ຂ່າວຫຼ້າສຸດ

ອພບ ກັບການພັດທະນານະຄອນຫຼວງວຽງຈັນ

3.139 26 ມ.ກ. 2011 ພັດທະນານະຄອນຫຼວງ

<p> ຜົນສຳເລັດໄລຍະແຫ່ງການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກນະຄອນຫຼວງວຽງຈັນ ຕາມ 13 ແຜນງານ 160 ໂຄງການ ແລະ ທິດຊີ້ ນຳຂອງອົງຄະນະພັກ ນະຄອນຫຼວງວຽງຈັນ ກ່ຽວກັບການພັດທະນານະຄອນຫຼວງ ຕາມທິດຍືນຍົງ ຕິດພັນກັບຄຳຂວັນ 6 ສ ເຊິ່ງໃນນັ້ນ ໄດ້ຖືເອົາ 3 ສ (ສ.ສະອາດ ສີ ຂຽວ ສະຫວ່າງ) ເປັນການຈັດຕັ້ງປະຕິບັດຕົວຈິງ ໂດຍອົງການພັດທະນາ ແລະ ບໍລິຫານຕົວເມືອງວຽງຈັນ (ອພບ) ໄດ້ສຸມໃສ່ຢ່າງຕັ້ງໜ້າ ປະຕິບັດໂຄງການ ແລະ ຄຳ ຂວັນດັ່ງກ່າວ ດ້ວຍຄວາມຮັບຜິດຊອບສູງ ສາມາດຍາດໄດ້ຜົນສຳເລັດດັ່ງນີ້:</p> <p> ໄດ້ສຶກສາອົບຮົມໃຫ້ປະຊາຊົນ ພະນັກງານ ລັດຖະກອນ ເຊື່ອມຊຶມເນື້ອໃນໂຄງການ ແລະ ລະບຽບກົດໝາຍກ່ຽວຂ້ອງ ຫັນເອົາວຽກໂຄງການ ໃຫ້ກາຍເປັນຂອງປວງຊົນ ໂດຍຜ່ານຂະບວນການສ້າງບ້ານ ແລະ ກຸ່ມບ້ານພັດທະນາ ເຮັດທົດລອງຢູ່ບັນດາເມືອງຢູ່ກຸ່ມບ້ານ ເຮັດສັນຍາອະນາໄມກັບແຕ່ລະຄອບຄົວ ຢູ່ຕາມແຄມທາງສາຍຫຼັກ ໄດ້ ທັງໝົດ 5.770ຄອບຄົວ ແລະ ເຮັດສັນຍາກັບສຳນັກງານອົງການໄດ້ 266ສັນຍາ ເອົາໃຈໃສ່ປັບປຸງພື້ນຖານໂຄງລ່າງ ກໍ່ສ້າງປັບປຸງທາງຮ່ອມ ຕາມຊຸມຊົນບ້ານ ໂດຍການປະກອບສ່ວນທຶນຮອນລັດ ກັບປະຊາຊົນ ເອົາໃຈໃສ່ເກັບມ້ຽນ ແລະ ກຳຈັດຂີ້ເຫຍື້ອ (ປີ 2007-2010) ໄດ້ 235.700ໂຕນ ເທົ່າກັບ 50-60%ຂອງປະລິ ມານຂີ້ເຫຍື້ອທັງໝົດ ທີ່ເກີດຂຶ້ນໃນນະຄອນຫຼວງວຽງຈັນ ປູກຕົ້ນໄມ້ປະດັບ ຕົ້ນໄມ້ໃຫ້ຮົ່ມ ກໍ່ສ້າງສວນດອນກາງທາງ-ວົງວຽນ ກໍ່ສ້າງປັບປຸງສວນສາທາລະນະ ໄດ້ໂດຍພື້ນ ຖານ ປຸກລະດົມໃຫ້ສຳນັກງານອົງການ ລວມທັງບ້ານເຮືອນຂອງປະຊາຊົນ ລວງຮ່ອງລະບາຍນ້ຳ ທາສີຮົ້ວ ທາສີເຮືອນ ແລະ ອື່ນໆ ເຊິ່ງຂະບວນການດັ່ງກ່າວ ໄດ້ມີການ ປະກອບສ່ວນ ທາງດ້ານແຮງງານຈາກພະນັກງານ ທະຫານ ຕຳຫຼວດ ນັກຮຽນ ນັກສຶກສາ ທັງພາກລັດ ແລະ ເອກະຊົນ ຕະຫຼອດຮອດຊາວນະຄອນຫຼວງວຽງຈັນ ນັບແຕ່ ປີ 2008 ຮອດປັດຈຸບັນ ໄດ້ມີຂະບວນເຮັດອະນາໄມຕົວເມືອງ 20 ຄັ້ງ ຈຳນວນພົນເຂົ້າຮ່ວມ 153.340 ເທື່ອຄົນ ຂະບວນການປູກຕົ້ນໄມ້ເປັນສີຂຽວ ໃຫ້ຮົ່ມ ແລະ ເປັນ ມິດຕໍ່ສິ່ງແວດລ້ອມ ໄດ້ມີການປຸກລະດົມ ຢ່າງເປັນຂະບວນການກ້ວາງຂວາງ ພ້ອມດຽວກັນນັ້ນ ໂຄງການວຽງຈັນສະຫວ່າງ ໄດ້ສຳເລັດການຕິດຕັ້ງໄຟຟ້າປະດັບ ໃສ່ພຣະ ທາດຫຼວງ ສວນປະຕູໄຊ ຫໍພຣະແກ້ວ ຫໍຄຳ ແລະ ສະຖານທີ່ສຳຄັນຕ່າງໆ ສຶກສາສ້າງແຜນແມ່ບົດ ລະບົບໄຟເຍືອງທາງ ຢູ່ນະຄອນຫຼວງວຽງຈັນ ສ້ອມແປງໄຟເຍືອງ ທາງ ໃຫ້ໃຊ້ການໄດ້ເປັນປົກກະຕິ ຄຽງຄູ່ກັບການປຸກລະດົມພໍ່ແມ່ປະຊາຊົນ ຕິດຕັ້ງໄຟເຍືອງທາງຮ່ອມ ໃນຄຸ້ມບ້ານຂອງຕົນ.</p> <p> ຂໍ້ມູນດັ່ງກ່າວ ແມ່ນຈາກບົດລາຍງານຂອງທ່ານ ດຣ. ເກດແກ້ວ ສີຫາລາດ ຮອງປະທານອົງການພັດທະນາ ແລະ ບໍລິຫານຕົວເມືອງວຽງຈັນ ຕໍ່ກອງປະຊຸມໃຫຍ່ ຄັ້ງທີ V ຂອງອົງຄະນະພັກນະຄອນຫຼວງວຽງຈັນ ໄດ້ຈັດຂຶ້ນໃນລະຫວ່າງວັນທີ 10-12ມັງກອນ 2011ຜ່ານມາ.</p> <p> <strong>ໂດຍ: ດາວວອນ</strong></p>

ຂ່າວທີ່ກ່ຽວຂ້ອງ