ຂ່າວຫຼ້າສຸດ

ມອບລາງວັນກວດສອບເລື່ອງສັ້ນ-ກາບກອນ

2.384 11 ກ.ກ. 2011 ຂ່າວໜ້າ​ໜຶ່ງ
ມອບລາງວັນກວດສອບເລື່ອງສັ້ນ-ກາບກອນ

<p style="text-align: justify;"> ພິ­ທີ​ມອບ-ຮັບ​ລາ­ງວັນ​ການ ກວດ​ສອບ​ບົດ​ເລື່ອງ­ສັ້ນ ກາບ­ກອນ ເພື່ອ​ວັນ​ສະ­ຖາ­ປະ­ນາ ສປປ ລາວ ຄົບ­ຮອບ 35 ປີ (2/12/1975-2/12/2010) ໄດ້​ຈັດ​ຂຶ້ນ​ໃນ​ວັນ​ທີ 8 ກໍ­ລະ­ກົດ 2011 ທີ່​ກະ­ຊວງ​ຖະ­ແຫຼງ​ຂ່າວ ແລະ ວັດ­ທະ­ນະ­ທຳ ໂດຍ​ມີ​ທ່ານ ບົວ​ເງິນ ຊາ​ພູ​ວົງ ລັດ­ຖະ­ມົນ­ຕີ​ຊ່ວຍ​ວ່າ­ການ​ກະ­ຊວງ​ຖະ­ແຫຼງ​ຂ່າວ-ວັດ­ທະ­ນະ­ທຳ ທ່ານ ສີ​ວຽງ​ແຂກ ກອນ​ນີ​ວົງ ຫົວ­ໜ້າ​ກົມ​ພິມ​ຈຳ­ໜ່າຍ ພ້ອມ​ດ້ວຍ​ຄະ­ນະ​ບັນ­ດາ​ຄະ­ນະ​ກຳ­ມະ­ການ ແລະ ນັກ​ປະ­ດິດ​ຄິດ​ແຕ່ງ​ເຂົ້າ​ຮ່ວມ.</p> <p style="text-align: justify;">  </p> <p style="text-align: justify;"> ໂດຍ​ໄດ້​ຮັບ​ການ​ມອບ​ໝາຍ​ຈາກ​ທ່ານ​ລັດ­ຖະ­ມົນ­ຕີ​ວ່າ­ການ​ກະ­ຊວງ​ຖະ­ແຫຼງ​ຂ່າວ-ວັດ­ທະ­ນະ­ທຳ ກົມ​ພິມ​ຈຳ­ໜ່າຍ ໄດ້​ຈັດ​ໃຫ້​ມີ​ບັ້ນ​ກວດ​ສອບ​ບົດ​ເລື່ອງ­ສັ້ນ ກາບ­ກອນ ແຕ່​ວັນ​ທີ 1/9/2010 ປິດ​ຮັບ​ວັນ​ທີ 30/11/2011 ບັ້ນ​ກວດ​ສອບ​ຄັ້ງ​ນີ້ ໄດ້​ມີ​ນັກ​ປະ­ພັນ-ນັກ​ກະ­ວີ​ຈາກ​ຫຼາຍ​ສາ­ຂາ​ອາ­ຊີບ​ໃນ​ທົ່ວ​ປະ­ເທດ ສົ່ງ​ບົດ​ເຂົ້າ​ຮ່ວມ​ກວດ​ສອບ​ທັງ​ໝົດ 88 ບົດ ເລື່ອງ­ສັ້ນ 56 ບົດ ກະ­ວີ​ກາບ­ກອນ 32 ບົດ ເນື້ອ​ໃນ​ບົດ​ສົ່ງ​ເຂົ້າ​ຮ່ວມ ລ້ວນ​ແຕ່​ສ່ອງ​ແສງ​ເຖິງ​ການ​ປົກ​ປັກ​ຮັກ­ສາ ແລະ ສ້າງ­ສາ​ປະ­ເທດ​ຊາດ ຕະ­ຫຼອດ​ໄລ­ຍະ 35 ປີ ຍົກ​ໃຫ້​ເຫັນ​ບົດ­ບາດ​ການ​ນຳ­ພາ​ຂອງ​ພັກ​ປະ­ຊາ­ຊົນ​ປະ­ຕິ­ວັດ​ລາວ ຊຶ່ງ​ສະ­ແດງ​ອອກ​ໃຫ້​ເຫັນ​ດ້ານ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ດີ​ຂຶ້ນ​ເທື່ອ​ລະ​ກ້າວ ປະ­ເທດ​ຊາດ​ຈະ­ເລີນ​ຮຸ່ງ­ເຮືອງ​ຂຶ້ນ​ເລື້ອຍໆ.</p> <p style="text-align: justify;">  </p> <p style="text-align: justify;"> ຜ່ານ​ການ​ຕັດ­ສິນ​ຂອງ​ຄະ­ນະ​ກຳ­ມະ­ການ​ບົດ​ເລື່ອງ­ສັ້ນ <strong>ລາ­ງວັນ​ທີ​ໜຶ່ງ </strong>ໄດ້­ແກ່​ທ່ານ ສົມ​ໃຈ ຈັນ­ທະ​ວົງ ບ້ານ​ຈັນ​ສະ­ຫວ່າງ ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ ເລື່ອງ "ຊີ­ວິດ​ແລກ​ຊີ­ວິດ" <strong>ລາ­ງວັນ​ທີ​ສອງ </strong>ມີ 2 ລາ­ງວັນ ໄດ້­ແກ່​ທ່ານ ບຸນ​ຈັນ ສໍ​ປະ­ເສີດ ນະ­ຄອນ­ຫຼວງ​ວຽງ​ຈັນ ເລື່ອງ "ຊ່ວງ​ເຮືອ​ນ້ຳ​ບາກ" ແລະ ທ່ານ ສົມ​ສັກ ຂັນ​ດາ​ວົງ ນະ­ຄອນ­ຫຼວງ​ວຽງ​ຈັນ ເລື່ອງ "ເພັດ​ໃນ​ຕົມ" <strong>ລາ­ງວັນ​ທີ​ສາມ </strong>ມີ 3 ລາ­ງວັນ ຄື: ນາງ ມິດ​ປະ­ຊາ ສິດ­ທິ​ຮັກ​ປະ­ຊາ ນະ­ຄອນ­ຫຼວງ​ວຽງ​ຈັນ ເລື່ອງ "ຄວາມ​ມືດ​ຂອງ​ແສງ​ອາ­ທິດ" ທ່ານ ລຸຍ ຄຳ​ວົງ­ສາ ແຂວງ​ຄຳ​ມ່ວນ ເລື່ອງ "ຕາມ​ຫາ​ຮັກ" ທ່ານ ບຸນ​ທະ­ວີ ຈຳ​ປາ­ທອງ ນະ­ຄອນ­ຫຼວງ​ວຽງ​ຈັນ ເລື່ອງ "ເຄິ່ງ​ຄ່າ" ນອກ­ຈາກ​ນີ້ ຍັງ​ມີ​ລາ­ງວັນ​ຊົມ­ເຊີຍ​ອີກ 5 ລາ­ງວັນ ຄື ເລື່ອງ "ກາ­ລະ​ຄັ້ງ​ໜຶ່ງ​ແຫ່ງ​ຄວາມ​ຊົງ​ຈຳ" "ແສງ​ຈັນ" "ວັນ​ຄືນ​ທີ່​ສຸກ​ສັນ" "ຄົນ​ລາວ​ແຜ່ນ­ດິນ​ລາວ" ແລະ ເລື່ອງ "ນາງ​ສາວ​ອອງ​ນາຍ".</p> <p style="text-align: justify;">  </p> <p style="text-align: justify;"> ສ່ວນ​ລາ­ງວັນ​ກາບ­ກອນ <strong>ລາ­ງວັນ​ທີ​ໜຶ່ງ </strong>ໄດ້­ແກ່​ທ່ານ​ອາ­ຈານ​ບຸນ​ເຮືອງ ວົງ​ສະ​ຫວັດ ແຂວງ​ຄຳ​ມ່ວນ ເລື່ອງ "ຂ່ຳ­ນັບ​ຮັບ​ຕ້ອນ​ວັນ­ຊາດ​ທີ 2 ທັນ­ວາ ມະ­ຫາ​ໄຊ" <strong>ລາ­ງວັນ​ທີ​ສອງ </strong>ມີ 2 ລາ­ງວັນ ໄດ້­ແກ່ ບຸນ​ທະ­ວີ ຈຳ​ປາ­ທອງ ນະ­ຄອນ­ຫຼວງ​ວຽງ​ຈັນ ເລື່ອງ "ລາວ​ໃໝ່​ໃຕ້​ຮົ່ມ​ໂພ​ຄຳ" ທ່ານ ດາວ​ວຽງ ບຸດ​ນາ​ໂຄ ນະ­ຄອນ­ຫຼວງ​ວຽງ​ຈັນ ເລື່ອງ "ຊົມ​ເມືອງ​ລາວ" <strong>ລາ­ງວັນ​ທີ​ສາມ </strong>ມີ 3 ລາ­ງວັນ ໄດ້­ແກ່​ທ່ານ ລູຍ ຄຳ​ວົງ­ສາ ແຂວງ​ຄຳ​ມ່ວນ ເລື່ອງ "ບາດ­ກ້າວ​ໃໝ່ ນ້ຳ­ໃຈ 2 ທັນ­ວາ ຄົບ­ຮອບ 35 ປີ" ທ່ານ ບົວ​ລຽນ ວົງ​ສີ​ສຸ­ພັນ ເລື່ອງ "ຄືນ​ເຖິດ" ທ່ານ ບຸນ​ທະ­ວີ ບຸນ​ຊູ​ຮັກ ແຂວງ​ໄຊ​ຍະ​ບູ​ລີ ເລື່ອງ "ບ້ານ​ຂ້ອຍ​ພັດ­ທະ­ນາ" ລາ­ງວັນ​ຊົມ­ເຊີຍ​ມີ 5 ລາ­ງວັນ ຄື​ເລື່ອງ "ໃຜ​ວ່າ​ເຈົ້າ​ຕ່ຳ" "35 ປີ​ມີ​ໄຊ" "ພ້ອມ​ກັນ​ເຂົ້າ​ໄປ​ໄຊ­ຊະ­ນະ​ລໍ​ຢູ່" "ຊົມ­ເຊີຍ​ແນວ​ຄິດ 6 ສ" "ປົກ​ປັກ​ຮັກ­ສາ ແລະ ສ້າງ­ສາ​ປະ­ເທດ​ຊາດ" ສຳ­ລັບ​ລາ­ງວັນ​ທີ​ໜຶ່ງ ໄດ້ 2.500.000 ກີບ ພ້ອມ​ໃບ­ຢັ້ງ­ຢືນ ທີ​ສອງ ໄດ້ 2 ລ້ານ​ກີບ ທີ​ສາມ ໄດ້ 1.500.000 ກີບ ລາ­ງວັນ​ຊົມ­ເຊີຍ ລາ­ງວັນ​ລະ 3 ແສນ​ກີບ.</p>

ຂ່າວທີ່ກ່ຽວຂ້ອງ