ຂ່າວຫຼ້າສຸດ

ຜົນສຳເລັດຂອງການສອບເສັງນັກຮຽນເກັ່ງ ຂັ້ນນະຄອນຫຼວງວຽງຈັນ

3.826 27 ມ.ສ. 2011 ສຶກສາ
ຜົນສຳເລັດຂອງການສອບເສັງນັກຮຽນເກັ່ງ ຂັ້ນນະຄອນຫຼວງວຽງຈັນ

<p style="text-align: justify;"> ການ​ສອບ​ນັກ­ຮຽນ​ເກັ່ງ​ຂັ້ນ​ນະ­ຄອນ­ຫຼວງ​ວຽງ​ຈັນ ຄັ້ງ​ທີ XVI ສຳ­ລັບ​ນັກ­ຮຽນ ຂັ້ນ ປ5 ຄັ້ງ​ທີ II ຂັ້ນ ມ4 ແລະ ຄັ້ງ​ທີ I ຂັ້ນ ມ7 ປະ­ຈຳ​ສົກ­ຮຽນ 2010-2011 ໄດ້​ຈັດ​ຂຶ້ນ​ໃນ​ວັນ​ທີ 15 ມີ­ນາ 2011 ທີ່​ຜ່ານ​ມາ ຢູ່​ທີ່​ໂຮງ­ຮຽນ​ມັດ­ທະ­ຍົມ​ສຶກ​ສາ​ສົມ­ບູນ​ວຽງ​ຈັນ.</p> <p style="text-align: justify;"> ການ​ແຂ່ງ­ຂັນ​ໄດ້​ດຳ­ເນີນ​ເປັນ 3 ຂັ້ນ​ຕອນ ຄື: ຂັ້ນ​ໂຮງ­ຮຽນ ຂັ້ນ​ເມືອງ ແລະ ນະ­ຄອນ­ຫຼວງ ເຊິ່ງ​ແຕ່​ລະ​ໂຮງ­ຮຽນ​ໄດ້​ຈັດ­ການ​ແຂ່ງ­ຂັນ ຄັດ​ເລືອກ​ເອົາ​ຕົວ​ແທນ​ຂອງ​ໂຮງ­ຮຽນ​ເຂົ້າ​ຮ່ວມ​ການ​ແຂ່ງ­ຂັນ​ຊັ້ນ​ປະ­ຖົມ ເລືອກ​ເອົາ​ວິ­ຊາ​ລະ 2 ຄົນ ລວມ 6 ຄົນ ໃນ​ແຕ່​ລະ​ແຫ່ງ ມັດ­ທະ­ຍົມ​ຕົ້ນ ແລະ ປາຍ ຄັດ​ເລືອກ​ເອົາ​ນັກ­ຮຽນ 140 ຄົນ​ລົງ​ມາ ເອົາ​ວິ­ຊາ​ລະ 2 ຄົນ ເຂົ້າ​ແຂ່ງ­ຂັນ ຖ້າ​ຫາກ​ໂຮງ­ຮຽນ​ໃດ​ມີ​ຈຳ­ນວນ​ນັກ­ຮຽນ​ຫຼາຍ​ກ່ວ​າ​ນັ້ນ​ຂຶ້ນ​ເມືອ ແມ່ນ​ຄັດ​ເອົາ​ອັດ­ຕາ​ສ່ວນ​ໃຫ້ 70 ຂຶ້ນ​ໄປ.</p> <p style="text-align: justify;"> ຜູ້​ເຂົ້າ​ຮ່ວມ​ແຂ່ງ­ຂັນ​ຊັ້ນ​ປະ­ຖົມ ວິ­ຊາ​ຄະ­ນິດ­ສາດ ມີ 46 ຄົນ ຍິງ 23 ຄົນ ວິ­ຊາ​ໂລກ​ອ້ອມ​ຕົວ 46 ຄົນ ຍິງ 33 ຄົນ ແລະ ວິ­ຊາ​ພາ­ສາ​ລາວ-ວັນ­ນະ­ຄະ­ດີ 46 ຄົນ ຍິງ 38 ຄົນ ຂັ້ນ ມ4 ແລະ ມ7 ແຂ່ງ­ຂັນ 4 ວິ­ຊາ ຄື: ວິ­ຊາ​ຄະ­ນິດ­ສາດ ຟີ​ຊິກ​ສາດ ເຄ​ມີ​ສາດ ແລະ ວິ­ຊາ​ພາ­ສາ​ລາວ-ວັນ­ນະ­ຄະ­ດີ ສະ­ເພາະ​ຂັ້ນ ມ4 ມີ​ນັກ­ຮຽນ​ເຂົ້າ​ແຂ່ງ­ຂັນ ທັງ​ໝົດ 209 ຄົນ ຍິງ 124 ຄົນ ສ່ວນ​ຂັ້ນ ມ7 ມີ 200 ຄົນ ຍິງ 103 ຄົນ ລວມ​ນັກ­ຮຽນ​ທັງ​ໝົດ 547 ຄົນ ຍິງ 308 ຄົນ.