ຂ່າວຫຼ້າສຸດ

ເຕືອນສະຕິຍິງສາວທີ່ພາຍກະເປົາ

3.237 11 ມ.ກ. 2011 ພັດທະນານະຄອນຫຼວງ

<p> ໃນວັນທີ2ມັງກອນ 2011 ຊຶ່ງເປັນວັນຄ້າຍວັນເກີດຂອງໝູ່ ຄົບຮອບ 25 ປີ ຈຶ່ງໄດ້ໄປຈັດງານສະເຫຼີມສະຫຼອງ ຢູ່ທີ່ຮ້ານຊີ້ນດາດແຫ່ງໜຶ່ງ ໃນນະຄອນຫຼວງວຽງຈັນ ຊຶ່ງໄດ້ເຊີນໝູ່ເພື່ອນໄປສະຫຼອງ ວັນຄ້າຍວັນເກີດເປັນຈຳນວນຫຼວງຫຼາຍ ທຸກໆຄົນ ຕ່າງກໍແຕ່ງຕົວຈົບງາມ ແລະ ກໍຖືກະເປົາໄປພ້ອມ ເມື່ອໄປເຖິງຮ້ານຊີ້ນດາດແຫ່ງນີ້ ກໍ ໄດ້ວາງກະເປົາໄວ້ຕໍ່ໜ້າໂຕະຂອງໃຜລາວ ໂດຍບໍ່ມີໃຜຄາດຄິດເລີຍວ່າ ຈະມີຄົນຮ້າຍເຂົ້າມາໃນຮ້ານດັ່ງກ່າວ ແລ້ວມາດຶງກະເປົາໄປ ດ້ວຍຄວາມວ່ອງໄວ ໃນຂະນະທີ່ທຸກ ຄົນ ມີຄວາມມ່ວນຊື່ນ ແລະ ຂາດສະຕິລະວັງຕົວ ໃນກະເປົາຂອງຜູ້ເສຍຫາຍ ມີເງິນ 7 ໝື່ນບາດ ແລະ ສາຍແອວທອງນາກ 7 ບາດ ການສູນເສຍຊັບສິນໃນຄັ້ງນີ້ ແມ່ນ ເກີດຈາກການຂາດສະຕິລະວັງຕົວ ແລະ ຄວາມບໍ່ປອດໄພຂອງຮ້ານຊີ້ນດາດແຫ່ງນັ້ນ ທີ່ປ່ອຍໃຫ້ຄົນຮ້າຍແຝງຕົວເຂົ້າມາລັກ ຫຼື ດຶງກະເປົາໄປໄດ້ ພ້ອມທັງບໍ່ອອກມາໃຫ້ ຄວາມຊ່ວຍເຫຼືອໃດໆເລີຍ.</p> <p> ການຂຽນບັນຫານີ້ຂຶ້ນມາ ກໍເພື່ອເຕືອນໃຫ້ທຸກຄົນມີສະຕິ ໃນການຮັກສາກະເປົາ ຫຼື ວັດຖຸມີຄ່າອື່ນໆໃຫ້ມີຄວາມປອດໄພ ຄຽງຄູ່ກັນນັ້ນ ບັນດາຫ້າງຮ້ານບໍລິການຕ່າງໆ ຈົ່ງ ຮັກສາຄວາມປອດໄພຂອງລູກຄ້າໃຫ້ດີ ຖ້າເປັນໄປໄດ້ ຂໍໃຫ້ຕິດກ້ອງວົງຈອນປິດ ເພື່ອໃຫ້ເປັນຫຼັກຄ້ຳປະກັນ ເຖິງຄວາມປອດໄພ ແລະ ສິ່ງນີ້ ສາມາດເປັນຫຼັກຖານໃນ ການຈັບຄົນຮ້າຍໄດ້ ພ້ອມກັນນັ້ນ ກໍຮຽກຮ້ອງມາຍັງໝົດທຸກຄົນໃນສັງຄົມ ຈົ່ງເປັນຫູເປັນຕາຊ່ວຍເຈົ້າໜ້າທີ່ ໃນການຕິດຕາມກຸ່ມຄົນບໍ່ດີ ໂດຍສະເພາະແມ່ນ ຄົນຂີ້ລັກ ທີ່ ເຄື່ອນໄຫວສ້າງຄວາມບໍ່ສະຫງົບໃຫ້ແກ່ສັງຄົມ ຖ້າພົບເຫັນການເຄື່ອນໄຫວ ແລະ ມີພຶດຕິກຳບໍ່ດີຂອງກຸ່ມຄົນເຫຼົ່ານັ້ນ ກໍໃຫ້ລາຍງານຕໍ່ອຳນາດການປົກຄອງທ້ອງຖິ່ນ ແລະ ເຈົ້າໜ້າທີ່ກ່ຽວຂ້ອງໂດຍດ່ວນ ເພື່ອເຮັດໃຫ້ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ ໂດຍພື້ນຖານ.</p> <p> <strong>ໂດຍ: ເພັດສະໝອນ</strong></p>

ຂ່າວທີ່ກ່ຽວຂ້ອງ