ຂ່າວຫຼ້າສຸດ

ສ ສະອາດ

2.074 04 ກ.ກ. 2011 ນານາສາລະ

<p style="text-align: justify;"> ເມື່ອ​ເວົ້າ​ເຖິງ 6 ສ ໂດຍ​ສະ­ເພາະ ສ ສະ­ອາດ ນີ້ ມີ​ການ​ຕັ້ງ​ບັນ­ຫາ​ເລື່ອງ ສິ່ງ​ສົກ­ກະ­ປົກ​ທີ່​ປະ­ກົດ​ເຫັນ​ໃນ​ທ້ອງ​ຖະ­ໜົນ​ນີ້ ເບິ່ງ​ແລ້ວ​ຢາກ​ມີ​ການ​ເອື່ອຍ​ອີງ­ໃສ່​ແຕ່​ເບື້ອງ​ການ­ຈັດ­ຕັ້ງ​ຝ່າຍ​ດຽວ ເຊັ່ນ​ວ່າ: ເວ­ລາ​ເກີດ​ອຸ­ປະ­ຕິ­ເຫດ ມັກ​ມີ​ສິ່ງ​ແຕກ​ກະ­ຈາຍ​ທົ່ວ​ຖະ­ໜົນ ສັດ​ຖືກ​ລົດ​ຢຽບ​ຕາຍ ຂີ້​ເຫຍື້ອ​ເຮ່ຍ​ຈາກ​ລົດ​ບັນ­ທຸກ​ຫີນ ດິນ ຊາຍ ເຮ່ຍ​ຈາກ​ລົດ...ບໍ່​ຄ່ອຍ​ໄດ້​ຮັບ​ການ​ເກັບ​ມ້ຽນ​ຢ່າງ​ທ່ວງ​ທັນ ຖືກ​ປ່ອຍ­ປະ​ແກ່­ຍາວ​ແບບ​ເຈົ້າ​ຖິ້ມ​ຂ້ອຍ... ຂ້ອຍ​ຖິ້ມ​ເຈົ້າ ສິ່ງ​ທີ່​ໜ້າ​ເປັນ​ຫ່ວງ​ອີກ ແມ່ນ​ນ້ຳ​ທີ່​ເຮ່ຍ​ຈາກ​ລົດ​ບັນ­ທຸກ​ປາ ທີ່​ແລ່ນ​ຈາກ​ຊານ­ເມືອງ​ເຂົ້າ​ສູ່​ຕະ­ຫຼາດ... ນ້ຳ​ບໍ່​ສະ­ອາດ ເໝັນ​ຄາວ ຜູ້​ແລ່ນ​ຕາມ​ຫຼັງ​ລຳ­ບາກ ໂດຍ​ສະ­ເພາະ​ຄົນ​ຂີ່​ລົດ­ຈັກ ?.</p> <p style="text-align: justify;"> ບັນ­ຫາ​ທີ່​ຕັ້ງ​ຂຶ້ນ​ນີ້ ລອງ​ມາ​ສົນ­ທະ­ນາ​ກັນ​ເບິ່ງ­ດູ​ວ່າ ຈະ​ແກ້​ຢ່າງ­ໃດ ? ໃຜ​ຈະ​ມີ​ສ່ວນ​ຮ່ວມ.</p> <p style="text-align: justify;"> ໃນ​ຖາ­ນະ​ຜູ້​ຮັບ­ຜິດ­ຊອບ​ຄໍ​ລຳ <strong>ແນວ​ລາວ </strong>ເຫັນ​ວ່າ​ຜ່ານ​ມາ ການ­ຈັດ­ຕັ້ງ​ເພິ່ນ​ກໍ​ເລີ່ມ​ລົງ​ໄປ​ປະ​ເມີນ​ຜົນ ການ­ຈັດ­ຕັ້ງ​ປະ­ຕິ­ບັດ 6 ສ ໃນ​ຫຼາຍ​ບ້ານ ແລະ ຫຼາຍ​ເມືອງ​ທົ່ວ​ນະ­ຄອນ­ຫຼວງ​ເຮົາ​ແລ້ວ ! ສະ­ນັ້ນ ຄວນ​ຫັນ​ເຂົ້າ​ສູ່​ມາດ​ຕະ­ການ​ທາງ​ວິ­ໄນ ເປັນ­ຕົ້ນ​ແມ່ນ​ການ​ປັບ­ໄໝ​ໃສ່​ໂທດ ຜູ້​ລະ­ເມີດ ຜູ້​ສ້າງ​ຄວາມ​ເປິ­ເປື້ອນ​ສູ່​ຖະ­ໜົນ​ຫົນ­ທາງ.