ສ້າງໂຮງຮຽນໃຫ້ເປັນໂຮງຮຽນຂຽວ ມີຄຸນນະພາບ

1.411 21 ກ.ຍ. 2011 ສຶກສາ

<p style="text-align: justify;"> ໂຮງ­ຮຽນ​ປະ­ຖົມ​ສົມ­ບູນ​ນາ​ຄູນ​ນ້ອຍ ເມືອງ​ນາ​ຊາຍ​ທອງ ນະ­ຄອນ­ຫຼວງ​ວຽງ​ຈັນ ເປັນ​ໂຮງ­ຮຽນ​ແຫ່ງ​ໜຶ່ງ​ທີ່​ຕັ້ງ​ຢູ່​ເຂດ​ຫ່າງ​ໄກ​ຈາກ​ໃຈ­ກາງ​ເມືອງ​ນາ​ຊາຍ​ທອງ ເຂົ້າ​ໄປ​ຫຼາຍ​ຮ້ອຍ​ແມັດ ຈັດ​ຢູ່​ປະ­ເພດ​ຊານ­ເມືອງ​ກໍ​ວ່າ​ໄດ້.</p> <p style="text-align: justify;"> ທ່ານ​ນາງ ບຸນ​ຕັ້ງ ອິນ​ທະ​ວົງ ຜູ້­ອຳ­ນວຍ­ການ​ໂຮງ­ຮຽນ​ປະ­ຖົມ​ນາ​ຄູນ​ນ້ອຍ ໄດ້​ກ່າວ​ວ່າ: ເຖິງ​ຈະ​ເປັນ​ໂຮງ­ຮຽນ​ຫຼັງ​ນ້ອຍ ຢູ່​ໃນ​ເຂດ​ຊານ­ເມືອງ​ກໍ​ຕາມ ແຕ່​ເວົ້າ​ເຖິງ​ຄວາມ​ດຸ­ໝັ່ນ​ຫ້າວ­ຫັນ​ຂອງ​ຄູ-ນັກ­ຮຽນ​ແມ່ນ​ສູງ ສະ­ແດງ​ອອກ​ໃນ​ການ­ຈັດ­ຕັ້ງ​ການ​ຮຽນ-ການ​ສອນ ການ­ເຄື່ອນ­ໄຫວ​ວຽກ​ງານ​ກິດ­ຈະ­ກຳ​ຕ່າງໆ ເຖິງ​ແມ່ນ​ວ່າ​ຫົນ­ທາງ​ຈະ​ບໍ່​ສະ­ດວກ​ສະ­ບາຍ​ເທົ່າ​ທີ່​ຄວນ ເປັນ​ທາງ​ດິນ​ແດງ ເມື່ອ​ເວ­ລາ​ຝົນ­ຕົກ ການ​ໄປ​ມາ​ກໍ​ລຳ­ບາກ ແຕ່​ຄູ-ນັກ­ຮຽນ​ກໍ​ຕັດ­ສິນ​ໃຈ​ຜ່ານ​ຜ່າ ເພື່ອ​ຈະ​ໄດ້​ມາ​ຊຶ່ງ​ຄວາມ​ສຳ­ເລັດ ໃນ​ການ​ຕີ​ຖອຍ​ຄວາມ​ບໍ່​ຮູ້​ໜັງ­ສື ແລະ ການ​ສຶກ​ສາ​ພາກ​ບັງ­ຄັບ.</p> <p style="text-align: justify;"> ໄລ­ຍະ​ຜ່ານ​ມາ ເຖິງ​ແມ່ນ​ວ່າ​ໂຮງ­ຮຽນ​ຂອງ​ພວກ​ເຮົາ ຈະ​ບໍ່​ແມ່ນ​ໂຮງ­ຮຽນ​ທີ່​ນອນ​ໃນ​ເປົ້າ​ໝາຍ ແລະ ກາຍ­ເປັນ​ໂຮງ­ຮຽນ​ຂຽວ​ມີ​ຄຸນ​ນະ​ພາບ ຕິດ​ໃນ​ອັນ​ດັບ​ຂັ້ນ​ເມືອງ ຫຼື ນະ­ຄອນ­ຫຼວງ​ກໍ​ຕາມ ແຕ່​ໃນ​ສົກ­ຮຽນ 2011-2012 ນີ້ ອີງ­ໃສ່​ເປົ້າ​ໝາຍ​ທາງ​ຫ້ອງ­ການ​ສຶກ​ສາ​ເມືອງ​ວາງ​ໄວ້ ຄື​ທຸກ​ໂຮງ­ຮຽນ ນັບ​ແຕ່​ຊັ້ນ​ອະ­ນຸ­ບານ​ຈົນ​ເຖິງ​ມັດ­ທະ­ຍົມ​ປາຍ ຄື​ເປົ້າ​ໝາຍ​ໃນ​ການ​ສ້າງ​ເປັນ​ໂຮງ­ຮຽນ​ຂຽວ​ມີ​ຄຸນ​ນະ​ພາບ.</p> <p style="text-align: justify;"> ສະ­ນັ້ນ ໃນ​ສົກ­ຮຽນ​ນີ້ ທາງ​ຄູ-ນັກ­ຮຽນ​ລວມ​ເຖິງ​ສະ­ມາ­ຄົມ​ພໍ່​ແມ່​ນັກ­ຮຽນ ອຳ­ນາດ​ການ​ປົກ­ຄອງ​ອ້ອມ​ຂ້າງ​ທີ່​ກ່ຽວ­ຂ້ອງ ຈະ​ຕ້ອງ​ໄດ້​ສຸມ​ໃສ່​ການ​ພັດ­ທະ­ນາ​ໂຮງ­ຮຽນ ໃຫ້​ສາ­ມາດ​ບັນ­ລຸ​ເປົ້າ​ໝາຍ​ທີ່​ຕັ້ງ​ເອົາ​ໄວ້.</p> <p style="text-align: justify;"> ກ່ອນ​ອື່ນ​ໝົດ ພວກ​ເຮົາ​ໄດ້​ມີ​ການ​ປັບ­ປຸງ​ເດີ່ນ​ບໍ­ລິ­ເວນ​ເສົາ​ຫຼັກ­ທຸງ ໂດຍ​ມີ​ການ​ປູກ​ດອກ​ໄມ້​ຄືນ­ໃໝ່ ປັບ­ປຸງ​ເດີ່ນ​ໂຮງ­ຮຽນ ມີ​ການ​ຖົມ​ຂຸມ ແລະ ລະ­ດົມ​ຄູ-ນັກ­ຮຽນ ປູກ​ດອກ​ໄມ້​ໃສ່​ໜ້າ​ຫ້ອງ​ຮຽນ​ຂອງ​ໃຜ­ລາວ ລວມ​ທັງ​ຂອບ​ເຂດ​ບໍ­ລິ­ເວນ​ຮົ້ວ​ໂຮງ­ຮຽນ ຈັດ​ໃຫ້​ມີ​ການ​ດູ​ແລ ເຮັດ­ອະ­ນາ­ໄມ​ໃນ​ແຕ່​ລະ​ວັນ ຢ່າງ​ເປັນ​ປົກ­ກະ­ຕິ.</p> <p style="text-align: justify;"> ໄປ​ຄຽງ​ຄູ່​ກັນ​ນັ້ນ ກໍ​ໄດ້​ຈັດ​ກອງ​ປະ­ຊຸມ​ພົບ​ປະ​ສະ­ມາ­ຄົມ​ພໍ່​ແມ່​ນັກ­ຮຽນ ອຳ­ນາດ​ການ​ປົກ­ຄອງ​ບ້ານ​ອ້ອມ​ຂ້າງ ມີ​ການ​ປັບ­ປຸງ​ການ­ຈັດ­ຕັ້ງ​ແບບ­ແຜນ ການ​ດຳ­ເນີນ​ວຽກ​ງານ​ຄືນ­ໃໝ່ ໂດຍ​ສະ­ເພາະ​ໄດ້​ວາງ​ແຜນ​ງານ​ໃນ​ການ­ຈັດ­ຕັ້ງ​ປະ­ຕິ­ບັດ 6 ສ ຄື: ສ.ສະ­ອາດ ແມ່ນ​ຈັດ​ໃຫ້​ມີ​ການ​ເຮັດ­ອະ­ນາ­ໄມ​ລວມ ຮ່ວມ​ກັບ​ອຳ­ນາດ​ການ​ປົກ­ຄອງ ອາ­ທິດ​ລະ 2 ຄັ້ງ ລະ­ດົມ​ປະ­ຊາ­ຊົນ​ບ້ານ​ໃກ້​ຄຽງ ບໍ­ລິ­ເວນ​ໂຮງ­ຮຽນ ຊ່ວຍ​ເປັນ​ຫູ​ເປັນ­ຕາ​ດູ​ແລ​ໂຮງ­ຮຽນ ຕິດ​ດອກ­ໄຟ​ຟ້າ​ໃຫ້​ມີ​ແສງ​ສະ­ຫວ່າງ​ຊ່ວຍ​ໂຮງ­ຮຽນ ທັງ​ໄດ້​ຈັດ​ໃຫ້​ມີ​ການ​ເວນ­ຍາມ​ພາຍ​ໃນ​ໂຮງ­ຮຽນ​ນຳ​ອີກ.</p> <p style="text-align: justify;"> ນອກ­ຈາກ​ນີ້ ທາງ​ໂຮງ­ຮຽນ​ຍັງ​ມີ​ແຜນ­ການ​ຈະ​ປັບ­ປຸງ ແລະ ປູກ​ຕົ້ນ­ໄມ້ ດອກ​ໄມ້​ປະ­ດັບ ແລະ ໄມ້​ໃຫ້​ໝາກ ຕາມ​ຂອບ​ເຂດ​ບໍ­ລິ­ເວນ​ຮົ້ວ​ໂຮງ­ຮຽນ ແລະ ບໍ­ລິ­ເວນ​ເດີ່ນ​ໂຮງ­ຮຽນ ໃນ​ບ່ອນ​ທີ່​ເໝາະ​ສົມ ເພື່ອ​ສ້າງ​ຄວາມ​ຮົ່ມ​ເຢັນ ປະ­ກອບ­ສ່ວນ​ການ​ສ້າງ​ສີ­ຂຽວ​ໃຫ້​ໂຮງ­ຮຽນ ສ້າງ​ສິ່ງ­ແວ­ດລ້ອມ​ທີ່​ດີ ອາ­ກາດ​ສົດ­ຊື່ນ​ໃຫ້​ແກ່​ນັກ­ຮຽນ ເພື່ອ​ກ້າວ​ສູ່​ການ​ກາຍ­ເປັນ​ໂຮງ­ຮຽນ​ສີ­ຂຽວ ແລະ ມີ​ຄຸນ​ນະ​ພາບ​ໃນ​ອະ­ນາ­ຄົດ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