ຂ່າວຫຼ້າສຸດ

ການປັບປຸງຄຸນນະພາບການຮຽນ-ການສອນຢູ່ ຄສປ

2.029 28 ກ.ຍ. 2011 ສຶກສາ
ການປັບປຸງຄຸນນະພາບການຮຽນ-ການສອນຢູ່ ຄສປ

<p style="text-align: justify;"> ທ່ານ ສຈ. ມາ​ໂມ​ຣຸ ຊິ​ມາ​ໂມ​ໂຕ ອາ­ສາ​ສະ­ໝັກ​ອາ­ວຸ­ໂສ​ຍີ່­ປຸ່ນ ປະ­ຈຳ​ຄະ­ນະ​ວິ­ຊາ​ສະ­ຖາ­ປັດ­ຕະ­ຍະ­ກຳ​ສາດ ຄສປ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ມ.ຊ ເຊິ່ງ​ປະ­ຕິ­ບັດ​ໜ້າ­ທີ່​ໃນ​ຖາ­ນະ​ເປັນ​ອາ­ສາ​ສະ­ໝັກ​ອາ­ວຸ­ໂສ​ຂອງ​ອົງ­ການ​ໄຈ​ກາ (JICA) ຍີ່­ປຸ່ນ ປະ­ຈຳ ສປປ ລາວ ເຮັດ​ໜ້າ­ທີ່​ຢູ່ ຄສປ ໄລ­ຍະ​ເວ­ລາ 2 ປີ ແຕ່​ເດືອນ​ຕຸ­ລາ 2009 ຫາ​ກັນ­ຍາ 2011.</p> <p style="text-align: justify;"> ຕະ­ຫຼອດ​ໄລ­ຍະ​ເວ­ລາ 2 ປີ ທາງ​ດ້ານ​ການ​ສິດ­ສອນ ແລະ ເຝິກ­ອົບ­ຮົມ ໄດ້​ສິດ­ສອນ​ນັກ​ສຶກ​ສາ​ປະ­ລິນ­ຍາ​ໂທ ໃນ​ວິ­ຊາ​ການ​ພັດ­ທະ­ນາ​ຊຸມ​ຊົນ ວິ­ຊາ​ການ​ຫຼຸດ­ຜ່ອນ​ຄວາມ­ທຸກ​ຍາກ ແລະ ນະ­ໂຍ­ບາຍ​ພັດ­ທະ­ນາ ໄດ້​ຊີ້​ນຳ​ຫົວ​ບົດ​ວິ­ທະ­ຍາ​ນິ­ພົນ​ຂອງ​ນັກ​ສຶກ​ສາ​ປະ­ລິນ­ຍາ​ໂທ ສາ­ຂາ​ວິ­ຊາ​ວິ­ທະ­ຍາ­ສາດ ການ​ວາງ​ແຜນ​ສະ­ພາບ​ແວດ​ລ້ອມ​ເມືອງ ລຸ້ນ​ທີ​ໜຶ່ງ ໄດ້​ປະ­ກອບ­ສ່ວນ​ບັນ­ຍາຍ​ພິ­ເສດ ໃນ​ກອງ​ປະ­ຊຸມ​ວິ­ຊາ​ການ​ຂອງ​ຄະ­ນະ​ວິ­ຊາ​ສະ­ຖາ­ປັດ­ຕະ­ຍະ­ກຳ​ສາດ ໃຫ້​ຄຳ​ປຶກ­ສາ​ແກ່​ຄູ-ອາ­ຈານ​ໜຸ່ມ​ນ້ອຍ ກ່ຽວ​ກັບ​ການ​ຄົ້ນ​ຄ້ວ​າ ກຽມ​ສຳ­ລັບ​ການ​ສຶກ​ສາ​ຕໍ່​ໃນ​ລະ­ດັບ​ປະ­ລິນ­ຍາ​ໂທ ແລະ ປະ­ລິນ­ຍາ​ເອກ​ຢູ່​ຕ່າງ­ປະ­ເທດ.