ຊ່ວຍສົ່ງເສີມວັດທະນະທຳລາວ

2.549 24 ພ.ພ. 2011 ສຶກສາ

<p style="text-align: justify;"> ການ​ສົ່ງ­ເສີມ​ອະ­ນຸ​ຮັກ​ວັດ­ທະ­ນະ­ທຳ​ລາວ ມີ​ຫຼາຍ​ຮູບ​ແບບ ແຕ່​ກໍ​ສາ­ມາດ​ສັງ​ລວມ​ອອກ​ໄດ້​ສອງ​ຮູບ​ແບບ ຄື: ທາງ​ກົງ ແລະ ທາງ​ອ້ອມ ຕ່າງ​ແຕ່​ວ່າ​ແຕ່­ລະ­ຄົນ ຈະ​ມີ​ວິ­ທີ​ການ​ແຕກ​ຕ່າງ​ກັນ ເພາະ​ສິ­ລະ​ປະ​ວັດ­ທະ­ນະ­ທຳ​ຂອງ​ຊາດ ເປັນ​ເລື່ອງ​ທີ່​ລະ­ອຽດ​ອ່ອນ ມີ​ຫຼາກ​ຫຼາຍ​ແງ່​ມູມ​ທີ່​ສະ­ແດງ​ອອກ ແຕ່​ສ່ວນ​ຫຼາຍ​ທີ່​ເປັນ​ເອ­ກະ­ລັກ​ໂດດ​ເດັ່ນ ເມື່ອ​ໃຜ​ພົບ​ເຫັນ​ກໍ​ຈະ​ຮູ້​ໄດ້​ທັນ­ທີ​ວ່າ ແມ່ນ​ວັດ­ທະ­ນະ­ທຳ​ລາວ ຄື: ການ​ນຸ່ງ​ຖື​ຂອງ​ແມ່­ຍິງ​ລາວ​ນັ້ນ ແມ່ນ​ການ​ນຸ່ງ​ສີ້ນ​ມີ​ຕີນ ເກົ້າ­ຜົມ ບ່ຽງ​ແພ ບວກ​ກັບ​ການ​ນົບ​ໄຫວ້ ຮອຍ​ຍິ້ມ ແລະ ການ​ຕ້ອນ­ຮັບ​ທີ່​ນອບ​ນ້ອມ ອ່ອນ​ຫວານ ເປັນ​ໄມ­ຕີ​ຈິດ​ທີ່​ດີ ນັ້ນ​ຄື​ວັດ­ທະ­ນະ­ທຳ​ຂອງ​ລາວ​ແທ້​ຈິງ.</p> <p style="text-align: justify;"> ທ່ານ​ນາງ ອິ​ສຸ​ໂກະ ອາ­ສາ​ສະ­ໝັກ​ຍີ່­ປຸ່ນ ຢູ່​ສູນ​ພັດ­ທະ­ນາ​ໄວ​ໜຸ່ມ ເພື່ອ​ສຸ­ຂະ­ພາບ ນະ­ຄອນ­ຫຼວງ​ວຽງ​ຈັນ ກໍ​ແມ່ນ​ຊາວ​ຕ່າງ­ປະ­ເທດ​ຄົນ​ໜຶ່ງ ທີ່​ມັກ​ຮັກ​ໃນ​ການ​ນຸ່ງ​ຖື​ແບບ​ປະ­ເພ­ນີ​ວັດ­ທະ­ນະ­ທຳ​ລາວ ໂດຍ​ສະ­ເພາະ​ການ​ນຸ່ງ​ສີ້ນ ຜູ້​ຂຽນ​ເອງ​ໄດ້​ມີ​ໂອ­ກາດ​ພົບ​ປະ​ບໍ່​ພຽງ​ເທົ່າ­ໃດ​ນາ­ທີ ກໍ​ຮູ້​ໄດ້​ເຖິງ​ຄວາມ​ຮັກ ແລະ ມັກ​ຕໍ່​ການ​ອະ­ນຸ​ຮັກ ຮັກ­ສາ​ສິ­ລະ​ປະ​ວັດ­ທະ­ນະ­ທຳ​ຂອງ​ລາວ ເມື່ອ​ເຫັນ​ຢ່າງ​ຜິວ​ເຜີນ ຈະ​ບໍ່​ສາ­ມາດ​ເບິ່ງ​ອອກ​ໄດ້​ເລີຍ​ວ່າ​ເປັນ​ຄົນ​ຕ່າງ​ດ້າວ ຖ້າ​ບໍ່​ໄດ້​ພົບ​ປະ​ໂອ້​ລົມ​ດ້ວຍ​ຕົນ​ເອງ ເພາະ​ຍ້ອນ​ການ​ປັບ​ສະ­ພາບ​ການ​ຮຽນ​ຮູ້ ຊຶມ​ຊັບ​ທາງ​ດ້ານ​ວັດ­ທະ­ນະ­ທຳ ໂດຍ​ສະ­ເພາະ​ການ​ນຸ່ງ​ຖື ມາ­ລະ­ຍາດ​ການ​ນົບ​ໄຫວ້ ເຮັດ​ໃຫ້​ເຂົ້າ­ໃຈ​ວ່າ​ແມ່ນ​ຄົນ​ລາວ ແຕ່​ພໍ​ສອບ​ຖາມ​ຈຶ່ງ​ຮູ້​ວ່າ​ແມ່ນ​ຄົນ​ຍີ່­ປຸ່ນ ມາ​ເຮັດ​ໜ້າ­ທີ່​ເປັນ​ອາ­ສາ​ສະ­ໝັກ​ຢູ່​ລາວ ໄດ້​ຫຼາຍ​ປີ​ແລ້ວ.