ມື້ນີ້ ໜັງສືພິມ "ວຽງຈັນໃໝ່" ມີອາຍຸຄົບ 36 ປີ

19.255 01 ກ.ຍ. 2011 ຂ່າວໜ້າ​ໜຶ່ງ

<p style="text-align: justify;"> ກ່ອນ​ໜ້າ​ນີ້ 36 ປີ ບົນ​ພື້ນ­ຖານ​ຂອງ​ໄຊ­ຊະ­ນະ​ທີ່​ເປັນ​ປະ­ຫວັດ­ສາດ​ຂອງ​ຊາວ​ນະ­ຄອນ­ຫຼວງ​ວຽງ​ຈັນ ດ້ວຍ​ການ​ລຸກ​ຮື້​ຂຶ້ນ​ປະ­ກາດ​ລົບ​ລ້າງ​ອຳ­ນາດ​ການ​ປົກ­ຄອງ​ເກົ່າ ແລະ ສ້າງ­ຕັ້ງ​ອຳ­ນາດ​ການ​ປົກ­ຄອງ​ປະ­ຕິ­ວັດ​ຂຶ້ນ​ມາ​ແທນ ໃນ​ວັນ​ທີ 23 ສິງ­ຫາ ປີ 1975 ແລະ ໂດຍ​ອີງ­ໃສ່​ຄວາມ​ຮຽກ­ຮ້ອງ​ຕ້ອງ­ການ​ໃນ​ການ​ເຮັດ​ບົດ­ບາດ ແລະ ໜ້າ­ທີ່​ເປັນ​ກະ­ບອກ​ສຽງ​ໃຫ້​ແກ່​ອຳ­ນາດ​ການ​ປົກ­ຄອງ​ປະ­ຕິ­ວັດ​ທີ່​ຫາ­ກໍ່​ສ້າງ­ຕັ້ງ​ຂຶ້ນ ມາ​ຮອດ​ວັນ​ທີ 1/9/1975 "ໜັງ­ສື­ພິມ​ວຽງ​ຈັນ​ໃໝ່" ກໍ​ໄດ້​ຮັບ​ການ​ສ້າງ­ຕັ້ງ​ຂຶ້ນ ເພື່ອ​ເຮັດ​ໜ້າ­ທີ່​ໃນ​ການ​ໂຄ­ສະ­ນາ​ສຶກ​ສາ​ອົບ­ຮົມ ປຸກ­ລະ­ດົມ​ຂົນ­ຂວາຍ​ປະ­ຊາ­ຊົນ​ບັນ­ດາ​ຊັ້ນ​ຄົນ ແລະ ເຜົ່າ​ຕ່າງໆ​ເຂົ້າ​ຮ່ວມ​ໃນ​ການ​ປົກ​ປັກ​ຮັກ­ສາ​ໝາກ­ຜົນ​ຂອງ​ການ​ປະ­ຕິ­ວັດ​ທີ່​ຫາ​ກໍ​ຍາດ​ມາ​ໄດ້ ແລະ ການ​ເຂົ້າ​ຮ່ວມ​ໃນ​ການ​ປັບ­ປຸງ ແລະ ພັດ­ທະ­ນາ​ນະ­ຄອນ­ຫຼວງ​ວຽງ​ຈັນ ໃນ​ຍ່ານ​ທາງ​ເບື້ອງ​ຕົ້ນ ຊຶ່ງ​ມາ​ຮອດ​ມື້­ນີ້ ກໍ​ໄດ້​ມີ​ອາ­ຍຸ​ຄົບ 36 ປີ​ພໍ­ດີ.