ຂ່າວຫຼ້າສຸດ

ທະນາຄານນະໂຍບາຍ ປ່ອຍເງິນກູ້ປູກສາລີ 5 ຕື້ກ່ວາກີບ

8.832 16 ສ.ຫ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ຄຳ​ຫວັນ ສີ​ທະ​ຈັກ ຫົວ­ໜ້າ​ອຳ­ນວຍ​ການ​ທະ­ນາ­ຄານ​ນະ­ໂຍ­ບາຍ ສາ­ຂາ​ຊຽງ​ຂວາງ ລາຍ​ງານ​ໃຫ້​ຮູ້​ວ່າ ໄລ­ຍະ​ແຕ່​ວັນ​ທີ 8-17 ສິງ­ຫາ 2011 ນີ້ ທະ­ນາ­ຄານ​ນະ­ໂຍ­ບາຍ​ສາ­ຂາ​ຊຽງ​ຂວາງ ແລະ ຫົວ­ພັນ ໄດ້​ປ່ອຍ​ເງິນ​ກູ້​ເຂົ້າ​ໃສ່​ການ​ປູກ​ສາ­ລີ​ເປັນ​ສິນ­ຄ້າ ໃຫ້​ແກ່​ປະ­ຊາ­ຊົນ​ເມືອງ​ນອກ​ເປົ້າ​ໝາຍ ໃນ​ວົງ​ເງິນ 5 ຕື້ 399 ລ້ານ 4 ແສນ​ກີບ ເຊິ່ງ​ປ່ອຍ​ໃຫ້ 19 ບ້ານ​ຂອງ​ເມືອງ​ຄຳ ແຂວງ​ຊຽງ​ຂວາງ​ມີ 80 ກຸ່ມ​ການ​ຜະ­ລິດ 968 ຄອບ­ຄົວ ຊຶ່ງ​ເປັນ​ການ​ປ່ອຍ​ຊຸດ​ທີ 1 ໃຫ້​ແກ່​ການ​ປູກ​ສາ­ລີ​ໃນ​ບັນ­ດາ​ເມືອງ​ນອກ ເປົ້າ​ໝາຍ ແລະ ໄລ­ຍະ 6 ເດືອນ​ຜ່ານ​ມາ​ຂອງ​ປີ​ນີ້ ທາງ​ທະ­ນາ­ຄານ​ນະ­ໂຍ­ບາຍ​ສາ­ຂາ​ດັ່ງ­ກ່າວ ກໍ​ໄດ້​ປ່ອຍ​ເງິນ​ໃຫ້​ປະ­ຊາ­ຊົນ​ໃນ​ເມືອງ​ເປົ້າ​ໝາຍ ຂອງ​ແຂວງ​ຊຽງ​ຂວາງ​ໄປ​ແລ້ວ 38.476 ລ້ານ​ກີບ ໃນ​ນີ້​ທຶນ​ປ່ອຍ​ໄລ­ຍະ​ສັ້ນ ປູກ​ເຂົ້າ­ນາ​ປີ ສາ­ລີ ພືດ​ຕ່າງໆ ລ້ຽງ­ສັດ​ນ້ອຍ ຫັດ­ຖະ­ກຳ ອື່ນໆ 19.829 ລ້ານ​ກີບ ມີ​ຍອດ​ເຫຼືອ 6 ເດືອນ 32.720 ລ້ານ​ກີບ ປ່ອຍ​ໄລ­ຍະ​ກາງ​ໃສ່​ບຸກ­ເບີກ​ເນື້ອ­ທີ່​ການ​ຜະ­ລິດ ຊື້​ອຸ­ປະ­ກອນ​ການ​ຜະ­ລິດ​ເຟີ​ນີ​ເຈີ ລ້ຽງ­ສັດ​ນ້ອຍ 6.139 ລ້ານ​ກີບ ສຳ­ລັບ​ຍອດ​ເຫຼືອ 6 ເດືອນ ຈຳ­ນວນ 16.917 ລ້ານ​ກີບ ແລະ ປ່ອຍ​ໄລ­ຍະ​ຍາວ​ໃສ່​ບຸກ­ເບີກ​ເນື້ອ­ທີ່​ນາ ປູກ​ໄມ້​ອຸດ­ສາ­ຫະ­ກຳ ໄມ້​ໃຫ້​ໝາກ​ອື່ນໆ 12.508 ລ້ານ​ກີບ ຍອດ​ເຫຼືອ 6 ເດືອນ 40.103 ລ້ານ​ກີບ ລວມ​ໜີ້​ສິນ​ໃນ​ກຳ­ນົດ 89.740 ລ້ານ​ກີບ ແລະ ໜີ້​ສິນ​ກາຍ​ກຳ­ນົດ 787 ລ້ານ​ກີບ ທາງ​ດ້ານ​ຖາ­ນະ​ການ​ເງິນ​ນັ້ນ ທ່ານ ຄຳ​ຫວັນ ສີ​ທະ​ຈັກ ເວົ້າ​ວ່າ: 6 ເດືອນ​ຜ່ານ​ມາ ສາ­ຂາ​ຂອງ​ພວກ​ເຮົາ​ສ້າງ​ລາຍ​ຮັບ​ໄດ້​ທັງ​ໝົດ 3.772 ລ້ານ​ກີບ ຍອດ​ລາຍ​ຈ່າຍ​ປະ­ຕິ­ບັດ​ໄດ້ 3.326 ລ້ານ​ກີບ ມີ​ກຳ­ໄລ​ສຸດ­ທິ 446 ລ້ານ​ກີບ ທະ­ນາ­ຄານ​ພວກ​ເຮົາ​ມີ 8 ໜ່ວຍ​ບໍ­ລິ­ການ​ທີ່​ຕັ້ງ​ຢູ່ 8 ເມືອງ​ທຸກ​ຍາກ​ຂອງ​ແຂວງ​ຊຽງ​ຂວາງ ແລະ ຫົວ­ພັນ ທ່ານ ຄຳ​ຫວັນ ຍັງ​ເວົ້າ​ວ່າ ໄລ­ຍະ​ທ້າຍ​ເດືອນ​ມິ­ຖຸ­ນາ​ຜ່ານ​ມາ ແຂວງ​ຊຽງ​ຂວາງ​ໄດ້​ຮັບ​ຜົນ​ກະ­ທົບ​ຈາກ​ພາ­ຍຸ​ຮາຍ​ມາ ພັດ​ຖະ​ຫຼົ່ມ ໃນ​ນີ້​ເມືອງ​ຄູນ ເມືອງ​ທ່າ​ໂທມ ແລະ ເມືອງ​ໜອງ​ແຮດ ທີ່​ເປັນ​ເມືອງ​ເປົ້າ​ໝາຍ​ຂອງ​ທະ­ນາ­ຄານ​ພວກ​ເຮົາ ໄດ້​ມີ​ຜົນ​ກະ­ທົບ​ຕໍ່​ທຶນ​ສົ່ງ­ເສີມ​ຂອງ​ພວກ​ເຮົາ​ຫຼາຍ​ສົມ­ຄວນ ເປັນ­ຕົ້ນ​ແມ່ນ​ເມືອງ​ຄູນ ທີ່​ພວກ​ເຮົາ​ປ່ອຍ​ເງິນ​ລົງ​ສູ່​ການ​ຜະ­ລິດ​ນາ­ປີ 1,5 ຕື້​ກີບ ແຕ່​ການ​ຜະ­ລິດ​ຖືກ­ເສຍ​ຫາຍ​ໄປ 1.117 ລ້ານ​ກີບ ສ່ວນ​ເມືອງ​ທ່າ​ໂທມ ແລະ ໜອງ​ແຮດ ຍັງ​ບໍ່​ທັນ​ໄດ້​ຮັບ​ການ​ລາຍ​ລະ­ອຽດ ເມື່ອ​ພວກ​ເຮົາ​ກໍ​ຍັງ​ລໍ­ຖ້າ​ການ​ສະ­ເໜີ​ຂອງ​ອຳ­ນາດ​ການ​ປົກ­ຄອງ​ທ້ອງ­ຖິ່ນ ແລະ ລູກ​ໜີ້ ເພື່ອ​ພິ­ຈາ­ລະ­ນາ​ບັນ­ຫາ​ນະ­ໂຍ­ບາຍ​ຕໍ່​ຜູ້​ໄດ້​ຮັບ​ຜົນ​ກະ­ທົບ ທ່ານ ຄຳ​ຫວັນ ຍັງ​ຮຽກ­ຮ້ອງ​ເຖິງ​ອົງ​ການ­ຈັດ­ຕັ້ງ​ທຸກ​ຂັ້ນ ແລະ ພໍ່​ແມ່​ປະ­ຊາ­ຊົນ​ໃນ​ກຸ່ມ​ເປົ້າ​ໝາຍ ຈົ່ງ​ຊ່ວຍ​ຊີ້​ນຳ-ນຳ­ພາ ແລະ ຈັດ​ຕັ້ງ​ປະ­ຕິ­ບັດ​ນຳ​ໃຊ້​ເງິນ​ໃຫ້​ຖືກ​ເປົ້າ​ໝາຍ ເພື່ອ​ເປັນ​ການ​ສົ່ງ­ເສີມ​ການ​ຜະ­ລິດ ແກ້​ໄຂ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ ໃຫ້​ນັບ​ມື້​ດີ​ຂຶ້ນ ແລະ ຫຼຸດ​ພົ້ນ​ອອກ​ຈາກ​ຄວາມ­ທຸກ​ຍາກ​ເທື່ອ​ລະ​ກ້າວ.</p>

ຂ່າວທີ່ກ່ຽວຂ້ອງ