ສະເໜີໂຄງການກ່ຽວກັບຜົນກະທົບຂອງດິນຟ້າອາກາດ

<p style="text-align: justify;"> ສະ​ຖາ​ບັນ​ຄົ້ນ​ຄ້ວ​າ​ກະ­ສິ­ກຳ-ປ່າ­ໄມ້​ແຫ່ງ​ຊາດ (NAFRI) ໄດ້​ຈັດ​ກອງ​ປະ­ຊຸມ​ຄັ້ງ​ທີ I ຂອງ​ໂຄງ­ການ​ປັບ­ປຸງ​ຄວາມ​ອາດ​ສາ­ມາດ ໃນ​ການ​ປັບ​ຕົວ​ເຂົ້າ​ສູ່​ສະ­ພາບ​ເດີມ​ດ້ານ​ກະ­ສິ­ກຳ ຈາກ​ຜົນ​ກະ­ທົບ​ການ​ປ່ຽນ­ແປງ​ຂອງ​ດິນ​ຟ້າ​ອາ­ກາດ (IRAS/NAPA Fuproject) ເພື່ອ​ເປັນ​ການ​ນຳ​ສະ­ເໜີ​ເປົ້າ​ໝາຍ​ແຜນ​ຍຸດ​ທະ​ສາດ ໂຄງ​ຮ່າງ​ການ­ຈັດ­ຕັ້ງ​ພາ­ລະ​ບົດ­ບາດ ສິດ​ໜ້າ­ທີ່ ຄວາມ​ຮັບ­ຜິດ­ຊອບ ໃນ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ.</p> <p style="text-align: justify;">  </p> <p style="text-align: justify;"> ທ່ານ ສີ​ສະ­ຫວ່າງ ວົງ​ຫາ​ຈັກ ຮອງ​ຫົວ­ໜ້າ​ສູນ​ຄົ້ນ​ຄ້ວ​າ​ກະ­ສິ­ກຳ-ປ່າ­ໄມ້​ແຫ່ງ​ຊາດ ໄດ້​ກ່າວ​ກ່ຽວ​ກັບ​ໂຄງ­ການ​ນີ້​ວ່າ IRAS/NAPA Fuproject ແມ່ນ​ໂຄງ­ການ​ຮ່ວມ​ມື​ລະ­ຫວ່າງ NAFRI ແລະ UNDP ເພື່ອ​ເປັນ​ການ​ປັບ­ປຸງ​ຄວາມ​ສາ­ມາດ​ໃນ​ການ​ປັບ​ຕົວ​ເຂົ້າ​ສູ່​ສະ­ພາບ​ເກົ່າ​ດ້ານ​ກະ­ສິ­ກຳ ຈາກ​ຜົນ​ກະ­ທົບ​ຂອງ​ການ​ປ່ຽນ­ແປງ​ສະ­ພາບ​ອາ­ກາດ​ຢູ່ ສປປ ລາວ ແລະ ໄດ້​ມີ​ໜາກ​ຜົນ​ຄາດ​ຫວັງ​ຫຼັກ ເຊັ່ນ: ແຜນ­ການ​ດຳ­ເນີນ​ງານ​ແຫ່ງ​ຊາດ ໃນ​ການ​ປັບ​ໂຕ​ກັບ​ສະ­ພາບ​ການ​ປ່ຽນ­ແປງ​ຂອງ​ດິນ​ຟ້າ​ອາ­ກາດ ຍຸດ​ທະ​ສາດ​ໃໝ່​ຂອງ ສປປ ລາວ ສຳ­ລັບ​ການ​ປ່ຽນ­ແປງ​ຂອງ​ດິນ​ຟ້າ​ອາ­ກາດ ນັບ​ແຕ່​ວັນ​ທີ 3 ມີ­ນາ ຜ່ານ​ມາ ໄດ້​ມີ​ຍຸດ​ທະ​ສາດ​ສຳ­ລັບ​ການ​ປ່ຽນ­ແປງ​ຂອງ​ດິນ​ຟ້າ​ອາ­ກາດ ຊຶ່ງ​ໄດ້​ສະ­ແດງ​ໃຫ້​ເຫັນ​ເຖິງ​ຄວາມ​ຕັ້ງ­ໃຈ​ຂອງ​ລັດ­ຖະ­ບານ ໃນ​ການ​ແກ້​ໄຂ​ບັນ­ຫາ​ທີ່​ເກີດ​ຈາກ​ດິນ​ຟ້າ​ອາ­ກາດ​ໃນ​ໄລ­ຍະ​ຍາວ ຈັດ​ໃຫ້​ມີ 7 ທາງ​ເລືອກ ໃນ​ການ​ປັບ​ຕົວ​ຢູ່​ໃນ​ຍຸດ​ທະ​ສາດ ສຳ­ລັບ​ການ​ປ່ຽນ­ແປງ​ໃຫຍ່​ຂອງ​ດິນ​ຟ້າ​ອາ­ກາດ​ທີ່​ກ່ຽວ​ກັບ​ກະ­ສິ­ກຳ ແລະ ການ​ຄ້ຳ­ປະ­ກັນ​ດ້ານ​ສະ­ບຽງ​ອາ­ຫານ ຍົກ​ບົດ­ບາດ​ຂອງ​ສະ​ຖາ​ບັນ​ໃນ​ການ​ຄິດ​ຄົ້ນ​ນະ​ວັດ­ຕະ​ກຳ ຄົ້ນ​ຄ້ວ​າ​ນະ​ວັດ­ຕະ​ນະ​ກຳ ແລະ ການ​ຄົ້ນ​ຄ້ວ​າ​ແບບ​ປະ­ຍຸກ (ດັດ​ປັບ) ສຳ­ລັບ​ກະ­ສິ­ກຳ ແລະ ຄວາມ​ສຳ­ຄັນ​ໂຄງ­ການ​ຂອງ​ແຜນ​ງານ​ການ­ຈັດ­ຕັ້ງ​ປະ­ຕິ­ບັດ​ການ​ປົບ​ຕົວ​ແຫ່ງ​ຊາດ ເພື່ອ​ຊ່ວຍ​ເຮັດ​ໃຫ້​ຍຸດ​ທະ​ສາດ​ໃໝ່ ປະ­ກົດ​ຜົນ​ເປັນ​ຈິງ.</p> <p style="text-align: justify;">  </p> <p style="text-align: justify;"> ກອງ​ປະ­ຊຸມ​ຄັ້ງ​ນີ້​ໄດ້​ຈັດ​ຂຶ້ນ​ໃນ​ວັນ​ທີ 8 ກໍ­ລະ­ກົດ 2011 ທີ່​ໂຮງ­ແຮມ​ເສດ​ຖາ​ປລາ​ສ ໂດຍ​ການ​ເປັນ​ປະ­ທານ​ຂອງ​ທ່ານ ສີ​ສະ­ຫວ່າງ ວົງ​ຫາ​ຈັກ ແລະ ທ່ານ​ນາງ ຄຽວ​ໂກະ ໂຢ​ໂກ​ຊຸ​ກະ ຕາງ­ໜ້າ​ອົງ­ການ UNDP ປະ­ຈຳ ສປປ ລາວ ຊຶ່ງ​ມີ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.</p>