ຫຼາຍພາກສ່ວນໃຫ້ຄວາມສຳຄັນ ແລະ ສືບຕໍ່ປະຕິບັດນະໂຍບາຍ 6 ສ

5.232 12 ຕ.ລ. 2011 ພັດທະນານະຄອນຫຼວງ

<p style="text-align: justify;"> ນະ­ຄອນ­ຫຼວງ​ວຽງ​ຈັນ ໃນ​ປັດ­ຈຸ­ບັນ​ນີ້ ເຫັນ​ວ່າ​ມີ​ຄວາມ​ສວຍ​ສົດ​ງົດ​ງາມ ເຕັມ​ໄປ​ດ້ວຍ​ຄວາມ​ເປັນ​ສະ­ເໜ ຍ້ອນ​ການ​ນຳ­ພາ​ຂອງ​ພັກ-ລັດ­ຖະ­ບານ​ເຮົາ ເພິ່ນ​ໄດ້​ເອົາ­ໃຈ­ໃສ່​ໃນ​ການ​ສ້າງ­ສາ​ພັດ­ທະ­ນາ​ໂຄງ​ລ່າງ ສາ­ມາດ​ເຫັນ​ໄດ້​ວ່າ ຫຼາຍ​ບ່ອນ​ຫຼາຍ​ສະ­ຖານ­ທີ່​ໄດ້​ມີ​ການ​ພັດ­ທະ­ນາ ແລະ ປັບ­ປຸງ​ຈາກ​ສະ­ຖານ­ທີ່​ເຄີຍ​ເປັນ​ບ່ອນ​ຮົກ­ເຮື້ອ ຖິ້ມ​ຂີ້​ເຫຍື້ອ​ເປື້ອນ​ເປິ​ະ​ນີ້ ໄດ້​ກາຍ​ມາ​ເປັນ​ຈຸດ​ສຳ­ຄັນ ເປັນ​ບ່ອນ​ສວຍ​ງາມ ແລະ ກາຍ­ເປັນ​ແຫຼ່ງ​ທ່ອງ​ທ່ຽວ ເປັນ​ບ່ອນ​ພັກ​ໃຈ​ໃຫ້​ແກ່​ແຂກ​ຄົນ​ທີ່​ມາ​ທ່ຽວ​ຊົມ ເຊິ່ງ​ມີ​ອາ­ກາດ​ປອດ​ສານ­ພິດ ແລະ ໄຮ້​ກິ່ນ​ເໝັນ​ຕ່າງໆ.</p> <p style="text-align: justify;"> ຢູ່​ນະ­ຄອນ­ຫຼວງ​ວຽງ​ຈັນ ໃນ​ວັນ​ທີ 12 ຕຸ­ລາ ກໍ​ເປັນ​ວັນ​ປະ­ກາດ​ເອ­ກະ­ລາດ ວັນ​ທີ 13 ຕຸ­ລາ ຈະ​ມາ​ເຖິງ​ນີ້ ກໍ​ຈະ​ໄດ້​ມີ​ການ​ຈັດ​ງານ​ບຸນ​ປະ­ເພ­ນີ​ຊ່ວງ​ເຮືອ​ທີ່​ທ່າ​ວັດ​ຈັນ ເຊິ່ງ​ເປັນ​ງານ​ບຸນ​ປະ­ເພ­ນີ​ປະ­ຈຳ​ປີ ແລະ ຍັງ​ເປັນ​ບຸນ​ລະ­ດັບ​ຊາດ ເຊິ່ງ​ມີ​ທັງ​ປະ­ຊາ­ຊົນ​ລາວ​ທົ່ວ​ປະ­ເທດ ແລະ ແຂກ​ຕ່າງ­ປະ­ເທດ​ໄດ້​ເຂົ້າ​ມາ​ທ່ຽວ​ຊົມ​ຢ່າງ​ລົ້ນ​ຫຼາຍ ແລະ ໃກ້​ເຂົ້າ​ມາ​ກໍ​ຄື ວັນ​ທີ 2 ທັນ­ວາ ເຊິ່ງ​ເປັນ​ວັນ​ສະ­ຖາ­ປະ­ນາ ສປປ ລາວ ເຮົາ ສະ­ນັ້ນ ທາງ​ຄະ­ນະ​ພັກ​ນະ­ຄອນ­ຫຼວງ ເພິ່ນ​ກໍ​ໄດ້​ເອົາ­ໃຈ­ໃສ່​ປຸກ­ລະ­ດົມ ພໍ່​ແມ່​ປະ­ຊາ­ຊົນ​ແຕ່​ລະ​ບ້ານ ໃຫ້​ເຫັນ​ຄວາມ​ສຳ­ຄັນ ໃນ​ການ​ສ້າງ­ສາ​ພັດ­ທະ­ນາ ເຮັດ​ໃຫ້​ນະ­ຄອນ­ຫຼວງ​ວຽງ​ຈັນ ມີ​ຄວາມ​ສວຍ​ງາມ ແລະ ໃນ​ທຸກ​ພາກ­ສ່ວນ​ກໍ​ມີ​ຄວາມ​ຕື່ນ​ຕົວ ຮັກ­ສາ​ຄວາມ​ສະ­ອາດ ອະ­ນາ­ໄມ​ໃນ​ແຕ່​ລະ​ກະ­ຊວງ ທັງ​ໃນ​ອົງ​ກອນ​ລັດ ແລະ ເອ­ກະ​ຊົນ ຕະ­ຫຼອດ​ເຖິງ​ພໍ່​ແມ່​ປະ­ຊາ­ຊົນ​ທຸກ​ບ້ານ​ໄດ້​ເອົາ­ໃຈ­ໃສ່​ສືບ­ຕໍ່ ແລະ ໃຫ້​ຄວາມ​ສຳ­ຄັນ​ປະ­ຕິ­ບັດ​ນະ­ໂຍ­ບາຍ 6 ສ ຢ່າງ​ເປັນ​ຂະ​ບວນ ແລະ ຟົດ­ຟື້ນ ມີ​ການ​ອອກ­ແຮງ​ງານ ຮັກ­ສາ​ຄວາມ​ສະ­ອາດ​ຕາມ​ທ້ອງ​ຖະ­ໜົນ​ຫົນ­ທາງ​ສາຍ​ຫຼັກ ແລະ ບ້ານ​ຕ່າງໆ ຕະ­ຫຼອດ​ເຖິງ​ຄອງ​ລະ­ບາຍ​ນ້ຳ ກໍ​ມີ​ການ​ເຮັດ​ຄວາມ​ສະ­ອາດ​ຢ່າງ​ຈົບ­ງາມ ເພື່ອ​ເປັນ​ການ​ກະ­ກຽມ​ຮັບ​ຕ້ອນ​ວັນ​ສຳ­ຄັນ​ຕ່າງໆ​ຂອງ​ຊາດ ນອກ­ຈາກ​ນັ້ນ ຍັງ​ມີ​ການ​ປູກ​ຈິດ​ສຳ­ນຶກ​ໃຫ້​ພໍ່​ແມ່​ປະ­ຊາ­ຊົນ ໂດຍ​ສະ­ເພາະ​ແມ່ນ​ຊາວ​ນະ­ຄອນ­ຫຼວງ​ວຽງ​ຈັນ ປະ­ຕິ­ບັດ​ນະ­ໂຍ­ບາຍ 6 ສ ໄດ້​ຢ່າງ​ເຂັ້ມ​ງວດ ເຊັ່ນ​ວ່າ: ການ​ຮັກ­ສາ​ຄວາມ​ສະ­ຫງົບ ໂດຍ​ສະ­ເພາະ​ແມ່ນ​ໃນ​ງານ​ບຸນ­ຊ່ວງ­ເຮືອ​ປີ​ນີ້ ເຫັນ​ວ່າ​ມີ​ຄວາມ​ສະ­ຫງົບ​ສຸກ​ດີ ສຽງ​ກະ­ໂພກ​ກໍ​ບໍ່​ເຫັນ​ແຕກ ແລະ ຮ້ານ​ຂາຍ​ກ່ຽວ​ກັບ​ໝາກ​ກະ­ໂພກ​ຕ່າງໆ​ກໍ​ບໍ່​ມີ ຍ້ອນ​ວ່າ​ທຸກ​ພາກ­ສ່ວນ ໄດ້​ເອົາ­ໃຈ­ໃສ່​ປະ­ຕິ­ບັດ​ຕາມ​ຄຳ​ສັ່ງ​ຂອງ​ຄະ­ນະ​ຈັດ​ຕັ້ງ​ງານ​ບຸນ​ໄດ້​ເປັນ​ຢ່າງ​ດີ ແລະ ທາງ​ເຈົ້າ​ໜ້າ­ທີ່​ກ່ຽວ­ຂ້ອງ ກໍ​ໄດ້​ເອົາ­ໃຈ­ໃສ່​ເບິ່ງ­ແຍງ​ທຸກ​ຊ່ອງ​ຫວ່າງ​ຂອງ​ສັງ­ຄົມ ເພື່ອ​ຮັກ­ສາ​ຄວາມ​ປອດ​ໄພ ດ້ານ​ຄວາມ​ສະ­ອາດ ກໍ​ແມ່ນ​ໃຫ້​ທຸກ​ພາກ­ສ່ວນ​ເອົາ­ໃຈ­ໃສ່​ທົ່ວ​ນະ­ຄອນ­ຫຼວງ ໃຫ້​ມີ​ຄວາມ​ສະ­ອາດ​ຈົບ­ງາມ ມີ​ການ​ປະ­ຕິ­ບັດ​ຕໍ່​ສິ່ງ­ແວ­ດລ້ອມ ຕົ້ນ­ໄມ້​ຕົ້ນ​ຫຍ້າ ເພື່ອ​ຮັກ­ສາ​ຄວາມ​ຂຽວ​ສົດ​ງົດ​ງາມ​ຂອງ​ທຳ​ມະ​ຊາດ ຕາມ​ທ້ອງ​ຖະ­ໜົນ ສວນ​ສາ­ທາ­ລະ­ນະ​ຕ່າງໆ ຕະ­ຫຼອດ​ເຖິງ​ເຮືອນ​ຊານ​ບ້ານ​ຊ່ອງ​ຂອງ​ພໍ່​ແມ່​ປະ­ຊາ­ຊົນ ເວ­ລາ​ຄ່ຳ​ຄືນ ຕ້ອງ​ມີ​ໄຟ­ຟ້າ​ແສງ​ສະ­ຫວ່າງ ເຮັດ​ໃຫ້​ມີ​ຄວາມ​ສະ­ດວກ​ສະ­ບາຍ​ໄປ​ມາ ສັງ­ຄົມ​ກໍ​ເອົາ­ໃຈ­ໃສ່​ສ້າງ­ສາ​ພັດ­ທະ­ນາ​ທາງ​ດ້ານ​ເສດ­ຖະ­ກິດ ໃຫ້​ມີ​ຄວາມ​ຢູ່​ດີ​ກິນ​ດີ ເພື່ອ​ເປັນ​ການ​ພັດ­ທະ­ນາ​ປະ­ເທດ​ຊາດ ໃຫ້​ມີ​ຄວາມ​ສີ­ວິ­ໄລ​ຕໍ່​ໄປ ແລະ ສຸດ​ທ້າຍ​ກໍ​ຄື​ສ້າງ​ປະ­ເທດ​ລາວ​ເຮົາ ໂດຍ​ສະ­ເພາະ​ແມ່ນ​ນະ­ຄອນ­ຫຼວງ​ວຽງ​ຈັນ ໃຫ້​ເປັນ​ເມືອງ​ທີ່​ໜ້າ​ຢູ່​ອາ­ໄສ ມີ​ຄວາມ​ສວຍ​ສົດ​ງົດ​ງາມ​ໄປ​ດ້ວຍ​ວັດ­ທະ­ນະ­ທຳ​ອັນ​ລ້ຳ​ຄ່າ ແລະ ຮັ່ງ­ມີ​ທາງ​ດ້ານ​ນ້ຳ­ໃຈ​ໃສ​ສະ­ອາດ ປາ­ສະ­ຈາກ​ສານ­ພິດ​ຕ່າງໆ ເປັນ​ສະ­ເໜ​ໃຫ້​ຊາວ​ຕ່າງ­ປະ­ເທດ​ທີ່​ເຂົ້າ​ມາ​ທ່ຽວ​ຊົມ ແລະ ມີ​ຊື່​ສຽງ​ໄປ​ທົ່ວ​ໂລກ ທາງ​ດ້ານ​ຄວາມ​ປອດ​ໄພ ແລະ ຄວາມ​ສະ­ຫງົບ​ຮຽບ​ຮ້ອຍ​ຂອງ​ສັງ­ຄົມ.</p> <p style="text-align: justify;"> ປະ­ຊາ­ຊົນ​ສ່ວນ​ຫຼາຍ ກໍ​ໄດ້​ເອົາ­ໃຈ­ໃສ່​ສືບ­ຕໍ່​ປະ­ຕິ­ບັດ​ຕາມ​ນະ­ໂຍ­ບາຍ 6 ສ ໂດຍ​ສະ­ເພາະ​ແມ່ນ​ດ້ານ​ຄວາມ​ສະ­ອາດ ເຫັນ​ໄດ້​ວ່າ ຫຼາຍ​ພາກ­ສ່ວນ​ກໍ​ໄດ້​ເຫັນ​ຄວາມ​ສຳ­ຄັນ ຄື​ມີ​ການ​ອອກ­ແຮງ​ງານ​ຮັກ­ສາ​ຄວາມ​ສະ­ອາດ​ຕາມ​ສະ­ຖານ­ທີ່​ຕ່າງໆ ໂດຍ​ສະ­ເພາະ​ແມ່ນ​ຖະ­ໜົນ​ຫົນ­ທາງ ແລະ ສະ­ຖານ­ທີ່​ສຳ­ຄັນ​ຕ່າງໆ​ໄດ້​ເປັນ​ຢ່າງ​ດີ.</p> <p style="text-align: justify;"> <strong>ໂດຍ: ບຸນ​ຈັນ ໂຊກ​ປະ­ຫວັດ</strong></p>

ຂ່າວທີ່ກ່ຽວຂ້ອງ