ຂ່າວຫຼ້າສຸດ

ທຸກຄົນມີພັນທະປົກປັກຮັກສາທາງຫຼວງ

5.477 23 ກ.ຍ. 2011 ພັດທະນານະຄອນຫຼວງ
ທຸກຄົນມີພັນທະປົກປັກຮັກສາທາງຫຼວງ

<p style="text-align: justify;"> ເປັນ​ເລື່ອງ​ທີ່​ພາກ­ພູມ​ໃຈ ທີ່​ພັກ-ລັດ­ຖະ­ບານ​ໄດ້​ເອົາ­ໃຈ­ໃສ່ ໃນ​ການ​ພັດ­ທະ­ນາ​ດ້ານ​ເສດ­ຖະ­ກິດ-ສັງ­ຄົມ ຢູ່​ນະ­ຄອນ­ຫຼວງ​ວຽງ​ຈັນ ອັນ​ທີ່​ເຫັນ​ໄດ້​ຢ່າງ​ຈະ­ແຈ້ງ​ແມ່ນ ພື້ນ­ຖານ​ໂຄງ​ລ່າງ​ທີ່​ມີ​ການ​ພັດ­ທະ­ນາ ໂດຍ​ສະ­ເພາະ​ແມ່ນ​ເສັ້ນ­ທາງ​ທີ່​ໄດ້​ຮັບ​ການ​ປັບ­ປຸງ ແລະ ກໍ່­ສ້າງ​ຂຶ້ນ​ໃນ​ຫຼາຍ​ແຫ່ງ ຈາກ​ທາງ​ປູ­ຢາງ​ມາ​ເປັນ​ທາງ​ເບ​ຕົງ ຈາກ​ທາງ​ດິນ​ແດງ​ມາ​ເປັນ​ທາງ​ປູ­ຢາງ ສ້າງ​ຄວາມ​ສະ­ດວກ​ສະ­ບາຍ​ໃຫ້​ແກ່​ການ​ຄົມ­ມະ­ນາ­ຄົມ​ພາຍ​ໃນ​ນະ­ຄອນ­ຫຼວງ​ວຽງ​ຈັນ ສົມ​ກັບ​ເປັນ​ເມືອງ​ຫຼວງ​ຂອງ​ປະ­ເທດ.</p> <p style="text-align: justify;"> ແຕ່​ມາ​ເບິ່ງ​ການ​ນຳ​ໃຊ້​ຕົວ​ຈິງ ອາດ​ຍັງ​ບໍ່​ທັນ​ໄດ້​ຮັບ​ປະ​ສິດ­ທິ​ຜົນ​ເທົ່າ​ທີ່​ຄວນ ເນື່ອງ​ຈາ​ກວ່າ​ເສັ້ນ­ທາງ​ໃນ​ຕົວ​ເມືອງ​ນະ­ຄອນ­ຫຼວງ​ວຽງ​ຈັນ​ຫຼາຍ​ເສັ້ນ ມີ​ຄວາມ​ຫຍຸ້ງ­ຍາກ​ສັບ­ສົນ​ໃນ​ເວ­ລາ​ລະ­ດູ­ຝົນ ມີ​ທາງ​ບາງ​ເສັ້ນ​ຫຼຸບ ເປັນ​ຂຸມ ດິນ​ຕັນ​ຮ່ອງ​ລະ­ບາຍ​ນ້ຳ ຝົນ­ຕົກ​ມາ​ນ້ຳ​ອັ່ງ ຈາກ​ຂຸມ​ນ້ອຍ​ເລີ່ມ​ມາ​ເປັນ​ຂຸມ​ໃຫຍ່ ຈາກ​ຂຸມ​ໃຫຍ່​ກາຍ­ເປັນ​ບວກ​ນ້ຳ ສ້າງ​ຄວາມ​ຫຍຸ້ງ­ຍາກ​ໃຫ້​ກັບ​ຜູ້​ໃຊ້​ລົດ​ໃຊ້​ຖະ­ໜົນ ເກີດ​ມີ​ລົດ​ຕິດ ບາງ​ຄັ້ງ​ອາດ​ມີ​ປາກ​ສຽງ​ກັນ ຍ້ອນ​ຢຽບ​ນ້ຳ​ຟົ້ງ​ໃສ່​ກັນ ອັນ​ທີ່​ແນ່ໆ​ນັ້ນ ແມ່ນ​ບໍ່​ສອດ­ຄ່ອງ​ກັບ​ການ­ຈັດ­ຕັ້ງ​ປະ­ຕິ­ບັດ​ນະ­ໂຍ­ບາຍ 6 ສ ຕໍ່​ກັບ​ບັນ­ຫາ​ນີ້ ໃຜ​ຈະ​ເປັນ​ຄົນ​ຮັບ­ຜິດ­ຊອບ ຖ້າ​ເບິ່ງ​ໃນ​ມາດ­ຕາ 4 ຂອງ​ກົດ­ໝາຍ​ວ່າ​ດ້ວຍ​ທາງ​ຫຼວງ ໄດ້​ລະ­ບຸ​ກ່ຽວ​ກັບ​ພັນ­ທະ​ຂອງ​ຜູ້­ນຳ​ໃຊ້​ທາງ​ຫຼວງ​ວ່າ: ບຸກ­ຄົນ ແລະ ການ­ຈັດ­ຕັ້ງ​ທີ່​ນຳ​ໃຊ້​ທາງ​ຫຼວງ ລ້ວນ​ແຕ່​ມີ​ພັນ­ທະ​ໃນ​ການ​ປົກ​ປັກ​ຮັກ­ສາ​ທາງ​ຫຼວງ ລວມ​ທັງ​ຄວາມ​ປອດ​ໄພ ຄວາມ​ເປັນ​ລະ­ບຽບ​ຮຽບ​ຮ້ອຍ​ໃນ​ການ​ຈະ­ລາ­ຈອນ ຄວາມ​ສະ­ອາດ ຄວາມ​ສວຍ​ງາມ ແລະ ສິ່ງ­ແວ­ດລ້ອມ ຊຶ່ງ​ການ​ນຳ​ໃຊ້​ທາງ​ຫຼວງ​ໃຫ້​ປະ­ຕິ­ບັດ​ຕາມ​ກົດ​ຈະ­ລາ­ຈອນ ເຊັ່ນ: ນ້ຳ­ໜັກ​ບັນ­ທຸກ ຄວາມ​ໄວ ແລະ ອື່ນໆ ໃນ​ມາດ­ຕາ 16 ຂອງ​ກົດ­ໝາຍ​ສະ­ບັບ​ດັ່ງ­ກ່າວ ຍັງ​ໄດ້​ເວົ້າ​ເຖິງ​ການ​ປົກ​ປັກ​ຮັກ­ສາ ແລະ ການ​ສ້ອມ­ແປງ​ທາງ​ຫຼວງ ຊຶ່ງ​ເຫັນ​ໄດ້​ວ່າ ການ​ປົກ​ປັກ​ຮັກ­ສາ ແມ່ນ​ການ​ຕິດ­ຕາມ​ກວດ­ກາ​ດູ​ແລ​ສະ­ພາບ​ການ​ຕ່າງໆ​ຂອງ​ທາງ​ຫຼວງ ເພື່ອ​ບົວ­ລະ­ບັດ​ຮັກ­ສາ​ເປັນ​ປົກ­ກະ­ຕິ ເຊັ່ນ: ຕັດ​ຫຍ້າ ອະ­ນາ­ໄມ​ໜ້າ​ທາງ ຮ່ອງ​ລະ­ບາຍ​ນ້ຳ ທໍ່ ຂົວ ແລະ ສິ່ງ​ປະ­ກອບ​ຕ່າງໆ​ຂອງ​ທາງ​ຫຼວງ ສ່ວນ​ການ​ສ້ອມ­ແປງ​ທາງ ແມ່ນ​ດ້ານ​ບຳ­ລຸງ​ຮັກ­ສາ​ປົວ­ແປງ​ທາງ​ທີ່​ເປ່​ເພ ໃຫ້​ຢູ່​ໃນ​ສະ­ພາບ​ປົກ­ກະ­ຕິ ຕາມ​ການ​ອອກ​ແບບ ຊຶ່ງ​ລວມ​ມີ​ການ​ສ້ອມ­ແປງ​ປົກ­ກະ­ຕິ ການ​ສ້ອມ­ແປງ​ຕາມ​ກຳ­ນົດ ແລະ ການ​ສ້ອມ­ແປງ​ສຸກ​ເສີນ ນອກ​ນັ້ນ ຍັງ​ໄດ້​ລະ­ບຸ​ໃນ​ມາດ­ຕາ 30 ກ່ຽວ​ກັບ​ອົງ­ການ​ຄຸ້ມ​ຄອງ​ທາງ​ຫຼວງ ເຫັນ​ໄດ້​ວ່າ ອົງ­ການ​ຄຸ້ມ​ຄອງ​ທາງ​ຫຼວງ ປະ­ກອບ​ດ້ວຍ​ກະ­ຊວງ​ຄົມ­ມະ­ນາ­ຄົມ​ຂົນ­ສົ່ງ ໄປ­ສະ­ນີ ແລະ ກໍ່­ສ້າງ (ກະ­ຊວງ​ໂຍ­ທາ​ທິ​ການ-ຂົນ­ສົ່ງ ປັດ­ຈຸ­ບັນ) ພະ​ແນກ​ຄົມ­ມະ­ນາ­ຄົມ​ຂົນ­ສົ່ງ ໄປ­ສະ­ນີ ແລະ ກໍ່­ສ້າງ ນະ­ຄອນ­ຫຼວງ ແລະ ບັນ­ດາ​ແຂວງ ຫ້ອງ­ການ​ຄົມ­ມະ­ນາ­ຄົມ​ຂົນ­ສົ່ງ ໄປ­ສະ­ນີ ແລະ ກໍ່­ສ້າງ ລວມ​ໄປ​ເຖິງ​ອຳ­ນາດ​ການ​ປົກ­ຄອງ​ບ້ານ.</p> <p style="text-align: justify;"> ດັ່ງ­ນັ້ນ ຕໍ່​ກັບ​ບັນ­ຫາ​ດັ່ງ­ກ່າວ ຄວນ​ໄດ້​ຮັບ​ການ​ປັບ­ປຸງ​ແກ້​ໄຂ​ຢ່າງ​ຮີບ​ດ່ວນ ເພື່ອ​ປະ­ກອບ­ສ່ວນ​ເຂົ້າ​ໃນ​ການ​ປົກ​ປັກ​ຮັກ­ສາ​ທາງ​ຫຼວງ ເພາະ​ກົດ­ໝາຍ​ໄດ້​ກຳ­ນົດ​ຢ່າງ​ຈະ­ແຈ້ງ​ແລ້ວ​ວ່າ ພັນ­ທະ​ຂອງ​ຜູ້­ນຳ​ໃຊ້​ທາງ​ຫຼວງ ການ​ປົກ​ປັກ​ຮັກ­ສາ ແລະ ການ​ສ້ອມ­ແປງ​ທາງ​ຫຼວງ ການ​ຄຸ້ມ​ຄອງ​ທາງ​ຫຼວງ ຖ້າ​ພວກ​ເຮົາ​ບໍ່​ພ້ອມ​ກັນ​ເອົາ­ໃຈ­ໃສ່​ບົວ­ລະ­ບັດ​ຮັກ­ສາ ອາດ​ຈະ​ເຮັດ​ໃຫ້​ທາງ​ຫຼວງ ກາຍ­ເປັນ​ໜອງ​ນ້ຳ ທີ່​ສ້າງ​ຄວາມ​ຫຍຸ້ງ­ຍາກ​ໃຫ້​ແກ່​ການ​ສັນ­ຈອນ​ໄປ​ມາ​ໃນ​ລະ­ດູ­ຝົນ.</p> <p style="text-align: justify;"> <strong>ໂດຍ: ເມັດ​ຝົນ</strong></p>

ຂ່າວທີ່ກ່ຽວຂ້ອງ