ຂ່າວຫຼ້າສຸດ

ຫັນມາເຮັດໂຮງງານຜະລິດໄມ້ປັກເກ ແລະ ເຟີນີເຈີ

9.910 24 ສ.ຫ. 2011 ຫຼຸດຜ່ອນຄວາມທຸກຍາກ
ຫັນມາເຮັດໂຮງງານຜະລິດໄມ້ປັກເກ ແລະ ເຟີນີເຈີ

<p style="text-align: justify;"> ທ່ານ​ນາງ ວັນ­ນະ ນັນ­ທະ​ພອນ ກໍ​ແມ່ນ​ຄອບ­ຄົວ​ໜຶ່ງ​ທີ່​ປະ­ສົບ​ຜົນ­ສຳ­ເລັດ ໃນ​ການ​ເຮັດ​ໂຮງ­ງານ​ຜະ­ລິດ​ໄມ້​ປັກ​ເກ ແລະ ເຟີ​ນີ​ເຈີ ທີ່​ຫຼິງ​ເຫັນ​ໄດ້​ຄວາມ​ສຳ­ຄັນ​ຂອງ​ໄມ້​ຢູ່​ຕາມ​ເຂດ​ນອກ ປະ­ຊາ­ຊົນ​ສ່ວນ​ຫຼາຍ ມັກ​ຕັດ​ໄມ້​ມາ​ເຜົາ​ເປັນ​ຖ່ານ ແລະ ໄມ້​ນັບ​ມື້​ນັບ​ເປັນ​ລາ­ຄາ ກ່ອນ​ຈະ​ໄດ້​ໄມ້​້​ໜ້າ 10 ແລະ ໜ້າ 20 ປູກ​ຕັ້ງ­ແຕ່ 10-20 ປີ​ຂຶ້ນ​ໄປ ແລະ ເມື່ອ​ກ່ອນ​ເຫັນ​ເພິ່ນ​ສົ່ງ​ໄມ້​ທ່ອນ​ອອກ​ຫຼາຍ ຈຶ່ງ​ເກີດ​ມີ​ຄວາມ​ຄິດ​ຍາກ​ມາ​ຜະ­ລິດ​ໄມ້​ເປັນ​ສຳ­ເລັດ​ຮູບ ແລ້ວ​ສົ່ງ​ອອກ​ຄົງ​ຈະ​ດີ​ກ່ວ​າ​ສົ່ງ​ໄມ້​ທ່ອນ​ອອກ ແລະ ມີ​ລາ­ຄາ​ແພງ ຈາກ​ນັ້ນ​ກໍ​ເລີ່ມ​ເກັບ​ຊື້​ໄມ້ ເພື່ອ​ຈະ​ມາ​ແປ​ຮູບ​ແລ້ວ​ສົ່ງ​ອອກ.</p> <p style="text-align: justify;"> ທ່ານ​ນາງ ວັນ­ນະ ນັນ­ທະ​ພອນ ກ່າວ​ວ່າ ຕົນ​ເອງ ແລະ ຄອບ­ຄົວ ກໍ​ເປັນ​ພະ­ນັກ­ງານ​ລັດ​ມາ​ກ່ອນ ຈາກ​ນັ້ນ​ໄດ້​ອອກ​ຈາກ​ວຽກ​ງານ​ມາ​ສ້າງ​ເສດ­ຖະ­ກິດ ແຕ່​ປີ 1994 ແລະ ກໍ​ໄດ້​ເລີ່ມ​ສ້າງ­ຕັ້ງ​ໂຮງ­ງານ​ຜະ­ລິດ​ໄມ້​ປັກ​ເກ ແລະ ເຟີ​ນີ​ເຈີ ປີ 1997 ແລະ ອອກ​ອະ­ນຸ­ຍາດ​ເປັນ​ທາງ​ການ​ປີ 1999 ປັດ­ຈຸ­ບັນ​ຕັ້ງ​ຢູ່​ບ້ານ​ໂພນ​ຕ້ອງ​ສະ­ຫວາດ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ ຊຶ່ງ​ມີ​ຈັກ​ຊອຍ 7-8 ເຄື່ອງ ໃນ​ນັ້ນ​ມີ​ຈັກ​ແລ່ນ​ລ້ອງ ຈັກ​ຄົບ​ບົວ​ທ້າຍ​ເປັນ​ຊຸດ​ກົບ​ໄມ້​ປັກ​ເກ​ຂອງ​ເຢຍ​ລະ​ມັນ ສາ­ມາດ​ຮັບ​ຊື້​ໄມ້​ທີ່​ນຳ​ມາ​ຜະ­ລິດ​ເປັນ​ໄມ້​ແປ​ຮູບ ມີ​ໄມ້​ແຕ້​ໄມ້​ດູ່ ໄມ້​ສັກ​ທອງ ແລະ ຊື້​ໄມ້​ທີ່​ມີ​ຂາ​ປະ­ຈຳ​ຢູ່​ຕາມ​ໂຮງ​ເລື່ອຍ ໂຮງ​ຊອຍ​ນ້ອຍ​ຢູ່​ຕ່າງ​ແຂວງ ທີ່​ຊອຍ​ສຳ­ເລັດ​ຮູບ​ມາ​ແລ້ວ ກໍ​ເອົາ​ເຂົ້າ​ເຕົາ​ອົບ ແລະ ມາ​ຊອຍ​ແລ່ນ​ເປັນ​ລ້ອງ ມື້­ໜຶ່ງ​ສາ­ມາດ​ຮັບ​ໄດ້ 5 ແມັດ​ກ້ອນ ຊື້​ໄມ້​ຄີວ​ໜຶ່ງ​ປະ­ມານ 10 ລ້ານ​ກີບ ໃຊ້​ຂັ້ນ​ຕອນ​ເຂົ້າ​ເຕົາ​ອົບ​ແມ່ນ 15 ວັນ ຈ້າງ​ອົບ​ໄມ້​ພາຍ​ນອກ 800.000 ກີບ ແລະ ທັງ​ອົບ ແລ່ນ​ລ້ອງ​ພ້ອມ​ແມ່ນ 1.500.000 ກີບ ສະ­ເພາະ​ໂຮງ­ງານ​ຜະ­ລິດ​ໄມ້​ປັກ​ເກ ແລະ ເຟີ​ນີ​ເຈີ ວັນ­ນະ ນີ້​ແມ່ນ​ຜະ­ລິດ​ໄມ້​ປັກ​ເກ​ຕົບ­ແຕ່ງ​ພາຍ​ໃນ ເປັນ­ຕົ້ນ​ແມ່ນ​ໄມ້​ປູ​ພື້ນ ໄມ້​ແອ້ມ​ຝາ ແລະ ໄມ້​ເພ­ດານ ໄມ້​ບົວ ສາ­ມາດ​ສົ່ງ​ອອກ​ຂາຍ​ທັງ​ພາຍ​ໃນ ແລະ ສົ່ງ​ອອກ​ຕ່າງ­ປະ­ເທດ​ຄື: ສປ ຈີນ ຍີ່­ປຸ່ນ ອາ­ເມ­ລິ­ກາ ຝຣັ່ງ ແລະ ອື່ນໆ ສຳ­ລັບ​ໄມ້​ດູ່ ແມັດ​ກາ­ເລ​ໜຶ່ງ 250.000 ກີບ ແລະ ໄມ້​ສັກ​ທອງ ແມັດ​ກາ­ເລ​ໜຶ່ງ 140.000 ກີບ ປີ​ໜຶ່ງ ສາ­ມາດ​ສົ່ງ​ໄມ້​ຕົບ­ແຕ່ງ​ພາຍ​ໃນ​ອອກ​ຕ່າງ­ປະ­ເທດ​ໄດ້​ປະ­ມານ 30-40 ຄີວ ສ່ວນ​ຫຼາຍ​ແມ່ນ​ໄມ້​ປູ​ພື້ນ ແລະ ໄມ້​ປັກ​ເກ ສຳ­ລັບ​ໂຕະ ຕັ່ງ ຕູ້ ຕຽງ ແມ່ນ​ຜະ­ລິດ​ສົ່ງ​ຂາຍ​ພາຍ​ໃນ​ປະ­ເທດ ນອກ­ຈາກ​ຕັ້ງ​ໂຮງ­ງານ​ຜະ­ລິດ​ໄມ້​ປັກ​ເກ ແລະ ເຟີ​ນີ​ເຈີ​ແລ້ວ ທາງ​ໂຮງ­ງານ​ຍັງ​ໄດ້​ມີ​ການ​ປູກ​ປ່າ​ທົດ​ແທນ ເປັນ­ຕົ້ນ​ແມ່ນ​ປູກ​ໄມ້​ສັກ​ທອງ ໄມ້​ເກດ­ສະ­ໜາ ໃນ​ເນື້ອ­ທີ່​ປະ­ມານ 50 ເຮັກ­ຕາ ແລະ ທັງ​ລ້ຽງ​ງົວ ປະ­ມານ 60 ໂຕ ລ້ຽງ​ແບ້​ຕື່ມ​ອີກ ພ້ອມ​ນີ້​ຍັງ​ໄດ້​ສົ່ງ­ເສີມ​ໃຫ້​ລູກ­ເຕົ້າ ສືບ​ທອດ​ການ​ຜະ­ລິດ​ໄມ້​ປັກ​ເກ ແລະ ເຟີ​ນີ​ເຈີ ດັ່ງ­ນັ້ນ ຜູ້​ໃດ​ສົນ­ໃຈ​ຢາກ​ໄດ້​ໄມ້​ຕົບ­ແຕ່ງ​ພາຍ​ໃນ​ເຮືອນ ເປັນ­ຕົ້ນ​ແມ່ນ ໄມ້​ປູ​ພື້ນ ໄມ້​ແອ້ມ​ຝາ ແລະ ໄມ້​ເພ­ດານ ໄມ້​ບົວ ສາ­ມາດ​ຕິດ­ຕໍ່​ພົວ­ພັນ​ກັບ​ໂຮງ­ງານ​ຜະ­ລິດ​ໄມ້​ປັກ​ເກ ແລະ ເຟີ​ນີ​ເຈີ ວັນ­ນະ ໄດ້​ທຸກ​ເວ­ລາ.</p>

ຂ່າວທີ່ກ່ຽວຂ້ອງ