ຊີວິດນີ້ອຸທິດແດ່ຄຳວ່າ ຄູ

1.988 04 ພ.ຈ. 2011 ສຶກສາ
ຊີວິດນີ້ອຸທິດແດ່ຄຳວ່າ ຄູ

<p style="text-align: justify;"> ເຖິງ​ແມ່ນ​ວ່າ­ການ​ສະ­ເຫຼີມ­ສະ­ຫຼອງ​ວັນ​ຄູ​ແຫ່ງ​ຊາດ ຄົບ­ຮອບ 17 ປີ ຈະ​ຜ່ານ​ໄປ​ແລ້ວ ແຕ່​ບັນ­ຍາ­ກາດ​ອາຍ​ອຸ່ນ​ຂອງ​ມັນ ກໍ​ຍັງ​ຄົງ​ປົກ​ຄຸມ​ອົບ​ອຸ່ນ​ຫົວ­ໃຈ​ບັນ­ດາ​ນ້ອງ​ນັກ­ຮຽນ ນັກ​ສຶກ​ສາ ໂດຍ​ສະ­ເພາະ ຄູ-ອາ­ຈານ ໃນ​ທົ່ວ​ປະ­ເທດ.</p> <p style="text-align: justify;"> ນັບ​ວ່າ​ເປັນ​ໂອ­ກາດ​ດີ​ຄັ້ງ​ໜຶ່ງ​ໃນ​ຊີ­ວິດ​ກໍ​ວ່າ​ໄດ້ ທີ່​ໄດ້​ມີ​ໂອ­ກາດ​ໃກ້­ຊິດ​ຖາມ​ຂ່າວ​ຄາວ​ແບບ​ໃກ້​ຕົວ ເຖິງ​ບັນ­ຫາ​ຊີ­ວິດ​ປະ­ຫວັດ​ການ​ເຮັດ​ວຽກ​ງານ ໃນ​ການ​ໃຊ້​ຊີ­ວິດ​ປະ­ສົບ​ການ​ຂອງ​ອາ­ຊີບ​ຄູ​ຜ່ານ​ມາ​ຂອງ​ທ່ານ​ນາງ ບົວ​ສີ ປັນ​ແກ້ວ ພະ­ນັກ­ງານ​ບຳ­ນານ ອະ­ດີດ​ອາ­ຈານ​ສອນ​ຢູ່​ໂຮງ­ຮຽນ ມ.ປາຍ ໂນນ​ສະ­ຫວ່າງ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ຊຶ່ງ​ທ່ານ​ໄດ້​ກ່າວ​ວ່າ: ພາຍ­ຫຼັງ​ທີ່​ຮຽນ​ຈົບ​ຈາກ​ມະ­ຫາ­ວິ­ທະ­ຍາ­ໄລ​ສ້າງ​ຄູ​ດົງ​ໂດກ (ມສຄ) (ມຊ) ໃນ​ປັດ­ຈຸ­ບັນ ແຕ່​ປີ 1984 ເຊິ່ງ​ໃນ​ເບື້ອງ​ຕົ້ນ​ມາ​ສອນ​ພາ­ສາ​ຣັດ​ເຊຍ​ຢູ່​ໂຮງ­ຮຽນ​ກຽມ​ໄປ​ຕ່າງ­ປະ­ເທດ ພ້ອມ​ກັບ​ການ​ປະ­ຕິ­ບັດ​ໜ້າ­ທີ່​ເປັນ​ຄະ­ນະ​ພົວ­ພັນ​ຕ່າງ­ປະ­ເທດ​ຂອງ​ໂຮງ­ຮຽນ ຈາກ​ນັ້ນ​ມາ ປີ 1989 ກໍ​ມາ​ເປັນ​ຄູ​ສອນ​ຢູ່​ໂຮງ­ຮຽນ ມ.ປາຍ ໂນນ​ສະ­ຫວ່າງ ຕະ­ຫຼອດ​ມາ.</p> <p style="text-align: justify;"> ໄລ­ຍະ​ເວ­ລາ​ຂອງ​ການ​ໃຊ້​ຊີ­ວິດ​ຄູ​ຢູ່​ໂຮງ­ຮຽນ​ແຫ່ງ​ນັ້ນ ໄດ້​ມີ​ການ​ບຸກ​ບືນ​ຜ່ານ​ຜ່າ​ພັດ­ທະ­ນາ​ຕົນ​ເອງ​ມາ​ໂດຍ​ຕະ­ຫຼອດ ຈົນ​ເຮັດ​ໃຫ້​ເປັນ​ທີ່​ໄວ້​ເນື້ອ​ເຊື່ອ​ໃຈ​ຈາກ​ຂັ້ນ​ເທິງ ໄດ້​ຮັບ​ໜ້າ­ທີ່​ຄວາມ​ຮັບ­ຜິດ­ຊອບ​ໃນ​ລະ­ດັບ​ຂັ້ນ​ຕ່າງໆ​ມາ​ໂດຍ​ຕະ­ຫຼອດ ດ້ວຍ​ຈິດ​ສຳ­ນຶກ​ຄວາມ​ຮັກ​ໃນ​ອາ­ຊີບ​ເຮັດ​ໃຫ້​ຕົນ​ເອງ ໄດ້​ມີ​ຄວາມ​ກະ​ຕື​ລື​ລົ້ນ ສ້າງ­ສັນ​ຜົນ­ງານ​ອອກ​ມາ​ໃນ​ແຕ່​ລະ​ໄລ­ຍະ​ຄື ການ​ພັດ­ທະ­ນາ​ຄົນ ພັດ­ທະ­ນາ​ບຸກ​ຄະ­ລາ​ກອນ ອອກ​ຮັບ​ໃຊ້​ສັງ­ຄົມ​ຢ່າງ​ຫຼວງ­ຫຼາຍ ເຊິ່ງ​ຈະ​ບໍ່​ສາ­ມາດ​ປະ­ຕິ­ເສດ​ໄດ້​ເລີຍ​ວ່າ ບັນ­ດາ​ພະ­ນັກ­ງານ ລັດ­ຖະ­ກອນ​ທີ່​ສັງ­ກັດ​ຢູ່​ຕາມ​ກະ­ຊວງ ພະ­ແນກ­ການ ອົງ​ການ­ຈັດ­ຕັ້ງ​ທັງ​ພາກ​ລັດ ແລະ ເອ­ກະ​ຊົນ​ຈຳ­ນວນ​ບໍ່​ໜ້ອຍ ທີ່​ເຄີຍ​ຜ່ານ​ການ​ສິດ­ສອນ​ຮ່ຳ­ຮຽນ​ສຶກ​ສາ​ອົບ­ຮົມ​ຈາກ​ຕົນ​ເອງ.</p> <p style="text-align: justify;"> ເຖິງ​ແມ່ນ​ວ່າ​ປັດ­ຈຸ­ບັນ ຈະ​ອອກ​ມາ​ຈາກ​ເສັ້ນ­ທາງ​ເດີນ​ດັ່ງ­ກ່າວ​ກໍ​ຕາມ ແຕ່​ຄວາມ​ຮັກ​ຄວາມ​ຜູກ​ພັນ​ຈິດ​ວິນ​ຍານ​ຂອງ​ຄຳ​ວ່າ​ຄູ ກໍ​ຍັງ​ຄົງ​ມີ​ຢູ່ ໂດຍ​ສະ­ເພາະ​ມາ​ພັກ​ເຊົາ​ຢູ່​ເຮືອນ ກໍ​ໄດ້​ປະ­ກອບ­ສ່ວນ​ຊ່ວຍ​ອຳ­ນາດ​ການ​ປົກ­ຄອງ ເຂົ້າ​ເປັນ​ຄະ­ນະ​ຮັບ­ຜິດ­ຊອບ​ພັດ­ທະ­ນາ​ຊຸມ​ຊົນ​ຂອງ​ບ້ານ ສຶກ​ສາ​ອົບ­ຮົມ​ລູກ​ຫຼານ​ຢູ່​ຕາມ​ບ້ານ​ເຮືອນ.</p> <p style="text-align: justify;"> ຍ້ອນ​ຄວາມ​ຮັກ​ອາ­ຊີບ​ແພງ​ເດັກ​ບໍ່​ສາ­ມາດ​ຕັດ­ຂາດ​ໄດ້ ກໍ​ເລີຍ​ຕັດ­ສິນ​ໃຈ​ສ້າງ​ໂຮງ­ຮຽນ​ອະ­ນຸ­ບານ ປະ­ຖົມ ບ້ານ​ນາ​ສ້າງ​ໄຜ ເມືອງ​ໄຊ​ເຊດ​ຖາ ເຊິ່ງ​ນອກ­ຈາກ​ຈະ​ໄດ້​ໃຊ້​ຄວາມ​ຮູ້​ຄວາມ​ສາ­ມາດ ປະ­ສົບ​ການ​ຊີ­ວິດ​ທີ່​ສຶກ​ສາ​ຄົ້ນ​ຄ້ວ​າ​ມາ​ແລ້ວ ເປົ້າ​ໝາຍ​ຫຼັກ​ກໍ​ຈະ​ນຳ​ເອົາ​ວຽກ​ງານ​ນະ­ໂຍ­ບາຍ 6ສ ຂອງ​ນະ­ຄອນ­ຫຼວງ​ວຽງ​ຈັນ ເຂົ້າ​ມາ​ເປັນ​ແຮງ​ຊຸກ­ຍູ້ ຈັດ​ຕັ້ງ​ເປັນ​ໂຄງ­ການ​ແຜນ​ງານ​ອັນ​ລະ­ອຽດ ບວກ​ກັບ​ໂຄງ­ການ​ຫຼັກ­ສູດ​ລະ­ບຽບ​ຫຼັກ­ການ ຄຳ​ສັ່ງ​ແນະ­ນຳ​ຂອງ​ກະ­ຊວງ​ສຶກ​ສາ​ທິ​ການ ແລະ ກີ­ລາ ກໍ​ຄື​ພະ​ແນກ​ສຶກ​ສາ​ນະ­ຄອນ­ຫຼວງ ໃນ​ການ​ຈັດ​ວາງ​ແຜນ​ງານ​ໃຫ້​ສອດ­ຄ່ອງ​ໃນ​ແຜນ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ເພື່ອ​ບັນ­ລຸ​ສະ­ຫັດ​ສະ​ວັດ ພັດ­ທະ­ນາ​ຄົນ ພັດ­ທະ­ນາ​ສັງ­ຄົມ ຫັນ​ເປັນ​ອຸດ­ສາ­ຫະ­ກຳ​ທີ່​ທັນ​ສະ­ໄໝ ສ້າງ​ປະ­ເທດ​ຊາດ​ໃຫ້​ຮັ່ງ­ມີ​ເຂັ້ມ­ແຂງ ເພິ່ງ​ຕົນ​ເອງ ກຸ້ມ​ຕົນ​ເອງ ແລະ ສ້າງ​ຄວາມ​ເຂັ້ມ­ແຂງ​ດ້ວຍ​ຕົນ​ເອງ.</p> <p style="text-align: justify;"> <strong>ນຳ​ສະ­ເໜີ​ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