການ​ທາງ​ດ້ານ​ວິ­ຊາ​ການ​ແກ່​ສັງ­ຄົມ ມາ​ເຖິງ​ວັນ​ທີ 5 ພະ­ຈິກ 2006 ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ໄດ້​ຈັດ​ຕັ້ງ​ການ​ສະ­ຫຼຸບ​ການ​ປະ­ຕິ­ບັດ​ແຜນ­ການ​ພັດ­ທະ­ນາ 10 ປີ ແລະ ໄດ້​ວາງ​ແຜນ​ພັດ­ທະ­ນາ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ 5 ປີ ຄັ້ງ​ທີ 3 ເພື່ອ​ເປັນ​ການ​ຈາ­ລຶກ​ຜົນ­ງານ 10 ປີ​ດັ່ງ­ກ່າວ ລັດ­ຖະ­ບານ​ແຫ່ງ ສປປ ລາວ ໄດ້​ຕົກ­ລົງ​ປະ­ດັບ​ຫຼຽນ​ໄຊ​ແຮງ​ງານ​ຊັ້ນ 1 ໃຫ້​ແກ່​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ.</p> <p style="text-align: justify;"> ເພື່ອ​ສືບ­ຕໍ່​ປະ­ຕິ­ບັດ​ແຜນ​ພັດ­ທະ­ນາ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ​ໃຫ້​ກ້າວ­ໜ້າ ຂະ­ຫຍາຍ­ຕົວ ແລະ ປະ­ກົດ​ຜົນ​ເປັນ​ຈິງ​ນັ້ນ ຄະ­ນະ​ຜູ້​ບໍ­ລິ­ຫານ​ຂັ້ນ​ຕ່າງໆ ພ້ອມ​ທັງ​ພະ­ນັກ­ງານ​ຄູ-ອາ­ຈານ ກໍ​ໄດ້​ພ້ອມ​ກັນ​ສືບ­ຕໍ່​ຜັນ​ຂະ­ຫຍາຍ ແລະ ປັບ­ປຸງ​ກົງ­ຈັກ​ການ­ຈັດ­ຕັ້ງ​ຈັດ​ຕັ້ງ​ການ​ຮຽນ-ການ​ສອນ ການ​ຄົ້ນ​ຄ້ວ​າ​ວິ­ທະ­ຍາ­ສາດ ແລະ ການ​ບໍ­ລິ­ການ​ດ້ານ​ວິ­ທະ­ຍາ­ສາດ​ແກ່​ສັງ­ຄົມ ພ້ອມ​ກັນ​ນັ້ນ ກໍ​ໄດ້​ມີ​ຄວາມ​ພະ­ຍາ­ຍາມ​ສູງ​ໃນ​ການ​ສ້າງ​ທຸກ​ເງື່ອນ­ໄຂ ເພື່ອ​ຮອງ​ຮັບ​ເອົາ​ນັກ​ສຶກ​ສາ​ມາ​ສຶກ​ສາ​ຕໍ່​ຢູ່​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ.</p> <p style="text-align: justify;"> ຕະ­ຫຼອດ​ໄລ­ຍະ 15 ປີ­ຜ່ານ­ມາ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ໄດ້​ສ້າງ​ນັກ­ວິ­ຊາ­ການ​ດ້ານ​ຕ່າງໆ​ໃນ​ລະ­ດັບ​ປະ­ລິນ­ຍາ​ຕີ ຊັ້ນ​ສູງ ແລະ ເໜືອ​ປະ­ລິນ­ຍາ​ຕີ ທັງ​ໝົດ 54.388 ຄົນ ຍິງ 21.720 ຄົນ ເພື່ອ​ປະ­ກອບ​ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະ ຮັບ​ໃຊ້​ປະ­ເທດ​ຊາດ ເຊິ່ງ​ຜົນ­ສຳ­ເລັດ​ດັ່ງ­ກ່າວ ແມ່ນ​ການ​ປະ­ກອບ­ສ່ວນ​ຢ່າງ​ຫ້າວ­ຫັນ​ຂອງ​ການ​ນຳ​ທຸກ​ຂັ້ນ ກໍ​ຄື​ພະ­ນັກ­ງານ​ຄູ-ອາ­ຈານ ພ້ອມ​ດ້ວຍ​ນັກ​ສຶກ​ສາ ທັງ​ອະ­ດີດ ແລະ ປັດ­ຈຸ­ບັນ ນອກ​ນັ້ນ​ຍັງ​ແມ່ນ​ການ​ປະ­ກອບ­ສ່ວນ​ຢ່າງ​ຕັ້ງ­ໜ້າ​ຈາກ​ທົ່ວ​ສັງ­ຄົມ​ອີກ​ດ້ວຍ.</p> <p style="text-align: justify;"> <strong>ໂດຍ: ສະ­ບາ​ໄພ</strong></p>

ຂ່າວທີ່ກ່ຽວຂ້ອງ