ຂ່າວຫຼ້າສຸດ

ວຽງຈັນສະອາດ ເອົາຈຸດໃດສົມທຽບ ຖ້າຍັງບໍ່ເປັນເຈົ້າການ

7.346 01 ສ.ຫ. 2011 ພັດທະນານະຄອນຫຼວງ
ວຽງຈັນສະອາດ ເອົາຈຸດໃດສົມທຽບ ຖ້າຍັງບໍ່ເປັນເຈົ້າການ

<p style="text-align: justify;"> ຄວາມ​ສະ­ອາດ​ຂອງ​ບ້ານ​ເມືອງ ແມ່ນ​ໜ້າ­ທີ່​ຂອງ​ໝົດ​ທຸກ​ຄົນ ນີ້​ເປັນ​ຄຳ​ເວົ້າ​ທີ່​ຫຼາຍ​ຄົນ​ເຄີຍ​ຍົກ​ຂຶ້ນ​ຄຸ້ນ​ຫູ ແຕ່​ຈະ​ໃຫ້​ຄຳ​ເວົ້າ​ໃນ​ແງ່​ສ້າງ­ສັນ​ດັ່ງ­ກ່າວ ກໍ​ຍັງ​ເປັນ​ໄປ​ໄດ້​ຍາກ ເພາະ​ຫຼາຍ​ສ່ວນ​ຍັງ​ບໍ່​ຖື​ສຳ­ຄັນ ໃນ​ການ​ມີ​ສ່ວນ​ຮ່ວມ​ເພື່ອ​ເຮັດ​ໃຫ້​ບ້ານ​ເມືອງ​ສະ­ອາດ.</p> <p style="text-align: justify;"> ໃນ​ໄລ­ຍະ​ຜ່ານ​ມາ ກໍ​ຄື​ປັດ­ຈຸ­ບັນ ທາງ​ອຳ­ນາດ​ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ໄດ້​ເອົາ­ໃຈ­ໃສ່​ຊີ້​ນຳໆ​ພາ ອຳ­ນາດ​ການ​ປົກ­ຄອງ​ທ້ອງ­ຖິ່ນ ເພື່ອ​ປຸກ­ລະ­ດົມ​ພໍ່​ແມ່​ປະ­ຊາ­ຊົນ ໃນ​ການ​ເອົາ­ໃຈ­ໃສ່​ຈັດ​ຕັ້ງ​ປະ­ຕິ­ບັດ 6 ສ ໄປ​ຄຽງ​ຄູ່​ກັບ​ການ​ພັດ­ທະ­ນາ​ຕົວ​ເມືອງ​ນະ­ຄອນ­ຫຼວງ​ວຽງ​ຈັນ ໃນ​ນັ້ນ ສ.ສະ­ອາດ ຖື​ວ່າ​ເປັນ 1 ໃນ 4 ສ ທີ່​ເປັນ​ເປົ້າ​ໝາຍ​ໃນ​ການ­ຈັດ­ຕັ້ງ​ປະ­ຕິ­ບັດ​ເບື້ອງ​ຕົ້ນ ສ້າງ​ໃຫ້​ຕົວ​ເມືອງ​ມີ​ຄວາມ​ສະ­ອາດ​ສວຍ​ງາມ ເປັນ​ທີ່​ພູມ­ໃຈ​ຂອງ​ບັນ­ດາ​ນັກ​ທ່ອງ​ທ່ຽວ ຊຶ່ງ​ໃນ​ໄລ­ຍະ​ຜ່ານ​ມາ ໄດ້​ຈັດ​ໃຫ້​ມີ​ໂຄງ­ການ​ວຽງ​ຈັນ​ສະ­ອາດ ໂດຍ​ໄດ້​ກຳ­ນົດ​ມາດ­ຖານ ໃນ​ການ­ຈັດ­ຕັ້ງ​ປະ­ຕິ­ບັດ​ຢ່າງ​ຄັກ­ແນ່ ໂດຍ​ເລີ່ມ​ຈາກ​ສຶກ​ສາ​ອົບ­ຮົມ-ນຳ­ພາ​ແນວ​ຄິດ ການ​ກໍ່­ສ້າງ​ທາງ​ຮ່ອມ ທາງ​ຊອຍ ເຮັດ​ສັນ­ຍາ​ກັບ​ປະ­ຊາ­ຊົນ ເພື່ອ​ອະ­ນາ­ໄມ​ຂອບ​ເຂດ​ຄວາມ​ຮັບ­ຜິດ­ຊອບ ເຮັດ​ສັນ­ຍາ​ກັບ​ເຈົ້າ​ຂອງ​ກິດ­ຈະ­ການ​ກໍ່­ສ້າງ​ຈົກ ແລະ ຖົມ​ດິນ ການ​ແກ້​ໄຂ​ເທີບ​ເງີບ​ທີ່​ບໍ່​ເປັນ​ລະ­ບຽບ​ຕາມ​ແຄມ​ທາງ ການ​ຄຸ້ມ​ຄອງ​ຂີ້​ເຫຍື້ອ​ໃນ​ຕົວ​ເມືອງ ການ​ຄຸ້ມ​ຄອງ​ຮ່ອງ​ລະ­ບາຍ​ນ້ຳ​ທີ່​ກໍ່­ສ້າງ​ສຳ­ເລັດ​ແລ້ວ ການ​ບຳ­ບັດ​ນ້ຳ​ເສຍ​ຂອງ​ຄົວ​ເຮືອນ ການ​ຄຸ້ມ​ຄອງ​ການ​ຂາຍ­ເຄື່ອງ​ບໍ່​ເປັນ​ລະ­ບຽບ​ຕາມ​ຕະ­ຫຼາດ ແລະ ແຄມ​ທາງ ແລະ ການ​ຄຸ້ມ​ຄອງ​ການ​ສັນ­ຈອນ.