ຂ່າວຫຼ້າສຸດ

ການແກ້ໄຂຄວາມທຸກຍາກບັນລຸຜົນ ປະຊາຊົນຕ້ອງເປັນເຈົ້າການ

4.295 31 ພ.ພ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ປັດ­ຈຸ­ບັນ​ນະ­ຄອນ­ຫຼວງ​ວຽງ​ຈັນ ກຳ­ລັງ​ສຸມ​ເຫື່ອ­ແຮງ ເພື່ອ​ພັດ­ທະ­ນາ​ໃຫ້​ຫຼຸດ​ພົ້ນ​ຈາກ ສະ­ພາ­ວະ​ດ້ອຍ​ພັດ­ທະ­ນາ​ເທື່ອ​ລະ​ກ້າວ.</p> <p style="text-align: justify;"> ໃນ​ນັ້ນ ກົດ­ໝາຍ​ສະ­ເພາະ​ໄລ­ຍະ 2011-2015 ນະ­ຄອນ­ຫຼວງ​ວຽງ​ຈັນ ຈະ​ສູ້​ຊົນ​ລຶ­ບລ້າງ​ຄວາມ­ທຸກ​ຍາກ ໃຫ້​ບັນ­ລຸ​ຄາດ­ໝາຍ​ສະ­ຫັດ​ສະ​ວັດ ດ້ານ​ການ​ພັດ­ທະ­ນາ ຕິດ​ພັນ​ກັບ​ການ​ພັດ­ທະ­ນາ​ຕົວ​ເມືອງ​ວຽງ​ຈັນ ຕາມ​ທິດ​ອະ­ນຸ​ຮັກ ຮັກ­ສາ​ຄຸ້ມ​ເມືອງ­ເກົ່າ ກັບ​ການ​ພັດ­ທະ­ນາ​ເຂດ​ອຸດ­ສາ­ຫະ­ກຳ ແລະ ເຂດ​ຕົວ​ເມືອງ​ໃໝ່​ເປັນ​ຮູບ​ປະ​ທຳ.</p> <p style="text-align: justify;"> ເຖິງ​ຢ່າງ­ໃດ​ກໍ​ຕາມ ພວກ​ເຮົາ​ຍັງ​ຮັບ​ຮູ້​ວ່າ ຢູ່​ນະ­ຄອນ­ຫຼວງ​ວຽງ​ຈັນ ຍັງ​ປະ­ກອບ​ດ້ວຍ​ປະ­ຊາ­ຊົນ ທີ່​ມີ​ຫຼາກ​ຫຼາຍ​ສາ­ຂາ​ອາ­ຊີບ​ທີ່​ແຕກ​ຕ່າງ​ກັນ ໂດຍ​ທົ່ວ​ໄປ ຍັງ​ຢຶດ​ຖື​ອາ­ຊີບ​ຊາວ​ກະ­ສິ­ກອນ ແບບ​ທຳ​ມະ​ຊາດ​ເປັນ­ຕົ້ນ​ຕໍ ປະ­ຊາ­ຊົນ​ໃນ​ຕົວ​ເມືອງ​ບາງ​ຈຳ­ນວນ ບໍ່​ທັນ​ມີ​ອາ­ຊີບ​ທີ່​ໝັ້ນ​ທ່ຽງ ລາຍ​ໄດ້​ຍັງ​ຕ່ຳ ຍັງ​ມີ​ຫຼາຍ​ຄອບ­ຄົວ ບໍ່​ມີ​ເຮືອນ​ຢູ່​ຖາ­ວອນ ບັນ­ຫາ​ອັກ­ຄີ​ໄພ ແລະ ໄພ­ພິ­ບັດ​ທຳ​ມະ​ຊາດ ຍັງ​ເກີດ​ຂຶ້ນ​ຢູ່​ລຽນ­ຕິດ ໄພ​ວ່າງ​ງານ​ເພີ່ມ​ຂຶ້ນ ປະ­ກົດ​ການ​ຫຍໍ້­ທໍ້​ໃນ​ສັງ­ຄົມ ເປັນ­ຕົ້ນ​ບັນ­ຫາ​ຢາ​ເສບ​ຕິດ ການ​ມົ້ວ​ສຸມ ຂີ້­ລັກ ປຸ້ນ​ຈີ້ ຊີງ​ຊັບ ເປັນ​ສິ່ງ​ທ້າ​ທາຍ​ຕໍ່​ການ​ພັດ­ທະ­ນາ ດັ່ງ­ນັ້ນ ການ​ແກ້​ໄຂ​ຄວາມ­ທຸກ​ຍາກ ແລະ ສ້າງ​ຄວາມ​ຮັ່ງ­ມີ​ຂອງ​ຄອບ­ຄົວ ຈຶ່ງ​ກາຍ­ເປັນ​ຈຸດ​ສຸມ​ໃນ​ຊຸມ​ປີ​ຕໍ່­ໜ້າ ແລະ ຍາວ​ນານ.