</p> <p style="text-align: justify;"> ດ້ານ​ເຄືອ​ຂ່າຍ​ການ​ຮ່ວມ​ມື​ກັບ​ສາ­ກົນ ໄດ້​ສ້າງ​ເງື່ອນ­ໄຂ​ໃຫ້​ແກ່​ການ​ຮ່ວມ​ມື ແລກ­ປ່ຽນ​ທາງ​ດ້ານ​ວິ­ຊາ​ການ​ໃນ­ຕໍ່­ໜ້າ ລະ­ຫວ່າງ​ຍີ່­ປຸ່ນ ແລະ ລາວ ໃຫ້​ຄວາມ​ຮູ້​ພື້ນ­ຖານ ແນະ­ນຳ​ໃນ​ການ​ຮຽນ​ຕໍ່​ທີ່​ປະ­ເທດ​ຍີ່­ປຸ່ນ ສ່ວນ​ວຽກ​ງານ​ການ​ຄົ້ນ​ຄ້ວ​າ ໄດ້​ຮຽບ​ຮຽງ​ຕົ້ນ​ສະ­ບັບ​ປຶ້ມ​ກ່ຽວ​ກັບ​ການ​ພັດ­ທະ­ນາ​ຊຸມ​ຊົນ ຮວບ​ຮວມ​ລາຍ­ການ​ປຶ້ມ​ທີ່​ຂຽນ​ໃນ ສປປ ລາວ ເພື່ອ​ເປັນ​ບ່ອນ​ອີງ​ສຳ­ລັບ​ການ​ສຶກ​ສາ​ຄົ້ນ​ຄ້ວ​າ​ຕໍ່ ກຽມ​ຄູ່​ມື​ສຳ­ລັບ​ນັກ​ສຶກ​ສາ​ໃນ​ລະ­ດັບ​ເໜືອ​ປະ­ລິນ­ຍາ​ຕີ ໄດ້​ຮ່ວມ​ຂຽນ​ເຜີຍ­ແຜ່​ບົດ​ຄົ້ນ​ຄ້ວ​າ​ກ່ຽວ​ກັບ​ການ​ສຶກ​ສາ ປຽບ­ທຽບ​ຮູບ​ແບບ​ການ​ມີ​ສ່ວນ​ຮ່ວມ​ຂອງ​ປະ­ຊາ­ຊົນ ໃນ​ການ​ພັດ­ທະ­ນາ​ໂຄງ​ລ່າງ​ຊຸມ​ຊົນ.</p> <p style="text-align: justify;"> ສຳ­ລັບ​ວຽກ​ງານ​ປຶກ­ສາ ແມ່ນ​ໄດ້​ໃຫ້​ຄຳ​ປຶກ­ສາ​ໃນ​ການ​ດຳ­ເນີນ​ໂຄງ­ການ​ສຳ​ຫຼວດ​ຊຸມ​ຊົນ ທົ່ວ​ນະ­ຄອນ­ຫຼວງ​ວຽງ​ຈັນ ການ​ດຳ­ເນີນ​ໂຄງ­ການ​ປັບ­ປຸງ​ຊຸມ​ຊົນ​ແອ​ອັດ​ໜອງ​ດ້ວງ​ທົ່ງ ການ​ປັບ­ປຸງ​ຄຸ້ມ​ຄອງ​ບໍ­ລິ­ຫານ​ພາກ​ວິ­ຊາ​ສິ່ງ­ແວ­ດລ້ອມ-ຜັງ­ເມືອງ ແນ­ໃສ່​ຫັນ​ເປັນ​ສາ­ກົນ ກຽມ​ຕາມ​ເງື່ອນ­ໄຂ​ເສດ­ຖະ­ກິດ​ພູມ​ປັນ­ຍາ ໃຫ້­ການ​ປຶກ­ສາ​ໃນ​ການ​ສຶກ​ສາ​ຄວາມ​ເປັນ​ໄປ​ໄດ້ ສຶກ​ສາ​ມາດ­ຕະ­ຖານ​ການ​ສ້າງ​ຫຼັກ­ສູດ​ປະ­ລິນ­ຍາ​ເອກ ທົບ​ທວນ​ຫຼັກ​ສູນ​ປະ­ລິນ­ຍາ​ເອກ​ໃນ​ຕ່າງ­ປະ­ເທດ ແລະ ສຳ­ເລັດ​ການ​ສ້າງ​ໂຄງ​ສ້າງ​ຫຼັກ­ສູດ​ປະ­ລິນ­ຍາ​ເອກ​ໃນ​ຂັ້ນ​ພື້ນ­ຖານ.</p> <p style="text-align: justify;"> ນອກ­ຈາກ​ນີ້ ກໍ​ໄດ້​ສະ­ໜອງ​ວັດ​ສະ​ດຸ​ອຸ­ປະ­ກອນ​ຮັບ​ໃຊ້​ການ​ຮຽນ-ການ​ສອນ ເຊັ່ນ: ຈັດ​ຊື້​ປຶ້ມ​ແບບ­ຮຽນ ແລະ ເອ­ກະ­ສານ​ອ້າງ​ອີງ​ກ່ຽວ​ກັບ​ການ​ພັດ­ທະ­ນາ​ກ່ຽວ​ກັບ​ການ​ສຶກ​ສາ​ໃນ​ລະ­ດັບ​ເໜືອ​ປະ­ລິນ­ຍາ​ຕີ ຈຳ­ນວນ 80 ຫົວ ຮວບ​ຮວມ​ແຜ່ນ CD ຊ່ວຍ­ເຫຼືອ​ອຸ­ປະ­ກອນ​ຮັບ​ໃຊ້​ຫ້ອງ­ການ​ຈຳ­ນວນ​ໜຶ່ງ.</p> <p style="text-align: justify;"> ໂດຍ​ລວມ​ແລ້ວ ທ່ານ ສຈ.ມາ​ໂມ​ຣຸ ຊິ​ມາ​ໂມ​ໂຕ ແມ່ນ​ໄດ້​ປະ­ກອບ­ສ່ວນ​ອັນ​ສຳ­ຄັນ ໃນ​ການ​ປັບ­ປຸງ​ຄຸນ​ນະ​ພາບ​ການ​ຮຽນ-ການ​ສອນ ໃນ​ລະ­ດັບ​ປະ­ລິນ­ຍາ​ໂທ ໃຫ້​ແກ່ ຄສປ ຊ່ວຍ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ເຊິ່ງ​ພາຍ­ຫຼັງ​ສຳ­ເລັດ​ໜ້າ­ທີ່​ຂອງ​ທ່ານ​ແລ້ວ ທາງ ຄສປ ມ.ຊ ໄດ້​ຈັດ​ພິ­ທີ​ສະ­ຫຼຸບ ແລະ ມອບ​ໃບ​ຍ້ອງ­ຍໍ​ໃຫ້​ແກ່​ທ່ານ ໃນ​ກາງ​ເດືອນ​ກັນ­ຍາ 2011 ທີ່​ຜ່ານ​ມາ ຢູ່​ທີ່ ຄສປ ມ.ຊ ໂດຍ​ມີ​ຜູ້​ບໍ­ລິ­ຫານ​ຂອງ ຄສປ ແຂກ​ຖືກ​ເຊີນ ພາກ­ສ່ວນ​ທີ່​ກ່ຽວ­ຂ້ອງ​ທັງ​ສອງ​ຝ່າຍ ເຂົ້າ​ຮ່ວມ​ສະ­ແດງ​ຄວາມ​ຍິນ​ດີ​ນຳ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