ຂ່າວຫຼ້າສຸດ

ມ.ສ ວຽງຈັນ ສອບເສັງຈົບຊັ້ນ ມ.7 ໄດ້ 100%

2.488 28 ກ.ກ. 2011 ສຶກສາ
ມ.ສ ວຽງຈັນ ສອບເສັງຈົບຊັ້ນ ມ.7 ໄດ້ 100%

<p style="text-align: justify;"> ມາ​ເຖິງ​ປັດ­ຈຸ­ບັນ ບັນ­ດາ​ໂຮງ­ຮຽນ​ຕ່າງ​ກໍ​ສາ­ມາດ​ສະ­ຫຼຸບ​ຜົນ​ການ​ສອບ­ເສັງ ປະ­ຈຳ​ສົກ­ຮຽນ 2010-2011 ສຳ­ເລັດ​ເກືອບ​ທັງ​ໝົດ​ແລ້ວ ຍ້ອນ​ຄວາມ​ເອົາ­ໃຈ­ໃສ່​ຂອງ​ຄູ-ອາ­ຈານ ກໍ​ຄື​ພາກ­ສ່ວນ​ທີ່​ກ່ຽວ­ຂ້ອງ ທີ່​ໄດ້​ເອົາ­ໃຈ­ໃສ່​ກວດ­ກາ​ຜົນ​ການ​ສອບ­ເສັງ​ຢ່າງ​ຖືກ­ຕ້ອງ ແລະ ທ່ຽງ​ທຳ ເພື່ອ​ໃຫ້​ນັກ­ຮຽນ​ຈົບ​ມາ ພ້ອມ​ກັບ​ຄຸນ​ນະ​ພາບ​ໄດ້​ຢ່າງ​ແທ້​ຈິງ.</p> <p style="text-align: justify;"> ທ່ານ ບຸນ​ຖົມ ເຄ​ນາ​ພູມ ຜູ້­ອຳ­ນວຍ­ການ​ໂຮງ­ຮຽນ ມ.ສ ວຽງ​ຈັນ​ໄດ້​ກ່າວ​ວ່າ: ໃນ​ສົກ­ຮຽນ 2010-2011 ນີ້ ແມ່ນ​ສົກ­ຮຽນ​ທີ II ຂອງ​ການ​ປະ­ຕິ­ບັດ​ແຜນ­ການ ແລະ ໄດ້​ເລີ່ມ​ມາ​ແຕ່​ເດືອນ​ກັນ­ຍາ​ເພື່ອ​ຜັນ​ຂະ­ຫຍາຍ 3 ແຜນ​ງານ​ໃຫຍ່​ທີ່​ກະ­ຊວງ​ສຶກ​ສາ​ທິ​ການ ແລະ ພະ​ແນກ​ສຶກ​ສາ​ນະ­ຄອນ­ຫຼວງ​ວຽງ​ຈັນ​ວາງ​ອອກ ໃຫ້​ປະ­ກົດ​ຜົນ­ສຳ­ເລັດ ຄະ­ນະ​ພັກ ຄະ­ນະ​ອຳ­ນວຍ​ການ​ໂຮງ­ຮຽນ ພ້ອມ​ດ້ວຍ​ຄູ-ອາ­ຈານ ນ້ອງ​ນັກ­ຮຽນ ໄດ້​ເປັນ​ເອ­ກະ​ພາບ​ກັນ ຈັດ​ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ດັ່ງ­ກ່າວ ໃຫ້​ປະ­ກົດ​ຜົນ​ເປັນ​ຈິງ ແລະ ມາ​ເຖິງ​ປັດ­ຈຸ­ບັນ ມີ​ພະ­ນັກ­ງານ​ຄູ​ທັງ​ໝົດ 180 ຄົນ ຍິງ 144 ຄົນ ຄູ​ສອນ​ຂັ້ນ​ມັດ­ທະ­ຍົມ​ມີ 164 ຄົນ ຄູ​ອະ­ນຸ​ບາ​ລ້ຽງ​ເດັກ 8 ຄົນ ພະ­ນັກ­ງານ​ບໍ­ລິ­ຫານ 8 ຄົນ ມີ​ນັກ­ຮຽນ​ຫ້ອງ 2 ພາ­ສາ 570 ຄົນ ຫ້ອງ​ພອນ​ສະ­ຫວັນ 677 ຄົນ ແລະ ນັກ­ຮຽນ​ທົ່ວ​ໄປ 2.006 ຄົນ ລວມ​ນັກ­ຮຽນ​ທັງ​ໝົດ 3.253 ຄົນ ແລະ ມີ​ຫ້ອງ​ຮຽນ​ທັງ​ໝົດ 82 ຫ້ອງ​ຮຽນ ດ້ານ​ວິ­ຊາ​ສະ­ເພາະ​ຄູ-ອາ­ຈານ ກໍ​ໄດ້​ເອົາ­ໃຈ­ໃສ່​ເຝິກ­ອົບ­ຮົມ​ສຳ​ມະ​ນາ ເພື່ອ​ຍົກ​ລະ­ດັບ​ຄວາມ​ຮູ້​ໃນ​ດ້ານ​ຕ່າງໆ ເພື່ອ​ມາ​ສອນ​ໃຫ້​ຄວາມ​ຮູ້​ແກ່​ນັກ­ຮຽນ ແລະ ຍ້ອນ​ການ​ເອົາ­ໃຈ­ໃສ່​ສິດ­ສອນ​ຂອງ​ຄູ-ອາ­ຈານ ປະ­ກອບ​ກັບ​ນັກ­ຮຽນ​ເອົາ­ໃຈ­ໃສ່​ຕັ້ງ­ໃຈ​ຮຽນ ເຮັດ​ໃຫ້​ຜົນ​ການ​ສອບ­ເສັງ​ໃນ​ສົກ​ປີ 2010-2011 ມີ​ຜົນ​ການ​ສອບ­ເສັງ​ທີ່​ດີ ສາ­ມາດ​ສະ­ຫຼຸບ​ໄດ້​ຄື: ມ.1 ເສັງ​ໄດ້ 99,55% ມ.2 ໄດ້ 96,59% ມ.3 ໄດ້ 94,04% ມ.5 ໄດ້ 99,83% ມ.6 99,27% ແລະ ມ.7 ເສັງ ໄດ້ 100% ແລະ ສິ່ງ​ທີ່​ຄູ-ອາ­ຈານ​ພາກ­ພູມ​ໃຈ​ທີ່​ສຸດ ທີ່​ນ້ອງ​ນັກ­ຮຽນ​ຊັ້ນ ມ.7 ສາ­ມາດ​ສອບ­ເສັງ​ໄດ້​ໃບ​ປະ­ກາດ​ແດງ ທີ່​ມີ​ຄະ­ແນນ 9 ຂຶ້ນ​ໄປ​ທຸກ​ວິ­ຊາ​ຈຳ­ນວນ 10 ຄົນ ຄຽງ​ຄູ່​ກັນ​ນັ້ນ ຍັງ​ມີ​ນັກ­ຮຽນ​ທີ່​ເສັງ​ໄດ້​ຄະ­ແນນ 7 ຂຶ້ນ​ໄປ​ຮອບ­ດ້ານ​ໄດ້​ທັງ​ໝົດ 160 ຄົນ ສິ່ງ​ນີ້​ສະ­ແດງ​ອອກ​ເຖິງ​ຄວາມ​ພະ­ຍາ­ຍາມ ອົດ­ທົນ​ຂອງ​ນັກ­ຮຽນ​ໃນ​ການ​ເອົາ­ໃຈ­ໃສ່​ສຶກ​ສາ​ຮ່ຳ­ຮຽນ ຈົນ​ປະ­ສົບ​ຜົນ­ສຳ­ເລັດ.