ຂ່າວຫຼ້າສຸດ

ເຫດ-ຜົນ ທີ່ຫຼາຍຄົນບໍ່ນິຍົມຮຽນວິຊາຊີບ

2.113 28 ມິ.ນ. 2011 ສຶກສາ
ເຫດ-ຜົນ ທີ່ຫຼາຍຄົນບໍ່ນິຍົມຮຽນວິຊາຊີບ

<p style="text-align: justify;"> ລັດ­ຖະ­ບານ ກໍ​ຄື​ກະ­ຊວງ​ສຶກ​ສາ​ທິ​ການ ໄດ້​ມີ​ນະ­ໂຍ­ບາຍ​ສົ່ງ­ເສີມ​ການ​ຮຽນ​ວິ­ຊາ​ຊີບ​ຈຳ­ນວນ​ໜຶ່ງ ຄື​ການ​ສະ­ໜອງ​ເບ້ຍ­ລ້ຽງ ສຳ­ລັບ​ວິ­ຊາ​ຊີບ​ທີ່​ນັກ­ຮຽນ​ບໍ່​ມັກ​ຮຽນ ແຕ່​ສັງ­ຄົມ​ຕ້ອງ­ການ ການ​ຍົກ­ເວັ້ນ​ຄ່າ​ຮຽນ ການ​ຍົກ­ເວັ້ນ​ການ​ສອບ­ເສັງ ສົ່ງ­ເສີມ​ຜູ້​ດ້ອຍ​ໂອ­ກາດ ແລະ ເຜົ່າ​ສ່ວນ​ນ້ອຍ ທີ່​ມາ​ຈາກ​ເຂດ​ຫ່າງ​ໄກ​ສອກ­ຫຼີກ ຊຶ່ງ​ໃນ​ປີ­ຜ່ານ­ມາ ໄດ້​ຄັດ​ເລືອກ​ເອົາ​ນັກ­ຮຽນ​ເຂົ້າ​ຮຽນ​ດ້ວຍ 2 ວິ­ທີ ຄື​ວິ­ທີ​ການ​ສຳ­ພາດ ແລະ ວິ­ທີ​ສອບ­ເສັງ​ຄັດ​ເລືອກ ຊຶ່ງ​ໃນ​ດ້ານ​ສັງ­ຄົມ ໂດຍ​ລວມ​ແລ້ວ ທົ່ວ​ສັງ­ຄົມ ຕົວ​ເມືອງ ມີ​ກະ­ແສ​ນິ­ຍົມ​ຮຽນ​ໃນ​ລະ­ດັບ​ສູງ ແລະ ວິ­ຊາ​ຊີບ ທີ່​ມີ​ບົດ­ບາດ​ດ້ານ​ການ​ບໍ­ລິ­ຫານ​ທຸ­ລະ​ກິດ ຜູ້​ປົກ­ຄອງ ແລະ ນັກ­ຮຽນ ຍັງ​ບໍ່​ເຫັນ​ຄວາມ​ສຳ­ຄັນ​ຂອງ​ການ​ຮຽນ​ວິ­ຊາ​ຊີບ ລະ­ດັບ​ຕົ້ນ ແລະ ລະ­ດັບ​ກາງ ຂາດ​ຂະ​ບວນ​ການ​ຊຸກ­ຍູ້-ສົ່ງ­ເສີມ ມູນ­ເຊື້ອ​ການ​ອອກ­ແຮງ​ງານ​ດ້ວຍ​ອາ­ຊີບ ທີ່​ເປັນ​ການ​ອອກ­ແຮງ​ງານ​ດ້ວຍ​ຕີນ​ມື ການ​ປະ­ກອບ­ສ່ວນ​ຂອງ​ສັງ­ຄົມ ຕໍ່​ການ​ເຝິກ­ອົບ­ຮົມ​ວິ­ຊາ​ຊີບ​ຍັງ​ມີ​ໜ້ອຍ ແລະ ໃນ​ດ້ານ​ເສດ­ຖະ­ກິດ​ນັ້ນ ການ​ລົງ­ທຶນ ພັດ­ທະ­ນາ​ເສດ­ຖະ­ກິດ-ສັງ­ຄົມ ການ​ເຝິກ​ວິ­ຊາ​ຊີບ​ຍັງ​ບໍ່​ທັນ​ກົມ­ກຽວ​ກັນ ຜູ້​ປະ­ກອບ​ອາ­ຊີບ ຫຼື​ເຈົ້າ​ຂອງ​ໂຮງ​ຈັກ​ໂຮງ­ງານ ບໍ່​ສົນ­ໃຈ​ໃນ​ການ​ເຝິກ­ອົບ­ຮົມ​ວິ­ຊາ​ຊີບ ການ​ພັດ­ທະ­ນາ​ບັນ­ດາ​ຂະ­ແໜງ­ການ ຍັງ​ບໍ່​ທັນ​ຕິດ​ພັນ​ກັບ​ການ​ສ້າງ​ນັກ­ວິ­ຊາ­ການ​ນາຍ​ຊ່າງ ແລະ ກຳ­ມະ­ກອນ ໂຄງ​ສ້າງ​ຂອງ​ເງິນ­ເດືອນ ບໍ່​ທັນ​ເປັນ​ປັດ​ໄຈ​ກະ­ຕຸກ​ຊຸກ­ຍູ້​ການ​ຮຽນ​ວິ­ຊາ​ຊີບ ທັງ​ໝົດ​ທີ່​ກ່າວ​ມາ​ນັ້ນ ເປັນ​ສ່ວນ​ໜຶ່ງ​ຂອງ​ສະ­ພາບ​ລວມ​ໃນ​ການ​ຮຽນ​ວິ­ຊາ​ຊີບ.</p> <p style="text-align: justify;"> ແຕ່​ມາ​ເບິ່ງ​ສາ­ເຫດ​ຕ່າງໆ ທີ່​ພາ­ໃຫ້​ນັກ­ຮຽນ​ບໍ່​ສະ­ໝັກ​ເຂົ້າ​ຮຽນ​ວິ­ຊາ​ຊີບ​ນັ້ນ ສັງ­ຄົມ​ມີ​ຄວາມ​ນິ­ຍົມ ປະ­ກາ­ສະ­ນີ­ຍະ­ບັດ​ລະ­ດັບ​ສູງ​ຂຶ້ນ​ໄປ ນັກ­ຮຽນ​ມີ​ຫຼາຍ​ທາງ​ເລືອກ ເຊັ່ນ ການ​ຈ້າງ​ຮຽນ ທັງ​ສະ​ຖາ​ບັນ​ຂອງ​ລັດ ແລະ ເອ­ກະ​ຊົນ ໃນ​ລະ­ດັບ​ສູງ ຫຼື ປະ­ລິນ­ຍາ​ຕີ ການ​ສະ­ໜອງ​ເບ້ຍ­ລ້ຽງ​ໃຫ້​ນັກ­ຮຽນ​ຍັງ​ຕ່ຳ​ຫຼາຍ ບໍ່​ພຽງ­ພໍ​ຕໍ່​ການ​ດຳ­ລົງ​ຊີ­ວິດ​ໃນ​ຂັ້ນ​ພື້ນ­ຖານ ຢູ່​ຕາມ​ໂຮງ­ຮຽນ​ຕ່າງໆ ຮຽນ​ຈົບ​ແລ້ວ ບາງ​ສາ­ຂາ​ວິ­ຊາ​ບໍ່​ມີ​ບ່ອນ​ເຮັດ​ວຽກ ການ​ໂຄ­ສະ­ນາ​ຄວາມ​ສຳ­ຄັນ​ຂອງ​ການ​ຮຽນ​ວິ­ຊາ​ຊີບ ແລະ ການ​ເຜີຍ­ແຜ່​ຜົນ­ສຳ­ເລັດ​ຂອງ​ຜູ້​ຮຽນ​ວິ­ຊາ​ຊີບ ຍັງ​ບໍ່​ກ້ວ​າງ​ຂວາງ ພໍ່​ແມ່ ຫຼື​ຜູ້​ປົກ­ຄອງ ສ່ວນ​ຫຼາຍ​ຢາກ​ໃຫ້​ລູກ​ຮຽນ​ໃນ​ລະ­ດັບ​ສູງ ການ​ຂະ­ຫຍາຍ­ຕົວ​ຢ່າງ​ໄວ­ວາ​ຂອງ​ການ​ສຶກ​ສາ​ຊັ້ນ​ສູງ ບາງ​ວິ­ຊາ​ຊີບ​ຂອງ​ພາກ​ເອ­ກະ​ຊົນ ກໍ​ມີ​ສ່ວນ​ກະ­ທົບ​ຕໍ່​ການ​ສ້າງ​ນາຍ​ຊ່າງ ກຳ­ມະ­ກອນ​ທີ່​ມີ​ສີ­ມື ການ​ລົງ­ທຶນ​ໃສ່​ການ​ສ້າງ​ພື້ນ­ຖານ​ໂຄງ​ລ່າງ ສື່​ການ​ຮຽນ-ການ​ສອນ ແລະ ອຸ­ປະ­ກອນ ເຕັກ­ນິກ​ທັນ​ສະ­ໄໝ ສຳ­ລັບ​ການ​ສຶກ​ສາ​ວິ­ຊາ​ຊີບ ໃນ​ລະ­ດັບ​ຊ່າງ​ຊຳ­ນານ​ງານ ແລະ ຊ່າງ​ເຕັກ­ນິກ​ຍັງ​ຕ່ຳ ແລະ ຂະ­ແໜງ­ການ​ສຶກ​ສາ ແລະ ອຳ­ນາດ​ການ​ປົກ­ຄອງ​ທ້ອງ­ຖິ່ນ ສ່ວນ​ຫຼາຍ​ຍັງ​ບໍ່​ທັນ​ເອົາ­ໃຈ­ໃສ່​ໃນ​ການ​ພັດ­ທະ­ນາ ແລະ ສົ່ງ­ເສີມ​ການ​ຮຽນ​ວິ­ຊາ​ຊີບ​ລະ­ດັບ​ຕົ້ນ ແລະ ກາງ​ເທົ່າ​ທີ​ຄວນ.</p> <p style="text-align: justify;"> ເພື່ອ​ກໍ່­ສ້າງ​ກຳ­ລັງ​ແຮງ ໃຫ້​ສາ­ມາດ​ຕອບ​ສະ­ໜອງ​ການ​ພັດ­ທະ­ນາ ເສດ­ຖະ­ກິດ-ສັງ­ຄົມ​ຂອງ​ຊາດ​ໃນ​ໄລ­ຍະ​ຍາວ ໂດຍ​ສະ­ເພາະ​ແມ່ນ​ນະ­ໂຍ­ບາຍ​ຂອງ​ພັກ ແລະ ລັດ­ຖະ­ບານ ກ່ຽວ​ກັບ​ການ​ຫັນ​ເປັນ​ອຸດ­ສາ­ຫະ­ກຳ ແລະ ທັນ​ສະ­ໄໝ​ນັ້ນ ດ້ານ​ອາ­ຊີ­ວະ​ສຶກ​ສາ ແລະ ເຝິກ­ອົບ­ຮົມ ຄວນ​ມີ​ວິ­ທີ​ການ ມາດ​ຕະ­ການ ເພື່ອ​ປັບ­ປຸງ​ບາງ​ດ້ານ​ເຊັ່ນ ປັບ­ປຸງ​ນະ­ໂຍ­ບາຍ ແລະ ວິ­ທີ​ການ​ຄັດ​ເລືອກ​ນັກ­ຮຽນ ເຂົ້າ​ຮຽນ​ໃນ​ສາຍ​ອາ­ຊີ­ວະ​ສຶກ​ສາ ໃຫ້​ມີ​ລັກ­ສະ­ນະ​ສົ່ງ­ເສີມ​ຢ່າງ​ຕັ້ງ­ໜ້າ ທົບ​ທວນ​ປັບ­ປຸງ​ຫຼັກ­ສູດ​ອາ­ຊີ­ວະ​ສຶກ​ສາ ໃຫ້​ສອດ­ຄ່ອງ​ກັບ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຕ່​ລະ​ໄລ­ຍະ ລັດ​ຕ້ອງ​ລົງ­ທຶນ​ເພີ່ມ​ເຂົ້າ​ໃນ​ການ​ກໍ່­ສ້າງ​ພື້ນ­ຖານ​ໂຄງ​ລ່າງ ແລະ ການ​ສະ­ໜອງ​ອຸ­ປະ­ກອນ​ເຕັກ­ນິກ ໃຫ້​ແກ່​ສະ​ຖາ​ບັນ​ອາ­ຊີ­ວະ​ສຶກ​ສາ​ແຫ່ງ​ຕ່າງໆ ໃຫ້​ໄດ້​ມາດ­ຖານ ແລະ ໃກ້​ຄຽງ​ພາກ​ພື້ນ ແລະ ສາ­ກົນ ຊຸກ­ຍູ້​ໃຫ້​ພາກ​ທຸ­ລະ​ກິດ​ຂອງ​ລັດ ແລະ ເອ­ກະ​ຊົນ ມີ​ສ່ວນ​ຮ່ວມ​ເຂົ້າ​ໃນ​ການ​ພັດ­ທະ­ນາ​ອາ­ຊີ­ວະ​ສຶກ​ສາ ລັດ​ຄວນ​ມີ​ມາດ​ຕະ­ການ​ຕໍ່​ຜູ້​ໃຊ້​ແຮງ​ງານ​ປະ­ເພດ​ຕ່າງໆ ເພື່ອ​ສົ່ງ­ເສີມ​ຄຸນ​ນະ​ພາບ ແລະ ນຳ​ໃຊ້​ແຮງ​ງານ​ລາວ ເພີ່ມ​ທະ­ວີ​ການ​ປັບ­ປຸງ​ຄຸນ​ນະ​ພາບ​ການ​ຮຽນ-ການ​ສອນ ຢູ່​ສະ​ຖາ​ບັນ​ອາ­ຊີ­ວະ​ສຶກ​ສາ​ໃຫ້​ສູງ​ຂຶ້ນ ກໍ່­ສ້າງ​ນາຍ​ຊ່າງ​ກຳ­ມະ­ກອນ ໃຫ້​ຖືກ​ຕາມ​ຄວາມ​ຕ້ອງ­ການ​ຂອງ​ຜູ້​ໃຊ້​ແຮງ​ງານ ແລະ ໂຄ­ສະ­ນາ​ເຜີຍ­ແຜ່ ແນະ­ນຳ​ຄວາມ​ສຳ­ຄັນ​ຂອງ​ການ​ສຶກ​ສາ ດ້ານ​ອາ­ຊີ­ວະ​ສຶກ​ສາ​ໃຫ້​ທົ່ວ​ສັງ­ຄົມ ກໍ​ຄື​ພໍ່​ແມ່​ຜູ້​ປົກ­ຄອງ​ໄດ້​ເຂົ້າ­ໃຈ​ຢ່າງ​ເລິກ­ເຊິ່ງ ແລະ ກ້ວ​າງ​ຂວາງ ຂໍ້​ມູນ​ຂ້າງ​ເທິງ​ນັ້ນ ແມ່ນ​ຮຽບ​ຮຽງ​ຈາກ ເອ­ກະ­ສານ​ສົ່ງ­ເສີມ​ນັກ­ຮຽນ​ເຂົ້າ​ຮຽນ​ວິ­ຊາ​ຊີບ.</p>

ຂ່າວທີ່ກ່ຽວຂ້ອງ