ຂ່າວຫຼ້າສຸດ

ພາສາ ແລະ ໂຄສົກ

2.607 28 ມິ.ນ. 2011 ນານາສາລະ

<p style="text-align: justify;"> ຕາມ​ຄວາມ​ເປັນ​ຈິງ​ແລ້ວ ໂຄ­ສົກ​ນັກ​ຈັດ​ລາຍ­ການ ພິ­ທີ​ກອນ ແມ່ນ​ຈະ​ຕ້ອງ​ເປັນ​ຜູ້​ມີ​ຄວາມ​ຊຳ­ນິ​ຊຳ­ນານ​ພໍ​ສົມ­ຄວນ ໃນ​ການ​ໃຊ້​ພາ­ສາ ໂດຍ​ສະ­ເພາະ​ການ​ໃຊ້​ພາ­ສາ​ລາວ ເນື່ອງ​ຈາ​ກວ່າ​ທຸກ​ຖ້ອຍ​ຄຳ​ທີ່​ໃຊ້ ຫຼື​ເວົ້າ​ອອກ​ໄປ ຜູ້​ຟັງ ຜູ້​ເບິ່ງ​ຈະ​ຕີ​ລາ­ຄາ​ວ່າ​ຖືກ­ຕ້ອງ ເປັນ​ຕົວ​ແບບ ແມ່​ແບບ​ໂລດ ຫຼື​ບາງ­ທີ​ກໍ​ນຳ​ເອົາ​ໄປ​ໃຊ້​ເລີຍ ການ​ທີ່​ເປັນ​ດັ່ງ­ນັ້ນ ຍ້ອນ​ມະ­ຫາ­ຊົນ​ຖື​ວ່າ ເປັນ​ບຸກ­ຄົນ​ມະ­ຫາ­ຊົນ ບຸກ­ຄົນ​ທີ່​ນ້າ​ນັບ­ຖື ຊຶ່ງ​ການ­ຈັດ­ຕັ້ງ ຫຼື​ຂະ­ແໜງ­ການ​ວິ­ຊາ​ຊີບ ໄດ້​ຄັດ​ຈ້ອນ​ເລືອກ­ເຟັ້ນ​ມາ​ເປັນ​ຢ່າງ​ດີ​ແລ້ວ.</p> <p style="text-align: justify;"> ແຕ່​ໃນ​ການ­ຈັດ­ຕັ້ງ​ປະ­ຕິ­ບັດ​ຕົວ​ຈິງ​ນັ້ນ ຊ້ຳ­ພັດ​ວ່າ​ມີ​ຜູ້​ເຮັດ​ໄດ້​ດີ​ເປັນ​ແບບ­ຢ່າງ​ແທ້ ແລະ ກໍ​ຍັງ​ມີ​ຜູ້​ປະ­ຕິ­ບັດ​ບໍ່​ທັນ​ຄັກ ນອກ­ຈາກ​ບໍ່​ຄັກ​ແລ້ວ ຍັງ​ຮຽນ​ແບບ​ຜູ້​ອື່ນ ພາ­ສາ​ອື່ນ​ທີ່​ບໍ່​ແມ່ນ​ລາວ​ແທ້ ຊຶ່ງ​ນັບ​ວ່າ​ເປັນ​ໜ້າ​ຕົກ­ໃຈ​ບໍ່​ໜ້ອຍ ຍ້ອນ​ແນວ​ນັ້ນ ຜູ້​ຟັງ ຜູ້​ຊົມ ຈຶ່ງ​ຈຳ­ເປັນ​ຕ້ອງ​ມີ​ຄຳ​ເຫັນ​ຜ່ານ​ສື່ ເພື່ອ​ແລກ­ປ່ຽນ​ບົດ­ຮຽນ​ນຳ​ກັນ ໃນ​ການ​ໃຊ້​ພາ­ສາ​ຂອງ​ໂຄ­ສົກ.</p> <p style="text-align: justify;"> ເພື່ອນ​ຜູ້​ອ່ານ​ສົ່ງ​ຂ່າວ​ມາ​ວ່າ ສົນ­ໃຈ​ການ​ໃຊ້​ບາງ​ຄຳ​ສັບ​ທີ່​ຍັງ​ສັບ­ສົນ​ຢູ່ ແລະ ບໍ່​ສາ­ມາດ​ຮັບ​ໄດ້ ຍົກ​ຕົວ­ຢ່າງ: ເປັນ​ອັນ­ວ່າ ດຽວ­ນີ້​ເວົ້າ​ເປັນ ວ່າ​ໝົດ​ນັກ​ຈັດ​ລາຍ­ການ​ວິ­ທະ­ຍຸ​ເອ​ຟ​ເອັມ​ບາງ​ສະ­ຖາ­ນີ ໂທລະ­ພາບ​ບາງ​ຊ່ອງ ໂຄ­ສົກ​ເວ­ທີ​ຕ່າງໆ ທີ່​ນຳ​ໃຊ້​ຊາວ​ໜຸ່ມ​ນັ້ນ​ແທນ ຈະ​ຮູ້​ດີ​ເພາະ​ເປັນ​ຄົນ​ຮຸ່ນ​ໃໝ່ ກັບ​ເປັນ​ຜູ້​ສ້າງ​ບັນ­ຫາ​ທາງ​ພາ­ສາ​ຊ້ຳ ເຊັ່ນ: ໄດ້​ຮັບ ແອ​ສ​ແອມ​ແອ​ສ ທີ່​ວ່າ ສົ່ງ​ເຂົ້າ​ມາ​ຫາ​ລາຍ­ການ​ທີ່​ວ່າ ຢາກ​ຂໍ​ຟັງ​ເພງ​ທີ່​ວ່າ.. ທີ່​ວ່າ​ຢາກ​ຟັງ​ຮ່ວມ​ກັບ.. ທີ່​ວ່າ​ກຳ­ລັງ ມີ​ແຕ່​ທີ່​ວ່າ​ກັບ​ທີ່​ວ່າ​ຕະ­ຫຼອດ​ລາຍ­ການ ຄວາມ​ຈິງ​ສິ່ງ​ນີ້​ບໍ່​ແມ່ນ​ຮຽນ​ແບບ​ຕ່າງ­ປະ­ເທດ​ດອກ ຕ່າງ­ປະ­ເທດ​ກໍ​ບໍ່​ເວົ້າ​ແບບ​ນີ້ ຜູ້​ເວົ້າ​ແບບ​ນີ້​ແມ່ນ​ບໍ່​ມີ​ຄວາມ​ຮູ້​ໃນ​ການ​ໃຊ້​ພາ­ສາ​ຈັດ​ລາຍ­ການ ຄື​ບໍ່​ເກັ່ງ​ພາ­ສາ​ລາວ ຄວນ​ເອົາ​ໄປ​ຮຽນ​ໄປ​ອ່ານ​ພາ­ສາ​ລາວ​ໃຫ້​ຫຼາຍ ໃນ​ການ​ສົນ­ທະ­ນາ​ແທ້ໆ ຍາມ​ບໍ່​ເປັນ​ຄົນ​ຈັດ​ລາຍ­ການ ຊ້ຳ­ພັດ​ບໍ່​ມີ​ການ​ເວົ້າ​ພໍ​ດີ້ ສະ­ແດງ​ວ່າ​ເວ­ລາ​ເວົ້າ​ແລ້ວ​ຄິດ​ຫຍັງ​ບໍ່​ອອກ ເນື້ອ​ໃນ​ເລື່ອງ​ຈະ​ເວົ້າ​ກໍ​ກຳ​ບໍ່​ໄດ້ ດັ່ງ­ນັ້ນ ການ​ຕໍ່​ປະ­ໂຫຍກ​ເລີຍ​ເອີ່ຍ​ບໍ່​ໄດ້ ຈຶ່ງ​ເອົາ​ທີ່​ວ່າ​ມາ​ໃຊ້​ພາ­ສາ​ຂຽນ <strong>ທີ່​ວ່າ </strong>ກ່າວ​ມາ​ນີ້​ບໍ່​ມີ​ນອກ­ຈາກ ທີ່​ວ່າ​ການ­ເມືອງ ທີ່​ວ່າ­ການ​ແຂວງ ຫຼື​ບ່ອນ​ເຮັດ​ວຽກ​ລະ­ດັບ​ນັ້ນໆ ແຕ່​ປັດ­ຈຸ­ບັນ​ເພິ່ນ​ກໍ​ບໍ່​ໃຊ້​ອີກ ໂດຍ​ຫັນ​ໄປ​ໃຊ້​ຫ້ອງ­ການ ຫ້ອງ​ວ່າ­ການ​ແທນ ຄວາມ​ຈິງ​ທີ່​ວ່າ ຊຶ່ງ​ໃຊ້​ກັນ​ມາ​ນັ້ນ ຕາມ​ການ​ສັນ­ນິ­ຖານ​ແມ່ນ​ຄຳ​ຕໍ່​ປະ­ໂຫຍກ ຄຳ​ວ່າ: <strong>ຊຶ່ງ </strong>ນັ້ນ​ເອງ ລອງ​ເອົາ​ຊຶ່ງ ຫຼື ເຊິ່ງ​ແທນ​ເຂົ້າ​ໄປ​ທີ່​ວ່າ​ກໍ​ຈະ​ບໍ່​ມີ ແຕ່​ຖ້າ​ໃຊ້​ເລື້ອຍໆ​ຈະ​ເຮັດ​ໃຫ້​ເສຍ​ລົດ​ຊາດ​ພາ­ສາ​ເຊັ່ນ​ກັນ.</p> <p style="text-align: justify;"> ນອກ­ຈາກ​ນີ້ ກໍ​ຍັງ​ມີ​ຫຼາຍໆ​ຄຳ​ທີ່​ເປັນ​ພາ­ສາ​ຊອດ​ກະ­ຈາ ບາງ­ເທື່ອ​ຢືມ​ພາ­ສາ​ອື່ນ​ແຕ່ງ​ມາ​ໃຊ້​ລ້ວນໆ ຊຶ່ງ​ບໍ່​ເໝາະ​ເລີຍ ການ​ແກ້​ໄຂ​ເລື່ອງ​ນີ້​ມີ​ທາງ​ອອກ​ຄື ຕ້ອງ​ມີ​ການ­ຈັດ­ຕັ້ງ​ແນະ­ນຳ ສ້າງ​ວຽກ​ນີ້​ໃຫ້​ເປັນ​ວິ­ຊາ​ຊີບ​ທີ່​ໜ້າ​ນັບ­ຖື ສຳ­ນຽງ​ສຽງ​ເວົ້າ ຈະ​ເປັນ​ຄົນ​ໃຕ້ ຄົນ​ເໜືອ ເຜົ່າ​ບໍ່​ສຳ­ຄັນ ຂໍ​ພຽງ​ແຕ່​ໃຊ້​ພາ­ສາ​ຖືກ ສື່​ຄວາມ​ໝາຍ​ຄົບ​ຖ້ວນ​ໄດ້ ກໍ​ໃຊ້​ໄດ້ ຄຽງ​ຄູ່​ກັນ​ນັ້ນ ກໍ​ຕ້ອງ​ອ່ານ​ພາ­ສາ​ລາວ​ຫຼາຍໆ ສ້າງ​ຄັງ​ສາງ​ຄຳ​ສັບ​ຢູ່​ສະ­ໝອງ​ໃຫ້​ຫຼາຍ ຫຼຸດ­ຜ່ອນ​ການ​ຟັງ​ສື່​ອື່ນ ຖ້າ​ເຫັນ​ວ່າ​ຕົນ​ເອງ​ອ່ອນ­ແອ​ທາງ​ພາ­ສາ ບໍ່​ດັ່ງ­ນັ້ນ ເວ­ລາ​ໃຊ້​ຈະ​ມີ​ບັນ­ຫາ​ຕາມ​ມາ​ແລ.</p> <p style="text-align: justify;"> <strong>ໂດຍ: ນະ​ບ່າວ</strong></p>

ຂ່າວທີ່ກ່ຽວຂ້ອງ