ຂ່າວຫຼ້າສຸດ

ສົມບູນ ສີຫາລາດ ຕົວແບບຜະລິດເມັດພັນເຂົ້າລຸ້ນ 3

4.182 22 ກ.ກ. 2011 ຫຼຸດຜ່ອນຄວາມທຸກຍາກ
ສົມບູນ ສີຫາລາດ ຕົວແບບຜະລິດເມັດພັນເຂົ້າລຸ້ນ 3

<p style="text-align: justify;"> ທ່ານ ສົມ­ບູນ ສີ​ຫາ​ລາດ ຫົວ­ໜ້າ​ກຸ່ມ​ຜະ­ລິດ​ເມັດ​ພັນ​ເຂົ້າ​ລຸ້ນ 3 ຢູ່​ບ້ານ​ທ່າ​ເດື່ອ​ສິງ​ຫອມ ເມືອງ​ປາກ​ງື່ມ ນະ­ຄອນ­ຫຼວງ​ວຽງ​ຈັນ ໄດ້​ໃຫ້​ສຳ­ພາດ​ກ່ຽວ​ກັບ​ຜະ­ລິດ​ເມັດ​ພັນ​ເຂົ້າ ​ຕໍ່​ນັກ​ຂ່າວ​ພວກ​ເຮົາ​ວ່າ: ກ່ອນ​ທີ່​ຂ້າ­ພະ­ເຈົ້າ​ຈະ​ກາຍ​ມາ​ເປັນ​ຄອບ­ຄົວ​ຕົວ​ແບບ​ນີ້ ເບື້ອງ​ຕົ້ນ ຂ້າ­ພະ­ເຈົ້າ​ແມ່ນ​ໄດ້​ຢຶດ​ຖື​ອາ­ຊີບ​ເຮັດ​ນາ​ຕາມ​ພໍ່​ແມ່ ໄດ້​ປະ­ຕິ­ບັດ​ມາ​ແບບ​ປະ­ຖົມ​ປະ​ຖານ ມາ​ຮອດ​ປີ 2007 ໄດ້​ມີ​ໂຄງ­ການ​ຮ່ວມ​ມື​ລາວ-ຍີ່­ປຸ່ນ ຫຼື ໄລ​ແຊັບ ທີ່​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ພະ​ແນກ​ກະ­ສິ­ກຳ-ປ່າ­ໄມ້ ດັ່ງ­ນັ້ນ ໜ່ວຍ​ງານ​ສົ່ງ­ເສີມ​ກະ­ສິ­ກຳ ກໍ​ເລີຍ​ໄດ້​ລົງ​ມາ​ຄັດ​ເລືອກ​ເອົາ​ຊາວ­ນາ ຜູ້​ທີ່​ມີ​ຄວາມ​ດຸ­ໝັ່ນ ໂດຍ​ມີ 7 ຄອບ­ຄົວ ທີ່​ໄດ້​ຄັດ​ເລືອກ​ເພື່ອ​ມາ​ເຝິກ­ອົບ­ຮົມ​ໃນ​ໂຄງ­ການ​ດັ່ງ­ກ່າວ ຢູ່​ພະ​ແນກ​ກະ­ສິ­ກຳ-ປ່າ­ໄມ້ ນະ­ຄອນ­ຫຼວງ​ວຽງ​ຈັນ ເຊິ່ງ​ໃນ​ນັ້ນ​ມີ​ຄອບ­ຄົວ​ຂອງ​ຂ້າ­ພະ­ເຈົ້າ​ນຳ.