ຂ່າວຫຼ້າສຸດ

ຄູໃນດວງໃຈ

1.815 27 ຕ.ລ. 2011 ສຶກສາ

<p style="text-align: justify;"> ຄຳ​ວ່າ: <strong>ຄູ​ໃນ​ດວງ​ໃຈ </strong>ຄິດ​ວ່າ​ຫຼາຍ​ຄົນ​ຄົງ​ຈະ​ປະ­ຕິ­ເສດ​ບໍ່​ໄດ້​ວ່າ ທຸກ​ຄົນ​ທີ່​ສາ­ມາດ​ມາ​ຢືນ​ຢູ່​ຈຸດ​ນີ້​ໄດ້ ກໍ​ຍ້ອນ​ມີ​ຄູ​ເປັນ​ຜູ້​ສິດ­ສອນ ແນະ­ນຳ​ໃຫ້​ຄວາມ​ຮູ້​ມາ ເຊິ່ງ​ແຕ່­ລະ­ຄົນ​ກໍ​ຈະ​ມີ​ຄວາມ​ແຕກ​ຕ່າງ​ກັນ​ໄປ ແຕ່​ສາ­ມາດ​ສັງ​ລວມ​ໄດ້​ວ່າ ຖ້າ​ບໍ່​ມີ​ຄູ​ສອນ​ກໍ​ຄົງ​ຈະ​ບໍ່​ມີ​ວັນ​ນີ້</p> <p style="text-align: justify;"> ທ້າວ ໄຊ​ຍະ​ຈັກ ໄຊ​ຍະ​ສິດ ທີ່​ຫາ​ກໍ​ສຳ­ເລັດ​ການ​ສຶກ​ສາ​ໃໝ່ໆ ສາ­ຂາ​ການ​ບັນ­ຊີ​ຂອງ​ວິ­ທະ­ຍາ­ໄລ​ເຕັກ­ນິກ​ປາກ​ປ່າ​ສັກ ຈາກ​ດິນ­ແດນ​ຊ້າງ​ຫຼາຍ ເມືອງ​ປາກ​ລາຍ ແຂວງ​ໄຊ​ຍະ​ບູ​ລີ ໄດ້​ກ່າວ​ວ່າ ພາຍ­ຫຼັງ​ທີ່​ຮຽນ​ຈົບ​ຈາກ​ໂຮງ­ຮຽນ ມ.ສ ນ້ຳ​ພູນ ແຂວງ​ໄຊ​ຍະ​ບູ​ລີ ກໍ​ເຂົ້າ​ຮຽນ​ຕໍ່​ທີ່​ສູນ​ເຝິກ​ວິ­ຊາ​ຊີບ​ດົງ​ປ່າ​ແລບ ມາ​ຮຽນ​ຊ່າງ​ລົດ­ຍົນ ພໍ​ໃຫ້​ມີ​ວິ­ຊາ​ຊີບ​ຕິດ​ຕົວ ຈາກ​ນັ້ນ​ກໍ​ມາ​ເຂົ້າ​ຮຽນ​ຕໍ່​ທີ່​ວິ­ທະ­ຍາ­ໄລ​ເຕັກ­ນິກ​ປາກ​ປ່າ​ສັກ ໃນ​ວິ­ຊາ​ການ​ບັນ­ຊີ ເຊິ່ງ​ນອກ­ຈາກ​ຈະ​ຮຽນ​ແລ້ວ ຍັງ​ຍາດ​ເວ­ລາ​ສ້າງ​ລາຍ​ໄດ້​ເພີ່ມ ດ້ວຍ​ການ​ເປັນ​ພະ­ນັກ­ງານ​ຢູ່​ຮ້ານ​ອາ­ຫານ ເພື່ອ​ແບ່ງ​ເບົາ​ຄ່າ​ໃຊ້​ຈ່າຍ​ຂອງ​ຄອບ­ຄົວ.</p> <p style="text-align: justify;"> ເມື່ອ​ເວົ້າ​ເຖິງ​ຄູ​ແລ້ວ ກໍ​ຄິດ​ເຖິງ ທ່ານ ບຸນ​ຊ່ອງ ສີ​ມຸນ ຜູ້­ອຳ­ນວຍ­ການ​ໂຮງ­ຮຽນ ມ.ສ ນ້ຳ​ພູນ ເມືອງ​ປາກ​ລາຍ ແຂວງ​ໄຊ​ຍະ​ບູ​ລີ ຊຶ່ງ​ເພິ່ນ​ເປັນ​ອາ­ຈານ​ສອນ​ວິ­ຊາ​ສຶກ​ສາ​ພົນ­ລະ­ເມືອງ (ວິ­ຊາ​ການ­ເມືອງ) ເພິ່ນ​ສອນ​ມ່ວນ ສ້າງ​ຄວາມ​ສົນ­ໃຈ​ໃຫ້​ແກ່​ນ້ອງ​ນັກ­ຮຽນ ເຊິ່ງ​ມີ​ຫຼາຍ​ຄົນ​ບອກ​ວ່າ ມັນ​ເປັນ​ວິ­ຊາ​ຮຽນ​ທີ່​ບໍ່​ມີ​ຄົນ​ສົນ­ໃຈ​ຢາກ​ຮຽນ​ເທົ່າ­ໃດ ແຕ່​ກົງ­ກັນ­ຂ້າມ ເພິ່ນ​ສາ­ມາດ​ເຮັດ​ໃຫ້​ນັກ­ຮຽນ​ຈຳ­ນວນ​ຫຼວງ­ຫຼາຍ ຫັນ​ແນວ​ຄວາມ​ຄິດ​ເດີມໆ​ມາ​ສົນ­ໃຈ​ຕໍ່​ວິ­ຊາ​ຂອງ​ເພິ່ນ​ສອນ.