ຂ່າວຫຼ້າສຸດ

ຜູ້ປົກຄອງມີສ່ວນຮ່ວມ ໃນການກຳນົດກິດຈະກຳໃນຍາມພັກຮຽນ

1.645 14 ກ.ກ. 2011 ສຶກສາ
ຜູ້ປົກຄອງມີສ່ວນຮ່ວມ ໃນການກຳນົດກິດຈະກຳໃນຍາມພັກຮຽນ

<p style="text-align: justify;"> ປັດ­ຈຸ­ບັນ ເປັນ​ໄລ­ຍະ​ເວ­ລາ​ຂອງ​ການ​ພັກ​ສິ້ນ​ປີ­ຮຽນ ບັນ­ດາ​ໂຮງ­ຮຽນ ແລະ ສະ​ຖາ​ບັນ​ການ​ສຶກ​ສາ​ຫຼາຍ​ແຫ່ງ ກໍ​ພັກ​ປະ­ຈຳ​ປີ ເຊິ່ງ​ເປັນ​ໂອ­ກາດ​ໜຶ່ງ​ໃນ​ການ­ຈັດ­ຕັ້ງ​ກິດ­ຈະ­ກຳ ໃນ​ຍາມ​ພັກ​ພາກ­ຮຽນ ໃນ​ແຕ່​ລະ​ໂຮງ­ຮຽນ ຕ່າງ​ກໍ​ມີ​ການ​ກຳ­ນົດ​ກິດ­ຈະ­ກຳ ການ­ເຄື່ອນ­ໄຫວ​ຂອງ​ຕົນ​ເອງ​ຂຶ້ນ ເປັນ­ຕົ້ນ ການ​ຮຽນ​ບຳ­ລຸງ​ໃນ​ຍາມ​ພັກ­ແລ້ງ ກິດ­ຈະ­ກຳ​ເຄື່ອນ​ໄຫວ​ຂອງ​ອົງ​ການ­ຈັດ­ຕັ້ງ​ມະ­ຫາ­ຊົນ ແລະ ອື່ນໆ ທີ່​ເປັນ​ການ​ກຳ­ນົດ​ພາຍ​ໃນ​ຂອງ​ແຕ່​ລະ​ໂຮງ­ຮຽນ.</p> <p style="text-align: justify;"> ແຕ່​ສຳ­ລັບ​ຄອບ­ຄົວ​ຂອງ​ທ້າວ ພັນ​ພົນ ສີ­ສະ​ຫວັດ ນັກ­ຮຽນ​ຫ້ອງ ປ5/ຂ ຂອງ​ໂຮງ­ຮຽນ​ອະ­ນຸ­ບານ-ປະ­ຖົມ-ມັດ­ທະ­ຍົມ​ສົມ­ບູນ​ຮຸ່ງ­ເຮືອງ ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ ກໍ​ໄດ້​ມີ​ການ​ກຳ­ນົດ​ກິດ­ຈະ­ກຳ​ໃນ​ຍາມ​ພັກ​ພາກ­ຮຽນ ໃຫ້​ລູກ​ຂອງ​ຕົນ​ເຊັ່ນ​ດຽວ​ກັນ.</p> <p style="text-align: justify;"> ທ່ານ​ນາງ ແກ້ວ​ໃຈ ສີ­ສະ​ຫວັດ ຜູ້​ປົກ­ຄອງ​ຂອງ​ທ້າວ ພັນ​ພົນ ໄດ້​ກ່າວ​ວ່າ: ຕາມ​ປົກ­ກະ­ຕິ ລູກ​ຊາຍ​ກໍ​ເປັນ​ຄົນ​ມີ​ພອນ​ສະ­ຫວັນ​ເລື່ອງ​ການ​ຮຽນ​ຢູ່​ແລ້ວ ເພາະ​ສອບ­ເສັງ​ໄດ້​ຄະ­ແນນ​ດີ​ມາ​ໂດຍ​ຕະ­ຫຼອດ ແລະ ສຳ­ລັບ​ສົກ­ຮຽນ​ນີ້​ກໍ​ເຊັ່ນ​ດຽວ​ກັນ ໄດ້​ຮັບ​ຄະ­ແນນ​ກຽດ​ນິ­ຍົມ​ອັນ​ດັບ​ໜຶ່ງ ຈົນ​ໄດ້​ຮັບ​ການ​ຍ້ອງ­ຍໍ​ຈາກ​ໂຮງ­ຮຽນ ແຕ່​ເຖິງ​ຢ່າງ­ໃດ​ກໍ​ດີ ສຳ­ລັບ​ການ​ສຶກ​ສາ​ຮ່ຳ­ຮຽນ ຄອບ­ຄົວ​ແມ່ນ​ໃຫ້­ການ​ສະ­ໜັບ­ສະ­ໜູນ​ເຕັມ­ທີ່ ເທົ່າ​ທີ່​ຄວາມ​ສາ­ມາດ​ຂອງ​ລູກ​ທີ່​ຈະ​ຮຽນ​ໄດ້.