ວິທະຍາໄລປາກເຊ ເລັ່ງສ້າງຄູເພື່ອພັດທະນາການສຶກສາ

2.335 23 ມິ.ນ. 2011 ສຶກສາ

<p style="text-align: justify;"> ເຖິງ​ແມ່ນ​ວ່າ​ສະ­ພາບ​ການ​ສິດ­ສອນ​ຂອງ​ຄູ​ໃນ​ໄລ­ຍະ​ຜ່ານ​ມາ ອາດ​ບໍ່​ໄດ້​ຮັບ​ຄຸນ​ນະ​ພາບ​ເທົ່າ​ທີ່​ຄວນ ຊິ່ງ​ສະ­ແດງ​ອອກ​ໃນ​ການ​ຄັດ​ເອົາ​ນັກ​ສຶກ​ສາ ໃນ​ພາກ​ວິ­ຊາ​ຄູ ຍັງ​ບໍ່​ຖືກ​ກັບ​ລັກ­ສະ­ນະ​ການ​ເຮັດ​ວຽກ​ຂອງ​ຄູ ໃນ​ໂຮງ­ຮຽນ​ບາງ​ແຫ່ງ​ຍັງ​ບໍ່​ສອດ­ຄ່ອງ ກັບ​ວິ­ຊາ​ສະ­ເພາະ​ທີ່​ຮຽນ​ມາ ເຊັ່ນ: ເອົາ​ຄູ​ໄປ​ເຝົ້າ​ຫ້ອງ​ສະ­ໝຸດ​ບໍ່​ໄດ້​ຂຶ້ນ​ສອນ ຊຶ່ງ​ບັນ­ຫາ​ດັ່ງ­ກ່າວ ໄດ້​ສ້າງ​ເງື່ອນ­ໄຂ​ໃນ​ທາງ​ລົບ ຕໍ່​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ຕໍ່​ກັບ​ບັນ­ຫາ​ນີ້ ອາດ​ຈະ​ພົວ­ພັນ​ໄປ​ເຖິງ​ສະ​ຖາ​ບັນ​ສ້າງ​ຄູ​ຫຼາຍ​ແຫ່ງ ທີ່​ຕ້ອງ​ໄດ້​ເອົາ­ໃຈ­ໃສ່​ໃນ​ການ​ຄັດ​ເລືອກ​ເອົາ​ນັກ​ສຶກ​ສາ­ຄູ ໃຫ້​ຖືກ­ຕ້ອງ​ຕາມ​ມາດ­ຖານ ແລະ ເງື່ອນ­ໄຂ ເພື່ອ​ສ້າງ​ບຸກ​ຄະ­ລາ​ກອນ ສະ­ໜອງ​ເຂົ້າ​ໃນ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ​ໃນ ສປປ ລາວ ເພື່ອ​ໃຫ້​ສອດ­ຄ່ອງ​ກັບ​ຍຸດ​ທະ​ສາດ ພັດ­ທະ­ນາ​ການ​ສຶກ​ສາ​ຂອງ​ລັດ­ຖະ­ບານ.</p> <p style="text-align: justify;"> ວິ­ທະ­ຍາ­ໄລ​ຄູ​ປາກ​ເຊ ແຂວງ​ຈຳ­ປາ​ສັກ ເປັນ​ໜຶ່ງ​ໃນ​ຈຳ­ນວນ​ຫຼາຍ​ສະ​ຖາ​ບັນ​ສ້າງ​ຄູ​ໃນ ສປປ ລາວ ທີ່​ໄດ້​ສະ­ໜອງ​ບຸກ​ຄະ­ລາ​ກອນ (ຄູ) ອອກ​ຮັບ​ໃຊ້​ຂະ­ແໜງ­ການ​ສຶກ​ສາ ຊຶ່ງ​ຜູ້­ອຳ­ນວຍ­ການ ວິ­ທະ­ຍາ­ໄລ​ຄູ​ປາກ​ເຊ ທ່ານ ຄຳ​ພຽນ ເນກ​ຈອນ ໄດ້​ໃຫ້​ສຳ­ພາດ​ວ່າ: ວິ­ທະ­ຍາ­ໄລ​ສ້າງ​ຄູ​ປາກ​ເຊ ເປັນ​ຫົວ­ໜ່ວຍ​ໜຶ່ງ ທີ່​ເອົາ­ໃຈ­ໃສ່​ໃນ​ການ­ຈັດ­ຕັ້ງ​ປະ­ຕິ­ບັດ ແຜນ​ພັດ­ທະ­ນາ​ການ​ສຶກ​ສາ ໂດຍ​ສະ­ເພາະ​ແມ່ນ​ການ​ສ້າງ​ຄູ ຊຶ່ງ​ວິ­ທະ­ຍາ­ໄລ​ພວກ​ເຮົາ ແມ່ນ​ມີ­ໜ້າ​ທີ່​ໃນ​ການ​ສ້າງ​ຄູ ສະ­ໜອງ​ໃນ 4 ແຂວງ​ພາກ​ໃຕ້​ເປັນ​ຈຸດ​ໜັກ ການ​ສ້າງ​ຄູ​ແມ່ນ​ໄດ້​ມີ​ຫຼາຍ​ລະ­ບົບ ເຊັ່ນ: ຄູ​ອະ­ນຸ­ບານ ປະ­ຖົມ ລະ­ບົບ 