ຂ່າວຫຼ້າສຸດ

ຜົນໄດ້ຮັບຈາກການນຳໃຊ້ຝຸ່ນຊີວະພາບ ສູດສັງລວມອົງຄະທາດ

4.723 07 ມິ.ນ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ທ່ານ ສົມ­ບັດ ອິນ​ທະ​ວົງ ຢູ່​ບ້ານ​ຮ່ອງ​ງົວ ເມືອງ​ນາ​ຊາຍ​ທອງ ນະ­ຄອນ­ຫຼວງ​ວຽງ​ຈັນ ກໍ​ແມ່ນ​ຄອບ­ຄົວ​ໜຶ່ງ​ທີ່​ເຮັດ​ນາ​ເປັນ​ອາ­ຊີບ ມາ​ໄດ້​ຫຼາຍ​ປີ​ແລ້ວ ການ​ເຮັດ​ນາ​ແຕ່​ລະ​ປີ ກໍ​ຕ້ອງ​ໄດ້​ໃຊ້​ທຶນ­ຮອນ​ຢ່າງ​ຫຼວງ­ຫຼາຍ ແຕ່​ຜົນ​ຜະ­ລິດ​ກໍ​ຍັງ​ບໍ່​ສົມ​ກັບ​ການ​ລົງ­ທຶນ ຊ້ຳ­ບໍ່­ໜຳ ເຮັດ​ໃຫ້​ດິນ​ນາ​ແຂງ​ແກ່ນ ຍ້ອນ​ການ​ໃສ່​ປຸ໋ຍ​ເຄ​ມີ​ມາ​ເປັນ​ເວ­ລາ​ດົນ​ນານ ດັ່ງ­ນັ້ນ ຕົກ​ມາ​ຮອດ​ວັນ​ທີ 5/12/2010 ໄດ້​ມີ​ພະ­ນັກ­ງານ​ວິ­ຊາ​ການ ທາງ​ລັດ​ວິ​ສາ​ຫະ​ກິດ​ຝຸ່ນ​ຊີ­ວະ​ພາບ​ດົງ​ຊຽງ​ດີ ຮ່ວມ​ກັບ​ພະ­ນັກ­ງານ​ກະ­ສິ­ກຳ ເມືອງ​ນາ​ຊາຍ​ທອງ ລົງ​ມາ​ເຜີຍ­ແຜ່​ກ່ຽວ​ກັບ​ຄວາມ​ໝາຍ​ຄວາມ​ສຳ­ຄັນ ແລະ ຄຸນ​ປະ­ໂຫຍດ​ຂອງ​ຝຸ່ນ​ຊີ­ວະ​ພາບ​ສູດ​ສັງ​ລວມ​ອົງ­ຄະ​ທາດ ສຳ­ລັບ​ປັບ­ປຸງ​ດິນ ແລະ ເພີ່ມ​ຜົນ​ຜະ­ລິດ ເມື່ອ​ເປັນ​ແນວ​ນັ້ນ ຜູ້­ກ່ຽວ​ກໍ​ເລີຍ​ມາ​ປຶກ­ສາ​ທາງ​ຄອບ­ຄົວ ແລ້ວ​ກໍ​ໄປ​ເອົາ​ມາ​ທົດ​ລອງ​ໃສ່​ນາ​ຈຳ­ນວນ 4 ໄລ່ ໃສ່​ໃນ​ອັດ­ຕາ​ໄລ່​ລະ 80 ກິ​ໂລ ເມື່ອ​ໃສ່​ຫຼັງ​ປັກ​ດຳ​ໄດ້​ໄລ­ຍະ 1 ອາ­ທິດ ເຫັນ​ວ່າ​ເຂົ້າ​ເລີ່ມ​ຂຽວ​ຂຶ້ນ ແຕ່​ກໍ​ບໍ່​ຂຽວ­ງາມ​ໄວ​ຄື​ເຄ​ມີ ແຕ່​ຜົນ​ຂຽວ­ງາມ​ດົນ​ນານ ຈຶ່ງ​ເຮັດ​ໃຫ້​ດິນ​ນາ​ຜຸ​ຜຸ່ຍ​ຫຼຼົ່ມ​ດີ ເຂົ້າ​ກໍ​ແຕກ​ກໍ​ຫຼາຍ ຮວງ​ເຂົ້າ​ໃຫຍ່ ເມັດ​ເຂົ້າ​ຕື່ງ​ເຕັມ​ດີ ສະ­ນັ້ນ​ຈຶ່ງ​ເວົ້າ​ໄດ້​ວ່າ ຝຸ່ນ​ຊີ­ວະ​ພາບ​ສູດ​ສັງ​ລວມ​ອົງ­ຄະ​ທາດ​ນີ້ ແມ່ນ​ໄດ້​ຮັບ​ຜົນ​ດີ​ທັງ​ປັບ­ປຸງ​ດິນ ແລະ ຕົ້ນ​ທຶນ​ການ​ຜະ­ລິດ​ຕ່ຳ ພ້ອມ​ນັ້ນ ທາງ​ລັດ​ວິ​ສາ​ຫະ​ກິດ​ຝຸ່ນ​ຊີ­ວະ​ພາບ​ດົງ​ຊຽງ​ດີ ຍັງ​ໄດ້​ປ່ອຍ​ສິນ​ເຊື່ອ​ບໍ່​ເອົາ​ປຽບ​ຊາວ​ກະ­ສິ­ກອນ ຜູ້​ທຳ​ການ​ຜະ­ລິດ.</p> <p style="text-align: justify;"> ນາງ ແສງ ກໍ​ແມ່ນ​ຄອບ­ຄົວ​ພະ­ນັກ­ງານ​ຜູ້​ຫ້າວ­ຫັນ​ຄອບ­ຄົວ​ໜຶ່ງ ລາວ​ທັງ​ເປັນ​ຄູ​ສອນ ທັງ​ເຮັດ​ນາ​ໄປ​ພ້ອມໆ​ກັນ ປັດ­ຈຸ­ບັນ ຢູ່​ບ້ານ​ຮ່ອງ​ງົວ ເມືອງ​ນາ​ຊາຍ​ທອງ ນະ­ຄອນ­ຫຼວງ​ວຽງ​ຈັນ ຜູ້­ກ່ຽວ​ກໍ​ແມ່ນ​ໜຶ່ງ​ໃນ​ຈຳ­ນວນ​ຜູ້​ທີ່​ນຳ​ໃຊ້​ຝຸ່ນ​ຊີ­ວະ​ພາບ ສູດ​ສັງ​ລວມ​ອົງ­ຄະ​ທາດ ນາງ​ກ່າວ​ວ່າ: ຂ້າ­ພະ­ເຈົ້າ​ບໍ່​ມີ​ເວ­ລາ​ຫຼາຍ​ປານ­ໃດ ອາ­ໄສ​ແຕ່​ວັນ​ພັກ​ການ ກໍ​ເລີຍ​ເອົາ​ຝຸ່ນ​ດັ່ງ­ກ່າວ ມາ​ໃສ່​ຮອງ​ພື້ນ​ກ່ອນ​ຫວ່ານ (ນາ­ຫວ່ານ) ຈຳ­ນວນ 5 ໄລ່ ເມື່ອ​ຫວ່ານ​ເຂົ້າ​ໄດ້​ປະ­ມານ 2-3 ອາ­ທິດ ເຫັນ​ວ່າ​ເຂົ້າ​ຂຽວ­ງາມ​ດີ ຂຽວ​ສະ​ໝ່ຳ​ສະ­ເໝີ ດິນ​ອ່ອນ​ຫຼົ່ມ​ດີ ເຖິງ​ຍາມ​ເກັບ​ກ່ຽວ​ເຫັນ​ວ່າ​ເຂົ້າ​ຮວງ​ໃຫຍ່ ເມັດ​ຕື່ງ ເຂົ້າ­ລີບ​ບໍ່​ຫຼາຍ ສຳ­ຄັນ​ແມ່ນ​ຝຸ່ນ​ຊີ­ວະ​ພາບ​ດັ່ງ­ກ່າວ ມີ​ຄຸນ​ນະ​ພາບ​ດີ​ອີ່­ຫຼີ ສະ­ເລ່ຍ​ແລ້ວ ຜົນ​ໄດ້​ຮັບ 4,5 ໂຕນ/ເຮັກ­ຕາ.