ຄວາມອົດທົນຄືໝາກຜົນແຫ່ງຄວາມສຳເລັດ

1.717 01 ສ.ຫ. 2011 ສຶກສາ
ຄວາມອົດທົນຄືໝາກຜົນແຫ່ງຄວາມສຳເລັດ

<p style="text-align: justify;"> ຫຼາຍ​ທ່ານ​ຄົງ​ຈະ​ໄດ້​ຍິນ ແລະ ປະ­ສົບ​ພົບ­ພໍ້​ມາ​ຫຼາຍ​ແລ້ວ ກ່ຽວ​ກັບ​ຄຳ​ເວົ້າ​ທີ່​ກ່າວ​ມາ​ນີ້ ເພາະ​ມັນ​ເປັນ​ສິ່ງ​ຈູງ​ໃຈ ເຮັດ​ໃຫ້​ບຸກ​ບືນ​ຜ່ານ​ຜ່າ​ອຸ­ປະ­ສັກ ຈົນ​ສາ­ມາດ​ກ້າວ​ໄປ​ສູ່​ຄວາມ​ສຳ­ເລັດ​ໃນ​ທີ່​ສຸດ ຄື​ດັ່ງ​ບົດ­ຮຽນ​ຊີ­ວິດ​ຈິງ​ຂອງ​ຜູ້­ຍິງ​ຄົນ​ໜຶ່ງ ທີ່​ມີ​ຄວາມ​ໄຝ່​ຝັນ​ຢາກ​ເປັນ​ນັກ​ຂີດ ນັກ​ຂຽນ​ທີ່​ດີ­ເດັ່ນ ໃຫ້​ມີ​ຜົນ­ງານ​ປະ­ກົດ​ສູ່​ສາຍ­ຕາ​ມະ­ຫາ­ຊົນ ໄດ້​ໃຊ້​ປາຍ​ບິກ​ຂີດ​ຂຽນ ຈິນ­ຕະ­ນາ­ການ​ຜ່ານ​ຊີ­ວິດ​ຈິງ ສ່ອງ​ແສງ​ສັງ­ຄົມ​ໃຫ້​ແງ່​ມູມ​ຄວາມ​ຄິດ ເປັນ​ຄະ­ຕິ​ເຕືອນ­ໃຈ​ຝາກ​ໄວ້​ແກ່​ຜູ້​ອ່ານ ນັ້ນ​ຄື​ແຮງ​ບັນ­ດານ​ໃຈ ທີ່​ເຮັດ​ໃຫ້​ເຂົາ​ຄົນ​ນັ້ນ ກ້າວ​ມາ­ສູ່​ຈຸດ​ນີ້​ໄດ້.</p> <p style="text-align: justify;"> ນາງ ມິດ​ປະ­ຊາ ສິດ­ທິ​ຮັກ​ປັນ­ຍາ ນັກ­ຮຽນ​ຫ້ອງ ມ6/3 ໂຮງ­ຮຽນ ມ.ສ ສາ­ທິດ ນະ­ຄອນ­ຫຼວງ​ວຽງ​ຈັນ ຜູ້​ມີ​ຄວາມ​ໄຝ່​ຝັນ ຢາກ​ເປັນ​ນັກ​ຄິດ​ປະ­ດິດ​ແຕ່ງ­ຕັ້ງ​ແຕ່​ອາ­ຍຸ​ຍັງ​ເຍົາ​ໄວ ໂດຍ​ໃຊ້​ເວ­ລາ​ຫວ່າງ​ໃຫ້​ເປັນ​ປະ­ໂຫຍດ ບວກ​ກັບ​ພອນ​ສະ­ຫວັນ​ທີ່​ມີ ດ້ວຍ​ແຮງ​ສະ­ໜັບ­ສະ­ໜູນ​ຈາກ​ຄູ​ຜູ້​ຄົນ​ອ້ອມ​ຂ້າງ ເຮັດ​ໃຫ້​ມີ​ການ​ພັດ­ທະ­ນາ​ການ​ຂີດ​ຂຽນ​ເລື້ອຍ​ມາ.</p> <p style="text-align: justify;"> ລາວ​ໄດ້​ກ່າວ​ວ່າ: ປົກ­ກະ­ຕິ​ແລ້ວ ຕົນ​ເອງ​ເປັນ​ຄົນ​ມັກ​ຮັກ​ເລື່ອງ​ການ​ຂີດ ການ​ຂຽນ ການ​ແຕ່ງ​ເລື່ອງ​ມາ​ແຕ່​ດົນ​ແລ້ວ ພໍ​ກ້າວ​ເຂົ້າ​ສູ່​ຮົ້ວ​ໂຮງ­ຮຽນ ເລີ່ມ​ຄິດ​ປະ­ດິດ​ແຕ່ງ​ເອງ ເພາະ​ຢາກ​ມີ​ຄວາມ​ຄິດ ຢາກ​ກ້າວ​ເດີນ​ຕາມ​ເສັ້ນ­ທາງ​ດັ່ງ­ກ່າວ ເຊິ່ງ​ມັນ​ກໍ​ເປັນ​ເລືອງ​ຍາກ​ໃນ​ເບື້ອງ​ຕົ້ນ ເພາະ​ພື້ນ­ຖານ​ດ້ານ​ນີ້​ບໍ່​ມີ​ເລີຍ ຕ້ອງ​ໄດ້​ອ່ານ​ຕິດ­ຕາມ​ບັນ­ດາ​ອາ­ຈານ​ຜູ້​ເພິ່ນ​ເປັນ​ນັກ​ຂີດ ນັກ​ຂຽນ​ອາ­ວຸ­ໂສ ທີ່​ມີ​ຜົນ­ງານ​ຢ່າງ​ຫຼວງ­ຫຼາຍ ລວມ​ທັງ​ການ​ບຸກ​ບືນ​ຮ່ຳ­ຮຽນ​ນຳ​ຄູ-ອາ­ຈານ ພາຍ​ໃນ​ໂຮງ­ຮຽນ ທັງ​ເຂົ້າ​ຮ່ວມ​ເຝິກ­ອົບ­ຮົມ​ການ​ຂີດ ການ​ຂຽນ ທີ່​ທາງ​ຂັ້ນ​ເທິງ​ຈັດ​ຂຶ້ນ ແລະ ໄດ້​ເຝິກ​ຫັດ​ການ​ຂີດ​ຂຽນ​ນຳ​ອາ­ຈານ ດາວ​ວຽງ ບຸດ​ນາ​ໂຄ ນັກ​ປະ­ດິດ​ຄິດ​ແຕ່ງ​ຜູ້​ທີ່​ມີ​ຊື່​ສຽງ ເຊິ່ງ​ຫຼາຍ​ທ່ານ​ຄົງ​ຈະ​ຮູ້​ດີ.</p> <p style="text-align: justify;"> ຈາກ​ຄວາມ​ມາ­ນະ​ອົດ­ທົນ ບຸກ​ບືນ ເຝິກ­ຝົນ​ມາ​ເປັນ​ເວ­ລາ​ດົນ ດ້ວຍ​ແຮງ​ບັນ­ດານ​ໃຈ ການ​ສະ­ໜັບ­ສະ­ໜູນ​ຈາກ​ຫຼາຍ​ຄົນ ຈົນ​ໃນ​ທີ່​ສຸດ ມີ​ໂອ­ກາດ​ສົ່ງ​ບົດ​ເລື່ອງ­ສັ້ນ​ເຂົ້າ​ຮ່ວມ ການ​ກວດ​ສອບ​ເລື່ອງ­ສັ້ນ ເນື່ອງ​ໃນ​ໂອ­ກາດ​ສະ­ເຫຼີມ­ສະ­ຫຼອງ​ວັນ­ຊາດ 2 ທັນ­ວາ ຄົບ­ຮອບ 35 ປີ ໃນ​ເລື່ອງ: <strong>ຄວາມ​ມືດ​ຂອງ​ແສງ​ອາ­ທິດ </strong>ໂດຍ​ໃສ່​ນາມ​ປາກ­ກາ ສ.ເຈັ້ຍ​ສີ­ຂາວ ໄດ້​ຮັບ​ລາ­ງວັນ​ທີ III ຊຶ່ງ​ນັ້ນ ກໍ​ເປັນ​ລາ­ງວັນ​ແຫ່ງ​ຊີ­ວິດ ສ້າງ​ຄວາມ​ພາກ­ພູມ​ໃຈ ເປັນ​ກຳ­ລັງ​ໃຈ​ທີ່​ຈະ​ກ້າວ​ຕໍ່​ໄປ​ໃນ​ອະ­ນາ­ຄົດ ເຖິງ​ແມ່ນ​ວ່າ​ຈະ​ບໍ່​ແມ່ນ​ລາ­ງວັນ​ສູງ​ສຸດ ແຕ່​ສຳ­ລັບ​ນັກ​ຂຽນ​ຜູ້​ໜຸ່ມ​ນ້ອຍ ເກີດ​ໃໝ່​ໃຫຍ່​ລຸນ​ໄດ້​ຊ່ຳ​ນີ້ ກໍ​ນັບ​ວ່າ​ດີ​ຫຼາຍ​ແລ້ວ.</p> <p style="text-align: justify;"> ລາວ​ກ່າວ​ຕື່ມ​ອີ​ກວ່າ: ຜົນ­ງານ​ໃນ​ຄັ້ງ​ນີ້ ນັບ​ເປັນ​ສິ່ງ​ທີ່​ມີ­ຄ່າ​ທີ່​ສຸດ ເປັນ​ກຳ­ລັງ​ຊຸກ­ຍູ້​ຈິດ­ໃຈ ທີ່​ຈະ​ເຮັດ​ໃຫ້​ກ້າວ​ໄປ​ໃນ​ບັນ​ໄດ​ຂັ້ນ​ຕໍ່​ໄປ ຊຶ່ງ​ຜົນ­ງານ​ໃນ​ຄັ້ງ​ນີ້ ມັນ​ບໍ່​ແມ່ນ​ຜົນ­ງານ​ຂອງ​ຕົນ​ເອງ​ພຽງ​ຄົນ​ດຽວ ແຕ່​ມັນ​ຫາກ​ເປັນ​ຜົນ­ງານ​ລວມ​ຂອງ​ທຸກ​ທ່ານ ທຸກ​ຄົນ​ທີ່​ໃຫ້​ກຳ­ລັງ​ໃຈ​ຊຸກ­ຍູ້​ສົ່ງ­ເສີມ ພິ­ເສດ​ກໍ​ແມ່ນ​ອ້າຍ ກິ​ຕາ ສິດ­ທິ​ຮັກ​ປັນ­ຍາ ອາ­ຈານ​ສອນ IT ຢູ່ ມ.ຊ ທີ່​ຊ່ວຍ​ເລື່ອງ​ການ​ພິມ ແລະ ເປັນ ບກ ສ່ວນ​ຕົວ ເຮັດ​ໃຫ້​ຜົນ­ງານ​ອອກ​ມາ​ສົມ­ບູນ​ໄດ້ ແລະ ຍັງ​ຈະ​ສືບ­ຕໍ່​ກ້າວ​ໄປ ເພື່ອ​ສ້າງ­ສັນ​ຜົນ­ງານ​ອັນ​ໃໝ່​ໃຫ້​ດີ​ກ່ວ​າ​ເກົ່າ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