</p> <p style="text-align: justify;"> ນັ້ນ​ຖື​ວ່າ​ເປັນ​ມາດ­ຖານ ເພື່ອ​ສ້າງ​ເງື່ອນ­ໄຂ​ໃຫ້​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ມີ​ປະ​ສິດ­ທິ​ຜົນ ແຕ່​ມາ​ເບິ່ງ​ການ​ປະ­ຕິ­ບັດ​ຕົວ​ຈິງ​ແລ້ວ ຍັງ​ເຫັນ​ຫຼາຍ​ຢ່າງ​ທີ່​ບໍ່​ຖືກ­ຕ້ອງ ແລະ ສອດ­ຄ່ອງ​ຕາມ​ມາດ­ຖານ​ທີ່​ໄດ້​ວາງ​ໄວ້ ເຊັ່ນ ທາງ​ຮ່ອມ ທາງ​ຊອຍ ຫຼາຍ​ແຫ່ງ​ໃນ​ເຂດ​ຕົວ​ເມືອງ ຍັງ​ບໍ່​ທັນ​ໄດ້​ມີ​ການ​ປັບ­ປຸງ​ການ​ຮັກ­ສາ​ອະ­ນາ­ໄມ ຕາມ​ເສັ້ນ­ທາງ​ຮ່ອມ ຮ່ອງ​ລະ­ບາຍ​ນ້ຳ ຍັງ​ເຮັດ​ບໍ່​ທັນ​ໄດ້​ດີ​ເທົ່າ​ທີ່​ຄວນ ການ​ຕິດ­ຕາມ​ກວດ­ກາ​ການ​ກໍ່­ສ້າງ ການ​ຈົກ ແລະ ຖົມ​ດິນ​ໃນ​ເຂດ​ຕ່າງໆ ຍັງ​ເຫັນ​ວ່າ​ບາງ​ຈຸດ​ເກີດ​ເປ່​ເພ ມີ​ດິນ​ຕົກ­ເຮ່ຍ​ໃສ່​ທາງ ອັນ​ສ້າງ​ຄວາມ​ລຳ­ບາກ​ໃຫ້​ກັບ​ຄົນ​ອື່ນໆ ການ​ເກັບ​ມ້ຽນ​ຂີ້​ເຫຍື້ອ ບາງ​ຄົນ​ຍັງ​ອາ­ໄສ​ສະ­ຖານ­ທີ່​ສາ­ທາ­ລະ­ນະ ເປັນ​ຈຸດ​ຖິ້ມ​ຂີ້​ເຫຍື້ອ ການ​ຄຸ້ມ​ຄອງ​ນ້ຳ​ເສຍ​ຫຼາຍ​ແຫ່ງ ຍັງ​ບໍ່​ທັນ​ຖືກ​ລະ­ບົບ ລວມ​ໄປ​ເຖິງ​ການ​ສັນ­ຈອນ​ທີ່​ຫຼາຍ​ຄົນ ຍັງ​ບໍ່​ເອົາ­ໃຈ­ໃສ່​ປະ­ຕິ­ບັດ​ລະ­ບຽບ​ການ​ສັນ­ຈອນ ຢ່າງ​ເຂັ້ມ​ງວດ.</p> <p style="text-align: justify;"> ສິ່ງ​ທີ່​ກ່າວ​ມາ​ນັ້ນ ແມ່ນ​ເປັນ​ສ່ວນ​ໜຶ່ງ​ທີ່​ເປັນ​ອຸ­ປະ­ສັກ ໃນ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ວຽງ​ຈັນ​ສະ­ອາດ ທີ່​ອາດ​ເຮັດ​ໃຫ້​ຫຼາຍ​ຄົນ​ສົນ­ໃຈ​ວ່າ ໂຄງ­ການ​ວຽງ​ຈັນ​ສະ­ອາດ ເຮົາ​ຈະ​ເອົາ​ຈຸດ​ໃດ​ມາ​ສົມ​ທຽບ ຈຶ່ງ​ຈະ​ເໝາະ​ສົມ ທັງໆ​ທີ່​ຫຼາຍ​ຄົນ​ຍັງ​ບໍ່​ເປັນ​ເຈົ້າ​ການ​ຕໍ່​ວຽກ​ງານ​ດັ່ງ­ກ່າວ.</p> <p style="text-align: justify;"> <strong>ໂດຍ: ເມັດ​ຝົນ</strong></p>

ຂ່າວທີ່ກ່ຽວຂ້ອງ