</p> <p style="text-align: justify;"> ທີ່​ກ່າວ​ມາ​ນັ້ນ ແມ່ນ​ຄຳ​ເຫັນ​ຂອງ​ຊາວ­ນາ​ຜູ້​ຊົມ­ໃຊ້​ຝຸ່ນ​ຊີ­ວະ​ພາບ​ຕົວ​ຈິງ ເຂົ້າ​ໃນ​ການ​ປູກ​ເຂົ້າ­ນາ­ແຊງ​ປີ­ຜ່ານ­ມາ ເຊິ່ງ​ຢັ້ງ­ຢືນ​ເຖິງ​ຄຸນ​ປະ­ໂຫຍດ ແລະ ຄວາມ​ອຸ­ດົມ­ສົມ­ບູນ​ຂອງ​ດິນ ກໍ​ຄື​ປະ​ສິດ­ທິ​ຜົນ​ທາງ​ດ້ານ​ການ​ຜະ­ລິດ ໃນ​ການ​ນຳ​ໃຊ້​ຝຸ່ນ​ຊີ­ວະ​ພາບ​ສູດ​ສັງ​ລວມ​ອົງ­ຄະ​ທາດ ເຂົ້າ​ໃນ​ພຶດ­ຕິ​ກຳ​ຕົວ​ຈິງ​ຂອງ​ຊາວ­ນາ​ດັ່ງ­ກ່າວ.</p> <p style="text-align: justify;"> ເມື່ອ​ເວົ້າ​ເຖິງ​ຝຸ່ນ​ຊີ­ວະ​ພາບ​ສູດ​ສັງ​ລວມ​ອົງ­ຄະ​ທາດ​ແລ້ວ ມັນ​ແມ່ນ​ຝຸ່ນ​ຊະ­ນິດ​ໜຶ່ງ​ທີ່​ປະ­ກອບ​ດ້ວຍ ວັດ­ຖຸ​ດິບ​ຢູ່​ພາຍ​ໃນ​ປະ­ເທດ​ຂອງ​ພວກ​ເຮົາ 95% ແລະ ຜະ­ລິດ​ປຸງ​ແຕ່ງ​ໂດຍ​ວິ­ຊາ​ການ​ຄົນ​ລາວ​ເຮົາ​ເອງ ຄຸນ​ປະ­ໂຫຍດ​ຂອງ​ຝຸ່ນ​ຊີ­ວະ​ພາບ​ສູດ​ສັງ​ລວມ​ອົງ­ຄະ​ທາດ ແມ່ນ​ໃຊ້​ປັບ­ປຸງ​ດິນ​ທີ່​ເສື່ອມ​ຄຸນ​ນະ​ພາບ ໃຫ້​ອຸ­ດົມ­ສົມ­ບູນ​ຄືນ ເຮັດ​ໃຫ້​ຕົ້ນ​ພືດ​ແຕກ​ກິ່ງ​ງ່າ​ຂຽວ­ງາມ ທົນ​ທານ​ຕໍ່​ພະ­ຍາດ​ສັດ­ຕູ​ພືດ ເຮັດ​ໃຫ້​ສະ­ພາບ​ແວດ​ລ້ອມ​ສະ­ອາດ ບໍ່​ເປັນ​ພິດ​ຕໍ່​ສຸ­ຂະ­ພາບ​ຂອງ​ຜູ້​ຜະ­ລິດ ແລະ ຜູ້​ບໍ­ລິ­ໂພກ ສາ­ມາດ​ນຳ​ໃຊ້​ໄດ້​ກັບ​ພືດ​ທຸກ​ຊະ­ນິດ.