</p> <p style="text-align: justify;">  </p> <p style="text-align: justify;"> ໃນ​ຕະ­ຫຼອດ 36 ປີ​ທີ່​ຜ່ານ​ມາ ໂດຍ​ພາຍ​ໃຕ້​ການ​ຊີ້​ນຳ​ຂອງ​ຄະ­ນະ​ພັກ​ນະ­ຄອນ­ຫຼວງ​ວຽງ​ຈັນ ໂດຍ​ສະ­ເພາະ​ແມ່ນ​ການ​ຊີ້​ນຳ-ນຳ­ພາ​ໂດຍ​ກົງ ແລະ ຮອບ­ດ້ານ​ຂອງ​ຄະ­ນະ​ພັກ ຄະ­ນະ​ນຳ​ພະ​ແນກ​ຖະ­ແຫຼງ​ຂ່າວ ແລະ ວັດ­ທະ­ນະ­ທຳ ນະ­ຄອນ­ຫຼວງ​ວຽງ​ຈັນ ເຖິງ​ວ່າ​ໃນ​ແຕ່​ລະ​ໄລ­ຍະ ພວກ​ເຮົາ​ຈະ​ປະ­ສົບ​ກັບ​ຄວາມ​ຫຍຸ້ງ­ຍາກ​ຫຼາຍ​ປະ­ການ ແຕ່​ໜັງ­ສື­ພິມ​ວຽງ​ຈັນ​ໃໝ່ ກໍ​ສາ­ມາດ​ເຮັດ​ຫຼ້ອນ​ໜ້າ­ທີ່​ເປັນ​ກະ­ບອກ​ສຽງ​ອັນ​ແຫຼມ​ຄົມ​ໃຫ້​ແກ່​ຄະ­ນະ​ພັກ​ແຕ່​ລະ​ຂັ້ນ ໃນ​ການ​ໂຄ­ສະ­ນາ​ສຶກ​ສາ​ອົບ­ຮົມ ເຜີຍ­ແຜ່​ແນວ­ທາງ​ລວມ​ຂອງ​ພັກ ເວົ້າ​ລວມ ມະ­ຕິ​ຄຳ​ສັ່ງ​ຂອງ​ອົງ­ຄະ​ນະ​ພັກ​ນະ­ຄອນ­ຫຼວງ​ວຽງ​ຈັນ ເວົ້າ​ສະ­ເພາະ​ພ້ອມ​ດຽວ​ກັນ​ນີ້ ໜັງ­ສື­ພິມ​ວຽງ​ຈັນ​ໃໝ່ ກໍ​ໄດ້​ເຮັດ​ຫຼ້ອນ​ບົດ­ບາດ​ເປັນ​ສື່​ກາງ ເປັນ​ເວ­ທີ​ໃຫ້​ແກ່​ມວນ​ຊົນ​ຊາວ​ນະ­ຄອນ­ຫຼວງ​ວຽງ​ຈັນ ກໍ​ຄື​ໃນ​ທົ່ວ​ສັງ­ຄົມ​ໃນ​ການ​ແລກ­ປ່ຽນ​ຂໍ້​ມູນ​ຂ່າວ­ສານ ແລກ­ປ່ຽນ​ທັດ­ສະ­ນະ​ການ​ສະ­ເໜີ​ບັນ­ຫາ ການ​ສ່ອງ​ແສງ​ສະ­ພາ­ວະ​ຄວາມ​ເປັນ​ຈິງ​ຂອງ​ສັງ­ຄົມ ໃນ​ພາ­ລະ­ກິດ​ປົກ​ປັກ​ຮັກ­ສາ ແລະ ພັດ­ທະ­ນາ​ປະ­ເທດ​ຊາດ​ໃນ​ໄລ­ຍະ​ໃໝ່​ຢ່າງ​ຖືກ­ຕ້ອງ.</p> <p style="text-align: justify;">  </p> <p style="text-align: justify;"> ພວກ​ເຮົາ​ມີ​ຄວາມ​ພາກ­ພູມ​ໃຈ​ເປັນ​ຢ່າງ​ຍິ່ງ​ທີ່​ເຫັນ​ວ່າ 36 ປີ​ທີ່​ຜ່ານ​ມາ ການ­ຈັດ­ຕັ້ງ ແລະ ການ­ເຄື່ອນ­ໄຫວ​ຂອງ​ໜັງ­ສື­ພິມ​ວຽງ​ຈັນ​ໃໝ່ ໄດ້​ເຕີບ​ໃຫຍ່​ຂະ­ຫຍາຍ­ຕົວ ໂດຍ​ຕິດ​ພັນ​ກັບ​ການ​ຂະ­ຫຍາຍ​ໃນ​ແຕ່​ລະ​ດ້ານ​ຂອງ​ນະ­ຄອນ­ຫຼວງ​ວຽງ​ຈັນ ໜັງ­ສື­ພິມ​ວຽງ​ຈັນ​ໃໝ່ ໄດ້​ເລີ່ມ​ກ້າວ​ຂຶ້ນ​ຈາກ​ການ­ຈັດ­ຕັ້ງ ແລະ ການ­ເຄື່ອນ­ໄຫວ​ທີ່​ອ່ອນ​ນ້ອຍ​ຄ່ອຍໆ​ຂະ­ຫຍາຍ­ຕົວ ແລະ ກ້າວ​ຂຶ້ນ​ຢ່າງ​ໜັກ​ແໜ້ນ​ຈາກ​ການ​ພິມ​ຈຳ­ໜ່າຍ​ແບບ​ຂາວ-ດຳ​ໃນ​ເບື້ອງ​ຕົ້ນ ມາ­ສູ່​ການ​ພິມ​ສອດ​ສີ​ຈຳ­ນວນ 2 ໜ້າ ໃນ​ປີ 2005 ແລະ ໃນ​ປັດ­ຈຸ­ບັນ​ນີ້ ໄດ້​ສອດ​ສີ​ຈຳ­ນວນ 4 ໜ້າ​ແລ້ວ ນັບ​ແຕ່​ປີ 2005 ເປັນ­ຕົ້ນ​ມາ ໜັງ­ສື­ພິມ​ວຽງ​ຈັນ​ໃໝ່ ກໍ​ໄດ້​ອອກ​ເວັບ​ໄຊ ອອກ​ໜັງ­ສື­ພິມ​ວຽງ​ຈັນ ເສດ­ຖະ­ກິດ-ສັງ­ຄົມ ແລະ ນັບ​ແຕ່​ງານ​ສະ­ເຫຼີມ­ສະ­ຫຼອງ​ວຽງ​ຈັນ 450 ປີ​ເປັນ­ຕົ້ນ​ມາ ໜັງ­ສື­ພິມ​ວຽງ​ຈັນ​ໃໝ່ ກໍ​ອອກ​ເປັນ​ຕົວ​ເລກ​ລາວ​ຢູ່​ໃນ​ໜ້າ​ເນື້ອ​ໃນ​ອີກ​ດ້ວຍ ນອກ­ຈາກ​ນີ້ ໃນ​ໂອ­ກາດ​ທີ່​ສຳ­ຄັນ​ຕ່າງໆ​ຂອງ​ຊາດ ແລະ ຂອງ​ນະ­ຄອນ­ຫຼວງ​ວຽງ​ຈັນ ໜັງ­ສື­ພິມ​ວຽງ​ຈັນ​ໃໝ່ ຍັງ​ໄດ້​ເຮັດ​ບົດ­ບາດ​ໜ້າ­ທີ່​ເປັນ​ຜູ້​ອອກ​ວາ­ລະ­ສານ​ສະ­ບັບ​ພິ­ເສດ​ຕື່ມ​ອີກ ໃນ​ດ້ານ​ບຸກ​ຄະ­ລາ​ກອນ ຈາກ​ຈຳ­ນວນ​ນັກ​ຂ່າວ-ນັກ​ຂຽນ​ບໍ່​ພໍ​ເທົ່າ­ໃດ​ຄົນ ດ້ວຍ​ບົດ­ຮຽນ ແລະ ປະ­ສົບ​ການ​ທີ່​ອ່ອນ​ນ້ອຍ ໃນ​ເມື່ອ​ກ່ອນ​ມາ​ຮອດ​ປັດ­ຈຸ­ບັນ ເຖິງ​ວ່າ​ບໍ່​ທັນ​ພຽງ­ພໍ​ແຕ່​ກໍ​ສາ­ມາດ​ເຮັດ​ຫຼ້ອນ​ໜ້າ­ທີ່​ການ­ເມືອງ​ທີ່​ສຳ­ຄັນ​ນີ້​ໄດ້​ໂດຍ​ພື້ນ­ຖານ ເຮັດ​ໃຫ້­ການ​ບໍ­ລິ­ການ​ທາງ​ດ້ານ​ຂໍ້​ມູນ​ຂ່າວ­ສານ​ແກ່​ສັງ­ຄົມ​ນັບ​ມື້​ຂະ­ຫຍາຍ­ຕົວ ອັນ​ສຳ­ຄັນ​ແມ່ນ​ພວກ​ເຮົາ​ສາ­ມາດ​ກຸ້ມ​ຕົນ​ເອງ​ໄດ້​ໂດຍ​ພື້ນ­ຖານ ການ​ພົວ­ພັນ​ຮ່ວມ​ມື​ກັບ​ຕ່າງ­ປະ­ເທດ ກໍ​ໄດ້​ຮັບ​ການ​ເປີດ​ກ້ວ​າງ​ຂຶ້ນ ໃນ​ປີ​ທີ່​ຜ່ານ​ມາ ໜັງ­ສື­ພິມ​ວຽງ​ຈັນ​ໃໝ່ ໄດ້​ສືບ­ຕໍ່​ການ​ພົວ­ພັນ​ຮ່ວມ​ມື​ໄປ-ມາ ຢ້ຽມ­ຢາມ​ແລກ­ປ່ຽນ​ບົດ­ຮຽນ​ຮ່ວມ​ກັບ​ໜັງ­ສື­ພິມ "ຮ່າ​ໂນ້ຍ​ເໝີຍ" ແລະ "ກິ້ງ​ເຕ້​ໂດ​ທິ" ຂອງ​ນະ­ຄອນ­ຫຼວງ​ຮ່າ​ໂນ້ຍ ແຫ່ງ ສ.ສ ຫວຽດ­ນາມ ຊຶ່ງ​ໄດ້​ເປັນ​ການ​ຍົກ​ລະ­ດັບ​ການ​ພົວ­ພັນ​ຮ່ວມ​ມື​ກັນ​ຂຶ້ນ​ນັບ​ມື້​ນັບ​ສູງ.</p> <p style="text-align: justify;">  </p> <p style="text-align: justify;"> ຜ່ານ 36 ປີ ບົນ​ເສັ້ນ­ທາງ​ແຫ່ງ​ການ­ຈັດ­ຕັ້ງ ແລະ ການ­ເຄື່ອນ­ໄຫວ​ຂອງ​ຕົນ ດ້ວຍ​ໝາກ­ຜົນ​ທີ່​ຍາດ​ມາ​ໄດ້​ນັ້ນ ໜັງ­ສື­ພິມ​ວຽງ​ຈັນ​ໃໝ່ ຮູ້​ເປັນ​ກຽດ ແລະ ມີ​ຄວາມ​ເອກ­ອ້າງ​ທະ​ນົງ​ໃຈ​ເປັນ​ຢ່າງ​ຍິ່ງ ທີ່​ໄດ້​ຮັບ​ການ​ຍ້ອງ­ຍໍ​ສັນ­ລະ­ເສີນ​ຈາກ​ພັກ-ລັດ ແລະ ທົ່ວ​ສັງ­ຄົມ.</p> <p style="text-align: justify;">  </p> <p style="text-align: justify;"> ຄຽງ​ຄູ່​ກັບ​ດ້ານ​ດີ ແລະ ຜົນ­ງານ​ທີ່​ເຮັດ​ໄດ້​ນັ້ນ ໜັງ­ສື­ພິມ​ວຽງ​ຈັນ​ໃໝ່ ພວກ​ເຮົາ​ກໍ​ຍັງ​ປາ­ສະ­ຈາກ​ບໍ່​ໄດ້​ຂໍ້​ຂາດ​ຕົກ​ບົກ​ຜ່ອງ​ຈຳ­ນວນ​ໜຶ່ງ ທີ່​ພວກ​ເຮົາ​ຈະ​ຕ້ອງ​ໄດ້​ເອົາ­ໃຈ­ໃສ່​ແກ້​ໄຂ ເປັນ­ຕົ້ນ: