ສ້າງນະຄອນວຽງຈັນ 6 ສ: ຄວາມເຂົ້າໃຈ ແລະ ການກະທຳ

17.827 11 ກ.ກ. 2011 ຂ່າວໜ້າ​ໜຶ່ງ

<p style="text-align: justify;"> <span style="color:#0000ff;"><span style="font-size: 20px;"><strong>I. ຄວາມ​ເປັນ​ມາ ແລະ ຄວາມ​ໝາຍ​ຂອງ 6 ສ</strong></span></span></p> <p style="text-align: justify;">  </p> <p style="text-align: justify;"> <span style="color:#ff0000;"><span style="font-size: 16px;"><strong>     <u>ຄວາມ​ເປັນ​ມາ</u></strong></span></span></p> <p style="text-align: justify;">  </p> <p style="text-align: justify;"> ຄື​ໄດ້​ຮູ້​ນຳ​ກັນ​ແລ້ວ​ວ່າ​ນະ­ຄອນ​ວຽງ​ຈັນ ແມ່ນ​ເມືອງ​ໜຶ່ງ​ທີ່​ເກົ່າ​ແກ່​ຂອງ​ປະ­ເທດ​ລາວ ແລະ ຂອງ​ພາກ​ພື້ນ ຕາມ​ພົງ​ສະ​ວາ​ດານ​ລາວ​ແລ້ວ ເມືອງ​ວຽງ​ຈັນ ປະ­ກົດ​ຕົວ​ຂຶ້ນ​ເມື່ອ ພສ 236 ໂດຍ​ທ່ານ ບູ​ລີ​ຈັນ ເປັນ​ຜູ້­ນຳ​ພາ​ກໍ່­ສ້າງ ແລະ ເມືອງ​ວຽງ​ຈັນ ຖືກ​ສະ­ຖາ­ປະ­ນາ​ເປັນ​ເມືອງ​ຫຼວງ​ຂອງ​ອາ­ນາ­ຈັກ​ລ້ານ​ຊ້າງ ເມື່ອ ຄສ 1560 ໂດຍ​ເຈົ້າ​ໄຊ​ເສດ​ຖາ​ທິ​ລາດ ຊຶ່ງ​ຍົກ­ຍ້າຍ​ຈາກ​ເມືອງ​ຫຼວງ​ພະ​ບາງ ໃນ​ໄລ­ຍະ​ເວ­ລາ​ອັນ​ຍາວ​ນານ​ເຖິງ 450 ປີ ເມືອງ​ວຽງ​ຈັນ ໄດ້​ຜ່ານ​ຫຼາຍ​ສະ­ໄໝ​ການ​ປົກ­ຄອງ​ທີ່​ແຕກ​ຕ່າງ​ກັນ ແຕ່​ເມືອງ​ວຽງ​ຈັນ ຍັງ​ຄົງ​ດຳ­ລົງ​ບົດ­ບາດ​ເປັນ​ເມືອງ​ຫຼວງ​ຂອງ​ຊາດ​ລາວ ຈົນ​ມາ​ເຖິງ​ເທົ້າ​ທຸກ​ວັນ​ນີ້ ໃນ​ຖາ­ນະ​ເປັນ​ເມືອງ​ຫຼວງ​ຂອງ​ປະ­ເທດ ບໍ່​ວ່າ​ສະ­ໄໝ​ໃດ ນະ­ຄອນ­ຫຼວງ​ວຽງ​ຈັນ ໄດ້​ຮັບ​ການ​ເອົາ­ໃຈ­ໃສ່​ປັບ­ປຸງ​ບູ­ລະ­ນະ​ໃຫ້​ເຕີບ​ໃຫຍ່​ເຂັ້ມ­ແຂງ​ຢ່າງ­ຮອບ­ດ້ານ ຈາກ​ປະ­ມຸກ​ລັດ ແລະ ລັດ­ຖະ­ບານ ປະ­ຊາ­ຊົນ​ຊາວ​ນະ­ຄອນ­ຫຼວງ​ວຽງ​ຈັນ ຍາມ​ໃດ​ກໍ​ມີ​ຄວາມ​ຮັບ­ຜິດ­ຊອບ ແລະ ກາຍ­ເປັນ​ຕົວ​ແທນ​ຂອງ​ປະ​ຊາ​ຊົາ​ລາວ​ທົ່ວ​ປະ­ເທດ ແຕ່​ຖາ­ນະ ແລະ ຊື່​ສຽງ​ຂອງ​ນະ­ຄອນ­ຫຼວງ​ວຽງ​ຈັນ ພົ້ນ​ເດັ່ນ​ກ່ວ​າ​ໝູ່ ໃນ​ເວ­ທີ​ສາ­ກົນ ແລະ ສ້າງ​ຄວາມ​ພາກ­ພູມ​ໃຈ​ໃຫ້​ປະ­ຊາ­ຊົນ​ລາວ​ທັງ​ຊາດ ແມ່ນ​ເລີ່ມ​ຈາກ​ປະ­ເທດ​ລາວ ໄດ້​ສະ­ຖາ­ປະ­ນາ​ເປັນ ສາ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນ​ລາວ ເມື່ອ​ປີ 1975 ເປັນ­ຕົ້ນ​ມາ.</p> <p style="text-align: justify;">  </p> <p style="text-align: justify;"> ໃນ​ຕະ­ຫຼອດ​ໄລ­ຍະ​ເວ­ລາ 33 ປີ ພາຍ​ໃຕ້​ລະ­ບອບ​ໃໝ່: ນະ­ຄອນ­ຫຼວງ​ວຽງ​ຈັນ ໄດ້​ຮັບ​ການ​ພັດ­ທະ­ນາ​ດີ​ຂຶ້ນ​ຢ່າງ​ຕໍ່​ເນື່ອງ ແລະ ມີ​ທ່ວງ​ທ່າ​ຂະ­ຫຍາຍ­ຕົວ​ໃໝ່ ຕາມ​ທິດ​ຫັນ​ເປັນ​ຕົວ​ເມືອງ <strong>(Urbanization) </strong>ອັນ​ເກີດ​ຈາກ​ປັດ​ໄຈ​ການ​ເກີດ​ຂຶ້ນ ແລະ ການ​ຫັນ​ເປັນ​ອຸດ­ສາ­ຫະ­ກຳ​ຕາມ​ກົນ​ໄກ​ເສດ­ຖະ­ກິດ​ຕະ­ຫຼາດ ການ​ເຂົ້າ​ຮ່ວມ​ເສດ­ຖະ­ກິດ​ກັບ​ສາ­ກົນ ແລະ ພາກ​ພື້ນ ແຕ່​ຄຽງ​ຄູ່​ກັນ​ນັ້ນ ນະ­ຄອນ­ຫຼວງ​ວຽງ​ຈັນ ກໍ​ຍັງ​ບໍ່​ທັນ​ຜ່ານ​ພົ້ນ​ຈາກ​ສະ­ພາ­ວະ​ດ້ອຍ​ພັດ­ທະ­ນາ ແລະ ຄວາມ­ທຸກ​ຍາກ​ໄດ້​ເທື່ອ ໂຄງ​ລ່າງ​ຍັງ​ອ່ອນ​ນ້ອຍ ມີ​ສິ່ງ​ທ້າ​ທາຍ​ທົດ​ສອບ​ສຳ­ຄັນ​ຫຼາຍ​ປະ­ການ: (ການ​ຂະ­ຫຍາຍ­ຕົວ​ຂອງ​ພົນ­ລະ­ເມືອງ​ສູງ ຄວາມ​ຮຽກ­ຮ້ອງ​ຕ້ອງ­ການ​ຂອງ​ຊາວ​ເມືອງ​ນັບ​ມື້​ນັບ​ສູງ​ຂຶ້ນ ກັບ​ຄວາມ​ສາ­ມາດ​ຮັກ­ສາ​ສິ່ງ­ແວ­ດລ້ອມ ທ່າ​ອ່ຽງ​ການ​ຂະ­ຫຍາຍ­ຕົວ​ຕາມ​ກົນ​ໄກ​ເສດ­ຖະ­ກິດ​ຕະ­ຫຼາດ​ແບບ​ເສລີ ກັບ​ການ​ອຳ­ນວຍ​ຄວບ​ຄຸມ​ຜັງ­ເມືອງ​ບໍ່​ແຂງ​ແກ່ນ ການ​ຫຼຸດ​ໂຕນ​ກັນ​ລະ­ຫວ່າງ​ເຂດ​ເທດ­ສະ­ບານ​ກັບ​ເຂດ​ຊານ­ເມືອງ ປະ­ກົດ​ການ​ຫຍໍ້­ທໍ້​ໃນ​ສັງ­ຄົມ​ກັບ​ຄວາມ​ສາ­ມາດ​ຄຸ້ມ​ຄອງ​ຂອງ​ອົງ­ການ​ລັດ ແລະ ການ​ຫຼຸດ​ໂຕນ​ກັບ​ບັນ­ດາ​ນະ­ຄອນ​ອື່ນ​ໃນ​ໂລກ ແລະ ພາກ​ພື້ນ...) ດ້ວຍ​ເຫດ​ນັ້ນ​ພວກ​ເຮົາ​ຊາວ​ນະ­ຄອນ­ຫຼວງ​ວຽງ​ຈັນ ຕ້ອງ​ຮ່ວມ​ໃຈ​ກັນ­ຫາ​ທາງ​ອອກ ຮີບ​ຮ້ອນ​ພັດ­ທະ­ນາ​ຕົວ​ເມືອງ​ຂອງ​ເຮົາ ເຮົາ​ຮັກ​ເມືອງ​ວຽງ​ຈັນ ເຮົາ​ຕ້ອງ​ຍົກ​ສູງ​ຄວາມ​ຮັບ­ຜິດ­ຊອບ​ໃນ​ລະ­ດັບ​ສູງ ເພື່ອ​ສ້າງ​ເມືອງ​ຂອງ​ເຮົາ​ໃຫ້​ເປັນ<strong><u>ເມືອງ​ໜ້າ​ຢູ່ ແລະ ຍືນ​ຍົງ</u></strong>.</p> <p style="text-align: justify;">  </p> <p style="text-align: justify;"> ການ​ພັດ­ທະ­ນາ​ຕົວ​ເມືອງ​ໃຫ້​ເປັນ​ເມືອງ​ໜ້າ​ຢູ່ ແລະ ຍືນ​ຍົງ​ຂອງ​ແຕ່​ລະ​ປະ­ເທດ ແຕ່​ລະ​ພື້ນ ທີ່​ມີ​ຄວາມ​ຄ້າຍ­ຄື​ກັນ ແລະ ກໍ​ມີ​ຄວາມ​ແຕກ​ຕ່າງ​ກັນ ແລ້ວ­ແຕ່​ສະ­ພາ­ວະ​ຂອງ​ຄວາມ​ຮຽກ­ຮ້ອງ​ຕ້ອງ­ການ​ໃນ​ແຕ່​ລະ​ໄລ­ຍະ​ຂອງ​ຕົວ​ເມືອງ​ນັ້ນໆ ສຳ­ລັບ​ນະ­ຄອນ​ວຽງ​ຈັນ ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ IV ຂອງ​ອົງ­ຄະ​ນະ​ພັກ​ນະ­ຄອນ­ຫຼວງ​ວຽງ​ຈັນ ຄຳ​ເຫັນ​ຊີ້​ນຳ​ຂອງ​ກົມ​ການ­ເມືອງ​ສູນ​ກາງ​ພັກ-ລັດ­ຖະ­ບານ ໃຫ້​ເພີ່ມ​ທະ­ວີ​ຄວາມ​ຮັບ­ຜິດ­ຊອບ​ໃນ​ການ​ສ້າງ​ສະ­ຖຽນ​ລະ​ພາບ​ທາງ​ການ­ເມືອງ ຄວາມ​ເປັນ​ລະ­ບຽບ​ຮຽບ​ຮ້ອຍ​ດ້ານ​ສັງ­ຄົມ​ຢ່າງ​ໜັກ​ແໜ້ນ ສ້າງ​ເມືອງ​ວຽງ​ຈັນ ໃຫ້​ເປັນ​ເມືອງ​ຜະ­ລິດ ທຸ­ລະ​ກິດ ບໍ­ລິ­ການ ແລະ ສູນ​ກາງ​ການ­ເມືອງ ເສດ­ຖະ­ກິດ ວັດ­ທະ­ນະ­ທຳ-ສັງ­ຄົມ​ຂອງ​ຊາດ ເປັນ​ສູນ​ກາງ​ແຫ່ງ​ການ​ພົວ­ພັນ​ຮ່ວມ​ມື​ກັບ​ສາ­ກົນ ພ້ອມ​ກັນ​ນັ້ນ​ກໍ​ໃຫ້​ມີ​ການ​ປັບ­ປຸງ​ໂສມ​ໜ້າ​ຕົວ​ເມືອງ ໃຫ້​ເປັນ​ເມືອງ​ໜ້າ​ຢູ່​ສະ­ອາດ ໃນ​ຖາ­ນະ​ທີ່​ເປັນ​ຜູ້​ບໍ­ລິ­ຫານ​ຕົວ​ເມືອງ​ວຽງ​ຈັນ ຂ້າ­ພະ­ເຈົ້າ ຮ່ວມ​ກັບ​ໝູ່​ຄະ­ນະ​ນຳ ໄດ້​ພະ­ຍາ­ຍາມ​ຄົ້ນ​ຄ້ວ​າ​ຊອກ​ຫາ​ຮູບ​ການ ວິ­ທີ​ການ​ຊັກ​ຊວນ​ໃຫ້​ພົນ­ລະ­ເມືອງ​ວຽງ​ຈັນ ເຂົ້າ​ຮ່ວມ​ສ້າງ­ສາ​ພັດ­ທະ­ນາ​ຕົວ​ເມືອງ​ວຽງ​ຈັນ ເພື່ອ​ໃຫ້​ບັນ­ລຸ​ຈິດ­ໃຈ​ຊີ້​ນຳ​ຂອງ​ຂັ້ນ​ເທິງ ໂດຍ​ໄດ້​ເອົາ 6 ປັດ​ໄຈ​ທຳ​ອິດ​ເປັນ​ຫຼັກ ຄື ສ້າງ​ເມືອງ​ວຽງ​ຈັນ ໃຫ້​ເປັນ​ເມືອງ <strong><u>ສະ­ຫງົບ​ສຸກ ສະ­ອາດ ສີ­ຂຽວ ສະ­ຫວ່າງ ສະ​ເໜ່ </u></strong>ແລະ <strong><u>ສີ­ວິ­ໄລ </u></strong>ຫຼື ເວົ້າ​ຫຍໍ້​ແມ່ນ <strong>6 ສ </strong>ແລະ ຖ້າ​ເຮັດ​ໄດ້​ຕາມ 6 ສ ນັ້ນ​ກໍ​ຖື​ວ່າ​ສົມ​ກຽດ ແລະ ສະ­ແດງ​ໃຫ້​ເຫັນ​ບົດ­ບາດ​ເປັນ​ນະ­ຄອນ­ຫຼວງ​ຂອງ​ປະ­ເທດ ສປປ ລາວ ໃນ​ຕົ້ນ​ສະ­ຕະ­ວັດ​ທີ 21 ນີ້​ໄດ້ ສ່ວນ​ບັນ­ຫາ​ການ​ສ້າງ​ຕົວ​ເມືອງ​ວຽງ​ຈັນ ໃຫ້​ເປັນ​ເມືອງ​ສວຍ​ງາມ ແລະ ທັນ​ສະ­ໄໝ...ຍັງ​ເປັນ​ເວ­ລາ​ຂອງ​ອະ­ນາ­ຄົດ​ຕໍ່​ໄປ.</p> <p style="text-align: justify;">  </p> <p style="text-align: justify;"> <span style="color:#ff0000;"><span style="font-size: 16px;">     <strong><u>ຄວາມ​ໝາຍ 6 ສ:</u></strong></span></span></p> <p style="text-align: justify;">  </p> <p style="text-align: justify;"> ສ: ມາ​ຈາກ​ຄຳ​ເວົ້າ​ທີ່​ວ່າ: ໂສມ​ໜ້າ​ຕົວ​ເມືອງ ຫຼື ສິ່ງ­ແວ­ດລ້ອມ​ຂອງ​ຕົວ​ເມືອງ (Face The City) <strong><u>ໂສມ​ໜ້າ​ຂອງ​ຕົວ​ເມືອງ</u></strong>ປຽບ​ເໜືອນ​ໃບ​ໜ້າ​ຂອງ​ຄົນ​ເຮົາ ໃບ​ໜ້າ​ຂອງ​ຄົນ​ເຮົາ​ເປັນ​ບ່ອນ​ສະ­ແດງ​ອອກ ແລະ ເປັນ​ຕົວ​ແທນ​ຢ່າງ​ລວມ​ສູນ​ຂອງ​ຮ່າງ­ກາຍ ແລະ ຜົນ​ການ­ເຄື່ອນ­ໄຫວ​ຂອງ​ຄົນ​ເຮົາ ໂສມ​ໜ້າ​ຕົວ​ເມືອງ​ກໍ​ເຊັ່ນ​ດຽວ​ກັນ ແມ່ນ​ສິ່ງ​ສະ­ແດງ​ອອກ​ໃຫ້​ເຫັນ​ຢ່າງ​ສັງ​ລວມ​ການ­ເຄື່ອນ­ໄຫວ​ຢ່າງ­ຮອບ­ດ້ານ ໃນ​ອະ­ດີດ-ປັດ­ຈຸ­ບັນ​ຂອງ​ຊຸມ​ຊົນ​ໃນ​ເມືອງ​ນັ້ນໆ ສາ­ມາດ​ບົ່ງ​ບອກ​ໃຫ້​ແຂກ­ເມືອງ​ໄດ້​ສຳ​ພັດ ຮູ້​ເຫັນ​ເຖິງ​ເຄົ້າ​ພາບ​ຂອງ​ຕົວ​ເມືອງ​ນັ້ນໆ ວ່າ​ຈະ​ດີ ແລະ ບໍ່​ດີ ໝາຍ​ຄວາມ​ວ່າ: ໂສມ​ໜ້າ​ຂອງ​ຕົວ​ເມືອງ​ແມ່ນ​ເວົ້າ​ເຖິງ​ການ­ເຄື່ອນ­ໄຫວ ການ​ພັດ­ທະ­ນາ​ຂອງ​ຊຸມ​ຊົນ​ໃນ​ຕົວ​ເມືອງ​ນັ້ນໆ ນັບ​ທັງ​ໃນ​ດ້ານ​ໂຄງ​ລ່າງ​ເສດ­ຖະ­ກິດ ວັດ­ທະ­ນະ­ທຳ-ສັງ­ຄົມ ວິ­ທະ­ຍາ­ສາດການ­ເມືອງ-ການ​ປົກ­ຄອງ ປ້ອງ​ກັນ​ຊາດ-ປ້ອງ​ກັນ​ຄວາມ​ສະ­ຫງົບ ການ​ຕ່າງ­ປະ­ເທດ ແລະ ອື່ນໆ.</p> <p style="text-align: justify;">  </p> <p style="text-align: justify;"> 6 ສ ທີ່​ກ່າວ​ມາ​ນີ້ ສ່ອງ​ແສງ​ໃຫ້​ເຫັນ​ການ​ຜັນ​ຂະ­ຫຍາຍ​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ VIII ຂອງ​ພັກ ແຜນ­ການ 5 ປີ ຄັ້ງ​ທີ VI ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ IV ຂອງ​ອົງ­ຄະ​ນະ​ພັກ​ນະ­ຄອນ­ຫຼວງ​ວຽງ​ຈັນ ແລະ ຄວາມ​ມຸ້ງ​ຫວັງ​ຂອງ​ປະ­ຊາ­ຊົນ-ຊັ້ນ​ຄົນ​ຕ່າງໆ ໂດຍ​ສະ­ເພາະ​ຄວາມ​ຮຽກ­ຮ້ອງ​ຕ້ອງ­ການ​ໃນ​ການ​ເປັນ​ເຈົ້າ­ພາບ​ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 25 (2009) ການ​ສະ­ເຫຼີມ­ສະ­ຫຼອງ​ວັນ​ວຽງ​ຈັນ ເປັນ​ນະ­ຄອນ­ຫຼວງ ຄົບ­ຮອບ 450 ປີ (2010) ວັນ​ສະ­ຖາ­ປະ­ນາ ສາ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນ​ລາວ ຄົບ­ຮອບ 35 ປີ (2010)... ໃນ​ຄວາມ​ເລັ່ງ​ທວງ​ຂອງ​ສະ­ພາບ​ການ​ດັ່ງ­ກ່າວ ຄະ­ນະ​ພັກ-ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ນຳ​ສະ­ເໜີ​ລັດ­ຖະ­ບານ ແລະ ກົມ​ການ­ເມືອງ ໃນ​ກອງ​ປະ­ຊຸມ​ຄັ້ງ​ວັນ​ທີ 28-29/6/2007 ແລະ ຖືກ​ປະ­ກາດ​ໃຊ້​ຈາກ​ຄະ­ນະ​ກຳ­ມະ­ການ​ສະ­ເຫຼີມ­ສະ­ຫຼອງ​ວັນ​ວຽງ​ຈັນ ເປັນ​ນະ­ຄອນ­ຫຼວງ ຄົບ­ຮອບ 450 ປີ ໃນ​ວັນ​ທີ 12 ຕຸ­ລາ 2007 (ບົດ​ຖະ­ແຫຼງ­ການ​ຂອງ​ຄະ­ນະ​ກຳ­ມະ­ການ ໜ້າ​ທີ 6) ແລະ ຖື​ເປັນ​ໜຶ່ງ​ໃນ​ຂໍ້​ແຂ່ງ­ຂັນ 7 ຂໍ້ ຂອງ​ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ (ຄຳ​ແນະ­ນຳ​ຂອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ສະ­ບັບ​ເລກ​ທີ 10/ຈ​ນວ ລົງ​ວັນ​ທີ 11 ຕຸ­ລາ 2007 ໜ້າ​ທີ 3).</p> <p style="text-align: justify;">  </p> <p style="text-align: justify;"> 6 ສ ແມ່ນ​ກົນ​ໄກ ແລະ ແມ່ນ​ສິນ­ລະ­ປະ​ໃນ​ການ​ຂົນ­ຂວາຍ​ປະ­ຊາ­ຊົນ ເພື່ອ​ປະ­ຕິ­ບັດ​ທິດ​ທາງ​ໜ້າ­ທີ່​ໃຫຍ່​ຂອງ​ພັກ ແຜນ​ງານ-ໂຄງ­ການ ຈຸດ​ສຸມ​ທີ່​ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ວາງ​ອອກ ໂດຍ​ແນ­ໃສ່​ສຶກ​ສາ​ອົບ­ຮົມ​ບົມ​ເພາະ​ຈິດ​ສຳ­ນຶກ​ຂອງ​ຊາວ​ເມືອງ-ຊັ້ນ​ຄົນ​ຕ່າງໆ ໃຫ້​ມີ​ສ່ວນ​ຮ່ວມ ແລະ ມີ​ພັນ­ທະ​ປະ­ກອບ­ສ່ວນ ສ້າງ​ເມືອງ​ຂອງ​ຕົນ​ເອງ​ໃຫ້​ເປັນ​ເມືອງ​ໜ້າ​ຢູ່ ມີ​ຄວາມ​ຈະ­ເລີນ​ວັດ­ທະ­ນາ​ຍິ່ງໆ​ຂຶ້ນ ແລະ ຍືນ​ຍົງ​ຕະ­ຫຼອດ​ໄປ ຖ້າ​ເມືອງ​ວຽງ​ຈັນ​ບັນ­ລຸ 6 ສ ຈະ​ເປັນ​ຜົນ​ປະ­ໂຫຍດ​ໃຫຍ່​ຫຼວງ​ໃຫ້​ແກ່​ພວກ​ເຮົາ​ເອງ ນັ້ນ​ແມ່ນ​ການ​ລົງ­ທຶນ​ຍິ່ງ​ເພີ່ມ​ສູງ ແລະ ມີ​ຈັງ­ຫວະ​ໄວ​ຂຶ້ນ ການ­ທ່ອງ­ທ່ຽວ​ຈະ​ກ້າວ​ກະ­ໂດດ ອັນ​ເປັນ​ລາຍ​ໄດ້​ຈ່ອງ​ດຶງ​ເຮັດ​ເສດ­ຖະ­ກິດ​ຈະ­ເລີນ​ເຕີບ​ໂຕ ແກ້​ໄຂ​ວຽກ​ເຮັດ​ງານ​ທຳ ການ​ມີ​ລາຍ​ໄດ້​ຂອງ​ຊາວ​ເມືອງ​ເພີ່ມ​ຂຶ້ນ​ໄວ ສ້າງ​ຄວາມ​ຢູ່​ເຢັນ​ເປັນ​ສຸກ​ໃຫ້​ປະ­ຊາ­ຊົນ​ດີ​ຂຶ້ນ ສຸດ​ທ້າຍ​ກໍ​ເປັນ​ການ​ນຳ​ເອົາ​ນະ­ຄອນ­ຫຼວງ​ວຽງ​ຈັນ ຜ່ານ​ພົ້ນ​ຈາກ​ສະ­ພາ­ວະ​ຄວາມ­ທຸກ​ຍາກ ແລະ ດ້ອຍ​ພັດ­ທະ­ນາ​ໄດ້.</p>

ຂ່າວທີ່ກ່ຽວຂ້ອງ