</p> <p style="text-align: justify;"> ເພື່ອ​ໃຫ້​ບັນ­ລຸ​ຄາດ­ໝາຍ ການ​ລຶ­ບລ້າງ​ຄວາມ­ທຸກ​ຍາກ​ດັ່ງ­ກ່າວ ອົງ­ຄະ​ນະ​ພັກ​ນະ­ຄອນ­ຫຼວງ ໄດ້​ສຸມ​ການ​ຊີ້​ນຳ-ນຳ­ພາ ໂດຍ​ເລັ່ງ​ຫັນ​ເອົາ​ພະ­ນັກ­ງານ​ວິ­ຊາ​ການ ຫັນ​ລົງ​ຮາກ​ຖານ ຈັດ​ຕັ້ງ​ປະ­ຕິ­ບັດ​ອັນ​ພື້ນ­ຖານ​ກ່ວ​າ​ໝູ່ ຍັງ​ແມ່ນ​ການ​ສຶກ​ສາ​ອົບ­ຮົມ ໃຫ້​ແກ່​ປະ­ຊາ­ຊົນ​ເປັນ​ເຈົ້າ​ຕົນ​ເອງ ໃນ​ການ​ແກ້​ໄຂ​ຄວາມ­ທຸກ​ຍາກ ບຳ­ລຸງ​ຍົກ​ລະ­ດັບ​ດ້ານ​ສີ­ມື​ແຮງ​ງານ ດ້ານ​ວິ­ຊາ​ການ​ປູກ­ຝັງ​ລ້ຽງ­ສັດ ການ​ຕະ­ຫຼາດ ແລະ ການ​ບໍ­ລິ­ຫານ​ທຶນ​ໃຫ້​ປະ­ຊາ­ຊົນ ຕິດ​ພັນ​ກັບ​ການ​ສ້າງ​ບ້ານ​ພັດ­ທະ­ນາ ສ້າງ​ຄວາມ​ສີ­ວິ­ໄລ​ທາງ​ດ້ານ​ຈິດ­ໃຈ ເອົາ­ໃຈ­ໃສ່​ປັບ­ປຸງ​ເສັ້ນ­ທາງ​ລະ­ບົບ​ຊົນ­ລະ­ປະ­ທານ ແລະ ກິດ­ຈະ­ການ​ສາ­ທາ­ລະ­ນະ​ປະ­ໂຫຍດ​ອື່ນໆ: ກຳ­ນົດ​ເຂດ​ຈຸດ​ສຸມ ແກ້​ໄຂ​ຄວາມ­ທຸກ​ຍາກ ຕິດ​ພັນ​ກັບ​ການ​ຂຶ້ນ​ໂຄງ­ການ​ພັດ­ທະ­ນາ ແລະ ມາດ​ຕະ​ການ­ຈັດ­ຕັ້ງ​ປະ­ຕິ­ບັດ​ໃຫ້​ຈະ­ແຈ້ງ ປະ­ຕິ­ບັດ​ນະ­ໂຍ­ບາຍ​ການ​ໂຮມ​ບ້ານ​ນ້ອຍ​ເປັນ​ບ້ານ​ໃຫຍ່ ສືບ­ຕໍ່​ນຳ­ພາ​ສ້າງ​ບ້ານ​ວັດ­ທະ­ນະ­ທຳ ບ້ານ​ສາ­ທາ­ລະ­ນະ​ສຸກ ບ້ານ​ປອດ​ຄະ­ດີ ປອດ​ຢາ​ເສບ​ຕິດ ປັບ­ປຸງ​ລະ­ບົບ​ການ​ຊີ້​ນຳ​ໃຫ້​ກະ­ທັດ​ຮັດ ຕິດ​ແທດ​ກັບ​ຂະ​ບວນ​ການ​ຕົວ​ຈິງ ດັດ​ປັບ​ກົນ​ໄກ ແລະ ລະ­ບຽບ​ການ​ປະ­ສານ​ງານ​ລະ­ຫວ່າງ​ຂະ­ແໜງ­ການ ໜ່ວຍ​ງານ​ແຕ່​ລະ​ຂັ້ນ ໃຫ້​ມີ​ຄວາມ​ເປັນ​ເອ­ກະ​ພາບ ຈັດ​ສັນ​ແຫຼ່ງ​ທຶນ​ງົບ­ປະ­ມານ ເຂົ້າ​ໃສ່​ຢ່າງ​ເໝາະ​ສົມ ແລະ ຖືກ​ເປົ້າ​ໝາຍ.</p> <p style="text-align: justify;"> <strong>ໂດຍ: ພູ​ຄຳ</strong></p>

ຂ່າວທີ່ກ່ຽວຂ້ອງ