ດ້ານ​ເນື້ອ​ໃນ​ບາງ​ດ້ານ​ບໍ່​ທັນ​ໜັກ​ແໜ້ນ​ແຫຼມ​ຄົມ ການ​ສ່ອງ​ແສງ​ສະ­ພາບ​ການ ຂໍ້​ມູນ​ຂ່າວ­ສານ​ໃຫ້​ແກ່​ສັງ­ຄົມ​ຍັງ​ບໍ່​ທັນ​ໄດ້​ທົ່ວ​ເຖິງ​ເລິກ­ເຊິ່ງ ມີ​ບາງ​ໄລ­ຍະ​ບາງ​ດ້ານ​ກໍ​ພົວ­ພັນ​ເຖິງ​ຄວາມ​ຮັບ​ຮູ້​ເຂົ້າ­ໃຈ ແລະ ຜົນ​ປະ­ໂຫຍດ​ໃນ​ດ້ານ​ໃດ​ດ້ານ​ໜຶ່ງ​ຂອງ​ນິ­ຕິ­ບຸກ­ຄົນ ແລະ ບຸກ­ຄົນ ຄະ­ນະ​ບັນ­ນາ­ທິ­ການ ພ້ອມ​ດ້ວຍ​ພະ­ນັກ­ງານ-ລັດ­ຖະ­ກອນ​ໜັງ­ສື­ພິມ​ວຽງ​ຈັນ​ໃໝ່ ຈຶ່ງ​ຂໍ​ອະ­ໄພ​ນຳ​ທຸກໆ​ທ່ານ​ມາ­ນະ​ໂອ­ກາດ​ນີ້​ດ້ວຍ.</p> <p style="text-align: justify;">  </p> <p style="text-align: justify;"> ໜັງ­ສື­ພິມ​ວຽງ​ຈັນ​ໃໝ່ ຂໍ​ສະ­ແດງ​ຄວາມ​ຮູ້​ບຸນ­ຄຸນ​ຕໍ່​ຄະ­ນະ​ພັກ​ນະ­ຄອນ­ຫຼວງ ຄະ­ນະ​ພັກ​ອຳ­ນາດ​ການ​ປົກ­ຄອງ ຂະ­ແໜງ­ການ ອົງ​ການ­ຈັດ­ຕັ້ງ​ແຕ່​ລະ​ຂັ້ນ ຄະ­ນະ​ພັກ ແລະ ຄະ­ນະ​ນຳ​ຂອງ​ພະ​ແນກ​ຖະ­ແຫຼງ​ຂ່າວ ແລະ ວັດ­ທະ­ນະ­ທຳ ປະ­ຈຳ​ນະ­ຄອນ­ຫຼວງ​ວຽງ​ຈັນ ທີ່​ໄດ້​ໃຫ້​ກຽດ​ຊີ້​ນຳ​ຊ່ວຍ­ເຫຼືອ​ຮ່ວມ​ມື​ຕໍ່​ການ­ຈັດ­ຕັ້ງ ແລະ ການ­ເຄື່ອນ­ໄຫວ​ຂອງ​ໜັງ­ສື­ພິມ​ວຽງ​ຈັນ​ໃໝ່ ເປັນ​ຢ່າງ​ດີ​ຕະ­ຫຼອດ​ມາ.</p> <p style="text-align: justify;">  </p> <p style="text-align: justify;"> ຂໍ​ສະ­ແດງ​ຄວາມ​ຂອບ​ອົກ​ຂອບ­ໃຈ​ມາ​ຍັງ​ນັກ​ຂ່າວ ນັກ​ຂຽນ ນັກ​ປະ­ພັນ​ແຕ່​ລະ​ລຸ້ນ​ຄົນ ໃນ​ນີ້ ຂໍ​ສະ­ແດງ​ຄວາມ​ຂອບ­ໃຈ ແລະ ຮູ້​ບຸນ­ຄຸນ​ເປັນ​ພິ­ເສດ ຕໍ່​ບັນ­ດາ​ນັກ​ຂຽນ ນັກ​ປະ­ພັນ ລຸ້ນ​ອາ­ວຸ­ໂສ ທີ່​ໄດ້​ໃຫ້­ການ​ຊ່ວຍ­ເຫຼືອ​ທາງ​ດ້ານ​ບົດ­ຮຽນ ເຂົ້າ​ຮ່ວມ ແລະ ໃຫ້­ການ​ປະ­ກອບ­ສ່ວນ​ທາງ​ດ້ານ​ເນື້ອ​ໃນ​ຕໍ່​ໜັງ­ສື­ພິມ​ພວກ​ເຮົາ​ເປັນ​ຢ່າງ​ດີ​ຕະ­ຫຼອດ​ມາ.