ຮຽນໄດ້ດີເພາະມີກຳລັງໃຈຈາກຄົນອ້ອມຂ້າງ

1.868 25 ກ.ກ. 2011 ສຶກສາ
ຮຽນໄດ້ດີເພາະມີກຳລັງໃຈຈາກຄົນອ້ອມຂ້າງ

<p style="text-align: justify;"> ລູກ​ປຽບ​ເໝືອນ​ແກ້ວ­ຕາ​ດວງ​ໃຈ​ຂອງ​ພໍ່​ແມ່ ນັບ​ແຕ່​ເລີ່ມ​ມືນ​ຕາ​ເບິ່ງ​ໂລກ ພໍ່​ແມ່​ກໍ​ພຽນ​ຖະ​ນຸ​ຖະ­ໜອມ ລ້ຽງ​ດູ​ດ້ວຍ​ຄວາມ​ຮັກ­ແພງ ຄອຍ​ອົບ­ຮົມ​ບົ່ມ​ສອນ​ລູກ​ຕົນ ເມື່ອ​ໃຫຍ່​ຂຶ້ນ​ມາ​ກ້າວ​ສູ່​ຮົ້ວ​ຂອງ​ໂຮງ­ຮຽນ ນັບ​ແຕ່​ອະ­ນຸ­ບານ​ຈົນ​ເຖິງ​ຂັ້ນ​ວິ­ທະ­ຍາ­ໄລ ໃນ​ໃຈ​ຂອງ​ພໍ່​ແມ່ ລູກ​ກໍ​ຍັງ​ເປັນ​ເດັກ​ທີ່​ໜ້າ​ຮັກ​ຂອງ​ພໍ່​ແມ່​ສະ­ເໝີ ຖ້າ​ລູກ​ຮຽນ​ເກັ່ງ ຮຽນ​ດີ ພໍ່​ແມ່​ກໍ​ຍິ່ງ​ດີ­ໃຈ​ທະ­ວີ­ຄູນ ແຕ່​ຖ້າ​ລູກ​ເຈັບ​ປ່ວຍ ພໍ່​ແມ່​ກໍ​ເຈັບ​ຕາມ ແຕ່​ເມື່ອ​ມື້​ໃດ​ລູກ​ເປັນ​ຄົນ​ມີ​ພຶດ­ຕິ​ກຳ​ບໍ່​ດີ ພໍ່​ແມ່­ຍິງ​ເຈັບ​ປວດ ເສຍ​ໃຈ​ທີ່​ສຸດ.</p> <p style="text-align: justify;"> ຕົວ­ຢ່າງ​ທີ່​ຈະ​ນຳ​ສະ­ເໜີ​ໃນ​ວັນ​ນີ້​ຄື: ຄວາມ​ພູມ­ໃຈ​ຂອງ​ພໍ່​ແມ່​ທີ່​ມີ​ຕໍ່​ລູກ ທີ່​ນຳ​ແຕ່​ຄວາມ­ສຸກ​ໃຈ ຕອບ​ແທນ​ພໍ່​ແມ່​ດ້ວຍ​ການ​ຮຽນ ແລະ ຮຽນ​ໄດ້​ຄະ­ແນນ​ດີ​ມາ​ໂດຍ​ຕະ­ຫຼອດ ນາງ ຈັນ​ດາ­ລາ ສີ​ວັນ​ທອງ ນັກ­ຮຽນ​ຫ້ອງ ປ.5 ຄ ໂຮງ­ຮຽນ​ອະ­ນຸ­ບານ-ປະ­ຖົມ​ສົມ­ບູນ-ມັດ­ທະ­ຍົມ​ສົມ­ບູນ ຮຸ່ງ­ເຮືອງ ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ ເປັນ​ນັກ­ຮຽນ​ຜູ້​ໜຶ່ງ​ມີ​ຄວາມ​ກະ­ຕັນ­ຍູ​ຮູ້​ຄຸນ­ຄ່າ ນ້ຳ­ໃຈ​ຂອງ​ພໍ່​ແມ່​ທີ່​ລ້ຽງ​ດູ​ໃຫ້​ຄວາມ​ຮັກ ສົ່ງ­ເສີມ​ຊຸກ­ຍູ້​ໃຫ້​ລູກ​ໄດ້​ຮ່ຳ­ຮຽນ​ສຶກ​ສາ ເພື່ອ​ແລກ​ມາ​ດ້ວຍ​ຄວາມ​ລຳ­ບາກ.</p> <p style="text-align: justify;"> ທ່ານ ຄຳ​ສອນ ສີ​ວັນ​ທອງ ຜູ້​ເປັນ​ພໍ່​ກ່າວ​ວ່າ: ເພື່ອ​ອະ­ນາ­ຄົດ​ຂອງ​ລູກ​ແລ້ວ ພໍ່​ແມ່​ບໍ່​ເຄີຍ​ຄິດ​ວ່າ​ລຳ­ບາກ ເຖິງ​ແມ່ນ​ວ່າ​ຈະ​ຍາກ​ດີ​ມີ​ຈົນ​ພຽງ​ໃດ ຂໍ​ພຽງ​ໃຫ້​ລູກ­ເຕົ້າ​ໄດ້​ສຶກ​ສາ​ຮ່ຳ­ຮຽນ ມີ​ຄວາມ​ຮູ້ ຄວາມ​ສາ­ມາດ ມີ​ວິ­ຊາ​ອາ­ຊີບ ປະ­ກອບ­ສ່ວນ​ວຽກ​ງານ​ໃນ​ສັງ­ຄົມ ສາ­ມາດ​ກຸ້ມ​ຕົນ​ເອງ ເພິ່ງ​ຕົນ​ເອງ​ໄດ້ ບໍ່​ເປັນ​ພິດ​ເປັນ​ໄພ​ແກ່​ສັງ­ຄົມ ກໍ​ດີ­ໃຈ​ແລ້ວ ແຕ່​ກໍ​ນັບ​ວ່າ​ໂຊກ​ດີ ທີ່​ລູກ​ແຕ່­ລະ­ຄົນ​ແມ່ນ​ໄດ້​ສຶກ​ສາ​ຮ່ຳ­ຮຽນ​ໝົດ​ທຸກ​ຄົນ ແລະ ກໍ​ຮຽນ​ເກັ່ງ​ຮຽນ​ດີ​ກັນ​ໝົດ ໂດຍ​ສະ­ເພາະ​ລູກ​ສາວ​ຄົນ​ນີ້ ແມ່ນ​ມີ​ພອນ​ສະ­ຫວັນ​ມາ​ແຕ່​ເຂົ້າ​ອະ­ນຸ­ບານ ຈື່​ໄດ້​ວ່າ ລາວ​ຮຽນ​ໄດ້​ດີ​ມາ​ໂດຍ​ຕະ­ຫຼອດ ຢູ່​ໃນ​ລະ­ຫວ່າງ​ທີ 1 ຫາ​ທີ 7 ຂອງ​ຫ້ອງ ພໍ​ກ້າວ​ເຂົ້າ​ມາ­ສູ່ ປ.3 ເປັນ­ຕົ້ນ​ມາ ກໍ​ຍິ່ງ​ຮຽນ​ດີ ຮຽນ​ເກັ່ງ​ຂຶ້ນ​ເປັນ​ລຳ­ດັບ ຈົນ​ມາ​ຮອດ​ຫ້ອງ ປ.5 ສາ­ມາດ​ເປັນ​ຕົວ​ແທນ​ຂອງ​ໂຮງ­ຮຽນ ເຂົ້າ​ຮ່ວມ​ການ​ສອບ­ເສັງ​ນັກ­ຮຽນ​ເກັ່ງ​ຂັ້ນ​ເມືອງ ໄດ້​ຮັບ​ລາ­ງວັນ​ທີ​ສອງ ໃນ​ວິ­ຊາ​ພາ­ສາ​ລາວ​ວັນ­ນະ­ຄະ­ດີ ແລະ ຫຼ້າ​ສຸດ​ຜົນ​ການ​ສອບ­ເສັງ ຈົບ​ຊັ້ນ ປ.5 ທົ່ວ​ເມືອງ ກໍ​ສາ­ມາດ​ຍາດ​ໄດ້​ຄະ­ແນນ​ອັນ​ດັບ​ສອງ​ໃນ​ທົ່ວ​ເມືອງ ແຕ່​ລະ­ວິ​ຊາ​ບໍ່​ຫຼຸດ 9 ຄະ­ແນນ ໄດ້​ຄະ­ແນນ​ລວມ 4 ວິ­ຊາ 38 ຄະ­ແນນ ນັບ​ວ່າ​ເປັນ­ຄວາມ​ພູມ­ໃຈ​ຂອງ​ຄອບ­ຄົວ ທີ່​ໄດ້​ທຸມ​ເທ​ຊຸກ­ຍູ້​ໃຫ້​ລູກ​ຮຽນ.</p> <p style="text-align: justify;"> ນາງ ຈັນ​ດາ­ລາ ກ່າວ​ວ່າ: ຜົນ­ງານ​ທີ່​ຍາດ​ມາ​ໄດ້​ໃນ​ຄັ້ງ​ນີ້ ຍັງ​ເປັນ​ຂັ້ນ­ໄດ​ທຳ​ອິດ​ເທົ່າ​ນັ້ນ ຍັງ​ຈະ​ໄດ້​ບຸກ​ບືນ​ສືບ­ຕໍ່​ໃຫ້​ຮຽນ​ດີ​ກ່ວ​າ​ເກົ່າ ແຕ່​ເຖິງ​ຢ່າງ­ໃດ​ກໍ​ຕ້ອງ​ຂໍ​ຂອບ­ໃຈ​ນຳ​ຄູ-ອາ­ຈານ​ທຸກ​ທ່ານ ນັບ​ແຕ່​ອະ­ນຸ­ບານ​ຈົນ​ເຖິງ​ປັດ­ຈຸ­ບັນ ທີ່​ໃຫ້​ຄວາມ​ຮູ້ ສິດ­ສອນ​ມາ​ໂດຍ​ຕະ­ຫຼອດ ໂດຍ​ສະ­ເພາະ​ເອື້ອຍ​ຄູ ລັດ­ສະ­ໝີ ທີ່​ໃຫ້­ການ​ແນະ­ນຳ​ດູ​ແລ​ສິດ­ສອນ​ເພີ່ມ​ເຕີມ ເຮັດ​ໃຫ້​ຮຽນ​ດີ​ຂຶ້ນ​ເປັນ​ລຳ­ດັບ ແລະ ທີ່​ຂາດ​ບໍ່​ໄດ້ ກໍ​ແມ່ນ​ພໍ່​ແມ່​ຍາດ​ພີ່­ນ້ອງ​ທີ່​ເປັນ​ກຳ­ລັງ​ໃຈ ຊຸກ­ຍູ້​ໃຫ້​ທຶນ­ຮອນ​ໃນ​ການ​ຮຽນ ແລະ ຈະ​ຕັ້ງ­ໃຈ​ຮຽນ​ໃຫ້​ດີ​ທີ່​ສຸດ ໃຫ້​ສົມ​ກັບ​ເປັນ​ລູກ​ທີ່​ດີ​ຂອງ​ພໍ່​ແມ່ ເປັນ​ສິດ​ທີ່​ດີ​ຂອງ​ຄູ-ອາ­ຈານ ແລະ ຄົນ​ດີ​ຂອງ​ສັງ­ຄົມ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