ຊົມເຊີຍຜູ້ທີ່ເປັນສິລະປິນຂອງຊາດລາວ ຢ່າງສຸດໃຈ

5.727 19 ພ.ພ. 2011 ພັດທະນານະຄອນຫຼວງ
ຊົມເຊີຍຜູ້ທີ່ເປັນສິລະປິນຂອງຊາດລາວ ຢ່າງສຸດໃຈ

<p style="text-align: justify;"> ການ​ທີ່​ພັກ-ລັດ­ຖະ­ບານ ສາ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນ​ລາວ ໄດ້​ມີ​ມະ­ຕິ​ຕົກ­ລົງ​ມອບ​ນາມ­ມະ­ຍົດ​ສິ­ລະ​ປິນ​ແຫ່ງ​ຊາດ ສິ­ລະ​ປິນ​ດີ­ເດັ່ນ ໃຫ້​ແກ່​ພາກ­ສ່ວນ​ວັດ­ທະ­ນະ­ທຳ​ສິ­ລະ​ປະ​ນັ້ນ ເປັນ​ກຽດ​ອັນ​ສູງ​ສົ່ງ ເປັນ­ຄວາມ​ພາກ­ພູມ​ໃຈ​ຫາ​ສິ່ງ​ໃດ​ປຽບ​ບໍ່​ໄດ້ ສຳ­ລັບ​ພວກ​ເຮົາ​ໝົດ​ທຸກ​ຄົນ ຄື​ດັ່ງ​ພວກ​ເຮົາ​ທຸກ​ຄົນ​ໄດ້​ຊາບ​ແລ້ວ​ວ່າ ຊາດ​ລາວ​ເຮົາ ຈະ​ຮຸ່ງ­ເຮືອງ​ເຫຼືອງ​ເຫຼື້ອມ ຄຸນ­ຄ່າ​ທາງ​ດ້ານ​ວັດ­ທະ­ນະ­ທຳ​ສິ­ລະ​ປະ ຈະ​ເປັນ​ຂອງ​ຕົນ​ເອງ ມີ​ເອ­ກະ­ລັກ​ໂດຍ​ສະ­ເພາະ​ຂອງ​ມັນ ຜ່ານ​ມາ​ເປັນ​ຫຼາຍ​ພັນ​ປີ​ນັ້ນ ກໍ​ຍ້ອນ​ໄດ້​ມີ​ບໍ່​ຈັກ​ເທົ່າ­ໃດ​ລຸ້ນ​ຄົນ​ທີ່​ເປັນ​ຄົນ​ລາວ ເລືອດ​ລາວ ໄດ້​ມີ​ຄວາມ​ຮັກ​ມັກ​ທາງ​ດ້ານ​ວັດ­ທະ­ນະ­ທຳ​ສິ­ລະ​ປະ​ຢ່າງ​ດູດ­ດື່ມ ຊຶ່ງ​ເຂົາ­ເຈົ້າ​ໄດ້​ກາຍ­ເປັນ​ນັກ​ຂັບ-ລຳ ມີ​ຊ່າງ​ເຮັດ​ແຄນ ມີ​ນັກ​ເປົ່າ​ແຄນ ຊ່າງ​ສ້າງ​ເຄື່ອງ​ດົນ­ຕີ​ປະ­ເພດ​ຕ່າງໆ ເຊັ່ນ: ຂຸ່ຍ ຊໍ ກະ​ຈັບ​ປີ່ ລະ­ນາດ ແລະ ອື່ນໆ ມີ​ນັກ​ປະ­ພັນ​ເພງ ນັກ​ຮ້ອງ­ເພງ ນັກ​ປະ­ດິດ​ຟ້ອນ ນັກ​ຟ້ອນ ນັກ​ເສບ ນັກ​ປະ­ສານ​ສຽງ​ດົນ­ຕີ ນັກ​ບັນ­ຊາ​ຮ້ອງ ເສບ ແລະ ອື່ນໆ ໄດ້​ມີ​ຊ່າງ​ແຕ້ມ ຊ່າງ​ຄວັດ ຊ່າງ​ປັ້ນ ຊ່າງ​ຫຼໍ່ ຊ່າງ​ຕີ​ເງິນ​ຕີ​ຄຳ ຊ່າງ​ຫັດ­ຖະ­ກຳ​ຫຍິບ​ປັກ ຖັກ​ແສ່ວ ນັກ​ສະ​ຖາ​ປັດ​ສະ­ຍະ​ກຳ​ກໍ່­ສ້າງ ໃນ​ຫຼາຍ​ປີ­ຜ່ານ­ມາ ຂະ­ແໜງ​ວັນ­ນະ­ກຳ ກໍ​ໄດ້​ເກີດ​ຂຶ້ນ ແລະ ມີ​ຫຼາຍໆ​ເລື່ອງ​ທີ່​ໄດ້​ຍົກ​ໃຫ້​ເຫັນ​ເຊັ່ນ ເລື່ອງ​ນິ­ທານ ຄຳ​ພະ​ຫຍາ ຄຳ­ທວາຍ ກໍ​ຄື​ເລື່ອງ​ຈິງ​ຄົນ​ແທ້.