ຂ່າວຫຼ້າສຸດ

ຢ່າແນມກາຍບັນຫາຊາຍ-ຍິງ

2.670 30 ມິ.ນ. 2011 ນານາສາລະ

<p style="text-align: justify;"> ໃນ​ໄລ­ຍະ​ດຳ­ເນີນ​ກອງ​ປະ­ຊຸມ​ຄັ້ງ​ປະ­ຖົມ​ມາ​ລຶກ​ສະ­ພາ​ແຫ່ງ​ຊາດ ຊຸດ​ທີ VII ທີ່​ຫາ​ກໍ​ຜ່ານ​ພົ້ນ​ໄປ​ສົດໆ​ຮ້ອນໆ​ນີ້ ຄະ­ນະ​ຮັບ­ຜິດ­ຊອບ​ໂທລະ­ສັບ​ສາຍ​ດ່ວນ ໄດ້​ຮັບ​ຄຳ​ຄິດ​ຄຳ​ເຫັນ ຄຳ​ຖາມ ແລະ ຂໍ້​ສະ­ເໜີ​ຢ່າງ​ຫຼວງ­ຫຼາຍ ກວມ​ເອົາ​ບັນ­ຫາ​ທີ່​ຕິດ​ພັນ​ກັບ​ວຽກ­ບ້ານ​ການ­ເມືອງ ບັນ­ຫາ​ເສດ­ຖະ­ກິດ ແລະ ສັງ­ຄົມ​ອີກ​ຈຳ­ນວນ​ບໍ່​ໜ້ອຍ ຕິດ​ຫ້ອຍ​ກັບ​ຄວາມ​ຫວັງ​ທີ່​ປະ­ຊາ­ຊົນ​ຝາກ­ຝັງ​ໄວ້​ກັບ ສສຊ ຊຸດ​ນີ້.</p> <p style="text-align: justify;"> ມີ​ບາງ​ບັນ­ຫາ​ໜຶ່ງ​ເຖິງ​ບໍ່​ຫຼວງ­ຫຼາຍ ແຕ່​ຫາກ​ບໍ່​ຄວນ​ແນມ​ກາຍ ເພາະ​ມັນ​ເປັນ​ເລື່ອງ​ທີ່​ກະ­ທົບ​ໃນ​ທາງ​ລົບ​ຕໍ່​ບົດ­ບາດ​ຍິງ-ຊາຍ​ໃນ​ຫຼາຍ​ແງ່​ມຸມ ໂດຍ​ສະ­ເພາະ​ແມ່ນ​ຕໍ່​ກຽດ​ສັກ​ສີ​ສ່ວນ​ຕົວ ແລະ ສ່ວນ​ລວມ​ຂອງ​ແມ່­ຍິງ ເຊິ່ງ​ລັດ​ຖະ​ທຳ​ມະ­ນູນ ແລະ ກົດ­ໝາຍ ໄດ້​ໃຫ້​ສິດ​ສະ­ເໝີ­ພາບ​ເທົ່າ​ທຽມ​ກັນ ພົນ­ລະ­ເມືອງ​ບໍ່​ວ່າ​ຈະ​ເປັນ​ເພດ​ຊາຍ ຫຼື ເພດ​ຍິງ.</p> <p style="text-align: justify;"> ຂໍ້​ສະ­ເໜີ ແລະ ຂໍ້​ຄິດ​ຈາກ​ພາກ­ສ່ວນ <strong>ສຽງ​ຂອງ​ແມ່­ຍິງ </strong>(Women Voice) ທີ່​ສົ່ງ​ເຖິງ​ສະ­ພາ​ແຫ່ງ​ຊາດ​ນັ້ນ ໄດ້​ໃຫ້​ຂໍ້​ສັງ­ເກດ​ວ່າ ການ​ເລື່ອນ​ຕຳ­ແໜ່ງ​ໃນ​ໜ້າ­ທີ່​ວຽກ​ງານ​ນັ້ນ ແມ່­ຍິງ​ຍັງ​ຖືກ​ກົດ​ໜ່ວງ​ຈາກ​ຄວາມ​ບໍ່​ຍຸ­ຕິ​ທຳ​ພາຍ​ໃນ​ຄອບ­ຄົວ ແລະ ຕົກ​ເປັນ​ເຫຍື່ອ​ຂອງ​ການ​ໃຊ້​ຄວາມ​ຮຸນ​ແຮງ ແຕ່​ແມ່­ຍິງ​ຈຳ­ນວນ​ດັ່ງ­ກ່າວ ປາກ​ບໍ່​ໄດ້​ໄອ​ບໍ່​ດັງ ຍ້ອນ​ຄິດ​ເຖິງ​ອະ­ນາ­ຄົດ​ຂອງ​ຕົນ​ເອງ ແລະ ຄອບ­ຄົວ.</p> <p style="text-align: justify;"> ການ​ໃຊ້ <strong>ມື​ອ່ອນ​ເຫ​ຍັ້ນ​ເຫຼົ້າ </strong>ນັ້ນ ຍັງ​ແຜ່​ລະ­ບາດ​ໄປ​ທົ່ວ ຍິງ​ສາວ​ຄົນ​ໃດ​ບໍ່​ຍອມ​ປະ­ຕິ­ບັດ ຕາມ​ປະ­ເພ­ນີ​ທີ່​ເຫັນ­ແກ່​ໂຕ​ນີ້ ກໍ​ຈະ​ຖືກ​ກັ່ນ​ແກ້ງ ແມ່­ຍິງ​ທີ່​ຢຶດ​ໝັ້ນ​ໃນ​ກຽດ​ສັກ​ສີ ທາງ​ດ້ານ​ຈິດ­ໃຈ ແລະ ຮ່າງ­ກາຍ ບໍ່​ຍອມ­ຮັບ​ການ​ລວນ​ລາມ ບໍ່​ຍອມ­ຮັບ​ຟັງ​ການ​ຢອກ​ລໍ້​ເຖິງ​ເລື່ອງ​ສ່ວນ​ຕົວ ມັກ​ຈະ​ຖືກ​ຖື​ວ່າ​ເປັນ​ຄົນ​ກະ­ດ້າງ ບໍ່ <strong>ມະ­ຫາ­ຊົນ </strong>ແມ່­ຍິງ​ເຫຼົ່າ​ນີ້ ມັກ​ຈະ​ລາກ­ທ້າຍ​ໝູ່ ດ້ານ​ຄວາມ​ກ້າວ­ໜ້າ ດີ​ບໍ່​ດີ ອາດ​ຖືກ​ໄລ່​ອອກ​ຈາກ​ການ​ຊ້ຳ.</p> <p style="text-align: justify;"> ພວກ​ຜູ້​ຊາຍ​ປະ­ເພດ​ສວຍ­ໂອ­ກາດ ຊະ­ນິດ <strong>ແມວ​ບໍ່​ຢູ່​ໜູ​ເຕັ້ນ </strong>ນັ້ນ ເວ­ລາ​ໄປ​ເຮັດ​ວຽກ​ນອກ ໂດຍ​ສະ­ເພາະ​ຢູ່​ແຂວງ​ຢູ່​ເມືອງ ກໍ​ມັກ​ຈະ​ມີ​ຜູ້​ກຽມ​ຜູ້​ສາວ​ໄວ້​ລໍ­ຖ້າ ພວກ​ນີ້​ມັກ​ຈະ​ມີ​ຄຳ​ເວົ້າ​ຕິດ​ປາ​ກວ່າ <strong>ຜູ້​ຊາຍ​ຫຼິ້ນ​ບໍ່​ຜິດ</strong>-ເປັນ​ເລື່ອງ​ທຳ​ມະ​ດາ.</p> <p style="text-align: justify;"> ການ​ຮັບ​ສະ­ໝັກ​ພະ­ນັກ­ງານ ກໍ​ມັກ​ມີ​ປະ­ກົດ​ການ​ເລັ່ງ​ໃສ່​ແຕ່​ຍິງ​ສາວ ຜູ້​ທີ່​ມີ​ຮູບ​ຮ່າງ​ໜ້າ​ຕາ​ຈົບ​ເຈືອ ຄວາມ​ຮູ້​ຄວາມ​ຫຼັກ​ເອົາ​ໄວ້​ນຳ​ຫຼັງ ຂໍ​ໃຫ້​ງາມ​ໄວ້​ກ່ອນ ຖ້າ​ບໍ່​ເກັ່ງ​ກໍ​ຊິ​ເຝິກ​ຊິ​ແອບ​ເອົາ ແມ່­ຍິງ​ທີ່​ແຕ່ງ­ງານ​ແລ້ວ ມັກ​ຈະ​ມີ​ບັນ­ຫາ​ເວ­ລາ​ໄປ​ສະ­ໝັກ​ງານ ແມ່­ຍິງ​ທີ່​ມີ​ຄວາມ​ຮູ້​ແຕ່​ຮູບ​ຮ່າງ​ຂີ້­ຮ້າຍ ບໍ່​ຖືກ​ຕາ​ກຳ­ມະ­ການ​ນັ້ນ ບໍ່​ມີ​ໂອ­ກາດ​ໄດ້​ຖືກ​ບັນ­ຈຸ​ໄວ້​ໃນ​ງານ​ລ້ຽງ ຫຼື​ຢູ່​ສະ­ພາ​ບາ​ຢອງ ທີ່​ມີ​ລາຍ­ການ​ກືນ-ແກ້ມ​ນັ້ນ ຜູ້​ຊາຍ​ບາງ​ຄົນ ປະ­ພຶດ​ໂຕ​ບໍ່​ເໝາະ​ສົມ ສວຍ­ໂອ­ກາດ​ຈັບ­ບາຍ ລວນ​ລາມ​ຮ່າງ­ກາຍ​ຍິງ​ສາວ-ນັກ­ຮຽນ​ຍິງ ທີ່​ຖືກ​ເກນ​ມາ​ເຫ​ຍັ້ນ​ເຫຼົ້າ ແລະ ນັ່ງ​ສັບ­ຫວ່າງ​ຜູ້​ຊາຍ ເວ­ລາ​ປ້ອນ​ເຫຼົ້າ ປ້ອນ​ເຄື່ອງ​ແກ້ມ ສາວ​ເສີບ​ໃຊ້​ຖືກ​ບັງ­ຄັບ​ໃຫ້​ໃຊ້​ແຂນ​ເບື້ອງ​ຂັດ​ກັນ ເພື່ອ​ໃຫ້​ໜ້າ​ເອິກ​ຕຳ​ໂຕ​ຜູ້​ຊາຍ ຜູ້​ຊາຍ​ບາງ​ຄົນ​ບໍ່​ມັກ​ເອົາ​ເມຍ​ອອກ​ສັງ­ຄົມ​ນຳ ໂດຍ​ຕິ​ວ່າ​ເມຍ​ບໍ່​ງາມ ບໍ່​ຮູ້​ແຕ່ງ​ໂຕ ຢ້ານ​ເມຍ​ຊິ​ຂ້ຽວ​ເມືອ​ເຮືອນ​ໄວ ແລະ ສຳ­ຄັນ​ແມ່ນ​ຢ້ານ​ບໍ່​ໄດ້​ເສລີ​ຕາມ­ໃຈ​ກັບ​ແສ້ໆ​ສາວໆ.</p> <p style="text-align: justify;"> ປະ­ກົດ​ການ​ທີ່​ເອີ່ຍ​ມາ​ຂ້າງ​ເທິງ​ດຽວ­ນີ້ ໄດ້​ລາມ​ເຂົ້າ​ໄປ​ຮົ້ວ​ຂອງ​ໂຮງ­ຮຽນ ແລະ ສະ​ຖາ​ບັນ​ການ​ສຶກ​ສາ​ບາງ​ແຫ່ງ ຄູ-ອາ­ຈານ ຜູ້​ຊາຍ​ທີ່​ຂາດ​ຈັນ​ຍາ​ບັນ​ຈຳ­ນວນ​ໜຶ່ງ ນິ­ຍົມ​ຊວນ​ຄູ​ສາວ ນັກ­ຮຽນ​ຍິງ ໄປ​ຊຸມ​ເບຍ​ຊຸມ​ເຫຼົ້າ​ຈົນ​ເກີດ​ມີ​ບັນ­ຫາ​ສັງ­ຄົມ​ຕາມ​ມາ.</p> <p style="text-align: justify;"> ຂ້າ­ພະ­ເຈົ້າ​ຜູ້​ຂຽນ​ພະ­ຍາ­ຍາມ​ສະ­ຫຼຸບ​ສັງ​ລວມ ເນື້ອ​ໃນ​ເອ­ກະ­ສານ​ຮ້ອງ​ຂໍ​ຕໍ່​ວ່າ​ນີ້ ໃຫ້​ເໝາະ​ສົມ​ກັບ​ລັກ­ສະ­ນະ​ບົດ​ຄວາມ ເພື່ອ​ໃຫ້​ຜູ້​ອ່ານ​ຮູ້​ເຖິງ​ຄວາມ​ໃນ​ໃຈ​ຂອງ​ແມ່­ຍິງ ທີ່​ປະ­ສົບ​ກັບ​ບັນ­ຫາ​ທີ່​ກ່າວ​ມາ​ຂ້າງ​ເທິງ​ນັ້ນ ແລະ ຮ່ວມ​ກັນ​ແກ້​ໄຂ​ຄົນ​ລະ​ໄມ້​ລະ​ມື ເພາະ​ຄວາມ​ສະ­ເໝີ­ພາບ​ລະ­ຫວ່າງ​ຍິງ-ຊາຍ ໃນ​ກຽດ​ສັກ​ສີ ຮ່າງ­ກາຍ​ຈິດ­ໃຈ ທັງ​ຕໍ່­ໜ້າ​ກົດ­ໝາຍ ຮີດ­ຄອງ​ປະ­ເພ­ນີ ແລະ ວິ­ຖີ​ຊີ­ວິດ​ນັ້ນ ແມ່ນ​ປັດ​ໄຈ​ທີ່​ເປັນ​ພື້ນ­ຖານ​ກ່ວ​າ​ໝູ່ ໃນ​ການ​ພັດ­ທະ­ນາ​ສ້າງ­ສາ​ປະ­ເທດ​ຊາດ ໃຫ້​ຈະ­ເລີນ​ສີ­ວິ­ໄລ​ກ້າວ​ໄກ​ໄປ​ໜ້າ.</p> <p style="text-align: justify;"> <strong>ໂດຍ: ຄົນ​ແດດ​ດຽວ</strong></p>

ຂ່າວທີ່ກ່ຽວຂ້ອງ