ຂ່າວຫຼ້າສຸດ

ເມືອງຕະໂອ້ຍ ມີປ່າ ແລະ ວັງສະຫງວນແຫ່ງໃໝ່

4.674 14 ມິ.ນ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ໃນ​ໄລ­ຍະ​ຜ່ານ​ມາ ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ (ທລຍ) ໄດ້​ມີ​ນະ­ໂຍ­ບາຍ​ໃນ​ການ​ອະ­ນຸ​ຮັກ​ສິ່ງ­ແວ­ດລ້ອມ​ປ່າ ແລະ ວັງ​ສະ­ຫງວນ ເພື່ອ​ໃຫ້​ຊາວ­ບ້ານ​ເປັນ​ເຈົ້າ​ການ ໃນ​ການ​ປົກ​ປັກ​ຮັກ­ສາ ແລະ ຄຸ້ມ​ຄອງ​ນຳ​ໃຊ້​ປ່າ ແລະ ວັງ​ສະ­ຫງວນ​ດັ່ງ­ກ່າວ​ໃຫ້​ຍືນ​ຍົງ.</p> <p style="text-align: justify;"> ບ້ານ​ຕູ້ມ​ລີ​ເກົ່າ ກຸ່ມ​ຕະ­ຫຼຸງ ເມືອງ​ຕະ​ໂອ້ຍ ແຂວງ​ສາ­ລະ​ວັນ ເປັນ​ບ້ານ​ໜຶ່ງ​ທີ່​ໄດ້​ຮັບ​ງົບ­ປະ­ມານ​ສະ­ໜັບ­ສະ­ໜູນ ດ້ານ​ການ​ຝຶກ​ອົບ­ຮົມ​ຈາກ​ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ (ທລຍ) ລວມ​ທັງ​ໝົດ 18.976.255 ກີບ ໃນ​ນັ້ນ ຝຶກ​ອົບ­ຮົມ​ການ​ຈັດ​ກອງ​ປະ­ຊຸມ​ຂັ້ນ​ບ້ານ ຫຼື​ໃຫ້​ຄະ­ນະ​ອະ­ນຸ​ຮັກ​ຂັ້ນ​ບ້ານ ຫຼື​ກຳ­ນົດ​ລະ­ບົບ​ການ­ຈັດ­ຕັ້ງ​ຂັ້ນ​ບ້ານ ຈຳ­ນວນ 1.454.000 ກີບ ຈັດ​ກອງ​ປະ­ຊຸມ​ເປີດ​ປ່າ ແລະ ວັງ​ສະ­ຫງວນ ຫຼື​ປະ­ກາດ​ປັກ​ປ້າຍ​ໝາຍ​ແລວ​ເຂດ​ປ່າ ແລະ ວັງ​ສະ­ຫງວນ ຈຳ­ນວນ 2.193.000 ກີບ ຈັດ​ກອງ​ປະ­ຊຸມ​ຖອດ​ຖອນ​ບົດ­ຮຽນ 12.995.000 ກີບ ແລະ ບໍ­ລິ­ຫານ​ກຸ່ມ​ບ້ານ 2.334.255 ກີບ.</p> <p style="text-align: justify;"> ໃນ​ຕົ້ນ​ເດືອນ​ພຶດ­ສະ­ພາ 2011 ຜ່ານ​ມາ ບ້ານ​ດັ່ງ­ກ່າວ ໄດ້​ປະ­ກາດ​ປ່າ​ສະ­ຫງວນ-ວັງ​ສະ­ຫງວນ​ຢ່າງ​ເປັນ​ທາງ​ການ ໂດຍ​ມີ​ຂະ­ແໜງ­ການ​ທີ່​ກ່ຽວ­ຂ້ອງ​ອ້ອມ​ຂ້າງ​ເມືອງ ເຂົ້າ​ຮ່ວມ ສິ່ງ​ທີ່​ພົ້ນ​ເດັ່ນ​ທີ່​ສຸດ ໃນ​ການ​ປະ­ກາດ​ປ່າ-ວັງ​ສະ­ຫງວນ​ໃນ​ຄັ້ງ​ນີ້ ແມ່ນ​ມີ​ແມ່­ຍິງ​ເຂົ້າ​ຮ່ວມ​ເປັນ​ຈຳ­ນວນ​ຫຼວງ­ຫຼາຍ ທັງ​ນີ້​ກໍ​ເພື່ອ​ໃຫ້​ເຂົາ­ເຈົ້າ​ເປັນ​ເຈົ້າ​ການ ໃນ​ການ​ປົກ​ປັກ​ຮັກ­ສາ​ປ່າ ແລະ ວັງ​ສະ­ຫງວນ​ຂອງ​ເຂົາ­ເຈົ້າ ເພາະ​ສະ­ຖານ­ທີ່​ເຫຼົ່າ­ນັ້ນ ຄື​ແຫຼ່ງ​ທ່ອງ​ທ່ຽວ​ທຳ​ມະ​ຊາດ​ຂອງ​ເຂົາ­ເຈົ້າ ແລະ ເປັນ​ບ່ອນ​ສ້າງ​ຜະ­ລິດ​ຕະ​ພັນ ແລະ ເຄື່ອງ​ປ່າ​ຂອງ​ດົງ ເພື່ອ​ນຳ​ໃຊ້​ປຸງ​ແຕ່ງ ແລະ ຊື້-ຂາຍ ສ້າງ​ລາຍ​ຮັບ​ເພີ່ມ​ໃຫ້​້​ເຂົາ­ເຈົ້າ ເພື່ອ​ຫຼຸດ​ຜ່ນ​ຄວາມ­ທຸກ​ຍາກ​ເທື່ອ​ລະ​ກ້າວ.</p> <p style="text-align: justify;"> ໃນ​ການ​ປະ­ກາດ​ຄັ້ງ​ນີ້ ຊາວ­ບ້ານ​ພາຍ​ໃນ​ບ້ານ ໄດ້​ພ້ອມ​ກັນ​ກຳ­ນົດ​ຂອບ​ເຂດ​ປ່າ ແລະ ວັງ​ສະ­ຫງວນ​ເປັນ​ສອງ​ຈຸດ ຄື: ວັງ​ສະ­ຫງວນ​ປຣໍ (ໝາກ­ແຄ້ງ) ມີ​ຄວາມ​ຍາວ 150x100 ແມັດ ແລະ ວັງ​ຕະ​ກລາງ ມີ​ຄວາມ​ຍາວ 100x50 ແມັດ ແລະ ປ່າ​ສະ­ຫງວນ​ມີ 2 ຈຸດ​ຄື​ກັນ ຄື: ປ່າ​ສະ­ຫງວນ​ຫວ້າ (ກົກ​ຕາວ) ປະ­ມານ 3 ເຮັກ­ຕາ ແລະ ປ່າ​ສະ­ຫງວນ​ຫ້ວຍ​ເປດ 3 ເຮັກ­ຕາ ແລະ ໄດ້​ກຳ­ນົດ​ກົດ​ລະ­ບຽບ​ຂໍ້​ຫ້າມ​ຕ່າງໆ​ຂຶ້ນ​ຢ່າງ​ຄັກ­ແນ່.</p> <p style="text-align: justify;"> ມາ​ຮອດ​ປັດ­ຈຸ­ບັນ ທົ່ວ​ເມືອງ​ຕະ​ໂອ້ຍ ມີ​ປ່າ​ສະ­ຫງວນ 11 ແຫ່ງ ແລະ ວັງ​ສະ­ຫງວນ 9 ແຫ່ງ ປ່າ​ທີ່​ສາ­ມາດ​ເປັນ​ແບບ­ຢ່າງ​ໄດ້​ມີ 3 ແຫ່ງ​ຄື: ປ່າ​ບ້ານ​ສັນ­ຍາ​ຍອມ​ກຸ່ມ​ປະ​ໂສມ ປ່າ​ສະ­ຫງວນ​ຕີນ​ພູ​ກະ​ຕັ້ງ ບ້ານ​ຮູ​ກະ​ໂຍ ແລະ ປ່າ​ສະ­ຫງວນ​ພູ 7 ຍອດ ບ້ານ​ກະ­ເຕັນ (ຫົວ​ງານ​ນ້ຳ​ລິນ) ສຳ­ລັບ​ວັງ​ສະ­ຫງວນ​ມີ 3 ແຫ່ງ​ຄື: ວັງ​ອະ​ຣຳ ບ້ານ​ປີ​ໂກະ ວັງ​ຕົງ​ບ້ານ​ສັນ­ຍາ​ຍອມ ແລະ ວັງ​ຕູ້ມ​ລີ​ເກົ່າ (ວັງ​ໃໝ່) ຊີ­ວິດ​ການ​ເປັນ​ຢູ່​ຂອງ​ພໍ່​ແມ່​ປະ­ຊາ­ຊົນ​ພາຍ​ໃນ​ເມືອງ ສາ­ມາດ​ເພິ່ງ​ຕົນ​ເອງ ກຸ້ມ​ຕົນ​ເອງ ແລະ ສ້າງ​ຄວາມ​ເຂັ້ມ­ແຂງ​ດ້ວຍ​ຕົນ​ເອງ ເພື່ອ​ນຳ­ພາ​ຕົນ​ເອງ ຫຼຸດ​ພົ້ນ​ອອກ​ຈາກ​ຄວາມ­ທຸກ​ຍາກ​ເທື່ອ​ລະ​ກ້າວ.</p> <p style="text-align: justify;"> <strong>ໂດຍ: ຕ່ອງ ຕິ​ສັກ ທລຍ ເມືອງ​ຕະ​ໂອ້ຍ</strong></p>

ຂ່າວທີ່ກ່ຽວຂ້ອງ