</p> <p style="text-align: justify;"> ໃນ​ໄລ­ຍະ​ເຝິກ­ອົບ­ຮົມ​ຢູ່​ພະ​ແນກ​ກະ­ສິ­ກຳ-ປ່າ­ໄມ້ ນະ­ຄອນ­ຫຼວງ​ວຽງ​ຈັນ ສຳ­ລັບ​ໂຄງ­ການ​ຜະ­ລິດ​ເມັດ​ພັນ​ເຂົ້າ​ນັ້ນ ກໍ​ໄດ້​ປະ­ຕິ­ບັດ​ຕົວ​ຈິງ​ໄປ​ນຳ ເຊິ່ງ​ເຫັນ​ວ່າ­ການ​ຜະ­ລິດ​ເມັດ​ພັນ​ເຂົ້າ ທີ່​ໄດ້​ຮັບ​ບົດ­ຮຽນ​ຈາກ​ການ​ຮຽນ​ຄັ້ງ​ນີ້ ແມ່ນ​ໄດ້​ຮັບ​ຜົນ​ດີ​ປະ­ສິດ­ທິ­ພາບ​ຂອງ​ການ​ຜະ­ລິດ ໄດ້​ເພີ່ມ​ຂຶ້ນ​ສູງ​ກ່ອນ​ແຕ່​ເກົ່າ ເຊິ່ງ​ໃນ​ເມື່ອ​ກ່ອນ​ແມ່ນ​ພວກ​ເຮົາ​ຄັດ​ເລືອກ​ເມັດ​ພັນ​ເຂົ້າ ແມ່ນ​ອີງ­ໃສ່​ການ​ເລືອກ​ເອົາ​ນາ​ໄຮ່​ໃດ​ທີ່​ມີ​ເຂົ້າ​ງາມ ກໍ​ນຳ​ມາ​ເຮັດ​ແນວ​ພັນ ແຕ່​ພາຍ­ຫຼັງ​ທີ່​ພວກ​ເຮົາ​ໄດ້​ມາ​ຈັດ​ຕັ້ງ​ເປັນ ກຸ່ມ​ຜະ­ລິດ​ຕະ​ພັນ​ເມັດ​ພັນ​ເຂົ້າ​ພື້ນ­ເມືອງ ເປັນ­ຕົ້ນ​ແມ່ນ ທ່າ​ດອກ​ຄຳ 8 ທ່າ​ດອກ​ຄຳ 1 ແລະ ທ່າ​ດອກ​ຄຳ 11 ແລ້ວ​ເຫັນ​ວ່າ​ໄດ້​ຮັບ​ຄວາມ​ນິ­ຍົມ​ຊົມ​ຊອບ​ຈາກ​ຊາວ­ນາ​ທົ່ວ​ໄປ ຜົນ​ຜະ­ລິດ​ກໍ​ມີ​ຄຸນ​ນະ​ພາບ​ດີ ແລະ ໄດ້​ປະ­ລິ­ມານ​ຫຼາຍ​ຂຶ້ນ ສຳ­ລັບ​ແນວ​ພັນ​ເຂົ້າ​ທີ່​ໄດ້​ຮັບ​ຄວາມ​ນິ­ຍົມ​ຊົມ​ຊອບ​ຫຼາຍ​ກ່ວ​າ​ໝູ່ ແມ່ນ​ເຂົ້າ­ທ່າ​ດອກ​ຄຳ 8 ສະ­ນັ້ນ ເລີ່ມ​ຕົ້ນ​ພວກ​ເຮົາ​ມີ 7 ຄອບ­ຄົວ ສາ­ມາດ​ຜະ­ລິດ​ເຂົ້າ​ໄດ້ 13 ໂຕນ​ຕໍ່​ລະ­ດູ​ການ ໃນ​ເນື້ອ­ທີ່ 6 ເຮັກ­ຕາ ເຊິ່ງ​ຖື​ວ່າ​ຍັງ​ບໍ່​ທັນ​ໄດ້​ຕາມ​ເປົ້າ​ໝາຍ​ຂອງ​ຜົນ​ຜະ­ລິດ​ທີ່​ໄດ້​ມາດ­ຕະ­ຖານ ເພາະ­ວ່າ​ດິນ​ທີ່​ເຮົາ​ໃຊ້​ຢູ່​ນັ້ນ ເປັນ​ດິນ​ທີ່​ເສື່ອມ​ໂຊມ​ຜ່ານ​ມາ ໂດຍ​ອີງ­ໃສ່​ການ​ຊີ້​ນຳ​ຂອງ​ພະ​ແນກ​ກະ­ສິ­ກຳ-ປ່າ­ໄມ້ ນະ­ຄອນ­ຫຼວງ​ວຽງ​ຈັນ ກໍ​ຄື​ຫ້ອງ­ການ​ກະ­ສິ­ກຳ​ເມືອງ ສົມ­ທົບ​ໃສ່​ໜ່ວຍ​ງານ​ໂຄງ­ການ​ໄລ​ແຊັບ ເພິ່ນ​ກໍ​ໄດ້​ແນະ­ນຳ​ເລື່ອງ​ການ​ໃສ່​ຝຸ່ນ​ຊີ­ວະ​ພາບ ເພື່ອ​ຟື້ນ​ຟູ​ດິນ​ມາ​ຮອດ​ປີ 2011 ໂຄງ­ການ​ດັ່ງ­ກ່າວ​ແມ່ນ​ໄດ້​ສິ້ນ​ສຸດ​ລົງ ແຕ່​ພວກ​ເຮົາ​ກໍ​ຍັງ​ມີ​ບົດ­ຮຽນ​ຕິດ​ຕົວ ພ້ອມ​ນີ້ ພວກ​ເຮົາ​ຍັງ​ສາ­ມາດ​ຂະ­ຫຍາຍ​ສະ­ມາ­ຊິກ​ມາ​ເປັນ 19 ຄອບ­ຄົວ ມີ​ເນື້ອ­ທີ່​ທັງ​ໝົດ 17,2 ເຮັກ­ຕາ ຜະ­ລິດ​ແນວ​ພັນ​ເຂົ້າ​ໄດ້ 73 ໂຕນ​ຕໍ່​ລະ­ດູ​ການ ເຊິ່ງ​ພວກ​ເຮົາ​ໄດ້​ຂາຍ​ໃຫ້​ສະ­ມາ­ຊິກ ຜູ້​ມີ​ຄວາມ​ຕ້ອງ­ການ ກໍ​ຄື​ປະ­ຊາ­ຊົນ​ທົ່ວ​ໄປ ແລະ ຕ່າງ​ແຂວງ​ອີກ​ຈຳ­ນວນ​ໜຶ່ງ ເປັນ­ຕົ້ນ​ແມ່ນ​ກອງ​ສົ່ງ­ເສີມ​ແຂວງ​ບໍ​ລິ​ຄຳ​ໄຊ.</p> <p style="text-align: justify;"> ຜົນ­ສຳ­ເລັດ​ໃນ​ການ​ຜະ­ລິດ​ເມັດ​ພັນ​ເຂົ້າ­ຂອງ​ພວກ​ເຮົາ​ຍາດ​ມາ​ໄດ້​ນັ້ນ ແມ່ນ​ຍ້ອນ​ບຸນ­ຄຸນ​ຂອງ​ພັກ-ລັດ ພ້ອມ​ທັງ​ຂະ­ແໜງ­ການ​ກ່ຽວ­ຂ້ອງ ນັບ​ແຕ່​ພະ​ແນກ​ກະ­ສິ­ກຳ-ປ່າ­ໄມ້ ນະ­ຄອນ­ຫຼວງ​ວຽງ​ຈັນ ລົງ​ໄປ​ຮອດ​ຂັ້ນ​ເມືອງ ກໍ​ຄື​ໂຄງ­ການ​ໄລ​ແຊັບ ທີ່​ໄດ້​ໃຫ້­ການ​ສະ­ໜັບ­ສະ­ໜູນ</p> <p style="text-align: justify;"> ເຖິງ​ວ່າ​ໂຄງ­ການ​ນີ້​ໄດ້​ສິ້ນ​ສຸດ​ແລ້ວ ແຕ່​ພວກ​ເຮົາ​ກໍ​ມີ​ແຜນ​ຂະ­ຫຍາຍ​ເນື້ອ­ທີ່ ກໍ​ຄື​ສະ­ມາ­ຊິກ ແລະ ຜົນ​ຜະ­ລິດ​ໃຫ້​ຫຼາຍ​ຂຶ້ນ​ກ່ວ​າ​ເກົ່າ ທັງ​ນີ້​ກໍ​ເພື່ອ​ຕອບ​ສະ­ໜອງ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ຕະ­ຫຼາດ ເພາະ­ວ່າ​ຕະ­ຫຼາດ​ຈຳ­ໜ່າຍ​ແມ່ນ​ມີ​ຄວາມ​ສຳ­ຄັນ​ທີ່​ສຸດ​ສຳ­ລັບ​ພວກ​ເຮົາ ໂດຍ​ປັດ­ຈຸ­ບັນ ພວກ​ເຮົາ​ກໍ​ໄດ້​ມີ​ການ​ພົວ­ພັນ​ກັບ​ບັນ­ດາ​ໜ່ວຍ​ງານ​ທີ່​ກ່ຽວ­ຂ້ອງ ຢູ່​ບັນ­ດາ​ແຂວງ ກໍ​ຄື​ເມືອງ​ຕ່າງໆ​ຕື່ມ​ອີກ ພ້ອມ​ນີ້ ພວກ​ເຮົາ​ຍັງ​ມີ​ການ​ໂຄ­ສະ­ນາ​ໃຫ້​ຊາວ­ນາ​ຮັບ​ຊາບ ແລະ ມາ​ນຳ​ໃຊ້​ເມັດ​ແນວ​ພັນ​ເຂົ້າ­ຂອງ​ພວກ​ເຮົາ​ໃຫ້​ຫຼາຍ​ຂຶ້ນ ເຖິງ​ວ່າ​ລາ­ຄາ​ຈະ​ແພງ​ກ່ວ​າ​ແນວ​ພັນ​ເຂົ້າ​ຊະ­ນິດ​ອື່ນ ແຕ່​ມັນ​ມີ​ຄຸນ​ນະ​ພາບ​ສູງ ສາ­ມາດ​ຍົກ​ຜົນ​ຜະ­ລິດ​ໃຫ້​ຫຼາຍ​ຂຶ້ນ 10-20% ຖ້າ­ວ່າ​ມີ​ແນວ​ພັນ​ທີ່​ດີ ໃສ່​ຝຸ່ນ​ຖືກ​ວິ­ທີ​ການ ດິນ​ອຸ­ດົມ­ສົມ­ບູນ ແລະ ນ້ຳ​ພຽງ­ພໍ ບວກ​ໃສ່​ຄວາມ​ດຸ­ໝັ່ນ​ຂະ­ຫຍັນ​ພຽນ ໃນ​ການ​ບົວ­ລະ­ບັດ​ແລ້ວ ຊາວ­ນາ​ຂອງ​ພວກ​ເຮົາ ຈະ​ມີ​ການ​ພັດ­ທະ­ນາ​ເປັນ​ລຳ­ດັບ ຈາກ​ເຮັດ​ພໍ​ຢູ່​ພໍ​ກິນ ກໍ​ຈະ​ກາຍ­ເປັນ​ການ​ຜະ­ລິດ​ເປັນ​ສິນ­ຄ້າ​ໃນ​ອະ­ນາ­ຄົດ ເພາະ­ວ່າ​ແນວ​ພັນ​ຂອງ​ພວກ​ເຮົາ ມີ​ຄຸນ​ນະ​ພາບ​ຜົນ​ຜະ­ລິດ​ສູງ ແລະ ສາ­ມາດ​ຕ້ານ­ທານ​ພະ­ຍາດ​ຕ່າງໆ ຄາດ​ວ່າ​ຮອດ​ປີ 2012 ພວກ​ເຮົາ​ຈະ​ຂະ­ຫຍາຍ​ຜົນ​ຜະ­ລິດ​ໃຫ້​ໄດ້ 100 ໂຕນ​ຕໍ່​ລະ­ດູ​ການ.</p>

ຂ່າວທີ່ກ່ຽວຂ້ອງ