ຂ່າວຫຼ້າສຸດ

ຮຽນເກັ່ງຮອບດ້ານ

2.361 25 ພ.ພ. 2011 ສຶກສາ
ຮຽນເກັ່ງຮອບດ້ານ

<p style="text-align: justify;"> ເມື່ອ​ໄດ້​ຍິນ​ຄຳ​ວ່າ: <strong>ຮຽນ​ເກັ່ງ​ຮອບ­ດ້ານ </strong>ຫຼາຍ​ຄົນ​ຄົງ​ຈະ​ສົນ­ໃຈ​ບໍ່​ຫຼາຍ​ກໍ​ໜ້ອຍ ໂດຍ​ສະ­ເພາະ​ບັນ­ດາ​ນັກ­ຮຽນ-ນັກ​ສຶກ​ສາ ຫຼື ແມ່ນ​ກະ​ທັ້ງ​ພໍ່​ແມ່​ຜູ້​ປົກ­ຄອງ​ຫຼາຍ​ທ່ານ ທີ່​ໃຫ້​ຄວາມ​ສົນ­ໃຈ​ຕໍ່​ການ​ສຶກ​ສາ​ຮ່ຳ­ຮຽນ ຂອງ​ລູກ​ຫຼານ​ຂອງ​ຕົນ ທີ່​ມີ​ຄວາມ​ໄຝ່​ຝັນ​ຢາກ​ໃຫ້​ລູກ​ຫຼານ​ຂອງ​ຕົນ ເປັນ​ຄົນ​ດີ ຮຽນ​ເກັ່ງ​ຮອບ­ດ້ານ ຄື​ດັ່ງ​ຕົວ­ຢ່າງ​ຂອງ​ສອງ​ນ້ອງ​ນັກ­ຮຽນ ຈາກ​ໂຮງ­ຮຽນ​ຮຸ່ງ­ເຮືອງ ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ ທີ່​ຈະ​ຍົກ​ຂຶ້ນ​ມາ​ເປັນ​ກໍ­ລະ­ນີ​ສຶກ​ສາ​ສຳ­ລັບ​ວັນ​ນີ້.</p> <p style="text-align: justify;"> ນາງ ມະ​ລີ​ໄຊ ບຸນ​ເຕີມ (ຊ້າຍ​ມື) ແລະ ນາງ ຕຸ້ມ​ຄຳ ສຸ­ວັນ­ນະ​ເມ​ທີ (ຂວາ​ມື) ເປັນ​ນັກ­ຮຽນ​ຫ້ອງ ມ.4 ມື້­ນີ້​ທັງ​ສອງ​ມີ​ເຄັດ​ລັບ​ດີໆ ຈະ​ມາ​ບອກ​ໃຫ້​ໝູ່​ເພື່ອນ​ນັກ­ຮຽນ ຜູ້​ທີ່​ຢາກ​ຮຽນ​ເກັ່ງ​ຄື​ດັ່ງ​ພວກ​ເຂົາ ເຊິ່ງ​ທັງ​ສອງ​ໃຫ້​ເຫດ­ຜົນ​ວ່າ: ສຳ­ລັບ​ວິ­ທີ​ການ​ຮຽນ​ຂອງ​ພວກ​ເຂົາ​ແມ່ນ​ຄື​ກັນ ເວ­ລາ​ທີ່​ເໝາະ​ສົມ​ທີ່​ສຸດ​ສຳ­ລັບ​ການ​ຮຽນ ແມ່ນ​ກ່ອນ​ນອນ ແລະ ເວ­ລາ​ຕອນ​ເຊົ້າ ການ​ຈັດ​ແບ່ງ​ເວ­ລາ​ທີ່​ເໝາະ​ສົມ ຈະ​ຊ່ວຍ​ໃນ​ການ​ຈື່​ຈຳ​ທີ່​ດີ ເພາະ​ໄລ­ຍະ​ສອງ​ເວ­ລາ​ດັ່ງ­ກ່າວ ຈະ​ເປັນ​ໄລ­ຍະ​ເວ­ລາ​ທີ່​ດີ ບໍ່​ວ່າ​ຈະ​ເປັນ​ອາ­ກາດ ຄວາມ​ຜ່ອນ­ຄາຍ​ສະ­ພາບ​ຈິດ­ໃຈ ແມ່ນ​ມີ​ຄວາມ​ພ້ອມ ສະ­ໝອງ​ຈະ​ສາ­ມາດ​ຮັບ​ຮູ້​ອັນ​ໃດ​ໄດ້​ໄວ.</p> <p style="text-align: justify;"> ໄປ​ຄຽງ​ຄູ່​ກັນ​ນີ້ ເວ­ລາ​ຮຽນ​ຢູ່​ໂຮງ­ຮຽນ ທີ່​ສຳ­ຄັນ​ຄື​ການ​ຮອງ​ຮັບ​ໃນ​ເວ­ລາ​ຄູ​ສອນ ຕ້ອງ​ຕັ້ງ​ສະ­ມາ­ທິ​ໃຫ້​ດີ ຕັ້ງ­ໃຈ​ຟັງ ຕາ​ເບິ່ງ ຫູ​ຟັງ ມື​ຕ້ອງ​ບັນ­ທຶກ ເວ­ລາ​ພົບ​ຄຳ​ເວົ້າ ຄຳ​ສັບ​ໃດ​ທີ່​ສົນ­ໃຈ ໃຫ້​ຈົດ​ກ່າຍ​ໄວ້​ທັນ­ທີ ມີ​ບັນ­ຫາ​ບໍ່​ເຂົ້າ­ໃຈ​ໃຫ້​ໝາຍ​ໄວ້ ແລະ ໃນ​ເວ­ລາ​ດຽວ​ກັນ ຖ້າ​ຄູ​ເປີດ​ໂອ­ກາດ​ໃຫ້​ສອບ​ຖາມ ກໍ​ຕ້ອງ​ກ້າ​ຖາມ ແລະ ຈົດ​ຄຳ​ຕອບ​ໄວ້​ທັນ­ທີ ເພື່ອ​ບໍ່​ໃຫ້​ລືມ.