ຍົກສູງບົດບາດຂອງຄູ ຕໍ່ກັບການພັດທະນາປະເທດຊາດ (ເນື່ອງໃນໂອກາດສະຫຼອງວັນຄູແຫ່ງຊາດ 7 ຕຸລາ)

2.392 04 ຕ.ລ. 2011 ສຶກສາ

<p style="text-align: justify;"> ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ເປັນ​ບັນ­ຫາ​ໃຈ​ກາງ­ຂອງ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ປະ­ເທດ​ຊາດ ມີ​ຫຼາຍ​ສ່ວນ​ປະ­ກອບ​ທີ່​ຈະ​ສ້າງ​ໃຫ້​ຄົນ​ເປັນ​ຊັບ­ພະ­ຍາ­ກອນ​ທີ່​ມີ​ຄຸນ­ຄ່າ ໃນ​ການ​ພັດ­ທະ­ນາ​ປະ­ເທດ​ຊາດ ອັນ​ຕົ້ນ­ຕໍ​ກໍ​ແມ່ນ​ການ​ສຶກ​ສາ​ອົບ­ຮົມ ແຕ່​ຜູ້​ທີ່​ຈະ​ມີ​ບົດ­ບາດ​ໃນ​ການ​ສຶກ​ສາ​ອົບ­ຮົມ​ຄົນ​ນັ້ນ ກໍ​ຄື​ຄູ ຄູ​ຕ້ອງ​ພຽບ​ພ້ອມ​ໄປ​ດ້ວຍ​ຄວາມ​ຮູ້ ຄວາມ​ສາ­ມາດ ເຕັກ­ນິກ​ວິ­ຊາ​ການ​ສູງ ແລະ ມີ​ຄຸນ​ນະ​ທຳ​ປະ­ຈຳ​ໃຈ ເພາະ​ຄູ​ປຽບ​ເໝືອນ​ວິ​ສາ​ວະ​ກອນ​ແຫ່ງ​ດວງ​ວິນ​ຍານ ໃນ​ການ​ພັດ­ທະ­ນາ​ຄົນ ໃຫ້​ກາຍ­ເປັນ​ຊັບ­ພະ­ຍາ­ກອນ​ມະ­ນຸດ ທີ່​ມີ​ຄຸນ​ນະ​ພາບ.</p> <p style="text-align: justify;"> ຍາມ​ໃດ​ຄູ​ກໍ​ມີ​ບົດ­ບາດ​ໃນ​ການ​ພັດ­ທະ­ນາ​ປະ­ເທດ ເພາະ​ຄູ​ເປັນ​ຜູ້​ສ້າງ​ຄົນ​ໃຫ້​ກາຍ­ເປັນ​ຊັບ­ພະ­ຍາ­ກອນ​ມະ­ນຸດ​ທີ່​ດີ-ມີ​ຄຸນ­ຄ່າ ເປັນ​ຜູ້​ໃຫ້­ການ​ສຶກ​ສາ-ອົບ­ຮົມ​ດ້ານ​ຄວາມ​ຮູ້ ຄວາມ​ສາ­ມາດ ແລະ ຄຸນ­ສົມ­ບັດ ໃນ​ການ​ພັດ­ທະ­ນາ​ປະ­ເທດ​ຊາດ ຄູ​ແມ່ນ​ຜູ້​ເສຍ­ສະ­ຫຼະ​ເພື່ອ​ຊາດ ເພື່ອ​ສັງ­ຄົມ​ທີ່​ຍິ່ງ​ໃຫຍ່ ຢູ່​ໃນ​ປະ­ເທດ​ເຮົາ ບໍ່​ວ່າ​ໃນ​ເວ­ລາ​ດຳ­ເນີນ​ການ​ປະ­ຕິ­ວັດ ຕໍ່­ສູ້​ປົດ​ປ່ອຍ​ຊາດ ກໍ​ຄື​ຍຸກ​ສະ­ໄໝ​ແຫ່ງ​ການ​ປົກ​ປັກ​ຮັກ­ສາ ແລະ ສ້າງ­ສາ​ປະ­ເທດ​ຊາດ ຖັນ​ແຖວ​ຄູ-ອາ­ຈານ​ຂອງ​ລາວ​ເຮົາ ລ້ວນ​ແຕ່​ເປັນ​ຜູ້​ທີ່​ມີ​ບົດ­ບາດ​ສຳ­ຄັນ​ຕໍ່​ກັບ​ການ​ເສຍ­ສະ­ຫຼະ ຮັກ­ແພງ ແລະ ມີ​ຄວາມ​ປາ­ຖະ­ໜາ​ດີ​ຕໍ່​ກັບ​ຜູ້​ອື່ນ ເຊິ່ງ​ເປັນ​ແບບ­ຢ່າງ​ທາງ​ດ້ານ​ຄຸນ​ນະ​ທຳ ມີ​ຄວາມ​ອົດ­ທົນ​ຕໍ່​ອຸ­ປະ­ສັກ​ຫຍຸ້ງ­ຍາກ​ນາໆ​ປະ­ການ ນອກ­ຈາກ​ນັ້ນ ຄູ​ຍັງ​ເປັນ​ຜູ້​ສະ­ຫຼະ​ສິດ­ຜົນ­ປະ­ໂຫຍດ​ສ່ວນ​ຕົວ ຄອບ­ຄົວ ແລະ ເຮືອນ​ຊານ ໄປ​ປະ­ຈຳ­ການ​ຢູ່​ບ່ອນ​ທີ່​ມີ​ຄວາມ​ທຸ­ລະ­ກັນ­ດານ ຫຍຸ້ງ­ຍາກ ແລະ ຫ່າງ​ໄກ​ສອກ­ຫຼີກ ເພື່ອ​ຊ່ວຍ­ເຫຼືອ​ແກ້​ໄຂ​ບັນ­ຫາ​ດ້ານ​ການ​ສຶກ​ສາ ກໍ​ຄື​ດ້ານ​ອື່ນໆ ຊ່ວຍ​ອຳ­ນາດ​ການ​ປົກ­ຄອງ ພໍ່​ແມ່​ປະ­ຊາ­ຊົນ ກໍ​ຄື​ນັກ­ຮຽນ​ຢູ່​ເຂດ​ພູ​ດອຍ ເພື່ອ​ສິດ​ສອນ­ຄວາມ​ຮູ້​ໃຫ້​ລູກ​ຫຼານ​ຂອງ​ປະ­ຊາ­ຊົນ​ບັນ­ດາ­ເຜົ່າ ເພາະ­ສະ­ນັ້ນ ພັກ-ລັດ­ຖະ­ບານ ຍາມ​ໃດ​ເພິ່ນ​ກໍ​ໄດ້​ເອົາ­ໃຈ­ໃສ່ ແລະ ເຫັນ​ຄວາມ​ສຳ­ຄັນ​ໃນ​ພາ­ລະ​ບົດ­ບາດ​ຂອງ​ຄູ ຕໍ່​ການ​ສ້າງ­ສາ​ພັດ­ທະ­ນາ​ປະ­ເທດ​ຊາດ ແລະ ພັກ​ຍັງ​ໄດ້​ຢືນ­ຢັນ​ວ່າ ຄູ​ຄື​ຄົນ​ພັກ ເຊິ່ງ​ປະ­ທານ ໄກ­ສອນ ພົມ­ວິ­ຫານ ໄດ້​ໃຫ້​ທັດ­ສະ­ນະ​ກ່ຽວ​ກັບ​ບົດ­ບາດ​ສຳ­ຄັນ​ຂອງ​ຄູ​ວ່າ: <strong>ຜູ້​ຕັດ­ສິນ​ທິດ​ທາງ​ແນວ​ຄິດ​ການ­ເມືອງ​ຂອງ​ບົດ​ສອນ </strong>ເຊິ່ງ​ມັນ​ສະ­ແດງ​ໃຫ້​ເຫັນ​ເຖິງ​ຄວາມ​ເຊື່ອ​ຖື