11+2 ຊັ້ນ​ກາງ ນອກ​ນັ້ນ​ຍັງ​ມີ​ຄູ​ລະ­ດັບ​ຊັ້ນ​ສູງ ສາຍ​ທຳ​ມະ​ຊາດ​ສັງ­ຄົມ ຄະ­ນິດ­ສາດ ພາ­ສາ​ຕ່າງ­ປະ­ເທດ ປະ­ກອບ​ມີ​ພາ­ສາ​ຝຣັ່ງ ອັງ­ກິດ ແລະ ຍັງ​ມີ​ສາຍ​ປະ­ລິນ­ຍາ​ຕີ ສຳ­ລັບ​ຄູ​ມັດ­ທະ­ຍົມ​ຕອນ​ຕົ້ນ ເຊັ່ນ: ຄະ­ນິດ­ສາດ ວິ­ທະ­ຍາ­ສາດ ວິ­ທະ­ຍາ­ສາດ​ສັງ­ຄົມ ແລະ ພາ­ສາ​ອັງ­ກິດ ເພື່ອ​ຮອງ​ຮັບ​ໃຫ້​ແກ່​ຄູ​ມັດ­ທະ­ຍົມ​ຕອນ​ຕົ້ນ ສຳ­ລັບ​ສົກ­ຮຽນ​ຜ່ານ​ມາ​ແມ່ນ​ມີ​ຄວາມ​ສະ­ດວກ ເຊັ່ນ: ອາ­ຄານ​ສະ­ຖານ­ທີ່ ບຸກ​ຄະ­ລາ​ກອນ​ຄູ​ທີ່​ມີ​ປະ­ສົບ​ການ ແຕ່​ໃນ​ເບື້ອງ​ຂໍ້​ຫຍຸ້ງ­ຍາກ​ແມ່ນ​ຂາດ­ເຂີນ​ອຸ­ປະ­ກອນ ໂດຍ​ສະ­ເພາະ​ແມ່ນ​ອຸ­ປະ­ກອນ​ໃນ​ພາກ​ປະ­ຕິ­ບັດ​ຕົວ​ຈິງ ແມ່ນ​ຍັງ​ພົບ​ກັບ​ຄວາມ​ຫຍຸ້ງ­ຍາກ​ຫຼາຍ ແຕ່​ທາງ​ວິ­ທະ­ຍາ­ໄລ​ຂອງ​ພວກ​ເຮົາ ກໍ​ໄດ້​ພະ­ຍາ­ຍາມ​ຍາດ​ແຍ່ງ​ທຶນ­ຮອນ ເຂົ້າ​ໃນ​ການ​ພັດ­ທະ­ນາ​ຂອງ​ສະ​ຖາ​ບັນ.</p> <p style="text-align: justify;"> ຖ້າ​ອີງ​ຕາມ​ຈຳ­ນວນ​ຄູ​ຕົວ​ຈິງ​ໃນ 4 ແຂວງ​ພາກ​ໃຕ້​ແມ່ນ​ຍັງ​ບໍ່​ທັນ​ພຽງ­ພໍ ຊຶ່ງ​ຄວາມ​ຕ້ອງ­ການ​ຄູ​ໃນ​ແຕ່​ລະ​ປີ​ປະ­ມານ 400-500 ຄົນ​ຕໍ່​ແຂວງ ດັ່ງ­ນັ້ນ ການ​ສອບ­ເສັງ​ເອົາ​ນັກ​ສຶກ​ສາ­ຄູ​ປີ​ນີ້ ແມ່ນ​ຈະ​ເນັ້ນ​ໃສ່​ສາຍ​ຄູ​ລະ­ດັບ​ຊັ້ນ​ສູງ ເຊັ່ນ: ຄູ​ອະ­ນຸ­ບານ ປະ­ຖົມ ມັດ­ທະ­ຍົມ​ຕົ້ນ ແລະ ມັດ­ທະ­ຍົມ​ປາຍ​ຕື່ມ ຊຶ່ງ​ໃນ​ແຕ່​ລະ​ປີ ມີ​ນັກ​ສຶກ​ສາ​ມາ​ສອບ­ເສັງ​ເພື່ອ​ເຂົ້າ​ຮຽນ ບໍ່​ຕ່ຳ​ກ່ວ​າ 3.000 ຄົນ ສຳ­ລັບ​ປີ​ນີ້ ຈະ​ມີ​ນັກ​ສຶກ​ສາ​ມາ​ສອບ­ເສັງ​ເຂົ້າ​ບໍ່​ຕ່ຳ​ກ່ວ​າ 4.000-5.000 ຄົນ ດັ່ງ­ນັ້ນ ທາງ​ວິ­ທະ­ຍາ­ໄລ​ຄູ ຈະ​ໄດ້​ເລັ່ງ​ໃສ່​ການ​ສ້າງ​ຄູ ໄປ​ຕາມ​ນະ­ໂຍ­ບາຍ​ຂອງ​ກະ­ຊວງ​ສຶກ​ສາ​ທິ​ການ​ໄດ້​ວາງ​ໄວ້ ເຊັ່ນ: ຄູ​ລະ­ດັບ​ພື້ນ­ຖານ ອະ­ນຸ­ບານ ປະ­ຖົມ ແລະ ຈະ​ສ້າງ​ຄູ​ລະ­ດັບ​ປະ­ລິນ­ຍາ​ຕີ ມັດ­ທະ­ຍົມ​ຕົ້ນ ແລະ ມັດ­ທະ­ຍົມ​ປາຍ.</p> <p style="text-align: justify;"> <strong>ໂດຍ: ສ.ແສງ​ງາມ</strong></p>

ຂ່າວທີ່ກ່ຽວຂ້ອງ