</p> <p style="text-align: justify;">  </p> <p style="text-align: justify;"> ຂໍ​ສະ­ແດງ​ຄວາມ​ຂອບ​ອົກ​ຂອບ­ໃຈ ແລະ ຮູ້​ບຸນ­ຄຸນ​ມາ​ຍັງ​ຜູ້​ສະ­ໜັບ­ສະ­ໜູນ ບັນ­ດາ​ທ່ານ​ຜູ້​ອ່ານ​ທຸກ​ຖ້ວນ​ໜ້າ ທີ່​ໄດ້​ໃຫ້­ການ​ປະ­ກອບ­ສ່ວນ ການ​ເຂົ້າ​ຮ່ວມ ແລະ ສ້າງ​ໂອ­ກາດ​ໃຫ້​ໜັງ­ສື­ພິມ​ພວກ​ເຮົາ​ໄດ້​ຮັບ​ໃຊ້​ເປັນ​ສື່​ກາງ ເປັນ​ເວ­ທີ​ເພື່ອ​ການ​ສະ­ໜອງ​ຂໍ້​ມູນ​ຂ່າວ­ສານ​ຮັບ​ບ​ໃຊ້​ການ­ເຄື່ອນ­ໄຫວ​ຢູ່​ໃນ​ຊີ­ວິດ​ປະ­ຈຳ​ວັນ​ຢູ່​ໃນ​ສັງ­ຄົມ​ຢ່າງ​ຖືກ­ຕ້ອງ.</p> <p style="text-align: justify;">  </p> <p style="text-align: justify;"> ໜັງ­ສື­ພິມ​ວຽງ​ຈັນ​ໃໝ່ ຂໍ​ໃຫ້​ຄຳ​ໝັ້ນ​ສັນ­ຍາ​ວ່າ: ຈະ​ຕັ້ງ­ໜ້າ​ພັດ­ທະ­ນາ​ຕົນ​ເອງ​ໃນ​ທຸກ​ດ້ານ ເພື່ອ​ໃຫ້​ສາ­ມາດ​ກ້າວ​ຂຶ້ນ​ເຮັດ​ຫຼ້ອນ​ໜ້າ­ທີ່​ການ­ເມືອງ​ອັນ​ມີ​ກຽດ​ຂອງ​ຕົນ ໃນ​ຖາ­ນະ​ເປັນ​ກະ­ບອກ​ສຽງ​ທີ່​ແຫຼມ​ຄົມ​ຂອງ​ຄະ­ນະ​ພັກ ເປັນ​ສື່​ມວນ​ຊົນ​ທີ່​ໄດ້​ການ​ໄດ້​ງານ ປະ­ກອບ­ສ່ວນ​ຢ່າງ​ຕັ້ງ­ໜ້າ​ເຂົ້າ​ໃນ​ພາ­ລະ­ກິດ​ປົກ​ປັກ​ຮັກ­ສາ ແລະ ພັດ­ທະ­ນາ​ນະ­ຄອນ­ຫຼວງ​ວຽງ​ຈັນ ກໍ​ຄື​ພາ­ລະ­ກິດ​ລວມ​ຂອງ​ປະ­ເທດ​ຊາດ​ຢ່າງ​ສົມ​ກຽດ.</p>

ຂ່າວທີ່ກ່ຽວຂ້ອງ