</p> <p style="text-align: justify;"> <strong>ອາດ​ເວົ້າ​ໄດ້​ວ່າ: </strong>ໃນ​ຫຼາຍ​ສະ­ໄໝ​ທີ່​ຜ່ານ ມາ​ພາກ­ສ່ວນ​ກໍ​ຄື​ຜູ້​ອະ­ນຸ​ຮັກ​ປົກ​ປັກ​ຮັກ­ສາ ວັດ­ທະ­ນະ­ທຳ ສິ­ລະ​ປະ​ຂອງ​ຊາດ​ລາວ​ເຮົາ ໄດ້​ທຸ້ມ­ເທ​ສະ­ຕິ​ປັນ­ຍາ ເຫື່ອ­ແຮງ​ຂອງ​ຕົນ ອອກ​ເພື່ອ​ສ້າງ ແລະ ປະ­ກອບ­ສ່ວນ​ອັນ​ສຳ­ຄັນ​ບໍ່​ໜ້ອຍ ໃຫ້​ແກ່​ມູນ­ເຊື້ອ​ຕໍ່­ສູ້​ອັນ​ພິ­ລະ​ອາດ​ຫານ ຂອງ​ປວງ​ຊົນ​ລາວ​ທັງ​ຊາດ ເພື່ອ​ຕີ​ຕ້ານ​ກັບ​ການ​ຮຸກ​ຮານ​ຈາກ​ພາຍ​ນອກ ໂດຍ​ສະ­ເພາະ​ໃນ​ໄລ­ຍະ​ຕໍ່­ສູ້​ກູ້​ຊາດ ຕ້ານ​ກັບ​ການ​ຮຸກ​ຮານ​ຂອງ​ລັດ­ທິ​ລ່າ​ຫົວ​ເມືອງ​ຂຶ້ນ​ແບບ​ເກົ່າ ແລະ ໃໝ່ ໃຕ້​ການ​ນຳ­ພາ​ຂອງ​ພັກ​ປະ­ຕິ­ວັດ ທີ່​ໄດ້​ຮັບ​ໄຊ­ຊະ­ນະ​ຢ່າງ​ສົມ­ບູນ ກໍ​ຄື​ໄລ­ຍະ​ປົກ​ປັກ​ຮັກ­ສາ ແລະ ກໍ່­ສ້າງ​ພັດ­ທະ­ນາ​ປະ­ເທດ​ຊາດ ອັນ​ແສນ​ຮັກ​ຂອງ​ພວກ​ເຮົາ​ນັ້ນ ຊາດ​ລາວ​ເຮົາ​ໄດ້​ປະ­ກົດ​ຕົວ​ບໍ່​ຈັກ​ເທົ່າ­ໃດ ນັກ­ຮົບ​ວັດ­ທະ­ນະ­ທຳ​ສິ­ລະ​ປະ ທີ່​ໄດ້​ມີ​ນ້ຳ­ໃຈ​ຮັກ​ຊາດ ຮັກ​ປະ­ຊາ­ຊົນ​ລາວ​ບັນ­ດາ­ເຜົ່າ ຄຽດ​ແຄ້ນ​ສັດ­ຕູ​ສູງ ໄດ້​ມີ​ການ​ເຝິກ­ຝົນ​ຫຼໍ່​ຫຼອມ​ຜ່ານ​ລະ­ບົບ​ໂຮງ­ຮຽນ ເຝິກ­ຝົນ​ຫຼໍ່​ຫຼອມ​ຢູ່​ໃນ​ແປວ­ໄຟ​ສົງ­ຄາມ ທີ່​ແສນ​ດຸ­ເດືອດ ທໍ­ລະ­ມານ ເຝິກ­ຝົນ​ຫຼໍ່​ຫຼອມ​ຢູ່​ໃນ​ຮາກ​ຖານ​ປະ­ຊາ­ຊົນ​ແຫ່ງ​ການ​ປົກ​ປັກ​ຮັກ­ສາ ແລະ ກໍ່­ສ້າງ​ພັດ­ທະ­ນາ​ປະ­ເທດ​ຊາດ​ບ້ານ​ເມືອງ ທີ່​ແສນ​ຮັກ​ຂອງ​ພວກ​ເຮົາ ທີ່​ເຕັມ​ໄປ​ດ້ວຍ​ຄວາມ​ເສຍ­ສະ­ຫຼະ ເຊິ່ງ​ເຂົາ­ເຈົ້າ​ເຫຼົ່າ­ນັ້ນ ໄດ້​ກາຍ­ເປັນ​ນັກ­ຮົບ​ປະ­ຕິ­ວັດ ທາງ​ດ້ານ​ວັດ­ທະ­ນະ­ທຳ​ສິ­ລະ​ປະ​ຢ່າງ​ແທ້​ຈິງ ຊຶ່ງ​ເຂົາ​ໄດ້​ຄິດ ແລະ ກະ­ທຳ​ເດີນ​ໄປ​ຕາມ​ອຸ­ດົມ​ການ ເປົ້າ​ໝາຍ​ຂອງ​ພັກ ກໍ​ຄື​ຮັບ​ໃຊ້​ຜົນ​ປະ­ໂຫຍດ​ລວມ​ຂອງ​ຊາດ ຂອງ​ປະ­ຊາ­ຊົນ​ລາວ​ບັນ­ດາ­ເຜົ່າ ຢ່າງ​ສຸດ​ກົກ​ສຸດ​ປາຍ ອັນ​ໄດ້​ເຮັດ​ໃຫ້​ພັກ-ລັດ ກໍ​ຄື​ປະ­ຊາ­ຊົນ​ລາວ​ບັນ­ດາ­ເຜົ່າ ເຊື່ອ​ໝັ້ນ ໄວ້​ວາງ­ໃຈ​ຕໍ່​ກຳ­ລັງ​ດັ່ງ­ກ່າວ ຢ່າງ​ຕະ­ຫຼອດ​ໄປ.</p> <p style="text-align: justify;"> <strong>ຂຽນ​ໂດຍ: ຄຳ​ໃສ ປັນ­ຍາ​ທິບ</strong></p>

ຂ່າວທີ່ກ່ຽວຂ້ອງ