</p> <p style="text-align: justify;"> ທ່ານ ຫຼິງ​ຄຳ ສີ​ຫາ​ລາ​ຊ ຜູ້­ອຳ­ນວຍ­ການ​ລັດ​ວິ​ສາ​ຫະ​ກິດ​ຝຸ່ນ​ຊີ­ວະ​ພາບ​ດົງ​ຊຽງ​ດີ ໄດ້​ກ່າວ​ວ່າ: ເພື່ອ​ຊຸກ­ຍູ້​ຕອບ​ສະ­ໜອງ​ໃຫ້​ແກ່​ຊາວ​ກະ­ສິ­ກອນ ທາງ​ໂຮງ­ງານ​ພວກ​ເຮົາ ໄດ້​ຜະ­ລິດ​ຊະ­ນິດ​ຝຸ່ນ ແລະ ຊະ­ນິດ​ເມັດ.</p> <p style="text-align: justify;"> ເຫັນ​ໄດ້​ຄວາມ​ສຳ­ຄັນ ກໍ​ຄື​ຄຸນ​ປະ­ໂຫຍດ​ໃນ​ການ​ນຳ​ໃຊ້​ຝຸ່ນ​ຊີ­ວະ​ພາບ ເຂົ້າ​ໃນ​ວຽກ​ງານ​ການ​ຜະ­ລິດ​ກະ­ສິ­ກຳ ອີກ​ດ້ານ​ໜຶ່ງ​ກໍ​ເພື່ອ​ເປັນ​ການ​ປະ­ກອບ­ສ່ວນ ເຂົ້າ​ໃນ​ການ​ລົບ​ລ້າງ​ຄວາມ­ທຸກ​ຍາກ​ຂອງ​ປະ­ຊາ­ຊົນ​ບັນ­ດາ­ເຜົ່າ ທີ່​ຂັ້ນ​ເທິງ​ວາງ​ອອກ​ແຕ່​ນີ້​ຫາ​ປີ 2020 ໃຫ້​ສຳ­ເລັດ​ຜົນ ຈຶ່ງ​ສະ­ເໜີ​ຂັ້ນ​ເທິງ​ພິ­ຈາ­ລະ­ນາ ສືບ­ຕໍ່​ຊຸກ­ຍູ້​ໃຫ້​ບໍ­ລິ­ສັດ​ຂອງ​ລັດ​ພວກ​ເຮົາ ເຂົ້າ​ເຖິງ​ດ້ານ​ທຶນ­ຮອນ ເພື່ອ​ນຳ​ມາ​ທຳ​ການ​ຜະ­ລິດ​ຝຸ່ນ​ຊີ­ວະ​ພາບ ຮັບ​ໃຊ້​ສັງ­ຄົມ​ໃຫ້​ກ້ວ​າງ​ຂວາງ​ກ່ວ​າ​ເກົ່າ.</p> <p style="text-align: justify;"> ເພື່ອ​ຄວາມ​ສະ­ດວກ​ຂອງ​ຜູ້​ຊົມ­ໃຊ້ ຖ້າ​ບັນ­ດາ​ພໍ່​ແມ່​ປະ­ຊາ­ຊົນ ມີ​ຄວາມ​ຕ້ອງ­ການ​ໄປ​ນຳ​ໃຊ້ ຫຼື ຈຳ­ໜ່າຍ​ຕິດ­ຕໍ່​ໄດ້​ທີ່​ລັດ​ວິ​ສາ​ຫະ​ກິດ ຝຸ່ນ​ຊີ­ວະ​ພາບ​ດົງ​ຊຽງ​ດີ ໂຮງ­ງານ​ຕັ້ງ​ຢູ່​ບ້ານ​ດົງ​ຊຽງ​ດີ ເມືອງ​ນາ​ຊາຍ​ທອງ ນະ­ຄອນ­ຫຼວງ​ວຽງ​ຈັນ ຜະ­ລິດ ແລະ ຈຳ­ໜ່າຍ​ຝຸ່ນ​ຊີ­ວະ​ພາບ​ສູດ​ສັງ​ລວມ​ອົງ­ຄະ​ທາດ ໂທລະ­ສັບ: 021 770512.</p>

ຂ່າວທີ່ກ່ຽວຂ້ອງ