ຂ່າວຫຼ້າສຸດ

ບໍ່ເຄີຍເປັນຄູ ຈະຮູ້ວ່າຄູຄິດແນວໃດ ?

1.642 14 ຕ.ລ. 2011 ສຶກສາ

<p style="text-align: justify;"> ຄວາມ​ຮັກ ຄວາມ​ຫ່ວງ​ໄຍ​ຜູກ​ພັນ​ຂອງ​ຄູ​ຕໍ່​ນ້ອງ​ນັກ­ຮຽນ ສູງ​ກ່ວ​າ​ສິ່ງ​ອື່ນ​ໃດ ຜົນ­ສຳ­ເລັດ​ອັນ​ຍິ່ງ​ໃຫຍ່​ຂອງ​ນັກ­ຮຽນ ນັກ​ສຶກ​ສາ ຄື​ຢາ​ກຳ­ລັງ​ໃຈ​ຂອງ​ຄູ-ອາ­ຈານ ເປັນ​ຂອງ­ຂວັນ​ລ້ຳ​ຄ່າ​ຫາ​ສິ່ງ​ປຽບ​ບໍ່​ໄດ້ ເຖິງ​ແມ່ນ​ຈະ​ຫ່າງ​ໄກ ເວ­ລາ​ຈະ​ດົນ​ນານ ແຕ່​ຄວາມ​ຮັກ­ແພງ​ປຽບ​ສະ​ເໝືອນ​ລູກ​ຫຼານ​ສາຍ­ເລືອດ​ດຽວ​ກໍ​ຍັງ​ຄົງ​ມີ​ຢູ່.</p> <p style="text-align: justify;"> <strong>ວັນ​ທີ 7 ຕຸ­ລາ ວັນ​ຄູ​ແຫ່ງ​ຊາດ ກໍ​ໝູ­ນວຽນ​ມາ​ບັນ­ຈົບ​ຄົບ­ຮອບ​ອີກ​ວາ­ລະ​ໜຶ່ງ ເຊິ່ງ​ເມື່ອ​ເຖິງ​ວັນ​ນີ້ ກໍ​ຍິ່ງ​ເຮັດ​ໃຫ້​ຫວນ​ຄືນ​ເຖິງ​ບັນ­ດາ​ລູກ­ສິດ ທີ່​ເຄີຍ​ສິດ­ສອນ​ທີ່​ຜ່ານ​ມາ ເຖິງ​ແມ່ນ​ວ່າ ເວ­ລາ​ຈະ​ຜ່ານ​ໄປ​ຫຼາຍ​ແລ້ວ​ກໍ​ຕາມ </strong>ນີ້​ຄື​ຄຳ​ເວົ້າ​ອອກ​ຈາກ​ໃຈ​ຂອງ​ທ່ານ ພູ​ສະ­ຫວ່າງ ຈູມ​ມະ​ລາ​ວົງ ຜູ້­ອຳ­ນວຍ­ການ​ໂຮງ­ຮຽນ​ປະ­ຖົມ​ສົມ­ບູນ​ທົ່ງ​ຄຳ ເມືອງ​ທຸ­ລະ­ຄົມ ແຂວງ​ວຽງ​ຈັນ.</p> <p style="text-align: justify;"> <strong>ທ່ານ​ກ່າວ​ວ່າ: </strong>ເມື່ອ​ຫວນ​ຄືນ​ຊີ­ວິດ​ເມື່ອ​ຄາວ​ເປັນ​ນັກ­ຮຽນ ຕົນ​ເອງ​ກໍ​ມີ​ຄູ​ເປັນ​ຜູ້​ສິດ­ສອນ​ຄື​ກັນ ຕ້ອງ​ຜ່ານ​ການ​ສຶກ​ສາ​ຮ່ຳ­ຮຽນ​ມາ​ຫຼາຍ​ປີ​ຫຼາຍ​ຂັ້ນ​ຕອນ ກ່ວ​າ​ຈະ​ມາ​ເຖິງ​ຈຸດ​ນີ້​ໄດ້ ສິ່ງ​ໜຶ່ງ​ທີ່​ພາກ­ພູມ​ໃຈ​ທຸກ​ວັນ​ນີ້​ຄື ໄດ້​ເຫັນ​ລູກ­ສິດ​ລູກ​ຫາ​ທີ່​ເຄີຍ​ສິດ­ສອນ​ໃຫ້​ຄວາມ​ຮູ້​ຫຼາຍ​ຄົນ ໄດ້​ສຶກ​ສາ​ຮ່ຳ­ຮຽນ​ໃນ​ລະ­ດັບ​ສູງ ບາງ​ຄົນ​ກໍ​ອອກ​ເຮັດ​ວຽກ​ປະ­ກອບ​ທຸ­ລະ​ກິດ​ສ່ວນ​ຕົວ ບາງ​ຄົນ​ກໍ​ປະ­ກອບ­ສ່ວນ​ວຽກ​ງານ​ຂອງ​ພັກ-ລັດ ເປັນ​ເຈົ້າ​ເປັນ​ນາຍ​ໄປ​ກໍ​ມີ ເຖິງ​ແມ່ນ​ວ່າ​ມີ​ບາງ​ຄັ້ງ ນັກ­ຮຽນ​ເກົ່າ​ບາງ​ຄົນ​ກໍ​ທັກ​ທາຍ ! ໃຫ້​ຄວາມ​ຮັກ­ແພງ​ສະ­ໜິດ­ສະ­ໜົມ ກໍ​ພູມ­ໃຈ ມີ​ບາງ​ຄົນ​ກໍ​ເຮັດ​ບໍ່​ເຫັນ ຫຼຽວ​ຫຼັງ​ຫັນ​ໃສ່​ກໍ​ມີ ແຕ່​ທັງ​ນີ້ ທັງ​ນັ້ນ ກໍ​ບໍ່​ໄດ້​ຄິດ​ຄຽດ ຫຼື ນ້ອຍ​ໃຈ​ແຕ່​ຢ່າງ­ໃດ ກົງ­ກັນ­ຂ້າມ​ພັດ​ຊື່ນ​ຊົມ​ພູມ­ໃຈ ທີ່​ພວກ​ເຂົາ​ເຫຼົ່າ­ນັ້ນ ປະ­ສົບ​ຜົນ­ສຳ­ເລັດ​ໃນ​ໜ້າ­ທີ່​ການ​ງານ ຊີ­ວິດ​ຄອບ­ຄົວ.</p> <p style="text-align: justify;"> ຫຼາຍ​ຄົນ​ເຄີຍ​ຕັ້ງ​ບັນ­ຫາ​ຖາມ​ກັນ ? ແລະ ຫຼາຍ​ຄົນ​ກໍ​ມັກ​ຈະ​ເວົ້າ​ໃນ​ທາງ​ສຽງ​ສັງ­ຄົມ​ວ່າ: ຄູ-ອາ­ຈານ​ນັ້ນ ມີ​ແຕ່​ຢາກ​ໄດ້ ບັນ­ຫາ​ນີ້​ບໍ່​ຂໍ​ຖຽງ ແຕ່​ໃນ​ຄວາມ​ເປັນ​ຈິງ ບໍ່​ແມ່ນ​ມີ​ແຕ່​ຄູ​ພຽງ​ຄົນ​ດຽວ ທີ່​ຢາກ​ໄດ້ ທຸກ​ຄົນ​ກໍ​ແມ່ນ​ຢາກ​ໄດ້​ຢາກ​ມີ​ດ້ວຍ​ກັນ​ທັງ​ນັ້ນ ແຕ່​ສິ່ງ​ທີ່​ຈະ​ໄດ້​ມາ​ນັ້ນ​ແມ່ນ​ໄດ້​ມາ​ແບບ​ໃດ ຄຸນ­ຄ່າ​ລາ­ຄາ​ທີ່​ໄດ້​ມັນ​ມີ​ຄວາມ​ໝາຍ​ສຳ­ຄັນ​ຂະ­ໜາດ​ໃດ ? ຄູ​ກໍ​ແມ່ນ​ຄົນ​ທຳ​ມະ​ດາ​ຄົນ​ໜຶ່ງ ມີ​ເລືອດ​ເນື້ອ​ຈິດ­ໃຈ ມີ​ສຸກ ທຸກ ໂສດ ຕ້ອງ​ສູ້ ແລະ ຜ່ານ​ຜ່າ​ອຸ­ປະ­ສັກ​ມາ​ຄື​ກັນ ເພາະ­ສະ­ນັ້ນ ຈະ​ປະ­ຕິ­ເສດ​ບໍ່​ໄດ້​ໃນ​ແງ່​ມຸມ​ຊີ­ວິດ ອັນ​ດີ ອັນ​ອ່ອນ ຄວບ​ຄູ່​ກັນ​ໄປ ແຕ່​ມີ​ສິ່ງ​ໜຶ່ງ​ທີ່​ຄູ​ເໜືອ​ຄົນ​ອື່ນ​ນັ້ນ ຄື​ນ້ຳ­ໃຈ​ທີ່​ເສຍ­ສະ­ຫຼະ ມີ​ນ້ຳ­ໃຈ​ໂອບ​ເອື້ອ​ອາ­ລີ ຫາ​ແຕ່​ສິ່ງ​ດີໆ ວິ­ຊາ​ຄວາມ​ຮູ້​ມາ​ສິດ­ສອນ​ໃຫ້​ລູກ­ສິດ​ຂອງ​ຕົນ ໃຫ້​ມີ​ຄວາມ​ຮູ້​ຄວາມ​ສາ­ມາດ ບາງ​ຄັ້ງ​ຈະ​ອິດ​ອ່ອນ​ເມື່ອ​ລ້າ​ກໍ​ຍິ້ມ​ສູ້ ເພື່ອ​ລູກ­ສິດ​ຕົນ.</p> <p style="text-align: justify;"> <strong>ດັ່ງ​ຄຳ​ເວົ້າ​ທີ່​ວ່າ: </strong>ຄູ​ຄື​ແມ່​ພີມ​ຂອງ​ຊາດ ຄູ​ແມ່ນ​ນັກ​ວິ­ສະ­ວະ­ກອນ​ແຫ່ງ​ດວງ​ວິນ​ຍານ ຄູ​ປຽບ​ສະ​ເໝືອນ​ແສງ​ທຽນ​ທີ່​ເຜົາ​ໄໝ້​ຕົນ​ເອງ ເພື່ອ​ໃຫ້​ແສງ​ສະ­ຫວ່າງ​ແກ່​ຜູ້​ອື່ນ ສະ­ຫຼຸບ​ແລ້ວ ຄູ​ໃນ​ວັນ​ນີ້ ຫຼື ມື້​ຕໍ່ໆໄປໃນ​ວັນ​ໜ້າ ກໍ​ມີ­ຄ່າ​ເທົ່າ​ເດີມ ຄ່າ​ຂອງ​ຄູ​ຈະ​ມີ​ໄດ້ ກໍ​ຕໍ່​ເມື່ອ​ຜູ້​ເບິ່ງ​ນັ້ນ ເບິ່ງ​ເລິກ​ເຖິງ​ຖອງ​ແລ້ວ​ບໍ ? ຄື​ຄຳ​ເວົ້າ​ຂອງ​ຄູ​ຫຼາຍ​ທ່ານ​ເວົ້າ​ວ່າ: ຖ້າ​ບໍ່​ເປັນ​ຄູ ເຖິງ​ຈະ​ອະ­ທິ­ບາຍ​ເທົ່າ­ໃດ​ກໍ​ບໍ່​ເຂົ້າ­ໃຈ​ຄູ ນອກ­ຈາກ​ຈະ​ເຄີຍ​ເປັນ​ຄູ​ເທົ່າ​ນັ້ນ ຈຶ່ງ​ຈະ​ຮູ້​ໃຈ​ຄູ ວ່າ​ຄິດ​ແນວ­ໃດ ?.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