</p> <p style="text-align: justify;"> ລາວ​ໄດ້​ກ່າວ​ວ່າ: ພູມ­ໃຈ​ດີ­ໃຈ​ທີ່​ໄດ້​ມີ​ໂອ­ກາດ​ມາ​ເຮັດ​ວຽກ​ຢູ່​ລາວ ໂດຍ​ສະ­ເພາະ​ໄດ້​ມີ​ໂອ­ກາດ​ໄດ້​ສຳ​ພັດ​ກັບ​ການ​ດຳ­ລົງ​ຊີ­ວິດ​ແບບ​ລາວໆ ຕາມ​ທຳ​ມະ​ດາ​ແລ້ວ ໜ້າ­ທີ່​ຮັບ­ຜິດ­ຊອບ ຕ້ອງ​ໄດ້​ພົບ​ປະ​ກັບ​ຊຸມ​ຊົນ​ໄວ​ໜຸ່ມ​ລາວ​ເປັນ​ປະ­ຈຳ ເຮັດ​ວຽກ​ລົງ​ເລິກ​ໂຄງ­ການ​ຕ້ານ​ເອດ ເພາະ­ສະ­ນັ້ນ ອັນ​ໃດ​ທີ່​ເປັນ​ແບບ­ຢ່າງ​ທີ່​ດີ​ໃຫ້​ແກ່​ໄວ​ໜຸ່ມ ກໍ​ຕ້ອງ​ເຮັດ ໂດຍ​ເລີ່ມ​ຈາກ​ກິ­ລິ­ຍາ​ມາ­ລະ­ຍາດ​ການ​ນຸ່ງ​ຖື ເພື່ອ​ເປັນ​ການ​ປູກ​ຈິດ​ສຳ­ນຶກ​ອັນ​ດີ​ໃຫ້​ແກ່​ໄວ​ໜຸ່ມ ໃຫ້​ເຫັນ​ວ່າ ວັດ­ທະ­ນະ­ທຳ​ການ​ນຸ່ງ​ຖື​ແບບ​ແມ່­ຍິງ​ລາວ ແມ່ນ​ງົດ​ງາມ ເປັນ​ລະ­ບຽບ​ຮຽບ​ຮ້ອຍ ເຊິ່ງ​ຄົນ​ລຸ້ນ​ຫຼັງ​ກໍ​ຄວນ​ຈະ​ສືບ​ສານ​ຕໍ່ ວັດ­ທະ­ນະ­ທຳ​ອັນ​ດີ­ງາມ​ນີ້​ໄວ້ ເພື່ອ​ເອກ­ອ້າງ​ຕໍ່​ແຂກ​ຄົນ​ທີ່​ເຂົ້າ​ມາ​ທ່ອງ​ທ່ຽວ​ປະ­ເທດ​ລາວ.</p> <p style="text-align: justify;"> ເພາະ­ສະ­ນັ້ນ ຊາວ​ໜຸ່ມ​ໄວ​ໜຸ່ມ​ລາວ ກໍ​ຄື​ຄົນ​ລາວ​ທຸກ​ທົ່ວ​ໜ້າ ຄວນ​ມາ​ຊ່ວຍ​ກັນ​ສົ່ງ­ເສີມ​ວັດ­ທະ­ນະ­ທຳ​ອັນ​ດີ­ງາມ​ຂອງ​ຊາດ​ລາວ​ໄວ້ ບໍ່​ແມ່ນ​ຈະ​ຖ້າ​ແຕ່​ຍາມ​ມີ​ບຸນ ສິນ ກິນ​ທານ ຫຼື ບຸນ​ປະ­ເພ­ນີ ຈຶ່ງ​ພາ­ກັນ​ນຸ່ງ​ສີ້ນ ຄວນ​ຈະ​ນຸ່ງ​ເປັນ​ປະ­ຈຳ ໂດຍ​ສະ­ເພາະ ໃນ​ສະ­ຖານ­ທີ່​ສາ­ທາ­ລະ­ນະ​ຊົນ ຕ້ອງ​ສຳ­ນຶກ​ໃນ​ໃຈ​ສະ­ເໝີ​ວ່າ ເປັນ​ລູກ​ລາວ​ຫຼານ​ລາວ ເລືອດ​ລາວ ຕ້ອງ​ຊ່ວຍ​ກັນ​ປົກ​ປັກ​ຮັກ­ສາ ອະ­ນຸ​ຮັກ​ວັດ­ທະ­ນະ­ທຳ​ອັນ​ດີ­ງາມ​ຂອງ​ຊາດ​ລາວ ໄວ້​ຕະ­ຫຼອດ​ໄປ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