</p> <p style="text-align: justify;"> ໄປ​ຄຽງ​ຄູ່​ກັບ​ການ​ປັບ­ໄໝ​ໃສ່​ໂທດ ກໍ​ແມ່ນ​ການ​ສຶກ​ສາ​ອົບ­ຮົມ ໂດຍ​ຖື​ເອົາ​ການ­ຈັດ­ຕັ້ງ​ເປັນ​ຫຼັກ ເຊັ່ນ: ສະ­ມາ­ຄົມ​ຂົນ­ສົ່ງ​ລົດ​ບັນ­ທຸກ​ຫີນ ດິນ ຊາຍ ສະ­ມາ­ຄົມ​ຂົນ­ສົ່ງ​ໂດຍ­ສານ​ສອງ​ແຖວ ຕຸກໆ ຈຳ​ໂບ້... ສະ­ມາ­ຄົມ​ລ້ຽງ​ປາ​ກະ­ຊັງ​ເຫຼົ່າ​ນີ້​ເປັນ­ຕົ້ນ ເບື້ອງ​ອົງ­ການ​ປົກ­ຄອງ​ບ້ານ ກໍ​ລະ­ດົມ​ກັນ​ໃຫ້​ມີ​ການ​ອອກ­ແຮງ​ງານ ອະ­ນາ­ໄມ​ທຸກໆ​ວັນ​ເສົາ ກໍ​ຈະ​ເປັນ​ການ​ດີ ! ແຕ່​ອັນ​ສຳ­ຄັນ ໃນ​ທີ່​ນີ້​ແມ່ນ​ການ​ເປັນ​ຫູ​ເປັນ­ຕາ ຊ່ວຍ​ເຈົ້າ​ໜ້າ­ທີ່​ເວ­ລາ​ພົບ​ເຫັນ​ຜູ້​ລະ­ເມີດ​ຕ້ອງ​ຕັກ­ເຕືອນ ແລະ ແຈ້ງ​ໃຫ້​ເຈົ້າ​ໜ້າ­ທີ່​ຮູ້ ເພື່ອ​ຈະ​ໄດ້​ຕິດ­ຕາມ​ລົງ­ໂທດ.</p> <p style="text-align: justify;"> ສະ­ຫຼຸບ​ແລ້ວ ບັນ­ຫາ​ນີ້​ມັນ​ແມ່ນ​ເລື່ອງ​ວິ­ໄນ​ຂອງ​ສັງ­ຄົມ ຫາ​ກວ່າ​ເຮົາ​ບໍ່​ຫັນ​ກຽວ​ວິ­ໄນ​ສັງ­ຄົມ​ເຂົ້າ ຄົນ​ໃນ​ສັງ­ຄົມ​ກໍ​ບໍ່​ເອົາ​ຫົວ​ໃສ່­ໃຈ​ຊາ ເລີຍ​ຕາມ​ເລີຍ​ກໍ​ເປັນ​ເລື່ອງ​ບໍ່​ຈົບ­ງາມ​ນໍ ? ເວົ້າ​ເລື່ອງ​ວິ­ໄນ​ສັງ­ຄົມ​ນີ້ ຝ່າຍ​ປົກ­ຄອງ​ຕ້ອງ​ເປັນ​ເຈົ້າ​ການ ເພາະ​ມີ​ອະ­ພິ­ສິດ​ໃນ​ເລື່ອງ​ລະ­ບຽບ​ການ ໝາ­ຍວ່າ​ສາ­ມາດ​ອອກ​ລະ­ບຽບ​ການ​ຕ່າງໆ ເພື່ອ​ໃຫ້​ສັງ­ຄົມ​ສະ­ຫງົບ​ສຸກ ເພາະ​ປະ­ຊາ­ຊົນ​ມອບ​ໝາຍ​ໃຫ້​ມີ­ໜ້າ​ທີ່​ປົກ­ຄອງ ເງິນ­ເດືອນ​ແມ່ນ​ມາ​ຈາກ​ພາ­ສີ​ອາ­ກອນ​ຂອງ​ປະ­ຊາ­ຊົນ ພໍ່­ຄ້າ​ຊາວ​ຂາຍ.</p> <p style="text-align: justify;"> ຂໍ​ຮຽກ­ຮ້ອງ​ໃຫ້​ທົ່ວ​ສັງ­ຄົມ​ເປັນ​ເຈົ້າ​ການ ຮັກ­ສາ​ຄວາມ​ສະ­ອາດ​ຈົບ­ງາມ​ຊ່ວຍ​ກັນ ເພື່ອ​ສ້າງ​ນະ­ຄອນ­ຫຼວງ​ເຮົາ​ບັນ­ລຸ​ໄດ້ 6 ສ.</p>

ຂ່າວທີ່ກ່ຽວຂ້ອງ