ຂ່າວຫຼ້າສຸດ

ມອບ-ຮັບໜ້າທີ່ໃໝ່ ກະຊວງໄປສະນີ ໂທລະຄົມມະນາຄົມ ແລະ ການສື່ສານ

3.209 12 ກ.ກ. 2011 ຂ່າວໜ້າ​ໜຶ່ງ
ມອບ-ຮັບໜ້າທີ່ໃໝ່ ກະຊວງໄປສະນີ ໂທລະຄົມມະນາຄົມ ແລະ ການສື່ສານ

<p style="text-align: justify;"> ພິ­ທີ​ມອບ-ຮັບ​ໜ້າ­ທີ່​ໃໝ່ ລະ­ຫວ່າງ ທ່ານ ຄຳ​ລວດ ສິດ​ລາ​ກອນ ຫົວ­ໜ້າ​ອົງ­ການ​ໄປ­ສະ­ນີ ແລະ ໂທລະ​ຄົມ (ຜູ້​ເກົ່າ) ແລະ ທ່ານ ຫຽມ ພົມ­ມະ­ຈັນ ລັດ­ຖະ­ມົນ­ຕີ​ວ່າ­ການ​ກະ­ຊວງ​ໄປ­ສະ­ນີ​ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ (ຜູ້​ໃໝ່) ໄດ້​ຈັດ​ຂຶ້ນ​ໃນ​ຕອນ​ບ່າຍ​ຂອງ​ວັນ​ທີ 8 ກໍ­ລະ­ກົດ 2011 ທີ່​ກະ­ຊວງ​ໄປ­ສະ­ນີ​ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ໂດຍ​ຊ້ອງ​ໜ້າ​ທ່ານ ພົນ​ໂທ ດວງ​ໃຈ ພິ­ຈິດ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ​ວ່າ­ການ​ກະ­ຊວງ​ປ້ອງ​ກັນ​ປະ­ເທດ ຄະ­ນະ​ຈັດ​ຕັ້ງ​ສູນ​ກາງ​ພັກ ຄະ­ນະ​ພັກ​ກະ­ຊວງ ເລ­ຂາ​ຄະ­ນະ​ພັກ​ຮາກ​ຖານ ຫົວ­ໜ້າ​ຫ້ອງ­ການ ກົມ​ກອງ ແລະ ສະ​ຖາ​ບັນ​ອ້ອມ​ຂ້າງ​ທີ່​ກ່ຽວ­ຂ້ອງ​ເຂົ້າ​ຮ່ວມ.</p> <p style="text-align: justify;">  </p> <p style="text-align: justify;"> ໃນ​ພິ­ທີ​ດັ່ງ­ກ່າວ ທ່ານ ຄຳ​ລວດ ສິດ​ລາ​ກອນ ໄດ້​ລາຍ​ງານ​ສະ­ພາບ​ລວມ​ໂດຍ​ຫຍໍ້​ກ່ຽວ​ກັບ​ການ­ເຄື່ອນ­ໄຫວ​ວຽກ​ງານ​ຂອງ​ອົງ­ການ​ໄປ­ສະ­ນີ ແລະ ໂທລະ​ຄົມ ໃນ​ໄລ­ຍະ​ຜ່ານ​ມາ ທັງ​ດ້ານ​ດີ ແລະ ດ້ານ​ທີ່​ຕ້ອງ​ຈະ​ໄດ້​ສືບ­ຕໍ່​ແກ້​ໄຂ ແລະ ກ່າວ​ມອບ​ວຽກ​ທັງ​ໝົດ​ຂອງ​ອົງ­ການ ໃຫ້​ທ່ານ​ລັດ­ຖະ­ມົນ­ຕີ ຜູ້​ໃໝ່ ເພື່ອ​ສ້າງ​ເປັນ​ກະ­ຊວງ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ໃນ​ໂອ­ກາດ​ນີ້ ທ່ານ ຫຽມ ພົມ­ມະ­ຈັນ ລັດ­ຖະ­ມົນ­ຕີ​ວ່າ­ການ​ກະ­ຊວງ​ໄປ­ສະ­ນີ ໂທລະ​ຄົມ­ມະ­ນາ­ຄົມ-ການ​ສື່­ສານ ໄດ້​ກ່າວ​ຮັບ​ເອົາ​ວຽກ​ງານ​ດັ່ງ­ກ່າວ ພ້ອມ​ທັງ​ໃຫ້​ຄຳ​ໝັ້ນ​ສັນ­ຍາ​ວ່າ ຈະ​ສຸມ​ສະ­ຕິ​ປັນ­ຍາ ແລະ ເຫື່ອ­ແຮງ​ຂອງ​ຕົນ​ເຂົ້າ​ໃນ​ການ​ຊີ້​ນຳ-ນຳ­ພາ ເພື່ອ​ສ້າງ​ກະ­ຊວງ​ໃໝ່ ກໍ​ຄື​ຂະ­ແໜງ­ການ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ໃຫ້​ເປັນ​ກະ­ຊວງ​ທີ່​ສົມ­ບູນ​ເຂັ້ມ­ແຂງ ແລະ ທັນ​ສະ­ໄໝ ສາ­ມາດ​ຕອບ​ສະ­ໜອງ​ຕາມ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ວຽກ​ງານ​ລັດ­ຖະ­ບານ​ໃນ​ໄລ­ຍະ​ໃໝ່ ພ້ອມ​ນັ້ນ​ກໍ​ຈະ​ນຳ­ພາ​ຂະ­ແໜງ­ການ​ຂອງ​ຕົນ​ຈັດ​ຕັ້ງ​ຜັນ​ຂະ­ຫຍາຍ​ມະ­ຕິ​ຂອງ​ກອງ​ປະ­ຊຸມ​ໃຫຍ່ ຄັ້ງ​ທີ IX ຂອງ​ພັກ ກໍ​ຄື​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແຫ່ງ​ລັດ 5 ປີ ຄັ້ງ​ທີ VII ໃຫ້​ປະ­ກົດ​ຜົນ​ເປັນ​ຈິງ.</p>

ຂ່າວທີ່ກ່ຽວຂ້ອງ