</p> <p style="text-align: justify;"> ພ້ອມ​ດຽວ​ກັນ​ນີ້ ການ​ຮຽນ​ກໍ​ຕ້ອງ​ຄຽງ​ຄູ່​ກັບ​ການ​ປະ­ກອບ­ສ່ວນ​ກິດ­ຈະ­ກຳ​ໄປ​ພ້ອມ​ກັນ ເພາະ​ຈະ​ຊ່ວຍ​ເຮັດ​ໃຫ້­ການ​ມີ​ບັນ­ຍາ­ກາດ ບໍ່​ເຄັ່ງ​ຄຽດ​ຫຼາຍ​ເກີນ​ໄປ ໂດຍ​ສະ­ເພາະ ທັງ​ສອງ​ແມ່ນ​ເປັນ​ທັງ​ສິ­ລະ​ປະ​ໂຮງ­ຮຽນ ແລະ ເປັນ​ນັກ­ກີ­ລາ​ບານ­ສົ່ງ​ຂອງ​ໂຮງ­ຮຽນ​ອີກ.</p> <p style="text-align: justify;"> ນ້ອງ​ທັງ​ສອງ​ກ່າວ​ຕື່ມ​ວ່າ: ສຳ­ລັບ​ການ​ຮຽນ​ຮູ້­ສຶກ​ວ່າ​ເລີ່ມ​ມີ​ຜົນ­ງານ​ການ​ຮຽນ​ດີ​ມາ​ແຕ່​ຫ້ອງ ປ.3 ອາດ​ຈະ​ເປັນ​ເພາະ​ເງື່ອນ­ໄຂ​ສ່ວນ​ຕົວ ລວມ​ທັງ​ພອນ​ສະ­ຫວັນ ເຮັດ​ໃຫ້​ຜົນ​ການ​ຮຽນ​ແມ່ນ​ຢູ່​ໃນ​ລະ­ດັບ​ແຖວ​ໜ້າ​ມາ​ໂດຍ​ຕະ­ຫຼອດ ເຊິ່ງ​ທັງ​ສອງ​ເປັນ​ເພື່ອນ​ຮຽນ​ດ້ວຍ​ກັນ​ມາ​ແຕ່​ຊັ້ນ ປ.1 ຈົນ​ເຖິງ​ປັດ­ຈຸ­ບັນ ມີ​ຫຍັງ​ກໍ​ຊ່ວຍ­ເຫຼືອ​ກັນ ຊຸກ­ຍູ້​ກັນ​ໃນ​ການ​ຮ່ຳ­ຮຽນ ທັງ​ແຂ່ງ­ຂັນ​ກັນ​ຮ່ຳ­ຮຽນ ຈົນ​ເຮັດ​ໃຫ້​ພວກ​ເຂົາ​ທັງ​ສອງ ກາຍ­ເປັນ​ນັກ­ຮຽນ​ເກັ່ງ ເປັນ​ທີ່​ຍອມ­ຮັບ​ຂອງ​ໝູ່​ເພື່ອນ ແລະ ຄູ ອາ­ຈານ​ວ່າ: <strong>ເປັນ​ນັກ­ຮຽນ​ເກັ່ງ​ຮອບ­ດ້ານ.</strong></p> <p style="text-align: justify;"> ເມື່ອ​ຖາມ​ເຖິງ​ແຜນ­ການ​ໃນ​ອະ­ນາ­ຄົດ ທັງ​ສອງ​ກໍ​ຕອບ​ວ່າ: ບໍ່​ທັນ​ມີ​ແຜນ­ການ​ຫຍັງ ມີ​ແຕ່​ຈະ​ຮຽນ​ໄປ​ເລື້ອຍໆ ຮຽນ​ໃຫ້​ເກັ່ງ ແລະ ຮຽນ​ໃຫ້​ສູງ​ທີ່​ສຸດ ເທົ່າ​ທີ່​ຈະ​ສາ­ມາດ​ຮຽນ​ໄດ້ ເພາະ​ຄອບ­ຄົວ​ໃຫ້­ການ​ສະ­ໜັບ­ສະ­ໜູນ​ເຕັມ­ທີ່ ເມື່ອ​ຮອດ​ມື້​ນັ້ນ­ແລ້ວ ຈຶ່ງ​ຈະ​ຄິດ​ວ່າ​ຈະ​ເຮັດ​ຫຍັງ ? ເພາະ​ຄິດ​ວ່າ ການ​ສຶກ​ສາ​ຮ່ຳ­ຮຽນ ຄົງ​ຈະ​ຊ່ວຍ​ເປັນ​ເຂັມ­ທິດ​ເຍືອງ​ທາງ ໃຫ້​ມີ​ແນວ​ຄວາມ​ຄິດ​ດີໆ ທີ່​ໄປ​ເຖິງ​ຈຸດ­ໝາຍ​ທີ່​ຫວັງ​ໄວ້.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