ການຮ່ວມມືກັບພາກພື້ນ ເພື່ອຍົກມາດຕະຖານການຮຽນ-ການສອນ

1.725 19 ພ.ພ. 2011 ສຶກສາ

<p style="text-align: justify;"> ການ​ສຶກ​ສາ​ຢູ່​ປະ­ເທດ​ເຮົາ ແມ່ນ​ມີ​ການ​ຂະ­ຫຍາຍ­ຕົວ​ພໍ​ສົມ­ຄວນ ເຊິ່ງ​ມາ​ເຖິງ​ປັດ­ຈຸ­ບັນ ອັດ­ຕາ​ການ​ເຂົ້າ​ຮຽນ​ຂອງ​ເດັກ​ໃນ​ເກນ​ອາ­ຍຸ 3-4 ປີ ບັນ­ລຸ​ໄດ້ 14,6% ລື່ນ​ແຜນ­ທີ່​ວາງ​ໄວ້​ຄື 10,4% ອັດ­ຕາ​ການ​ເຂົ້າ​ຮຽນ​ຂອງ​ເດັກ​ໃນ​ເກນ​ອາ­ຍຸ 6-10 ປີ ໄດ້​ເພີ່ມ​ຂຶ້ນ​ຈາກ 84,2% ໃນ​ສົກ​ປີ 2005-2006 ມາ​ເປັນ 93% ໃນ​ສົກ​ປີ 2009-2010 ເຊິ່ງ​ເປັນ​ການ​ຂະ­ຫຍາຍ​ຕາ​ໜ່າງ​ການ​ສຶກ​ສາ ໃນ​ລະ­ດັບ​ສາ­ມັນ​ສຶກ​ສາ ຄຽງ​ຄູ່​ກັນ​ນັ້ນ ການ​ຂະ­ຫຍາຍ­ຕົວ​ຂອງ​ການ​ສຶກ​ສາ ຂອງ​ພາກ​ເອ­ກະ​ຊົນ​ໃນ​ລະ­ດັບ​ຕ່າງໆ ກໍ​ເພີ່ມ​ຂຶ້ນ​ເຊັ່ນ​ດຽວ​ກັນ ເຫັນ​ໄດ້​ວ່າ​ມີ​ຄວາມ​ສອດ­ຄ່ອງ ກັບ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ກໍ​ຄື​ການ​ສະ­ໜອງ​ແຮງ​ງານ​ທີ່​ມີ​ຄວາມ​ຮູ້ ຄວາມ​ສາ­ມາດ ເຂົ້າ​ໃນ​ຕະ­ຫຼາດ​ແຮງ​ງານ.</p> <p style="text-align: justify;"> ທ່ານ ດຣ. ຄຳ​ແສນ ສີ­ສະ​ວົງ ປະ­ທານ​ກຸ່ມ​ການ​ສຶກ​ສາ​ແສງ​ສະ­ຫວັນ ກ່າວ​ວ່າ: ອີງ­ໃສ່​ການ​ພົບ​ປະ​ຄັ້ງ​ທຳ​ອິດ ກັບ​ການ​ນຳ​ຂອງ​ມະ­ຫາ­ວິ­ທະ­ຍາ­ໄລ ຊູ​ໂຈ ປະ­ເທດ​ຈີນ ເຊິ່ງ​ທັງ​ສອງ​ຝ່າຍ ແມ່ນ​ໄດ້​ມີ​ການ​ສົນ­ທະ­ນາ​ການ​ຮ່ວມ​ມື​ກັນ ທາງ​ດ້ານ​ວິ­ຊາ​ການ ເພື່ອ​ໃຫ້​ມີ​ການ​ແລກ­ປ່ຽນ​ປະ­ສົບ​ການ​ລະ­ຫວ່າງ​ຄູ-ອາ­ຈານ ທັງ​ສອງ​ຝ່າຍ​ມີ​ການ​ເປີດ​ສອນ​ພາ­ສາ​ຈີນ ຢູ່​ມະ­ຫາ­ວິ­ທະ­ຍາ­ໄລ​ແສງ​ສະ­ຫວັນ ລະ­ດັບ​ສາ­ມັນ ແລະ ວິ­ທະ­ຍາ­ໄລ ເຊິ່ງ​ຈະ​ໄດ້​ເປີດ​ໃນ​ລະ­ຫວ່າງ​ເດືອນ 6-7 ທີ່​ຈະ​ມາ​ເຖິງ ແລະ ຍັງ​ຈະ​ເປີດ​ໃຫ້​ມີ​ການ​ຮຽນ​ກຽມ​ພາ­ສາ​ຈີນ ເພື່ອ​ສາ­ມາດ​ໃຫ້​ນັກ​ສຶກ​ສາ​ລາວ​ຜູ້​ທີ່​ມີ​ເງື່ອນ­ໄຂ ສາ­ມາດ​ໄປ​ຮຽນ​ຢູ່ ສປ ຈີນ ເຊິ່ງ​ຈະ​ເປີດ​ສອນ​ໃນ​ມໍ່ໆ​ນີ້ ແຕ່​ສຳ­ລັບ​ຕໍ່​ໄປ​ນັ້ນ ທັງ​ສອງ​ຝ່າຍ​ຈະ​ຮ່ວມ​ກັນ ເປີດ​ສອນ​ໃນ​ລະ­ດັບ​ປະ­ລິນ­ຍາ​ຕີ ວິ­ຊາ​ຊີບ ເຊັ່ນ: ບໍ­ລິ­ຫານ​ທຸ­ລະ​ກິດ ການ​ເງິນ ແລະ ຂະ­ແໜງ­ການ​ອື່ນໆ ທີ່​ສອນ​ເປັນ​ພາ­ສາ​ຈີນ ເຊິ່ງ​ການ​ຮ່ວມ​ມື​ຄັ້ງ​ນີ້ ເປັນ​ວິ­ທະ­ຍາ­ໄລ​ແຫ່ງ​ທຳ​ອິດ​ໃນ​ລາວ ທີ່​ທາງ​ມະ­ຫາ­ວິ­ທະ­ຍາ­ໄລ ຊູ​ໂຈ ໄດ້​ຮ່ວມ​ມື​ໃນ​ການ­ຈັດ­ຕັ້ງ​ການ​ຮຽນ-ການ​ສອນ ນອກ­ຈາກ​ນັ້ນ ຍັງ​ຈະ​ມີ​ເປີດ​ສອນ​ໃນ​ເວ­ລາ​ປິດ​ຮຽນ ຫຼື ພາ­ສາ​ສາ­ກົນ​ວ່າ: Summer ທີ່​ຮຽນ​ພາ­ສາ​ຈີນ​ຢູ່​ລາວ​ໜຶ່ງ​ເດືອນ ແລ້ວ­ໄປ​ຮຽນ​ຢູ່​ຈີນ​ໜຶ່ງ​ເດືອນ ໃນ​ລາ­ຄາ​ຖືກ​ທີ່​ສຸດ ເຊິ່ງ​ຈະ​ມີ​ຜົນ​ດີ​ຕໍ່​ນັກ­ຮຽນ ນັກ​ສຶກ​ສາ​ລາວ​ເຮົາ ການ​ຮ່ວມ​ມື​ດັ່ງ­ກ່າວ ເບື້ອງ​ຕົ້ນ​ແມ່ນ​ມີ​ໄລ­ຍະ​ເວ­ລາ 10 ປີ ແລະ ສາ­ມາດ​ສືບ­ຕໍ່​ໄດ້.</p> <p style="text-align: justify;"> ສຳ­ລັບ​ວິ­ທະ­ຍາ­ໄລ​ແສງ​ສະ­ຫວັນ ນອກ­ຈາກ​ໄດ້​ຮ່ວມ​ມື​ກັບ​ມະ­ຫາ­ວິ­ທະ­ຍາ­ໄລ ຊູ​ໂຈ ແລ້ວ ໃນ​ໄລ­ຍະ​ຜ່ານ​ມາ ຍັງ​ໄດ້​ຮ່ວມ​ມື​ກັບ​ມະ­ຫາ­ວິ­ທະ­ຍາ­ໄລ​ຮຸງ​ເຫງືອງ (ໄຊ​ງ່ອນ) ມະ­ຫາ­ວິ­ທະ­ຍາ­ໄລ​ວິງ ແລະ ຍັງ​ໄດ້​ຮ່ວມ​ກັບ​ມະ­ຫາ­ວິ­ທະ­ຍາ­ໄລ​ບົວ­ລະ­ພາ (ປະ­ເທດ​ໄທ) ເຊິ່ງ​ໄດ້​ເຊັນ​ສັນ­ຍາ​ຮ່ວມ​ມື​ກັນ​ເປັນ​ທີ່​ຮຽບ​ຮ້ອຍ​ແລ້ວ ແລະ ກຳ­ລັງ​ຈະ​ເລີ່ມ ໂດຍ​ພວກ​ເຮົາ​ໄດ້​ເລັງ​ໄວ້​ວ່າ: ບັນ­ດາ​ປະ­ເທດ​ອາ​ຊຽນ​ໃກ້​ຄຽງ ພວກ​ເຮົາ​ຕ້ອງ​ມີ​ການ​ຮ່ວມ​ມື​ໃນ​ພາກ​ພື້ນ​ເສຍ​ກ່ອນ ເພື່ອ​ສອດ­ຄ່ອງ​ກັບ​ການ​ພັດ­ທະ­ນາ​ໃນ​ປັດ­ຈຸ­ບັນ ເພາະ​ການ​ສຶກ​ສາ​ໃນ​ປະ­ເທດ​ເຮົາ ພັກ-ລັດ­ຖະ­ບານ ໄດ້​ຊີ້​ນຳ​ໃຫ້​ສຸມ​ໃສ່​ປັບ­ປຸງ​ຄຸນ​ນະ​ພາບ​ການ​ສຶກ​ສາ ເຮັດ​ແນວ­ໃດ​ໃຫ້​ເຊື່ອມ​ໂຍງ​ກັບ​ພາກ​ພື້ນ​ໃຫ້​ໄດ້ ດັ່ງ­ນັ້ນ ການ​ຮ່ວມ​ມື​ກັບ​ສະ​ຖາ​ບັນ​ການ​ສຶກ​ສາ​ຂອງ​ປະ­ເທດ​ຕ່າງໆ ເພື່ອ​ເປັນ​ການ​ຢັ້ງ­ຢືນ​ໃຫ້­ການ​ສຶກ​ສາ​ໃນ​ວິ­ທະ­ຍາ­ໄລ​ພວກ​ເຮົາ ໄດ້​ຮັບ​ມາດ­ຕະ­ຖານ​ທຽບ​ເທົ່າ​ກັບ​ສາ­ກົນ ແລະ ພາກ​ພື້ນ.</p> <p style="text-align: justify;"> ທັງ​ໝົດ​ທີ່​ທ່ານ ຄຳ​ແສງ ສີ­ສະ​ວົງ ກ່າວ​ມາ​ນັ້ນ ຖື​ໄດ້​ວ່າ​ເປັນ​ການ​ປະ­ກອບ­ສ່ວນ​ອັນ​ສຳ­ຄັນ ໃນ​ຂະ­ແໜງ­ການ​ສຶກ​ສາ​ຢູ່​ບ້ານ​ເຮົາ ໂດຍ​ສະ­ເພາະ​ແມ່ນ ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ເຊິ່ງ​ຖື​ໄດ້​ວ່າ ມີ​ຄວາມ​ເໝາະ​ສົມ​ຕໍ່​ກັບ​ການ­ຈັດ­ຕັ້ງ​ແຜນ​ຍຸດ​ທະ​ສາດ ໃນ​ການ​ພັດ­ທະ­ນາ​ການ​ສຶກ​ສາ.</p> <p style="text-align: justify;"> <strong>ໂດຍ: ສ.ແສງ​ງາມ</strong></p>

ຂ່າວທີ່ກ່ຽວຂ້ອງ