</p> <p style="text-align: justify;"> ຜົນ​ການ​ແຂ່ງ­ຂັນ​ອັນ​ດັບ​ໜຶ່ງ​ຂອງ​ຂັ້ນ​ປະ­ຖົມ ວິ­ຊາ​ພາ­ສາ​ລາວ-ວັນ­ນະ­ຄະ­ດີ ແມ່ນ​ນາງ ວິ​ວັນ ວັດ­ທະ­ນາ ຈາກ​ປະ­ຖົມ​ສິນ​ໄຊ ວິ­ຊາ​ຄະ­ນິດ­ສາດ ນາງ ມຸກ​ຈິນ­ດາ ລັດ­ຕະ­ນະ​ໄຊ ໂຮງ­ຮຽນ​ນິ​ຣະ​ດາ ວິ­ຊາ​ໂລກ​ອ້ອມ​ຕົວ ນາງ ພອນ​ສະ­ຫວັນ ແກ້ວ​ວິ­ໄລ ປະ­ຖົມ​ທົ່ງ​ກາງ ຂັ້ນ ມ4 ວິ­ຊາ​ເຄ​ມີ​ສາດ ນາງ ມະ​ໄລ​ວອນ ດວງ​ດາ­ລາ ວິ­ຊາ​ຟີ​ຊິກ​ສາດ ນາງ ທິ­ດາ​ທິບ ກຸນ​ນາ​ວົງ ທັງ​ສອງ​ມາ​ຈາກ ມ.ສ ວຽງ​ຈັນ ສ່ວນ​ວິ­ຊາ​ພາ­ສາ​ລາວ-ວັນ­ນະ­ຄະ­ດີ ນາງ ລັດ­ສະ­ໝີ ລັດ­ຕະ­ນະ​ວົງ ແລະ ວິ­ຊາ​ຄະ­ນິດ­ສາດ ທ້າວ ລັດ­ຕະ­ນະ​ພົງ ຈຸນ​ລະ​ມະ­ນີ ທັງ​ສອງ​ມາ​ຈາກ ມ.ຕົ້ນ ສິນ​ໄຊ.</p> <p style="text-align: justify;"> ສຳ­ລັບ​ການ​ແຂ່ງ­ຂັນ​ນັກ­ຮຽນ​ເກັ່ງ​ຂັ້ນ ມ7 ທຸກ​ວິ­ຊາ ມ.ສ ວຽງ​ຈັນ ແມ່ນ​ໄດ້​ອັນ​ດັບ 1 ທັງ​ໝົດ ວິ­ຊາ​ພາ­ສາ​ລາວ-ວັນ­ນະ­ຄະ­ດີ ແມ່ນ​ນາງ ນຸດ​ຊະ​ນາດ ສຸ­ລິ­ຍະ​ພົງ­ພັນ ຄະ­ນິດ­ສາດ ແມ່ນ​ນາງ ມາ​ຍຸ​ລີ ທາ​ລົງ​ແສງ​ຈັນ ເຄ​ມີ​ສາດ ແມ່ນ​ນາງ ສີ​ລິ​ວັນ​ເພັນ ໄຊ​ຍະ​ວົງ ແລະ ວິ­ຊາ​ຟີ​ຊິກ​ສາດ ແມ່ນ​ທ້າວ ວິ­ໄລ​ວອນ ທຳ​ມະ​ສິດ.</p> <p style="text-align: justify;"> ນອກ­ຈາກ​ນີ້ ກໍ​ມີ​ເດັ່ນ​ປະ­ເພດ II ແລະ III ປະ­ເພດ​ລະ 13 ຄົນ ລວມ 26 ຄົນ ຍິງ 12 ຄົນ ແລະ ຍັງ​ໄດ້​ມີ​ລາ­ງວັນ​ຊົມ­ເຊີຍ​ອີກ 112 ຄົນ ຍິງ 68 ຄົນ ເຊິ່ງ​ໄດ້​ຈັດ​ພິ­ທີ​ມອບ​ໃບ​ຍ້ອງ­ຍໍ ແລະ ຂອງ­ຂວັນ​ລາ­ງວັນ​ໃຫ້​ແກ່​ນັກ​ແຂ່ງ­ຂັນ ໃນ​ທ້າຍ​ເດືອນ​ມີ­ນາ 2011 ທີ່​ຜ່ານ​ມາ​ຢູ່​ທີ່ ມ.ສ ວຽງ​ຈັນ ໂດຍ​ການ​ເປັນ​ປະ­ທານ​ຂອງ​ທ່ານ ສົມ­ບັດ ເຢຍ​ລີ​ເຮີ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ແລະ ພາກ­ສ່ວນ​ທີ່​ກ່ຽວ­ຂ້ອງ ເຂົ້າ​ຮ່ວມ​ໃນ​ງານ​ດັ່ງ­ກ່າວ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