ຂ່າວຫຼ້າສຸດ

ຮຽນຈົບແລ້ວ ຈະນຳຄວາມຮູ້ໄປສອນຕໍ່ໃຫ້ນັກຮຽນຜູ້ຢູ່ຫ່າງໄກ

1.855 11 ກ.ກ. 2011 ສຶກສາ
ຮຽນຈົບແລ້ວ ຈະນຳຄວາມຮູ້ໄປສອນຕໍ່ໃຫ້ນັກຮຽນຜູ້ຢູ່ຫ່າງໄກ

<p style="text-align: justify;"> ນາງ ລັດ­ສະ­ໝີ ພິມ​ພິ­ລາ ອາ­ຍຸ 20 ປີ ຢູ່​ບ້ານ​ສະ­ພາຍ ເມືອງ​ຊະ­ນະ​ສົມ­ບູນ ແຂວງ​ຈຳ­ປາ​ສັກ ເຊິ່ງ​ເປັນ​ໜຶ່ງ​ໃນ​ຈຳ­ນວນ​ນັກ​ສຶກ​ສາ 984 ຄົນ ທີ່​ໄດ້​ສຳ­ເລັດ​ການ​ສຶກ​ສາ​ລະ­ບົບ​ຊັ້ນ​ສູງ ສາຍ​ພາ­ສາ​ຕ່າງ­ປະ­ເທດ ຂອງ​ວິ­ທະ­ຍາ­ໄລ​ຄູ​ຈຳ­ປາ​ສັກ ສົກ­ຮຽນ 2010-2011 ໄດ້​ສະ­ແດງ​ຄວາມ​ຮູ້­ສຶກ​ຂອງ​ຕົນ ເນື່ອງ​ໃນ​ໂອ­ກາດ​ວັນ​ຮັບ​ໃບ​ປະ­ກາ­ສະ­ນີ­ຍະ­ບັດ ຕໍ່​ນັກ​ຂ່າວ​ພວກ​ເຮົາ​ວ່າ: ນ້ອງ​ຮູ້­ສຶກ​ດີ­ໃຈ ແລະ ພາກ­ພູມ​ໃຈ​ເປັນ​ຢ່າງ​ຍິ່ງ ຕໍ່​ຜົນ­ສຳ­ເລັດ​ອັນ​ຍິ່ງ​ໃຫຍ່​ສຳ­ລັບ​ຕົວ​ນ້ອງ​ເອງ ເຊິ່ງ​ວ່າ​ໄດ້​ລໍ­ຄອຍ​ມາ​ໄດ້ 3 ປີ ແລ້ວ​ຈຶ່ງ​ໄດ້​ຮັບ​ໃບ​ປະ­ກາດ​ນີ້ ພາຍ­ຫຼັງ​ທີ່​ຈົບ​ໄປ​ແລ້ວ ນ້ອງ​ຈະ​ໄປ​ຮັບ​ໃຊ້​ເປັນ​ຄູ​ສອນ ນ້ອງ​ນັກ­ຮຽນ​ຢູ່​ທ້ອງ­ຖິ່ນ​ຂອງ​ນ້ອງ​ສາ­ກ່ອນ ສ່ວນ​ການ​ຮຽນ​ຕໍ່​ແມ່ນ​ແນ່­ນອນ ພາຍ­ຫຼັງ​ໄປ​ເອົາ​ປະ­ສົບ​ການ​ໃນ​ການ​ສອນ​ໄລ­ຍະ​ໜຶ່ງ​ເສຍ​ກ່ອນ ນ້ອງ​ຄິດ​ວ່າ​ຄູ​ສອນ​ແມ່ນ​ອາ­ຊີບ​ທີ່​ດີ ຄູ​ເປັນ​ແມ່­ພິມ​ຂອງ​ຊາດ ອີກ​ຢ່າງ​ໜຶ່ງ​ນ້ອງ​ກໍ​ມັກ​ຮັກ​ອາ­ຊີບ​ນີ້​ຢູ່​ແລ້ວ ດັ່ງ­ນັ້ນ ນ້ອງ​ຈຶ່ງ​ມາ​ຮຽນ​ສາຍ​ພາ­ສາ​ຕ່າງ­ປະ­ເທດ (ພາ­ສາ​ອັງ­ກິດ) ເຫດ­ຜົນ​ທີ່​ນ້ອງ​ເລືອກ​ຮຽນ​ພາ­ສາ​ອັງ­ກິດ ແມ່ນ​ເພື່ອ​ຈະ​ນຳ​ຄວາມ​ຮູ້​ໄປ​ສອນ​ຕໍ່​ນ້ອງໆ​ນັກ­ຮຽນ ໂດຍ​ສະ­ເພາະ ນັກ­ຮຽນ​ຢູ່​ທ້ອງ­ຖິ່ນ ໃຫ້​ມີ​ຄວາມ​ຮູ້ ຄວາມ​ສາ­ມາດ​ສູງ ສາ­ມາດ​ເທົ່າ​ທຽມ​ກັບ​ສາ­ກົນ​ເທື່ອ​ລະ​ກ້າວ ເພາະ­ວ່າ​ນ້ອງ​ເອງ​ກໍ​ເປັນ​ຄົນ​ຫ່າງ​ໄກ​ສອກ­ຫຼີກ ສະ­ນັ້ນ ນ້ອງ​ຈຶ່ງ​ຢາກ​ໄປ​ສອນ​ນ້ອງໆ​ທີ່­ຢູ່​ຫ່າງ​ໄກ​ສອກ­ຫຼີກ​ຄື​ກັນ​ກັບ​ນ້ອງ ຍ້ອນ​ວ່າ​ຜູ້​ທີ່­ຢູ່​ຫ່າງ​ໄກ​ສອກ­ຫຼີກ ຈະ​ບໍ່​ມີ​ໂອ­ກາດ​ໄດ້​ຮຽນ​ສູງໆ​ຄື​ກັນ​ກັບ​ນັກ­ຮຽນ​ຜູ້​ທີ່­ຢູ່​ໃນ​ຕົວ​ເມືອງ ເນື່ອງ​ຈາກ​ຄວາມ­ທຸກ​ຍາກ​ແດ່ ສະ­ນັ້ນ ອັນ​ດັບ​ທຳ​ອິດ​ທີ່​ນ້ອງ​ຕັດ­ສິນ​ໃຈ ກໍ​ຄື​ຈະ​ຕັ້ງ­ໜ້າ​ສິດ­ສອນ​ນ້ອງໆ​ນັກ­ຮຽນ​ທີ່­ຢູ່​ຫ່າງ​ໄກ​ກ່ອນ­ໝູ່ ເພື່ອ​ພັດ­ທະ­ນາ​ຄວາມ​ຮູ້​ດ້ານ​ພາ­ສາ​ອັງ­ກິດ ໃຫ້​ເຂົາ­ເຈົ້າ​ໃຫ້​ສູງ​ຂຶ້ນ​ເລື້ອຍໆ.</p> <p style="text-align: justify;"> <strong>ໂດຍ: ສະ­ບາ​ໄພ</strong></p>

ຂ່າວທີ່ກ່ຽວຂ້ອງ