</p> <p style="text-align: justify;"> ໃນ​ສົກ​ປີ 2010-2011 ຄູ-ອາ­ຈານ ກໍ​ໄດ້​ເອົາ­ໃຈ­ໃສ່​ນຳ­ພາ​ນັກ­ຮຽນ​ເຄື່ອນ​ໄຫວ​ຕ່າງໆ ເຊັ່ນ: ເພື່ອ​ປະ­ຕິ­ບັດ​ຕາມ​ນະ­ໂຍ­ບາຍ 6 ສ ກໍ​ໄດ້​ນຳ­ພາ​ນັກ­ຮຽນ ເຮັດ­ອະ­ນາ­ໄມ​ຕາມ​ເຂດ​ຮັບ​ພິດ​ຊອບ​ໃນ​ຫ້ອງ​ຮຽນ ແລະ ນອກ​ຫ້ອງ​ຮຽນ ແລະ ຫົດ​ນ້ຳ​ດອກ​ໄມ້​ປະ­ດັບ ທຸກໆ​ວັນ​ສຸກ​ໄດ້​ເຮັດ­ອະ­ນາ­ໄມ​ຕາມ​ຖະ­ໜົນ­ຫຼວງ ຕາມ​ຂອບ​ເຂດ​ເມືອງ​ທີ່​ທາງ​ເມືອງ​ມອບ​ໃຫ້ ພ້ອມ​ທັງ​ໄດ້​ຈັດ​ກຳ­ລັງ​ເວນ­ຍາມ​ໃນ​ຊົ່ວ­ໂມງ​ຮຽນ ໂດຍ​ແບ່ງ​ຜຽນ​ໝູ­ນວຽນ​ໄປ​ແຕ່​ລະ​ຫ້ອງ ແລະ ກໍ​ໄດ້​ເຂົ້າ​ຮ່ວມ​ເຮັດ​ກິດ­ຈະ­ກຳ​ຕ່າງໆ ໃນ​ວັນ​ບຸນ​ສຳ­ຄັນ​ຕ່າງໆ​ຂອງ​ຊາດ ແລະ ສຳ­ລັບ​ໄລ­ຍະ​ພັກ­ແລ້ງ​ນີ້ ທາງ​ໂຮງ­ຮຽນ​ກໍ​ໄດ້​ຂຶ້ນ​ແຜນ​ພັດ­ທະ­ນາ​ການ​ຮຽນ-ການ​ສອນ ສົກ­ຮຽນ 2011-2012 ໄດ້​ຈັດ​ຕັ້ງ​ການ​ສອນ​ບຳ­ລຸງ ເພື່ອ​ກຽມ​ສອບ­ເສັງ​ເຂົ້າ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ຈັດ​ຕັ້ງ​ບຳ­ລຸງ​ວິ­ຊາ​ສະ­ເພາະ​ໃຫ້​ຄູ​ແຕ່​ລະ­ວິ​ຊາ ພ້ອມ​ທັງ​ຈັດ​ຕັ້ງ​ການ​ເປີດ​ສອນ​ບຳ­ລຸງ​ພັກ­ແລ້ງ​ໃຫ້​ນັກ­ຮຽນ ມ.1-ມ.7 ພ້ອມ​ທັງ​ຮັບ­ປະ­ກັນ​ຄຸນ​ນະ​ພາບ ແລະ ຂຶ້ນ​ແຜນ​ງານ ເພື່ອ​ກະ­ກຽມ​ເປີດ​ສົກ­ຮຽນ​ໃໝ່ 2011-2012 ຄື​ການ​ສ້ອມ­ແປງ​ອາ­ຄານ ສະ­ຖານ­ທີ່ ໂຕະ​ຕັ່ງ ແລະ ຮ່ອງ​ລະ­ບາຍ​ນ້ຳ ເພື່ອ​ກະ­ກຽມ​ຮອງ​ຮັບ​ການ​ເປີດ​ສົກ­ຮຽນ​ໃໝ່​ທີ່​ຈະ​ມາ​ເຖິງ.</p> <p style="text-align: justify;"> <strong>ໂດຍ: ເພັດ​ສະ­ໝອນ</strong></p>

ຂ່າວທີ່ກ່ຽວຂ້ອງ