ຂ່າວຫຼ້າສຸດ

ຂໍ້ຄິດເຖິງກອງປະຊຸມສະພາ

7.431 20 ມິ.ນ. 2011 ພັດທະນານະຄອນຫຼວງ
ຂໍ້ຄິດເຖິງກອງປະຊຸມສະພາ

<p style="text-align: justify;"> ຕະ­ຫຼອດ 2 ວັນ​ທຳ​ອິດ​ຂອງ​ກອງ​ປະ­ຊຸມ​ຄັ້ງ​ປະ­ຖົມ​ມະ­ລຶກ ຂອງ​ສະ­ພາ​ແຫ່ງ​ຊາດ ຊຸດ​ທີ VII ຄື​ວັນ​ທີ 15-16 ມິ­ຖຸ­ນາ 2011 ຄະ­ນະ​ຮັບ­ຜິດ­ຊອບ​ໂທລະ­ສັບ​ສາຍ​ດ່ວນ ໄດ້​ຮັບ​ຄຳ​ຄິດ​ຄຳ​ເຫັນ ຂໍ້​ສະ­ເໜີ ແລະ ຄຳ​ຖາມ ກວມ​ເອົາ 14 ບັນ­ຫາ ສ່ວນ​ເອ­ກະ­ສານ​ທີ່​ສົ່ງ​ຜ່ານ​ໂທລະ​ສານ (ແຟັກ) ນັ້ນ ມີ 6 ບັນ­ຫາ ເມື່ອ​ໂຮມ​ເຂົ້າ­ກັນ​ແລ້ວ ມີ 20ບັນ­ຫາ ມີ​ບາງ​ບັນ­ຫາ​ແຍກ​ກັນ ແຕ່​ບາງ​ບັນ­ຫາ​ນັ້ນ​ເກາະ​ກັນ​ເປັນ​ຕ໋ອງ​ໂສ້.</p> <p style="text-align: justify;"> ມີ​ບັນ­ຫາ​ໜຶ່ງ​ທີ່​ປະ­ຊາ­ຊົນ​ບ້ານ​ຈີ່­ນາຍ​ໂມ້ ເມືອງ​ສີ​ສັດ­ຕະ​ນາກ ນະ­ຄອນ­ຫຼວງ​ວຽງ​ຈັນ​ເຮົາ​ເອງ​ສົ່ງ​ມາ​ນັ້ນ ສອດ­ຄ່ອງ​ກັບ​ຄຳ​ເຫັນ​ຂອງ​ຮອງ​ສາດ­ສະ­ດາ­ຈານ ດຣ. ສົມ​ອົກ ກິ່ງ​ສະ​ດາ ສສຊ ເຂດ​ເລືອກ​ຕັ້ງ​ແຂວງ​ວຽງ​ຈັນ ທີ່​ວ່າ​ນະ­ຄອນ­ຫຼວງ​ວຽງ​ຈັນ ຄື​ເມືອງ​ໃຫຍ່ໆ​ຢູ່​ປະ­ເທດ​ພວກ​ເຮົາ ພວມ​ປະ​ເຊີນ​ກັບ​ບັນ­ຫາ​ລົດ​ຕິດ  ດັ່ງ­ນັ້ນ ຈຶ່ງ​ຕ້ອງ​ມີ​ວິ­ທີ​ແກ້​ໄຂ​ໜຶ່ງ​ໃນ​ວິ­ທີ​ການ​ດັ່ງ­ກ່າວ ກໍ​ຄື​ຂະ­ຫຍາຍ­ຕົວ​ເມືອງ​ອອກ ຫຼື ຕັ້ງ​ເຂດ​ເມືອງ​ໃໝ່ ສ່ວນ​ຄຳ​ເຫັນ​ຂອງ​ປະ­ຊາ­ຊົນ​ບ້ານ​ຈີ່­ນາຍ​ໂມ້​ນັ້ນ ເນັ້ນ​ໃຫ້​ມີ​ມາດ​ຕະ­ການ​ຄວບ​ຄຸມ​ການ​ສັນ­ຈອນ ການ​ຈັດ​ສັນ​ເສັ້ນ­ທາງ​ໃຫ້​ເປັນ​ລະ­ບຽບ​ຮຽບ​ຮ້ອຍ ຫ້າມ​ບໍ່​ໃຫ້​ຜູ້​ໃດ​ສ້າງ​ສິ່ງ​ກີດ­ຂວາງ ເຊັ່ນ​ປຸກ​ຮ້ານ ປຸກ­ເຮືອນ ກວມ​ເອົາ​ແຄມ​ທາງ.</p> <p style="text-align: justify;"> ຜູ້​ໃຊ້​ນາມ <strong>ພົນ­ລະ­ເມືອງ​ດີ </strong>ຈາກ​ນະ­ຄອນ­ຫຼວງ​ວຽງ​ຈັນ ຈົກ​ເອົາ​ບັນ­ຫາ​ເກົ່າ​ມາ​ເວົ້າ​ໃໝ່​ຄື ບັນ­ຫາ​ການ​ສຶກ​ສາ ທີ່​ມີ​ທ່າ​ອ່ຽງ​ຫັນ​ເປັນ​ທຸ­ລະ​ກິດ ຊອກ​ຮັ່ງ­ມີ​ສ່ວນ​ຕົວ ເຊິ່ງ​ມາ​ໃນ​ຮູບ​ການ​ຂາຍ-ຊື້​ຄະ­ແນນ ຈ້າງ​ຮຽນ​ເພີ່ມ ການ​ຂາຍ​ຂໍ້​ສອບ ຈ້າງ​ຄ່າ​ເມື່ອຍ​ໃນ​ການ​ຜ່ານ​ບົດ​ຈົບ​ຊັ້ນ ແລະ ອື່ນໆ.</p> <p style="text-align: justify;"> ໃນ​ຂະ­ນະ​ທີ່​ຂຽນ​ບົດ​ນີ້​ຢູ່​ພໍ­ດີ ໄດ້​ຟັງ​ຄຳ​ເຫັນ​ຂອງ ສສຊ ດຣ. ຄຳ​ເຜີຍ ປານ​ມະ​ໄລ​ທອງ ກ່ຽວ​ກັບ​ທ່າ​ອ່ຽງ​ທີ່​ຜິດ­ພາດ ເຊິ່ງ​ປະ­ກົດ​ໃຫ້​ເຫັນ​ໃນ​ລະ­ບົບ​ການ​ສຶກ​ສາ​ພວກ​ເຮົາ​ນັ້ນ ຄື​ທ່າ​ອ່ຽງ <strong>ຄະ­ແນນ​ນິ­ຍົມ </strong>ແລະ ທ່າ​ອ່ຽງ​ນິ­ຍົມ <strong>ໃບ​ປະ­ກາດ </strong>ຊັ້ນ​ນັ້ນ ຊັ້ນ​ນີ້ ເພື່ອ​ອວດ​ອ້າງ​ວ່າ​ຕົນ​ມີ​ຄວາມ​ຮູ້ ທ່ານ ສສຊ ບອກ​ວ່າ ຕ້ອງ​ໄດ້​ປ່ຽນ­ແປງ​ແນວ​ຄິດ​ດັ່ງ­ກ່າວ ໃຫ້​ເບິ່ງ​ທ່າ​ອ່ຽງ​ລວມ​ຂອງ​ລະ­ບົບ​ການ​ສຶກ​ສາ​ທີ່​ກ້າວ­ໜ້າ​ໃນ​ໂລກ ທ່າ​ອ່ຽງ​ທີ່​ສ້າງ​ຄົນ​ໃຫ້​ກ້າ​ເຮັດ​ກ້າ​ທຳ ແລະ ເປັນ​ເຈົ້າ​ຕົນ​ເອງ.</p> <p style="text-align: justify;"> ຍັງ​ມີ​ເນື້ອ​ໃນ​ໂທລະ​ສານ​ຂອງ​ຜູ້​ທີ່​ບໍ່​ປະ­ສົງ​ອອກ​ນາມ ເຊິ່ງ​ມີ​ລັກ­ສະ­ນະ​ສ້າງ­ສັນ​ຈຳ­ນວນ​ໜຶ່ງ ເຖິງ​ກອງ​ປະ­ຊຸມ​ສະ­ພາ​ແຫ່ງ​ຊາດ ເຊັ່ນ: ສະ­ເໜີ​ໃຫ້​ອົງ­ການ​ກວດ­ກາ​ແຫ່ງ​ລັດ ກວດ­ກາ ແລະ ເຜີຍ­ແຜ່​ລາຍ​ຊື່​ບຸກ­ຄົນ​ທີ່​ຮັ່ງ­ມີ​ທີ່​ສຸດ​ໃນ​ປະ­ເທດ​ພວກ​ເຮົາ ສະ­ເໜີ​ໃຫ້​ສື່​ມວນ​ຊົນ​ວິ­ເຄາະ​ບັນ­ຫາ​ແບບ​ຮອບ­ດ້ານ ເບິ່ງ​ບັນ­ຫາ​ຕ້ອງ​ເບິ່ງ​ທັງ​ເບື້ອງ​ໄດ້ ແລະ ເບື້ອງ​ເສຍ ສະ­ເໜີ​ໃຫ້​ສະ­ໜອງ​ຂໍ້​ມູນ​ລະ­ອຽດ ກ່ຽວ​ກັບ​ໂຄງ­ການ​ຂະ­ໜາດ​ໃຫຍ່ໆ ເຊັ່ນ​ເຂື່ອນ​ໄຟ­ຟ້າ​ນ້ຳ­ຕົກ​ໄຊ​ຍະ​ບູ​ລີ ໂຄງ­ການ​ລົດ­ໄຟ​ຄວາມ​ໄວ​ສູງ ແລະ ບັນ­ຫາ​ອື່ນໆ.</p> <p style="text-align: justify;"> <strong>ໂດຍ: ຄົນ​ໃກ້​ສະ­ພາ</strong></p>

ຂ່າວທີ່ກ່ຽວຂ້ອງ