</p> <p style="text-align: justify;"> ນອກ­ຈາກ​ເພິ່ນ​ຈະ​ສອນ​ວິ­ຊາ​ຄວາມ​ຮູ້​ໃຫ້​ແລ້ວ ຍັງ​ຄອຍ​ແນະ­ນຳ ຕັກ­ເຕືອນ​ລູກ­ສິດ ໃຫ້​ແງ່​ມູນ​ແນວ​ຄວາມ​ຄິດ ຊີ້​ທິດ​ເຍືອງ​ທາງ​ໃຫ້​ແກ່​ນ້ອງ​ນັກ­ຮຽນ​ຢ່າງ​ບໍ່​ຂາດ​ໄລ­ຍະ ບໍ່​ມີ​ການ​ແບ່ງ​ແຍກ​ຖາ­ນະ ເພດ​ໄວ ໃຫ້​ຄວາມ​ຮູ້​ຄວາມ​ຮັກ­ແພງ​ເທົ່າ​ທຽມ​ກັນ​ໝົດ​ທຸກ​ຄົນ ເວົ້າ​ແບບ​ນີ້​ບໍ່​ໝາຍ​ຄວາມ​ວ່າ ຄູ-ອາ­ຈານ​ທ່ານ​ອື່ນໆ​ບໍ່​ດີ ທຸກ​ທ່ານ​ທີ່​ໄດ້​ສິດ­ສອນ​ໃຫ້​ວິ­ຊາ​ຄວາມ​ຮູ້​ຄອຍ​ແນະ­ນຳ ຈັບ​ມື​ຂຽນ​ໜັງ­ສື​ມາ​ແຕ່​ຊັ້ນ​ອະ­ນຸ­ບານ ປະ­ຖົມ ຈົນ­ກະ­ທັ້ງ​ບັນ­ດາ​ຄູ-ອາ­ຈານ​ທຸກ​ທ່ານ​ທີ່​ສິດ­ສອນ​ໃນ​ປັດ­ຈຸ­ບັນ ກໍ​ລ້ວນ​ແຕ່​ເປັນ​ຜູ້​ມີ​ພະ​ຄຸນ ມີ​ຄຸນ­ງາມ­ຄວາມ­ດີ ສ້າງ​ສີ​ແຕ້ມ​ແຕ່ງ ໃຫ້​ໂອ­ກາດ​ໃນ​ການ​ສຶກ​ສາ​ຮຽນ​ຮູ້ ຈົນ​ປະ­ສົບ​ຜົນ­ສຳ­ເລັດ.</p> <p style="text-align: justify;"> ເຖິງ​ແມ່ນ​ວ່າ​ຜົນ­ສຳ­ເລັດ​ໃນ​ຄັ້ງ​ນີ້ ອາດ​ຈະ​ເປັນ​ພຽງ​ບາດ­ກ້າວ​ທຳ​ອິດ​ກໍ​ຕາມ ທັງ​ໝົດ​ນີ້​ມັນ​ກໍ​ແມ່ນ​ຜົນ­ງານ​ອັນ​ຍິ່ງ​ໃຫຍ່​ຫາ​ສິ່ງ​ປຽບ­ປານ​ບໍ່​ໄດ້ ສຳ­ລັບ​ບັນ­ດາ​ທ່ານ​ຄູ-ອາ­ຈານ​ທຸກໆ​ທ່ານ ທີ່​ໄດ້​ໃຫ້​ຄວາມ​ຮັກ ຄວາມ​ເມດ​ຕາ​ກະ­ລຸ­ນາ ສັ່ງ­ສອນ​ໃຫ້​ຄວາມ​ຮູ້​ມາ ຈະ​ຂໍ​ຈົດ​ຈຳ​ທຸກ​ຖ້ອຍ​ຄຳ​ຂອງ​ຄູ-ອາ­ຈານ ຈະ​ປະ­ພຶດ​ປະ­ຕິ­ບັດ​ຕົນ​ປະ­ກອບ­ສ່ວນ​ວຽກ​ງານ ດ້ວຍ​ຄວາມ​ຊື່­ສັດ ສຸດ­ຈະ­ລິດ ຕາມ​ຄວາມ​ຮູ້​ຄວາມ​ສາ­ມາດ​ເຫື່ອ­ແຮງ​ທີ່​ຕົນ​ເອງ​ມີ ແລະ ຈະ​ຂໍ​ເທີດ​ທູນ​ຄູ​ໄວ້​ເປັນ​ແຮງ​ກຳ­ລັງ​ໃຈ​ທີ່​ຈະ​ກ້າວ​ເດີນ​ໄປ​ໃນ​ຂ້າງ​ໜ້າ ຂໍ​ອວຍ­ພອນ​ໃຫ້​ຄູ-ອາ­ຈານ​ທຸກ​ທ່ານ ຈົ່ງ​ມີ​ຄວາມ­ສຸກ ປະ­ສົບ​ຜົນ­ສຳ­ເລັດ​ໃນ​ຊີ­ວິດ ແລະ ໜ້າ­ທີ່​ການ​ງານ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