ສານຊົມເຊີຍ ສາ­ທາ­ລະ­ນະ​ລັດ ໂຄຣ​ເອ​ເຊຍ

<p style="text-align: justify;"> ພະ­ນະ​ທ່ານ ຈູມ​ມາ­ລີ ໄຊ​ຍະ​ສອນ ປະ­ທານ​ປະ­ເທດ ແຫ່ງ ສາ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນ​ລາວ ໄດ້​ສົ່ງ​ສານ​ຊົມ­ເຊີຍ​ເຖິງ​ພະ­ນະ​ທ່ານ ອີ​ໂວ ໂຈ​ຊີ​ໂປ​ວິກ ປະ­ທາ­ນາ­ທິ­ບໍ­ດີ ແຫ່ງ ສາ­ທາ­ລະ­ນະ​ລັດ ໂຄຣ​ເອ​ເຊຍ ທີ່ ຊາ​ເກຣບ ເຊິ່ງ​ມີ​ເນື້ອ​ໃນ​ວ່າ:</p> <p style="text-align: justify;">  </p> <p style="text-align: justify;"> <span style="color:#ff0000;"><strong>ພະ­ນະ​ທ່ານ</strong></span></p> <p style="text-align: justify;"> ເນື່ອງ​ໃນ​ໂອ­ກາດ​ວັນ­ຊາດ ແຫ່ງ ສາ­ທາ­ລະ­ນະ​ລັດ ໂຄຣ​ເອ​ເຊຍ ຕາງ­ໜ້າ​ໃຫ້​ປະ­ຊາ­ຊົນ​ລາວ ແລະ ໃນ​ນາມ​ສ່ວນ​ຕົວ ຂ້າ­ພະ­ເຈົ້າ​ຂໍ​ສົ່ງ​ຄຳ​ຊົມ­ເຊີຍ​ອັນ​ອົບ​ອຸ່ນ ແລະ ພອນ​ໄຊ​ອັນ​ປະ­ເສີດ​ມາ​ຍັງ​ພະ­ນະ​ທ່ານ ແລະ ຜ່ານ​ພະ­ນະ​ທ່ານ ໄປ​ຍັງ​ປະ­ຊາ­ຊົນ​ໂຄຣ​ເອ​ເຊຍ ເພື່ອນ​ມິດ​ທຸກ​ຖ້ວນ​ໜ້າ.</p> <p style="text-align: justify;">  </p> <p style="text-align: justify;"> ຂ້າ­ພະ­ເຈົ້າ​ຫວັງ​ວ່າ​ສາຍ​ພົວ­ພັນ​ມິດ­ຕະ­ພາບ ແລະ ການ​ຮ່ວມ​ມື​ອັນ​ເປັນ​ມູນ­ເຊື້ອ​ລະ­ຫວ່າງ​ສາ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນ​ລາວ ແລະ ສາ­ທາ­ລະ­ນະ​ລັດ ໂຄຣ​ເອ​ເຊຍ ຈະ​ສືບ­ຕໍ່​ໄດ້​ຮັບ​ການ​ຂະ­ຫຍາຍ­ຕົວ​ຍິ່ງໆ​ຂຶ້ນ ເພື່ອ​ຜົນ​ປະ­ໂຫຍດ​ຂອງ​ປະ­ຊາ­ຊົນ​ສອງ​ຊາດ​ພວກ​ເຮົາ ກໍ​ຄື​ເພື່ອ​ສັນ­ຕິ­ພາບ ແລະ ການ​ຮ່ວມ​ມື​ສາ­ກົນ ເພື່ອ​ການ​ພັດ­ທະ­ນາ.</p> <p style="text-align: justify;">  </p> <p style="text-align: justify;"> <span style="color:#0000ff;"><strong>          ດ້ວຍ​ຄວາມ​ນັບ­ຖື​ຢ່າງ​ສູງ</strong></span></p> <p style="text-align: justify;">  </p> <p style="text-align: justify;"> ເນື່ອງ​ໃນ​ໂອ­ກາດ​ດຽວ​ກັນ​ນີ້ ທ່ານ ທອງ​ສິງ ທຳ​ມະ​ວົງ ນາ­ຍົກ­ລັດ­ຖະ­ມົນ­ຕີ ທ່ານ ດຣ.ທອງ​ລຸນ ສີ​ສຸ​ລິດ ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ​ວ່າ­ການ​ກະ­ຊວງ​ການ​ຕ່າງ­ປະ­ເທດ ແຫ່ງ ສປປ ລາວ ກໍ​ໄດ້​ສົ່ງ​ສານ​ຊົມ­ເຊີຍ​ເຖິງ​ພະ­ນະ​ທ່ານ ຈາດ​ດັງ​ກາ ໂກ​ຊໍ ນາ­ຍົກ­ລັດ­ຖະ­ມົນ­ຕີ ເຖິງ​ທ່ານ ຈໍ​ແດນ ແຈນ​ໂດຣ​ໂກ​ວິກ ລັດ­ຖະ­ມົນ­ຕີ​ວ່າ­ການ​ກະ­ຊວງ​ການ​ຕ່າງ­ປະ­ເທດ ແຫ່ງ ສາ­ທາ­ລະ­ນະ​ລັດ ໂຄຣ​ເອ​ເຊຍ ໃນ​ຖາ­ນະ​ຄູ່​ຮ່ວມ​ຕຳ­ແໜ່ງ​ດຽວ​ກັນ.</p>