ບຸນຮຽງກັບແນວຄວາມຄິດໃໝ່ ດຶງດູດຄວາມສົນໃຈຈາກລູກຄ້າ

5.650 07 ມິ.ນ. 2011 ພັດທະນານະຄອນຫຼວງ
ບຸນຮຽງກັບແນວຄວາມຄິດໃໝ່ ດຶງດູດຄວາມສົນໃຈຈາກລູກຄ້າ

<p style="text-align: justify;"> ເປັນ​ເລື່ອງ​ທີ່​ໜ້າ​ພາກ­ພູມ​ໃຈ ທີ່​ການ​ດຳ­ເນີນ​ທຸ­ລະ​ກິດ​ພາຍ​ໃນ​ປະ­ເທດ​ເຮົາ ແມ່ນ​ມີ​ການ​ຂະ­ຫຍາຍ­ຕົວ​ເປັນ​ກ້າວໆ ບໍ່​ວ່າ​ຈະ​ເປັນ​ທຸ­ລະ​ກິດ​ຂະ­ໜາດ​ນ້ອຍ ກາງ ແລະ ໃຫຍ່ ລ້ວນ​ແລ້ວ­ແຕ່​ເປັນ​ການ​ປະ­ກອບ­ສ່ວນ ເຂົ້າ​ໃນ​ການ​ສ້າງ­ສາ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ລາວ​ເຮົາ ຊຶ່ງ​ແນ່­ນອນ ການ​ດຳ­ເນີນ​ທຸ­ລະ​ກິດ​ໃນ​ແຕ່​ລະ­ສະ​ໄໝ ແມ່ນ​ລ້ວນ​ແລ້ວ​ມີ​ຄວາມ​ແຕກ​ຕ່າງ​ກັນ ໂດຍ​ສະ­ເພາະ​ແມ່ນ ຍຸດ​ທະ​ສາດ​ໃນ​ການ​ພັດ­ທະ­ນາ​ທຸ­ລະ​ກິດ ຂອງ​ແຕ່​ລະ​ຫົວ­ໜ່ວຍ​ທຸ­ລະ​ກິດ ເພື່ອ​ດຶງ​ດູດ​ເອົາ​ລູກ​ຄ້າ ທັງ​ສອດ­ຄ່ອງ​ກັບ​ສະ­ພາບ​ການ​ແກ່ງ​ແຍ່ງ​ໃນ​ທ້ອງ​ຕະ­ຫຼາດ ເຮັດ​ໃຫ້​ມີ​ຫຼາຍ​ຫົວ­ໜ່ວຍ​ທຸ­ລະ​ກິດ ໄດ້​ມີ​ແນວ​ຄວາມ​ຄິດ ເພື່ອ​ປັບ­ປຸງ​ຮູບ­ຊົງ​ຂອງ​ຜະ­ລິດ​ຕະ​ພັນ ເພື່ອ​ເປັນ​ການ​ດຶງ​ດູດ​ຄວາມ​ສົນ­ໃຈ​ຂອງ​ລູກ​ຄ້າ.</p> <p style="text-align: justify;"> ນາງ ບຸນ​ຮຽງ ພົມ​ມີ​ໄຊ ບ້ານ​ດອນ​ໜູນ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ຜູ້​ປະ­ກອບ​ການ​ໂຮງ­ສີ​ເຂົ້າ ໄດ້​ອອກ​ແນວ​ຄວາມ​ຄິດ ໃນ​ການ​ຫຸ້ມ​ຫໍ່​ເຂົ້າ­ສານ ພ້ອມ​ທັງ​ມີ​ໂລ​ໂກ້ (ເຄື່ອງ­ໝາຍ) ຂອງ​ຮ້ານ ຕໍ່​ກັບ​ຄວາມ​ເປັນ​ມາ​ຂອງ​ແນວ​ຄວາມ​ຄິດ​ດັ່ງ­ກ່າວ​ນັ້ນ ລາວ​ໄດ້​ໃຫ້​ສຳ­ພາດ​ວ່າ: ກ່ອນ​ເກີດ​ແນວ​ຄວາມ​ຄິດ​ແນວ​ນີ້ ຂ້າ­ພະ­ເຈົ້າ​ໄດ້​ເປີດ​ໂຮງ­ສີ​ເຂົ້າ​ນັບ​ແຕ່​ປີ 1996 ເປັນ­ຕົ້ນ​ມາ ຖື​ວ່າ​ຫຼາຍ​ປີ​ພໍ​ສົມ­ຄວນ ຈົນ​ຕົກ​ມາ​ໃນ​ໄລ­ຍະ​ໜຶ່ງ ທີ່​ຕົນ​ໄດ້​ເຫັນ​ເຂົ້າ­ສານ​ທີ່​ນຳ​ເຂົ້າ​ຈາກ​ປະ­ເທດ​ໃກ້​ຄຽງ ວາງ​ຂາຍ​ຢູ່​ໃນ​ທ້ອງ​ຕະ­ຫຼາດ ຫຸ້ມ​ຫໍ່​ດ້ວຍ​ຖົງ​ພລາ​ສະ​ຕິກ ຈຶ່ງ​ເຮັດ​ໃຫ້​ຕົນ​ເອງ​ເກີດ​ມີ​ແນວ​ຄວາມ​ຄິດ ທົດ​ລອງ​ຫຸ້ມ​ຫໍ່​ເຂົ້າ­ສານ​ທີ່​ອອກ​ຈາກ​ໂຮງ­ສີ​ຂອງ​ຕົນ ລາວ​ຈຶ່ງ​ໄດ້​ປຶກ­ສາ​ກັບ​ຄອບ­ຄົວ ຈົນ​ສາ­ມາດ​ຄົ້ນ​ຄິດ​ເຄື່ອງ­ໝາຍ (ໂລ​ໂກ້) ທີ່​ເປັນ​ດອກ​ຈຳ­ປາ ແລະ ມີ​ຊື່​ຮ້ານ ຊຶ່ງ​ເບື້ອງ​ຕົ້ນ​ແມ່ນ​ມີ​ຄວາມ​ຫຍຸ້ງ­ຍາກ​ສົມ­ຄວນ ເນື່ອງ​ຈາກ​ການ​ປ້ຳ ຫຼື ພິມ​ໄຖ່​ທີ່​ມີ​ໂລ​ໂກ້ ທີ່​ພິມ​ດ້ວຍ 4 ສີ​ນັ້ນ ຢູ່​ລາວ​ເຮົາ​ແມ່ນ​ມີ​ລາ­ຄາ​ແພງ ຈຶ່ງ​ໄດ້​ສັ່ງ​ພິມ​ໂລ​ໂກ້​ໃສ່​ໄຖ່​ຈາກ​ປະ­ເທດ​ເພື່ອ​ບ້ານ (ໄທ) ທີ່​ມີ​ລາ­ຄາ​ຖືກ​ກ່ວ​າ ຜ່ານ​ການ​ເອົາ­ໃຈ­ໃສ່​ຕໍ່​ກັບ​ແນວ​ຄວາມ​ຄິດ​ດັ່ງ­ກ່າວ ຈົນ​ທາງ​ໂຮງ­ສີ​ສາ­ມາດ​ຫຸ້ມ​ຫໍ່​ເຂົ້າ ດ້ວຍ​ໄຖ່​ທີ່​ມີ​ໂລ​ໂກ້ ທີ່​ມີ​ສີ­ສັນ ເຫັນ​ໄດ້​ວ່າ​ໄດ້​ຮັບ​ຄວາມ​ສົນ­ໃຈ​ຈາກ​ລູກ​ຄ້າ ແລະ ຕະ­ຫຼາດ​ພາຍ​ໃນ​ນະ­ຄອນ­ຫຼວງ​ວຽງ​ຈັນ ເພາະ​ຫຼາຍ​ຄົນ​ເຫັນ​ວ່າ ສ້າງ​ຄວາມ​ສະ­ດວກ​ສະ­ບາຍ​ໃນ​ການ​ນຳ​ສົ່ງ ແລະ ລາ­ຄາ​ແມ່ນ​ເໝາະ​ສົມ ຊຶ່ງ​ຕົກ​ຢູ່​ປະ­ມານ 80.000-90.000 ກີບ​ຕໍ່ 12 ກິ​ໂລ ນອກ­ຈາກ​ການ​ຫຸ້ມ​ຫໍ່​ແລ້ວ ຄຸນ​ນະ​ພາບ​ຂອງ​ເຂົ້າ​ຍັງ​ເປັນ​ສ່ວນ​ສຳ­ຄັນ ໃນ​ການ​ດຶງ​ດູດ​ລູກ​ຄ້າ​ເຊັ່ນ​ດຽວ​ກັນ ເພາະ​ຖ້າ​ມີ​ພຽງ​ແຕ່​ຫຸ້ມ​ຫໍ່​ດີ ແຕ່​ເຂົ້າ​ເມັດ​ຫັກ ມີ​ມອດ ແລະ ສິ່ງ​ອື່ນໆ​ປົນ​ຢູ່​ນຳ ເວົ້າ​ລວມ​ແລ້ວ ແມ່ນ​ຄຸນ​ນະ​ພາບ​ຂອງ​ເຂົ້າ​ບໍ່​ດີ ຈະ​ເຮັດ​ໃຫ້​ຄ່າ​ນິ­ຍົມ​ຂອງ​ລູກ​ຄ້າ​ຫຼຸດ​ລົງ​ແນ່­ນອນ ດັ່ງ­ນັ້ນ ພວກ​ເຮົາ​ແມ່ນ​ໄດ້​ມີ​ການ​ຄັດ​ເລືອກ​ເອົາ​ເຂົ້າ​ຊະ­ນິດ​ດຽວ (ແນວ​ພັນ​ດຽວ) ທັງ​ເຂົ້າ­ຈ້າວ ແລະ ໜຽວ ເພື່ອ​ມາ​ອົບ​ໃຫ້​ແຫ້ງ ແລ້ວ​ນຳ­ໄປ​ສີ ກ່ອນ​ຈະ​ນຳ​ມາ​ຫຸ້ມ​ຫໍ່ ແລະ ຈຳ­ໜ່າຍ​ສູ່​ທ້ອງ​ຕະ­ຫຼາດ ສຳ­ລັບ​ວັດ­ຖຸ​ດິບ (ເຂົ້າ­ເປືອກ) ພວກ​ເຮົາ​ໄດ້​ລົງ​ເກັບ​ຊື້​ກັບ​ຊາວ­ນາ ຕາມ​ທ້ອງ­ຖິ່ນ​ຕ່າງໆ ສ່ວນ​ການ​ຫຸ້ມ​ຫໍ່​ໃນ​ປັດ­ຈຸ­ບັນ ສະ­ເລ່ຍ​ແຕ່​ລະ​ມື້​ຕົກ​ຢູ່​ປະ­ມານ 3-4 ໂຕນ ຖ້າ​ທຽບ­ໃສ່​ເມື່ອ​ກ່ອນ ແມ່ນ​ມີ​ຄວາມ​ແຕກ​ຕ່າງ​ກັນ​ຢ່າງ​ຫຼວງ­ຫຼາຍ.</p> <p style="text-align: justify;"> ສຳ­ລັບ​ແຜນ­ການ​ໃນ­ຕໍ່­ໜ້າ ນາງ ບຸນ​ຮຽງ ພົມ​ມີ​ໄຊ ໄດ້​ກ່າວ​ວ່າ: ຈະ​ສືບ­ຕໍ່​ກິດ­ຈະ­ການ​ໄປ​ກັບ​ເງື່ອນ­ໄຂ​ທີ່​ຕົນ​ມີ ນຳ​ເອົາ​ເຂົ້າ​ທີ່​ມີ​ຄຸນ​ນະ​ພາບ​ຈຳ­ໜ່າຍ​ສູ່​ສັງ­ຄົມ ຍິ່ງ​ໄປ​ກ່ວ​າ​ນັ້ນ ຖ້າ​ເງື່ອນ­ໄຂ​ເໝາະ​ສົມ ຈະ​ພະ­ຍາ­ຍາມ​ພັດ­ທະ­ນາ​ຄຸນ​ນະ​ພາບ​ຂອງ​ເຂົ້າ​ໃຫ້​ດີ​ຂຶ້ນ ກາຍ­ເປັນ​ອີກ​ທາງ​ເລືອກ​ແກ່​ລູກ​ຄ້າ ໃນ​ການ​ບໍ­ລິ­ໂພກ ເພື່ອ​ສາ­ມາດ​ສົ່ງ​ຂາຍ​ທັງ​ພາຍ​ໃນ ແລະ ນອກ​ປະ­ເທດ ໃຫ້​ສອດ­ຄ່ອງ​ກັບ​ແນວ­ທາງ​ນະ­ໂຍ­ບາຍ​ຂອງ​ພັກ-ລັດ­ຖະ­ບານ ນັ້ນ​ກໍ​ຄື ການ​ສົ່ງ­ເສີມ​ການ​ຜະ­ລິດ​ເປັນ​ສິນ­ຄ້າ ຊຶ່ງ​ກ່ອນ​ຈະ​ໄປ​ເຖິງ​ຈຸດ​ນັ້ນ​ໄດ້ ກໍ​ຕໍ່​ເມື່ອ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ບັນ­ດາ​ພາກ​ລັດ ບວກ​ກັບ​ການ​ສະ­ໜັບ­ສະ­ໜູນ​ຂອງ​ບັນ­ດາ​ຜູ້​ບໍ­ລິ­ໂພກ ເພື່ອ​ຍູ້​ແຮງ​ເຂົ້າ​ໃນ​ການ​ດຳ­ເນີນ​ທຸ­ລະ​ກິດ ໃຫ້​ມີ​ການ​ຂະ­ຫຍາຍ­ຕົວ​ຂຶ້ນ​ໄປ​ເລື້ອຍໆ.</p> <p style="text-align: justify;"> <strong>ໂດຍ: ສ.ແສງ​ງາມ</strong></p>

ຂ່າວທີ່ກ່ຽວຂ້ອງ