</p> <p style="text-align: justify;"> ສຳ­ລັບ​ການ​ກຳ­ນົດ​ກິດ­ຈະ­ກຳ​ໃນ​ຍາມ​ພັກ​ຮຽນ​ຂອງ​ລູກ ກໍ​ຖື​ວ່າ​ເປັນ​ບັນ­ຫາ​ສຳ­ຄັນ ໃນ​ການ​ຊ່ວຍ​ພັດ­ທະ­ນາ​ການ​ຮຽນ​ຂອງ​ລູກ ເຊິ່ງ​ຕາມ​ປົກ­ກະ­ຕິ ກໍ​ມັກ​ຈະ​ຕິດ­ຕາມ​ກວດ­ກາ ແນະ­ນຳ​ລູກ​ໃຫ້​ຮຽນ​ເພີ່ມ​ໃຫ້​ຫຼາຍ​ຂຶ້ນ ເພາະ​ຖື​ວ່າ​ລູກ​ອາ­ຍຸ​ຍັງ​ນ້ອຍ​ຢູ່​ມີ​ບາງ​ກິດ­ຈະ­ກຳ ທີ່​ລູກ​ຍັງ​ບໍ່​ສາ­ມາດ​ຄິດ​ກຳ­ນົດ​ເອງ​ໄດ້ ພວກ​ເຮົາ​ຕ້ອງ​ຊ່ວຍ​ໃນ​ການ​ຈັດ​ກິດ­ຈະ­ກຳ​ເພີ່ມ​ເຕີມ​ໃຫ້​ພວກ​ເຂົາ.</p> <p style="text-align: justify;"> ກ່ອນ​ອື່ນ ຜູ້​ປົກ­ຄອງ​ຕ້ອງ​ຮູ້​ກ່ອນ​ວ່າ ລູກ​ມີ​ຄວາມ​ສະ­ຫງວນ​ມັກ​ທາງ​ດ້ານ​ໃດ​ແດ່ ຈັດ​ແບ່ງ​ເວ­ລາ​ໃຫ້​ຖືກ­ຕ້ອງ​ຕາມ​ເງື່ອນ­ໄຂ ແລະ ກິດ­ຈະ­ກຳ ເພື່ອ​ກຳ­ນົດ​ການ­ເຄື່ອນ­ໄຫວ ເປັນ­ຕົ້ນ ການ​ກຳ­ນົດ​ວິ­ຊາ​ຮຽນ​ເພີ່ມ​ທີ່​ເຫັນ​ວ່າ​ສຳ­ຄັນ ແລະ ຈຳ­ເປັນ ພ້ອມ​ດຽວ​ກັນ ກໍ​ແບ່ງ​ເວ­ລາ​ໃຫ້​ລູກ​ໄດ້​ເຄື່ອນ​ໄຫວ​ກິດ­ຈະ­ກຳ​ອື່ນໆ ເຊັ່ນ: ສິ­ລະ​ປະ ຫຼື ກີ­ລາ ຕາມ​ຄວາມ​ສາ­ມາດ​ຂອງ​ລູກ ເພື່ອ​ເປັນ​ການ​ຜ່ອນ­ຄາຍ ພິ­ເສດ ຜູ້​ປົກ­ຄອງ​ກໍ​ຈະ​ຕ້ອງ​ມີ​ເວ­ລາ​ໃຫ້​ກັບ​ລູກ​ເຊັ່ນ​ດຽວ​ກັນ ເພື່ອ​ສ້າງ​ສາຍ­ສຳ­ພັນ​ທີ່​ດີ​ໃນ​ຄອບ­ຄົວ ສ້າງ​ກິດ­ຈະ­ກຳ​ພາຍ​ໃນ​ຄອບ­ຄົວ ອາດ​ຈະ​ເປັນ​ການ​ເຮັດ​ວຽກ​ພາຍ​ໃນ​ເຮືອນ​ຮ່ວມ​ກັນ ນຳ­ພາ​ລູກ​ໄປ​ທ່ຽວ​ຊົມ​ສະ­ຖານ­ທີ່ ທີ່​ເຫັນ​ວ່າ​ເໝາະ​ສົມ ຕາມ​ເງື່ອນ­ໄຂ​ສະ­ພາບ​ຄວາມ​ເປັນ​ຈິງ​ຂອງ​ແຕ່​ລະ​ຄອບ­ຄົວ ໝັ່ນ​ໂອ້​ລົມ​ສົນ­ທະ­ນາ​ກັບ​ລູກ ໃຫ້​ໂອ­ກາດ​ຟັງ​ຄຳ​ຄິດ​ຄຳ​ເຫັນ​ຂອງ​ລູກ.</p> <p style="text-align: justify;"> ຈາກ​ເງື່ອນ­ໄຂ​ທີ່​ກ່າວ​ມາ​ຂ້າງ​ເທິງ ຈຶ່ງ​ກາຍ­ເປັນ​ສ່ວນ​ໜຶ່ງ​ໃນ​ການ​ຊຸກ­ຍູ້​ສົ່ງ­ເສີມ ໃຫ້­ການ​ພັດ­ທະ­ນາ​ການ​ຮຽນ​ຂອງ​ລູກ ໃຫ້​ນັບ​ມື້​ນັບ​ດີ​ຂຶ້ນ ຈົນ​ສາ­ມາດ​ຍາດ​ໄດ້​ຄະ­ແນນ​ການ​ຮຽນ​ທີ່​ດີ​ໃນ​ແຕ່​ລະ​ປີ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