ຂ່າວຫຼ້າສຸດ

ຊີວິດການເປັນຢູ່ຂອງຄອບຄົວດີຂຶ້ນ ຍ້ອນການລ້ຽງໄກ່

8.079 08 ສ.ຫ. 2011 ຫຼຸດຜ່ອນຄວາມທຸກຍາກ
ຊີວິດການເປັນຢູ່ຂອງຄອບຄົວດີຂຶ້ນ ຍ້ອນການລ້ຽງໄກ່

<p style="text-align: justify;"> ທ່ານ ບຸນ​ທະ­ລາ ແກ້ວ​ຈັນ​ສີ ຄອບ­ຄົວ​ຕົວ​ແບບ​ໃນ​ການ​ລ້ຽງ​ໄກ່ ຢູ່​ບ້ານ​ນາ​ມົນ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ໄດ້​ໃຫ້​ສຳ­ພາດ​ກ່ຽວ​ກັບ​ການ​ດຳ­ເນີນ​ການ​ລ້ຽງ​ໄກ່ ຈົນ​ກາຍ­ເປັນ​ຄອບ­ຄົວ​ຕົວ​ແບບ ເຊິ່ງ​ບາງ​ຕອນ​ທ່ານ​ໄດ້​ກ່າວ​ວ່າ: ຄອບ­ຄົວ​ຂອງ​ຂ້າ­ພະ­ເຈົ້າ ມີ​ສະ­ມາ­ຊິກ 5 ຄົນ ຍິງ 3 ຄົນ ໄດ້​ປະ­ກອບ​ອາ­ຊີບ​ໃນ​ການ​ລ້ຽງ​ໄກ່​ເປັນ­ຕົ້ນ​ຕໍ ແລະ ປູກ​ຜັກ​ປອດ​ສານ­ພິດ​ເປັນ​ສຳ­ຮອງ ປັດ­ຈຸ­ບັນ ຄອບ­ຄົວ​ຂອງ​ຂ້າ­ພະ­ເຈົ້າ​ມີ​ໄກ່​ພັນ​ໄຂ່ 580 ໂຕ ສາ­ມາດ​ເກັບ​ໄຂ່​ໄດ້​ໃນ​ແຕ່​ລະ​ມື້ 540 ໜ່ວຍ ຫຼື 18 ແຕະ ຄິດ​ເປັນ​ເງິນ​ໄດ້​ຮັບ 450.000 ກີບ​ຕໍ່​ມື້ ຈາກ​ການ​ຂາຍ​ໄຂ່ ພ້ອມ​ນີ້ ມູນ​ຂອງ​ໄກ່​ກໍ​ໄດ້​ຂາຍ​ໃຫ້​ປະ­ຊາ­ຊົນ​ພາຍ​ໃນ​ບ້ານ ແລະ ນຳ​ໃຊ້​ເປັນ​ຝຸ່ນ​ໃສ່​ສວນ​ຜັກ​ຂອງ​ຕົນ​ເອງ ນອກ​ນີ້ ການ​ລ້ຽງ​ໄກ່­ລາດ ກໍ​ໄດ້​ລ້ຽງ​ເປັນ​ຈຳ­ນວນ​ຫຼາຍ ແຕ່​ໄດ້​ຈຳ­ໜ່າຍ​ອອກ​ເປັນ​ສ່ວນ​ໃຫຍ່ ປັດ­ຈຸ­ບັນ​ຍັງ​ເຫຼືອ​ປະ­ມານ 60 ໂຕ ເຊິ່ງ​ໄດ້​ມີ​ການ​ລ້ຽງ​ແບບ​ປະ­ສົມ​ປະ­ສານ ລະ­ຫວ່າງ​ການ​ລ້ຽງ​ແບບ​ວິ­ທະ­ຍາ­ສາດ ມີ​ຄອກ​ເປັນ​ຟາມ ແລະ ແບບ​ທຳ​ມະ​ຊາດ ສ່ວນ​ການ​ປູກ​ຜັກ​ແມ່ນ​ປູກ​ຮັບ​ໃຊ້​ພາຍ​ໃນ​ຄອບ­ຄົວ ແລະ ສົ່ງ​ຂາຍ​ຈຳ­ນວນ​ໜຶ່ງ ຄິດ­ໄລ່​ແລ້ວ ການ​ຂາຍ​ຜັກ​ແມ່ນ​ມີ​ລາຍ​ໄດ້ 1 ລ້ານ​ກີບ​ຕໍ່​ງວດ.</p> <p style="text-align: justify;"> ຈາກ​ການ​ລ້ຽງ​ໄກ່ ແລະ ປູກ​ຜັກ​ຜ່ານ​ມາ ຈຶ່ງ​ໄດ້​ເຮັດ​ໃຫ້​ຄອບ­ຄົວ​ຂອງ​ຂ້າ­ພະ­ເຈົ້າ ນັບ​ມື້​ມີ​ຄວາມ​ເຂັ້ມ­ແຂງ​ຂຶ້ນ​ເລື້ອຍໆ ສະ­ແດງ​ອອກ 2 ປີ­ຜ່ານ­ມາ ພາຍ­ຫຼັງ​ທີ່​ໄດ້​ປະ­ກອບ​ອາ­ຊີບ​ນີ້ ໄດ້​ເຮັດ​ໃຫ້​ເສດ­ຖະ­ກິດ​ຄອບ­ຄົວ​ມີ​ການ​ຂະ­ຫຍາຍ­ຕົວ​ດີ​ຂຶ້ນ​ເປັນ​ລຳ­ດັບ ມີ​ອາ­ຫານ​ລ້ຽງ​ຄອບ­ຄົວ ຈາກ​ຜົນ​ຜະ­ລິດ​ທີ່​ຕົນ​ເຮັດ ມີ​ໄກ່​ໄຂ່ ແລະ ພືດ​ຜັກ​ປອດ​ສານ­ພິດ​ໄວ້​ກິນ​ໃນ​ແຕ່​ລະ​ມື້ ມີ​ລາຍ​ຮັບ​ທີ່​ແນ່­ນອນ ເຮັດ​ໃຫ້​ຄອບ­ຄົວ​ມີ​ຄວາມ​ສາ­ມັກ­ຄີ​ຮັກ­ແພງ​ກັນ ແລະ ບໍ່​ມີ​ການ​ຜິດ​ຖຽງ​ກັນ ພ້ອມ​ດຽວ​ກັນ ກໍ​ຍັງ​ສາ­ມາດ​ສົ່ງ​ລູກໆ​ໄປ​ເຂົ້າ​ໂຮງ­ຮຽນ​ໝົດ​ທຸກ​ຄົນ ແລະ ບໍ່​ມີ​ໃຜ​ອອກ​ໂຮງ­ຮຽນ ເຊິ່ງ​ຜົນ­ງານ​ດັ່ງ­ກ່າວ​ນັ້ນ ກໍ​ແມ່ນ​ມາ​ຈາກ​ການ​ລ້ຽງ­ສັດ​ເປັນ­ຕົ້ນ​ຕໍ ບວກ​ໃສ່​ຄວາມ​ດຸ­ໝັ່ນ​ຂະ­ຫຍັນ​ພຽນ​ຂອງ​ທຸກ​ຄົນ​ໃນ​ຄອບ­ຄົວ ຈຶ່ງ​ພາ­ໃຫ້​ຄອບ­ຄົວ​ຂອງ​ຂ້າ­ພະ­ເຈົ້າ ມີ​ຊີ­ວິດ​ການ​ເປັນ​ຢູ່​ທີ່​ດີ​ຂຶ້ນ​ເລື້ອຍໆ.</p> <p style="text-align: justify;"> ທ່ານ ບຸນ​ທະ­ລາ ແກ້ວ​ຈັນ​ສີ ຍັງ​ເວົ້າ​ຕື່ມ​ວ່າ: ໃນ​ອະ­ນາ­ຄົດ ຂ້າ­ພະ­ເຈົ້າ​ພ້ອມ​ຄອບ­ຄົວ ຈະ​ສືບ­ຕໍ່​ໃນ​ການ​ລ້ຽງ​ໄກ່ ແລະ ປູກ​ພືດ​ຜັກ​ປອດ​ສານ­ພິດ ພ້ອມ​ນີ້ ກໍ​ຈະ​ເອົາ­ໃຈ­ໃສ່​ຂະ­ຫຍາຍ​ພໍ່​ພັນ​ແມ່​ພັນ​ໄກ່ ກໍ​ຄື​ປະ­ລິ­ມານ​ຂອງ​ພືດ​ຜັກ​ໃຫ້​ຫຼາຍ​ຂຶ້ນ​ເລື້ອຍໆ ເພື່ອ​ຕອບ​ສະ­ໜອງ​ກັບ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ສັງ­ຄົມ.</p> <p style="text-align: justify;"> <strong>ໂດຍ: ສະ­ບາ​ໄພ</strong></p>

ຂ່າວທີ່ກ່ຽວຂ້ອງ