ຮັກ­ແພງ​ຂອງ​ພັກ​ຕໍ່​ພາ­ລະ​ບົດ­ບາດ​ຂອງ​ຄູ ໂດຍ​ສະ­ເພາະ​ກອງ​ປະ­ຊຸມ​ໃຫຍ່ ຄັ້ງ​ທີ IX ຂອງ​ພັກ ກໍ​ເຫັນ​ຄວາມ​ສຳ­ຄັນ​ຕໍ່​ພາ­ລະ​ບົດ­ບາດ​ຂອງ​ຄູ ຄື​ບຸກ​ທະ­ລຸ​ໃຫ້​ໄດ້​ໃນ​ການ​ແກ້​ໄຂ​ບັນ­ຫາ​ຂອດ​ຄູ​ສອນ ເຊັ່ນ: ການ​ສະ­ໜອງ​ຄູ​ໃຫ້​ພຽງ­ພໍ ຍົກ​ຖາ­ນະ​ບົດ­ບາດ​ຂອງ​ຄູ ແລະ ຍົກ​ຄຸນ​ນະ​ພາບ​ການ​ສິດ­ສອນ ນັບ​ທັງ​ຄຸນ​ນະ​ພາບ​ຊີ­ວິດ​ການ​ເປັນ​ຢູ່​ຂອງ​ຄູ​ໃຫ້​ສູງ​ຂຶ້ນ ພ້ອມ​ກັນ​ນັ້ນ ກໍ​ຕັ້ງ­ໜ້າ​ກໍ່­ສ້າງ ແລະ ບຳ­ລຸງ​ຄູ​ໃຫ້​ໄດ້​ຕາມ​ມາດ­ຕະ­ຖານ.</p> <p style="text-align: justify;"> ຄູ​ມີ​ບົດ­ບາດ​ຕໍ່​ກັບ​ການ​ພັດ­ທະ­ນາ​ປະ­ເທດ​ຊາດ ເພາະ­ວ່າ​ຄູ​ເປັນ​ຜູ້​ມີ​ຄວາມ​ສຳ­ຄັນ​ຕໍ່​ການ​ພັດ­ທະ­ນາ​ສັງ­ຄົມ ເພາະ​ເປັນ​ການ​ປູກ­ຝັງ​ຄວາມ​ຮູ້ ຄວາມ​ຄິດ ແລະ ປຸກ​ຈິດ​ສຳ­ນຶກ​ທາງ​ດ້ານ​ຈະ​ລິ​ຍະ​ທຳ ດູ​ແລ​ສຸ­ຂະ­ພາບ​ອະ­ນາ­ໄມ​ຈິດ­ໃຈ​ໃຫ້​ແກ່​ເຍົາ­ວະ​ຊົນ ເປັນ​ຜູ້​ອອກ​ແບບ ສ້າງ­ສັນ ພັດ­ທະ­ນາ ແລະ ແກ້​ໄຂ​ບັນ­ຫາ​ໃຫ້​ແກ່​ສັງ­ຄົມ ນັກ­ຮຽນ ນັກ​ສຶກ​ສາ ປັນ­ຍາ​ຊົນ ເພື່ອ​ທີ່​ຈະ​ເຕີບ​ໃຫຍ່​ເປັນ​ພົນ­ລະ­ເມືອງ​ດີ ແລະ ມີ​ປະ­ສິດ­ທິ­ພາບ​ໃນ​ການ​ພັດ­ທະ­ນາ​ປະ­ເທດ​ຊາດ ຄູ​ຍັງ​ເປັນ​ຜູ້​ມີ​ບົດ­ບາດ​ສຳ­ຄັນ​ໃນ​ການ​ສ້າງ­ສັນ​ບັນ­ດາ​ອະ­ນາ­ຄົດ​ຂອງ​ຊາດ ໃຫ້​ມີ​ຄວາມ​ຈະ­ເລີນ​ສີ­ວິ­ໄລ​ຕະ­ຫຼອດ​ມາ.</p> <p style="text-align: justify;"> <strong>ໂດຍ: ບູນ​ຈັນ ໂຊກ​ປະ­ຫວັດ</strong></p>

ຂ່າວທີ່ກ່ຽວຂ້ອງ