ຢ່າມ່ວນຈົນລືມຮຽນ

1.502 31 ຕ.ລ. 2011 ສຶກສາ

<p style="text-align: justify;"> ປັດ­ຈຸ­ບັນ​ຢູ່​ໃນ​ໄລ­ຍະ​ທີ່​ມີ​ບຸນ​ສິນ​ກິນ​ທານ ແລະ ເທດ­ສະ­ການ​ງານ​ບຸນ​ປະ­ເພ­ນີ ທັງ​ຂອງ​ຊາດ ແລະ ສາ­ກົນ ເກີດ​ຂຶ້ນ​ຢ່າງ​ຫຼວງ­ຫຼາຍ ບວກ​ກັບ​ບັນ­ຍາ­ກາດ​ລວມ​ຂອງ​ບັນ­ດາ​ນັກ­ຮຽນ ນັກ​ສຶກ​ສາ ທີ່​ສ້າງ­ສັນ​ກັນ​ຂຶ້ນ​ມາ​ໃນ​ແຕ່​ລະ​ວັນ​ບໍ່​ຂາດ​ໄລ­ຍະ ເຮັດ​ໃຫ້​ບັນ­ດາ​ນ້ອງ​ນັກ­ຮຽນ ນັກ​ສຶກ​ສາ​ຈຳ­ນວນ​ຫຼວງ­ຫຼາຍ ຕ້ອງ​ເພີດ­ເພີນ ມ່ວນ­ຊື່ນ ຈົນ​ລືມ​ຄິດ​ເຖິງ​ການ​ຄົ້ນ​ຄ້ວ​າ​ຮ່ຳ­ຮຽນ.</p> <p style="text-align: justify;"> ມາ​ສັງ­ເກດ​ເບິ່ງ​ໃນ​ສະ​ຖາ​ບັນ​ການ​ສຶກ​ສາ​ແຫ່ງ​ຕ່າງໆ ກໍ​ເຫັນ​ວ່າ​ກ້າວ​ເຂົ້າ​ສູ່​ໄລ­ຍະ​ຂອງ​ການ​ຄົ້ນ​ຄ້ວ​າ​ຮ່ຳ­ຮຽນ ມີ​ບາງ​ແຫ່ງ​ກໍ​ກຽມ​ການ​ສອບ­ເສັງ​ພາກ­ຮຽນ​ທີ I ຂອງ​ສົກ­ຮຽນ 2011-2012 ແລ້ວ ແຕ່​ມາ​ເບິ່ງ​ຂະ​ບວນ​ລວມ​ການ​ຮຽນ​ບັນ­ດາ​ນັກ­ຮຽນ ນັກ​ສຶກ​ສາ ພັດ​ບໍ່​ຄຶກ­ຄັກ​ຄື​ກັນ​ກັບ​ຂະ​ບວນ​ການ​ອື່ນໆ ເພາະ​ສ່ວນ​ໃຫຍ່​ກໍ​ເມົາ​ມົວ​ນຳ​ການ​ຫຼິ້ນ​ກິນ​ຫຼາຍ​ກ່ວ​າ ຈະ​ສັງ­ເກດ​ເຫັນ​ໄດ້​ຢ່າງ​ງ່າຍ­ດາຍ ພໍ​ຕົກ​ແລງ​ຄ້ອຍ​ຄ່ຳ ບັນ­ດາ​ນົກ­ຍາງ​ຂາວ​ທັງ­ຫຼາຍ ກໍ​ເລີ່ມ​ບິນ​ເຈີດ​ອອກ​ລາດ­ຕະ­ເວນ​ຕາມ​ສະ­ຖານ­ທີ່ ຫ້າງ​ຮ້ານ​ບັນ­ເທີງ​ຕ່າງໆ ມີ​ບາງ​ຄັ້ງ​ໃນ​ເວ­ລາ​ໂມງ​ຮຽນ ກໍ​ເຫັນ​ນັກ­ຮຽນ​ຈຳ­ນວນ​ໜຶ່ງ ເກາະ​ກຸ່ມ​ຂີ່​ລົດ​ເລາະ​ຫຼິ້ນ​ໄປ​ຕາມ​ຖະ­ໜົນ​ຫົນ­ທາງ ແລະ ສະ­ຖານ­ທີ່​ສາ­ທາ­ລະ­ນະ​ອື່ນໆ</p> <p style="text-align: justify;"> ສະ­ນັ້ນ​ບັນ­ຫາ​ສຳ­ຄັນ ຊຶ່ງ​ຮຽກ­ຮ້ອງ​ມາ​ຍັງ​ພໍ່​ແມ່​ຜູ້​ປົກ­ຄອງ ຄູ-ອາ­ຈານ ໃນ​ສະ​ຖາ​ບັນ​ການ​ສຶກ​ສາ​ແຫ່ງ​ຕ່າງໆ ຕ້ອງ​ອອກ­ແຮງ​ຊ່ວຍ​ກັນ​ໃນ​ການ​ສ້າງ​ແຮງ​ກະ​ຕຸ້ນ ຄອຍ​ແນະ­ນຳ​ຕັກ­ເຕືອນ​ລູກ­ສິດ​ລູກ​ຫຼານ​ຂອງ​ຕົນ ຢ່າງ​ເປັນ​ປົກ­ກະ­ຕິ ຢ່າ​ໄດ້​ປ່ອຍ­ປະ​ລະ­ເລີຍ ຫຼື ເມີນ­ເສີຍ​ຕໍ່​ສະ­ພາບ​ທີ່​ເປັນ​ຢູ່ ເພາະ​ຖ້າ​ປະ­ປ່ອຍ​ໄວ້​ດົນ ມັນ​ຈະ​ແກ້​ໄຂ​ບໍ່​ທັນ ຕ້ອງ​ໄດ້​ຕິດ ຕາມ​ກວດ­ກາ​ລູກ​ຫຼານ​ຂອງ​ຕົນ​ຄືນ­ໃໝ່.</p> <p style="text-align: justify;"> ຕໍ່​ກັບ​ນັກ­ຮຽນ ນັກ​ສຶກ​ສາ​ເອງ​ກໍ​ເຊັ່ນ​ກັນ ຕ້ອງ​ເປັນ​ເຈົ້າ​ການ ບໍ່​ແມ່ນ​ຈະ​ໃຫ້​ສະ­ພາບ​ແວດ​ລ້ອມ​ເຫຼົ່າ­ນັ້ນ​ມາ​ເປັນ​ບ່ອນ​ທຳ­ລາຍ ກີດ­ຂວາງ​ອະ­ນາ­ຄົດ​ຂອງ​ຕົນ​ເອງ ຄວນ​ຄິດ ແລະ ຫວນ​ຄືນ​ເຖິງ​ຈຸດ­ປະ­ສົງ ເປົ້າ​ໝາຍ​ຫຼັກ​ໃນ​ການ​ສຶກ​ສາ​ຄົ້ນ​ຄ້ວ​າ​ຮ່ຳ­ຮຽນ​ຂອງ​ຕົນ ສ້າງ​ແຮງ​ຈູງ​ໃຈ ຕັ້ງ​ຄຳ​ຖາມ-ຄຳ​ຕອບ​ດ້ວຍ​ຕົນ​ເອງ​ສະ­ເໝີ​ວ່າ:</p> <p style="text-align: justify;"> ຮຽນ​ເຮັດ​ຫຍັງ ? ເປັນ​ຫຍັງ​ຕ້ອງ​ຮຽນ ? ແລະ ຮຽນ​ເພື່ອ​ໃຜ ? ຖ້າ​ຫາກ​ທຸກ​ຄົນ​ມີ​ຄຳ​ຕອບ​ໄດ້ 3 ຄຳ​ຖາມ​ນີ້​ແລ້ວ ເຊື່ອ​ວ່າ​ທຸກ​ບັນ­ຫາ​ຈະ​ໄດ້​ຮັບ​ການ​ແກ້​ໄຂ ໃຫ້​ສາ­ມາດ​ລຸ​ລ່ວງ​ໄປ​ໄດ້ ເພາະ​ມັນ​ຈະ​ກາຍ­ເປັນ​ຢາ​ກຳ­ລັງ​ໃຈ​ທີ່​ດີ ສຳ­ລັບ​ການ​ສຶກ​ສາ​ຄົ້ນ​ຄ້ວ​າ ເຊິ່ງ​ໃນ​ປັດ­ຈຸ­ບັນ ສາ­ເຫດ​ຕົ້ນ­ຕໍ​ຂອງ​ບັນ­ຫາ​ຫຼັກ ໃນ​ການ​ກີດ­ຂວາງ​ເສັ້ນ­ທາງ​ຂອງ​ການ​ສຶກ​ສາ​ຂອງ​ບັນ­ດາ​ນັກ­ຮຽນ ນັກ​ສຶກ​ສາ​ຈຳ­ນວນ​ບໍ່​ໜ້ອຍ ກໍ​ຍ້ອນ​ບໍ່​ຮູ້​ຄິດ ບໍ່​ທັນ​ຫາ​ຄຳ​ຕອບ​ໃຫ້​ຕົນ​ເອງ​ບໍ່​ໄດ້ ໂດຍ​ສະ­ເພາະ​ກໍ​ແມ່ນ 3 ຄຳ​ຖາມ-ຄຳ​ຕອບ​ທີ່​ຍົກ​ໃຫ້​ເຫັນ​ຂ້າງ​ເທິງ​ນີ້.</p> <p style="text-align: justify;"> <strong>ນຳ​ສະ­ເໝີ​ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